पुणे-माजी खासदार संजय काकडे हे रस्त्यावर फिरून ,घरोघरी, दुकानोदुकानी , हॉटेलात फिरून नागरिकांच्या पर्यंत पंतप्रधान नरेंद्र मोदी यांनी केलेल्या कामाची पुस्तिका स्वहस्ते पोहोचवीत आहेत त्यांचे हे कार्य निश्चित कौतुकास्पद आहे असे पालकमंत्री चंद्रकांतदादा पाटील यांनी म्हटले आहे . दरम्यान शिवाजीनगर मतदार संघ काकडे यांनी ढवळून काढला , काल सकाळपासून या मतदारसंघात त्यांनी रात्री उशिरापर्यंत नागरिकांशी संपर्क साधला आणि पुस्तिकेचे वाटप केले .

आझाद यांच्यावरील हल्लेखोरांवर कठोर कारवाई करावी

पुणे : भीम आर्मीचे प्रमुख चंद्रशेखर आझाद यांच्यावर उत्तर प्रदेश मध्ये झालेला हल्ला दुर्दैवी आहे. विचारांची लढाई विचारांनी लढली पाहिजे. या हल्ल्याचा निषेध करतो. राजकीय नेत्यांच्या सुरक्षेची जबाबदारी सरकारची आहे. सरकारने याची सखोल चौकशी करून आरोपींना कठोर शिक्षा करायला हवी, अशी मागणी केंद्रीय सामाजिक न्याय राज्यमंत्री आणि रिपब्लिकन पार्टी ऑफ इंडिया (A) अध्यक्ष रामदास आठवले यांनी पत्रकार परिषदेत केली.यावेळी त्आयांनी गामी मंत्रिमंडळ विस्तारत ‘रिपाइं’ला एक मंत्रीपद देण्याची मागणी केली आहे. तसेच जागा वाटपात विधान परिषदेची एक आणि स्थानिक स्वराज संस्थांच्या आगामी निवडणुकीत योग्य वाटा मागितला आहे.
नवीन विश्रामगृहात झालेल्या पत्रकार परिषदेवेळी रिपाइं प्रदेश सचिव बाळासाहेब जानराव, चंद्रकांता सोनकांबळे, परशुराम वाडेकर, असीत गांगुर्डे, संजय सोनवणे, अशोक कांबळे, अशोक शिरोळे, शैलेंद्र चव्हाण, अॅड. आयुब शेख, महिपाल वाघमारे, मोहन जगताप आदी उपस्थित होते.
रामदास आठवले म्हणाले, “भाजप प्रदेशाध्यक्ष चंद्रशेखर बावनकुळे यांच्यासोबत मित्र पक्षांची मुंबईत बैठक झाली असून, आगामी मंत्रिमंडळ विस्तारत ‘रिपाइं’ला एक मंत्रीपद देण्याची मागणी केली आहे. तसेच जागा वाटपात विधान परिषदेची एक आणि स्थानिक स्वराज संस्थांच्या आगामी निवडणुकीत योग्य वाटा मागितला आहे. जिल्हा परिषद, ग्रामपंचायत निवडणुकीत आरक्षण रोटेशन पद्धतीने होत आहे. मात्र, जिथे दलित वस्ती नाही, तिथे आमचा माणूस निवडून येत नाही. म्हणून आरक्षणाची रोटेशन बंद करण्याची मागणी मुख्यमंत्री व उपमुख्यमंत्री यांच्याकडे करत आहोत.”
विरोधकांची एकजूटदेशातील विरोधक पंतप्रधान नरेंद्र मोदी यांच्याविरोधात एकवटले आहेत. मात्र, त्याचा कोणताही परिणाम होणार नाही. मोदी लोकप्रिय आणि सक्षम नेते आहेत. आगामी निवडणुकीत ३५० च्या वर जागा निवडून येतील आणि मोदी पुन्हा पंतप्रधान होतील. जितके विरोधक एकत्र येतील, मोदींची तितकीच ताकद वाढेल, असे आठवले यांनी सांगितले.
सरकारची कामगिरी चांगलीवेगवेगळ्या क्षेत्रात भारताने आघाडी घेतली असून, रोजगार निर्मितीस प्राधान्य दिले जात आहे. लाखो लोकांना सरकारी नोकरीत सामावून घेतले जात आहे. खासगी उद्योगास प्रोत्साहन दिले जात आहे. राज्यातही उद्योग वाढवले जात असून, मोठ्या प्रमाणात गुंतवणूक येत आहे. विरोधकांनी प्रत्येक गोष्टीला विरोध करणे चुकीचे आहे. सरकारला सहकार्य करणे ही लोकशाही आहे.
मराठा आरक्षणाला विरोध नाहीमराठा आरक्षणाला आमचा विरोध नाही. मात्र, आमच्या आरक्षणाला धक्का न लावता स्वतंत्र आरक्षण त्यांना द्यावे, असे आमचे म्हणणे आहे. भटक्या विमुक्त, ओबीसी समाजाला आरक्षण मिळण्याबाबत अभ्यास सुरु आहे. त्याचा फायदा सर्व समाजाला होईल. जातीनिहाय जनगणना झाली, तर सर्वांना कोणत्या जातीचे किती प्रमाण आहे, ते समजेल. याबाबत सरकारने निर्णय घेणे अपेक्षित आहे.
शिंदे-फडणवीस दमदारएकनाथ शिंदे व देवेंद्र फडणवीस यांचे सरकार चांगले चालले असून, वर्षपूर्तीच्या त्यांना शुभेच्छा देतो. या सरकारला कोणताही धोका नाही. शिंदे-फडणवीस आपला कार्यकाळ पूर्ण करतील आणि पुढील पाच वर्षे त्यांचीच सत्ता येईल. प्रकाश आंबेडकर यांनी औरंगजेबाचे दर्शन घ्यायला जाणे योग्य नव्हते. दर्शन घ्यायचेच असेल, तर चैत्यभूमीत जाऊन बाबासाहेबांचे व रायगडावर जाऊन शिवाजी महाराजांचे दर्शन घ्यावे.
गुलाबी रंग चालणार नाहीतेलंगणाचे मुख्यमंत्री चंद्रशेखर राव (केसीआर) यांचा गुलाबी रंग महाराष्ट्रात चालणार नाही. नाराज नेत्यांना घेण्याचा ते प्रयत्न करत आहेत. छगन भुजबळ यांची नाराजी राष्ट्रवादी काँग्रेसला परवडणारी नाही. भुजबळ यांच्यासारख्या नेत्यांचे आमच्या पक्षात स्वागतच आहे. पंकजा मुंडे यांना पक्षात येण्याचे आमंत्रण देणार नाही, मात्र मिटवून घेण्याचा सल्ला देईन.

संजय काकडेंच्या ६० हजारांहून अधिक ‘मोदी@9’ पुस्तिका वाटपाचे गडकरींनी केले कौतुक

पुणे – “देशातील पहिला आणि एकमेव असा खासदार आहे जो इतक्या मोठ्या संख्येने पुस्तिका छापून मोदी सरकारच्या योजना घरोघरी पोहोचवतोय. लोकांकडे स्वतः जाऊन ती पुस्तिका त्यांना देतोय,” अशा शब्दांत केंद्रीय रस्ते व वाहतूक मंत्री नितीन गडकरी यांनी माजी खासदार संजय काकडे यांच्या ‘मोदी@9’ पुस्तिका वाटपाच्या उपक्रमाचे कौतुक करून त्यांना शाबासकीची थाप दिली आहे.

भाजपाचे नेते व माजी खासदार संजय काकडे गेली सलग पाच दिवस ‘मोदी@9’ ही पुस्तिका पुणे लोकसभा मतदार संघात वाटत आहेत. मोदी सरकारच्या गेल्या ९ वर्षांच्या कार्यकाळात राबवण्यात आलेल्या महत्वपूर्ण योजनांची माहिती असलेली ही पुस्तिका आहे. काकडेंनी ६० हजारांहून अधिक या पुस्तिका छापल्या आहेत. आणि ते स्वतः त्यांच्या कार्यकर्त्यांसह या पुस्तिकेचे वाटप करीत आहेत.

प्रदेशाध्यक्ष चंद्रशेखर बावनकुळे यांच्या हस्ते रविवारी २५ जून रोजी उद्घाटन होऊन या मोहिमेस प्रारंभ झाला. पहिल्या दिवशी वडगाव शेरी विधानसभा मतदार संघ, त्यानंतर पुणे कॅन्टोन्मेंट, कसबा पेठ, पर्वती विधानसभा मतदार संघात या पुस्तिकेचे वाटप संजय काकडे यांनी त्यांच्या कार्यकर्त्यांच्या समवेत जाऊन केले आहे. आज पाचव्या दिवशी शिवाजीनगर विधानसभा मतदार संघात ही पुस्तिका नागरिकांना दिली जात आहे. गेली पाच दिवस पुणे शहरात पाऊस पडत आहे. पाऊस पडत असताना देखील संजय काकडे यांनी पुस्तिका नागरिकांना भेट देण्याची मोहिम थांबवली नाही. अनेकदा पावसात भिजत ते पुस्तिका वाटत फिरताना दिसत आहेत.

केंद्रीय मंत्री नितीन गडकरी कार्यक्रमानिमित्त आज पुणे शहरात आले असताना संजय काकडे यांनी त्यांची जेडब्ल्यु मेरिएट हॉटेलमध्ये भेट घेतली व त्यांना मोदी@9 ही पुस्तिका भेट दिली. शिवाजीनगर विधानसभा मतदार संघातच हे हॉटेल असल्यामुळे संजय काकडे केंद्रीय मंत्री गडकरींना भेटले आणि गेली पाच दिवस सुरु असलेल्या या उपक्रमाची त्यांनी गडकरी यांना माहिती दिली.

पुणे लोकसभा मतदार संघातील सहा विधानसभा मतदार संघात ही पुस्तिका प्रत्येकी १० हजार प्रमाणे वाटण्यात येत आहे. त्या त्या विधानसभा मतदार संघातील २५ ते ३० कार्यकर्ते आणि पदाधिकारी यांच्या समवेत काकडे स्वतः या पुस्तिकेचं वाटप करीत आहेत.

पुणे-“शिखर बँकेबाबतच्या आरोपांची चौकशी करण्याची जबाबदारी राज्य सरकारवर होती. त्या सर्व काळात राज्याचे मुख्यमंत्रीपद भाजपाकडे होतं. देवेंद्र फडणवीस मुख्यमंत्री होते. त्या काळात फडणवीसांनी काय केलं हे मला माहिती नाही. मोदींनी अशाप्रकारे शिखर बँकेचा उल्लेख करण्याची गरज नव्हती,” असं मत शरद पवारांनी व्यक्त केलं.शिखर बँक तर सोडाच, पण मी कुठल्याही सहकारी बँकेचा सदस्य नाही. या सहकारी बँकांकडून मी कधी कर्जही घेतलेलं नाही. शिखर बँकेबाबत मागे एकदा तक्रार झाली होती. चौकशीत राष्ट्रवादी काँग्रेसच्या आणि भाजपाच्या काही लोकांची नावं आली.”

पंतप्रधान नरेंद्र मोदी यांनी राष्ट्रवादी काँग्रेसवर तब्बल ७०,००० कोटी रुपयांच्या भ्रष्टाचाराचा आरोप केला. तसेच भाजपा कार्यकर्त्यांनी यांचे आणखी घोटाळे बाहेर काढावेत, असं आवाहन केलं. यानंतर आता राष्ट्रवादीचे अध्यक्ष शरद पवार यांनी मोदींनी केलेल्या आरोपाला प्रत्युत्तर दिलं. ते गुरुवारी (२९ जून) पुण्यात पत्रकार परिषदेत बोलत होते.“मोदींनी निराशेतून असा हल्ला केला असावा. अमेरिकेचा दौरा आणि भारतातील स्थिती पाहून ते निराश झाले आणि त्या निराशेतूनच त्यांनी असा हल्ला केला असावा,” असं म्हणत शरद पवारांनी मोदींना टोला लगावला.

भोपाळ या ठिकाणी भाजपाच्या बुथ कार्यकर्त्यांना संबोधित करताना नरेंद्र मोदींनी राष्ट्रवादी काँग्रेससह देशभरातील अनेक विरोधी पक्षांवर हल्लाबोल केला. पंतप्रधान मोदी म्हणाले, शरद पवारांच्या राष्ट्रवादी काँग्रेस पार्टीवर तब्बल ७०,००० कोटी रुपयांच्या घोटाळ्याचा आरोप आहे. असं एकही क्षेत्र नाही जिथे काँग्रेसने घोटाळा केला नसेल. शरद पवारांच्या राष्ट्रवादीवरही घोटाळ्यांचा आरोप आहे. आता भाजपा कार्यकर्त्यांनी थोडे प्रयत्न करायला हवेत आणि यांच्या घोटाळ्यांचा मीटर वाढवायला हवा (इतर घोटाळे बाहेर काढावे).

पुणे-पंतप्रधान नरेंद्र मोदी यांनी राष्ट्रवादी काँग्रेसचे अध्यक्ष शरद पवार आणि राष्ट्रवादी पक्षावर घराणेशाहीचा गंभीर आरोप केला होता. तर शरद पवारांच्या मुलीचं भलं करायचं असेल, तर राष्ट्रवादी काँग्रेसला मत द्या, असा हल्लाबोल केला होता. यावर शरद पवारांनी देखील आज मोदींवर घणाघात करत त्यांच्या आरोपाला प्रत्युत्तर दिले. ते पुण्यात पत्रकारपरिषदेत बोलत होते.

शरद पवार म्हणाले की, पंतप्रधान नरेंद्र मोदींनी माझ्या पक्षाविषयी मत व्यक्त केले. ते मत व्यक्त करताना त्यांनी मुलीला प्रोत्साहन द्यायचं असेल तर राष्ट्रवादी काँग्रेसला मत द्या असं म्हटले आहे. ते अगदी खरं आहे, माझी मुलगी स्वतःच्या कर्तुत्वावर तीनवेळा संसदेत निवडून गेली आहे. एखाद्यावेळी बापजाद्यांची पुण्याई उपयोगी पडते, पण दुसऱ्या, तिसऱ्या निवडणुकीत ही पुण्याई उपयोगी पडत नाही, असे मत शरद पवारांनी व्यक्त केले.

पुढे बोलताना शरद पवार म्हणाले की, सगळ्या राज्यातील चित्र हेच स्पष्ट करतं की, भाजपा त्यांची सत्ता असलेली राज्ये संभाळू शकली नाही आणि बहुतांश राज्ये त्यांच्या हातात नाहीत. अशा परिस्थितीत उद्या देशाच्या निवडणुकीत काय निकाल लागेल याची खात्री नसल्यामुळे पंतप्रधान नरेंद्र मोदींनी त्यांच्या पदाला शोभणार नाही अशी वक्तव्ये करू लागले आहेत.

शरद पवार पुढे म्हणाले, संसदेतील कामगिरीत सुप्रिया सुळेंनी 98-99 टक्के हजेरी लावली आणि अधिकाधिक सहभाग नोंदवला. त्यात त्यांचा पहिला क्रमांक आहे, संसदेच्या कामाचा अभ्यास करणाऱ्या संस्थेने सुप्रिया सुळेंना आठ वेळा पुरस्कार दिला. त्यामुळे पंतप्रधान मोदींनी काहीही सांगितलं तरी स्व: कर्तुत्व असल्याशिवाय या देशातील मतदार नेहमी मत देत नाही. एखाद्यावेळी मत देऊ शकतात, ज्याच आईवडीलांची पुण्याची उपयुक्त ठरू शकते.

मोदींनी असं वक्तव्य करणं अशोभनीय आहे. संसदेच्या सदस्याविषयी पंतप्रधानांनी असं मत व्यक्त करणं योग्य नाही. कारण या संस्था आहेत. मी पंतप्रधानांवर व्यक्तिगत टीका करत नाही, कारण ती संस्था आहे. संस्थांची प्रतिष्ठा ठेवली पाहिजे. अशावेळी संसदीय सदस्य ही देखील संस्था आहे, हे लक्षात घेऊन सन्मान ठेवला पाहिजे.