पुणे- गेल्या १७ सप्टेंबर रोजी रात्री पावणेबारा वाजता रस्त्यावरील एका ३६ वर्षीय नागरिकाला विनाकरण दमदाटी करत त्याच्यावर गोळीबार करणाऱ्या घायवळ टोळीतील कोथरूडच्या शास्त्रीनगर आणि ,माथवड चालीत राहणाऱ्या ५ गुंडांना पोलिसांनी पकडले आहे. १. मयुर गुलाब कुंबरे वय २९ वर्षे रा. कुंबरे चाळ, सागर कॉलनी, शास्त्रीनगर कोथरुड पुणे २. गणेश सतीश राऊत वय ३२ वर्ष रा डी पी रोड आशिष गार्डन, कोथरुड पुणे ३. मयंक ऊर्फ मॉन्टी विजय व्यास वय ३० वर्षे रा. शास्त्रीनगर कोथरुड पुणे ४. दिनेश राम फाटक वय २८ वर्ष रा माथवड चाळ कोथरुड पुणे संत ज्ञानेश्वर कॉलणी, कोथरुड पुणे ५. आनंद अनिल चांदळेकर वय २४ वर्ष व्यवसाय मॅकेनिक रा. श्रीराम कॉलणी शास्त्रीनगर, कोथरुड पुणे अशी या पाच गुंडांची नावे आहेत

दिनांक १७/०९/२०२५ रोजी रात्रौ २३/४० वा. तिरुपती फॅब्रिकेटर दुकाना समोर, मुठेश्वर चौका जवळ, कोथरुड, पुणे येथे यांनी प्रकाश धुमाळ जे आपल्या मित्राला घरी सोडवायला इथे आले होते त्यास विनाकारण धमकावुन, शिवीगाळ करून त्यांना जिवे ठार मारणेचे उद्देशाने त्यांच्यावर पिस्टल मधून गोळी झाडून गंभीर जखमी केले. याप्रकरणी सहायक पोलीस निरिक्षक रविद्र आळेकर मो नं ८४२५८५०३३१ अधिक तपास करत आहेत.

पुणे -शहरातील लोकप्रिय असणाऱ्या पुणे लोकमान्य फेस्टिवलचे उद्घाटन बुधवार २२ सप्टेंबर रोजी सायं. ५.०० वा. होणार असून या पुढील १० दिवसात विविध सांस्कृतिक कार्यक्रमांचे आयोजन केले आहे.

फेस्टिवलचे हे २८ वे वर्ष आहे. मंगळवार दि. २३ सप्टेंबर रोजी सुप्रसिध्द निवेदक, अभिनेता, खेळांचा बादशहा बाळकृष्ण नेहरकर प्रस्तुत सिनेअभिनेत्रींसह होम मिनिस्टर खेळ- गप्पा- गोष्टी- गाणी-नृत्य प्रश्नोत्तरे आणि उखाणे, बुधवार दि. २४ सप्टेंबर रोजी जितेंद्र भुरुक प्रस्तुत गीतों का सफर मराठी-हिंदी गाण्यांचा सहकुटुंबानी पहावा असा कार्यक्रम, गुरुवार दि. २५ सप्टेंबर २०२५ मल्हार प्रस्तुत धर्म, परंपरा, संस्कृती जपणारा मराठी गितांचा नृत्त्याविष्कार गर्जना सह्याद्रीची, लोकधारा महाराष्ट्राची सोनाली कोतवाल निर्मित, शुक्रवार दि. २६ सप्टेंबर जगप्रसिध्द जादू‌गार जितेंद्र रघूवीर यांचा कार्यक्रम होणार आहे.

शनिवार दि. २७ सप्टेंबर रोजी सोलो डान्स कॉम्पिटिशन, रविवार दि. २८ सप्टेंबर स्वर संजीवण ‘म्युझिकल’ प्रस्तुत स्वर सम्राज्ञी स्व. लतादीदीच्या ९५ व्या वाढदिवसानिमित्त त्यांना दिलेली स्वरांजली गायक: अर्चना पोतनीस, रश्मी बडे, संजय पोतनीस संकल्पना डॉ. भाग्यश्री कश्यप, सोमवार दि. २९ सप्टेंबर रुपान देखणी लावणी सम्राज्ञी माया खुटेगावकर, मंगळवार दि. ३० सप्टेंबर सादरकर्ते-निर्माता: समीर वीर सुरसंगम प्रेझेंट दांडीया विथ लाईव्ह ऑर्केस्ट्रा बुधवार दि. १ ऑक्टोबर ग्रुप डान्स कॉम्पिटिशन, गुरुवार दि. २ ऑक्टोबर दसऱ्यानिमित्त रावणदहन आर्टिस्ट एम. शेखर, सोमवार दि. ६ ऑक्टोबर कोजागिरी पौर्णिमेनिमित्त दुग्धपान व तेजस्विनी अँड मुकेश देढिया प्रस्तुत टोटल म्युझिक धमाका असे कार्यक्रम पार पडणार आहे.

या लोकमान्य फेस्टीव्हलचे संस्थापक अध्यक्ष ॲड. गणेश सातपुते असून उत्सवाचे अध्यक्ष नरेश मित्तल आहेत आणि संयोजन महेश महाले, सौ. शुभांगी सातपुते, अदित्य सातपुते, गौरव सैतवाल, ऋषीकेश भोसले, चेतन सोनवणे, इ. करणार आहेत. सदरील सर्व सांस्कृतिक कार्यक्रम लोकमान्यनगर, जॉगिंग पार्क, नवी पेठ, येथे पार पडणार आहेत. सर्व कार्यक्रम पुणेकरांसाठी विनामूल्य असून जास्तीत जास्त पुणेकरांनी याचा लाभ घ्यावा असे आवाहन करण्यात आले आहे.

• पिंपरी-चिंचवडच्या दृष्टीने मुख्यमंत्री देवेंद्र फडणवीस यांचा मोठा निर्णय
• भाजप आमदार महेश लांडगे यांच्या पाठपुराव्याला यश

पिंपरी- चिंचवड |

पिंपरी-चिंचवडसह ग्रामीण भागातील सुमारे 50 लाख नागरिकांच्या आरोग्याशी निगडीत असलेल्या आणि महाराष्ट्राच्या वारकरी सांप्रदायामध्ये श्रद्धास्थान असलेली इंद्रायणी नदी सुधार प्रकल्पाला आता चालना मिळाली आहे. राज्य सरकारच्या नगर विकास विभागाच्या राज्यस्तरीय तांत्रिक समितीच्या (SLTC) मान्यतेचा प्रस्तावाला अखेर मान्यता मिळाली. त्यामुळे नदी सुधार प्रकल्पाचे काम सुरू करण्याचा मार्ग मोकळा झाला.

इंद्रायणी नदी सुधार प्रकल्पाला चालना देण्यासाठी आणि पर्यावरण प्रेमी व स्वयंसेवी संस्था प्रकल्पाचा सुधारीत विकास आराखडा तयार करावा यासाठी भाजपा आमदार महेश लांडगे यांनी सातत्याने पाठपुरावा केला होता. विधानसभा अधिवेशनामध्ये राज्य सरकारचे लक्ष वेधले होते. मुख्यमंत्री देवेंद्र फडणवीस यांच्याकडे आणि तत्कालीन मुख्यमंत्री एकनाथ शिंदे यांच्याकडे 2022 मध्ये मागणी लावून धरली होती.

इंद्रायणी नदी सुधार प्रकल्प अर्थात ‘‘नमामी इंद्रायणी’’साठी सर्व प्रशासकीय व तांत्रिक मान्यता, निधीची उपलब्धता याबाबत सातत्त्याने केलेले पाठवायला अखेर यश मिळाले आहे.

विशेष म्हणजे, शहर आणि परिसरातील पर्यावरण प्रेमी संस्था, संघटनांच्या प्रतिनिधींनी नदी सुधार प्रकल्पाचा विकास आराखडा अंतिम करताना महानगरपालिकेच्या Master plan मध्ये दर्शवल्यानुसार विविध ठिकाणी 60 एमएलडी क्षमतेचे मैलाशुद्धीकरण केंद्र सदर कामामध्ये प्रस्तावित केले आहे. तसेच, Water ATM, Public Toilet, Street Furniture, Chain link fencing compound wall आणि बायोडायव्हर्सिटी पार्क इत्यादी कामांचा समावेश करण्यात आला आहे.

केंद्र शासन पुरस्कृत अमृत २.० अभियानांतर्गत अंतर्गत राज्यस्तरीय तांत्रिक समितीची अपर मुख्य सचिव, (नवि-२) यांच्या अध्यक्षतेखाली सदर प्रकल्पांचा अनुषंगाने आज बैठक झाली. सदर बैठकीत इंद्रायणी नदी सुधार प्रकल्पाचा सविस्तर विकास आराखड्याला तांत्रिक समिमीची मान्यता मिळाली आहे.

इंद्रायणी नदी सुधार प्रकल्पातून नदीसंवर्धन, पूरनियंत्रण, पाण्यावर प्रक्रिया आणि सौंदर्यीकरण अशा चारही बाबी साध्य केल्या जाणार आहेत. एकूण 526 कोटींचा हा प्रकल्प असून, अमृत 2.0 अभियानांतर्गत तो राबविला जाणार आहे. 40 आणि 20 एमएलडीचे हे दोन प्रकल्प असतील. यात पावसाचे पाणी साठवण्यासाठी जलनि:स्सारण प्रणाली, प्रदूषित पाणी मलनि:स्सारण प्रकल्पाकडे वळविण्यासाठी इंटरसेप्टर, पूर नियंत्रणासाठी दगडी बांधकाम करुन नदीच्या तटांचे सक्षमीकरण आणि नदीपात्राचे तटबंदीकरण, तसेच नदी तटावर हरित क्षेत्राचा विकास व वनसंवर्धनाद्वारे सुशोभिकरण अशी कामे एकत्रितपणे करण्यात येणार आहेत.

• देवेंद्र फडणवीस, मुख्यमंत्री.

राज्यातील तमाम वारकरी संप्रदायाचे श्रद्धास्थान आणि पिंपरी-चिंचवडकरांची जीवनवाहिनी असलेल्या इंद्रायणी नदी सुधार प्रकल्पाला मुख्यमंत्री देवेंद्र फडणवीस यांच्या नेतृत्वात राज्यस्तरीय तांत्रिक समितीची मान्यता मिळाली. यापूर्वी प्रशासकीय मान्यता देण्यासाठी उपमुख्यमंत्री एकनाथ शिंदे यांनी सहकार्य केले. भाजपा महायुतीच्या सरकारने पिंपरी चिंचवड करांना दिलेल्या शब्द खरा केला. मुख्यमंत्री देवेंद्रजी आणि सरकारचे मनःपूर्वक आभार व्यक्त करतो.

• महेश लांडगे, आमदार, भाजपा, पिंपरी-चिंचवड, पुणे.

 सोनाली आंदेकर येणाऱ्या महापालिका निवडणुकीच्या रिंगणात उतरणार होत्या. निवडणुकीसाठी तयारीही सुरू झाल्याची माहिती होती. मात्र, या खूनप्रकरणात तिचे नाव पुढे आल्यानंतर राजकीय वर्तुळात मोठी खळबळ उडाली आहे

पुणे-आयुष कोमाकर खून प्रकरणात चौकशीसाठी माजी नगरसेवक वनराज आंदेकर यांच्या पत्नी सोनाली आंदेकरला ताब्यात घेण्यासाठी गेलेल्या पोलिसांना प्रतिकार करणाऱ्या प्रियांका आंदेकर यांच्यासह १३ जणांविरुद्ध समर्थ पोलिस ठाण्यात शासकीय कामात अडथळा आणल्याप्रकरणी गुन्हा दाखल करण्यात आला आहे. या प्रकरणी समर्थ पोलीस ठाण्यातील फौजदार प्रियांका गोरे यांनी फिर्याद नोंदविली आहे दरम्यान हा सर्व विरोध मोडून त्यांनी सोनाली आंदेकरला अटक केली त्यानंतर सोनालीला न्यायालयाने न्यायालयीन कोठडी सुनावली आहे.

फौजदार प्रियांका गोरे यांच्या तक्रारीवरून सोनाली वनराज आंदेकर (वय ३६, रा. डोके तालमीजवळ, नाना पेठ) हिच्यासह प्रियंका कृष्णराज आंदेकर, माया देवळे, येल्लबाबाई कित्तुरकर, लक्ष्मीबाई बेडगिरी, संगीता शिंदे, शारदा साळुंखे, बेबी दोडके, सरुबाई निसारे, कल्पना शिंदे, पूजा शिंदे, स्वाती दोडके आणि मोहन यांच्याविरुद्ध गुन्हा दाखल करण्यात आला आहे.

आयुष कोमाकर हा सोनाली आणि प्रियंका आंदेकर यांचा भाचा होता. विसर्जन मिरवणुकीच्या पूर्वसंध्येला नाना पेठेत गोळ्या झाडून त्याचा खून करण्यात आला होता. कौटुंबिक वाद आणि टोळीयुद्धातून हा खून झाल्याचे समोर आले आहे. या प्रकरणात आंदेकर टोळीचा म्होरक्या बंडू आंदेकरसह १५ जणांना यापूर्वीच अटक करण्यात आली असून, त्यांच्याविरुद्ध महाराष्ट्र संघटित गुन्हेगार नियंत्रण कायद्यान्वये (मकोका) कारवाई करण्यात आली आहे. कोमाकरच्या खुनापूर्वी आरोपींची वानवडी परिसरात एकत्रित बैठक झाली होती आणि ते एकमेकांना मोबाइल घरी ठेवून भेटत होते.

या खून प्रकरणात सोनाली आणि प्रियंका यांची यापूर्वी चौकशी करण्यात आली होती. तपासात सोनाली खून प्रकरणाचा कट रचण्यात सामील असल्याची माहिती मिळाल्यानंतर पोलिसांनी तिला गुरुवारी (१८ सप्टेंबर) दुपारी १२ वाजण्याच्या सुमारास चौकशीसाठी ताब्यात घेण्याचा प्रयत्न केला.यावेळी सोनाली आणि प्रियंका यांना ताब्यात घेण्यापासून पोलिसांना रोखण्यात आले. पोलिसांशी हुज्जत घालून शासकीय कामात अडथळा आणल्याने सोनाली आणि प्रियंका आंदेकरसह १३ जणांविरुद्ध गुन्हा दाखल करण्यात आला. पोलिस फौजदार संतोषी जाधव (8554918025) या प्रकरणाचा पुढील तपास करत आहेत.

पुणे- मोका गुन्हयामधील WANTED असलेला आरोपी टिपु पठाण टोळीमधील उबेद खानाला पुण्याच्या पोलिसांनी अखेरीस हडपसरच्या शिंगोटे पार्कात पकडला आहे.

याप्रकरणी पोलिसांनी सांगितले कि,’पुणे शहरातील पोलीस स्टेशनचे अभिलेखावर असलेल्या पाहिजे/फरारी आरोपींचा शोध घेवुन त्यांना ताब्यात घेणेबाबत मा. वरिष्ठांनी आदेशीत केलेले होते. त्याप्रमाणे गुन्हे शाखा युनिट ०५ पुणे शहर पथक पाहिजे/फरारी आरोपींचा शोध घेत होते.
काळेपडळ पोलीस स्टेशन गुन्हा रजिस्टर नंबर १००/२०२५ भारतीय न्याय संहिता सन २०२३ चे कलम ३०८ (२), ३२९(३),३५१ (२),३५२,१८९(१), १८९ (२), १९१(२) सह ६१ (२), १११ सह महाराष्ट्र संघटीत गुन्हेगारी कायदा १९९९ चे ३ (१),३ (२), ३(४) या गुन्हयामधील WANTED असलेला आरोपी उबेद अन्सार खान हा शिंगोटे पार्क, मांजरी बुा पुणे येथे राहत असल्याची माहिती पोलीस अंमलदार अकबर शेख, विनोद शिवले व प्रताप गायकवाड यांना मिळालेली होती. मिळालेल्या माहितीच्या आधारे आरोपी उबेद अन्सार खान, वय, २७ वर्षे, रा. फ्लॅट नंबर २०३ युग कौशल्य सोसायटी, गल्ली नंबर ३, चिंतामणी नगर, हडपसर, पुणे यास शिंगोटे पार्क, मांजरी बु पुणे येथुन कायदेशीर प्रक्रिया राबवुन ताब्यात घेवुन पुढील कार्यवाही कामी काळेपडळ पोलीस स्टेशनचे ताब्यात दिलेले आहे.
सदरची कामगिरी अपर पोलीस आयुक्त, गुन्हे पंकज देशमुख, पोलीस उप आयुक्त गुन्हे निखिल पिंगळे, सहायक पोलीस आयुक्त गुन्हे २ राजेंद्र मुळीक यांचे सुचना व मार्गदर्शनाप्रमाणे पोलीस निरीक्षक संजय पतंगे, गुन्हे शाखा युनिट ०५, पुणे शहर, पोलीस अंमलदार प्रताप गायकवाड, प्रमोद टिळेकर, विनोद शिवले, स्वाती तुपे, पल्लवी मोरे, अकबर शेख व राहुल ढमढेरे यांचे पथकाने केली.

पुणे : पुणे विभागात चार हजारहून जास्त मतदान यंत्रे नादुरुस्त असल्याची माहिती उघड झाली आहे. ही परिस्थिती पहाता स्थानिक स्वराज्य संस्थांच्या निवडणुका बॅलेट पेपरवर (मतपत्रिकेवर) घ्याव्यात, अशी मागणी माजी आमदार आणि प्रदेश काँग्रेसचे वरिष्ठ उपाध्यक्ष मोहन जोशी यांनी राज्य निवडणूक आयुक्तांकडे आज (शुक्रवारी) केली आहे.

स्थानिक स्वराज्य संस्थांच्या निवडणुका सुमारे चार, पाच वर्षांनी होत आहेत. ते सुद्धा सर्वोच्च न्यायालयाने, राज्य सरकारला निवडणुका घ्या, असा आदेश दिल्याने होणार आहेत. सत्ताधारी भाजप सरकारला अपयशाची भीती वाटत असल्याने ते निवडणुका पुढे ढकलण्याच्याच प्रयत्नात आहेत. या निवडणूक यंत्रणेत गडबडी होऊ नयेत, यासाठी काँग्रेस पक्ष लक्ष ठेवून आहेच, असे मोहन जोशी यांनी पत्रात म्हटले आहे.

पुण्यासह पुणे विभागातील पाच जिल्ह्यांत साडेचार हजार मतदान यंत्रे (ईव्हीएम मशीन) नादुरुस्त असल्याची माहिती उघड झाली आहे. अशी नादुरुस्त यंत्रे दुरुस्त करून मतदान घेतले जाणार आहे. पण, या पद्धतीबद्दलच आम्हाला शंका आहे. लोकसभेतील विरोधी पक्षनेते खासदार राहुल गांधी यांनी ‘वोट चोरीचे’ घोटाळे अलीकडेच पुराव्यानिशी उघड केले आहेत. निवडणूक आयोग त्यावर समाधानकारक उत्तर देऊ शकलेले नाही, अशा पार्श्वभूमीवर स्थानिक स्वराज्य संस्थांच्या निवडणुका आम्हाला ईव्हीएम मशीनवर नकोतच, बॅलेट पेपरवरच व्हाव्यात, अशी स्पष्ट मागणी मोहन जोशी यांनी केली आहे.

पुणे- बनावट कागदपत्रांच्या आधारे गृहकर्ज घेऊन आयसीआयसीआय बँकेची ५.२७ कोटी रुपयांची फसवणूक केल्या प्रकरणी आयसीआयसीआय बँकेचे क्षेत्रीय प्रमुख अर्जुन अथोली (वय ३९) यांनी फरासखाना पोलिस ठाण्यात तक्रार दाखल केली आहे.त्यानुसार मोहम्मद युनुस शरीफ शेख आणि दरिऊस सोलोमन राफत या दोन आरोपींविरोधात भारतीय दंडसंहितेच्या कलम ४२० (फसवणूक), ४०६ (विश्वासघात), ४६७, ४६८ (खोटे दस्तऐवज तयार करणे), ४७१ (बनावट दस्तऐवजांचा वापर करणे) आणि १२० (ब) (गुन्हेगारी कट रचणे) नुसार गुन्हा नोंदवण्यात आला आहे.

पोलिसांनी दिलेल्या माहितीनुसार, हा प्रकार जुलै २०२३ ते सप्टेंबर २०२३ या कालावधीत घडला. आरोपी मोहम्मद शेख आणि दरिऊस राफत यांनी आयसीआयसीआय बँकेकडे गृहकर्जासाठी अर्ज केला होता. त्यांनी बनावट कागदपत्रे सादर करून ती खरी असल्याचे भासवले आणि बँक अधिकाऱ्यांचा विश्वास संपादन केला.

मोहम्मद शेखने मागील तीन वर्षांचे आयकर विवरणपत्र आणि जमीन खरेदीबाबतची बनावट कागदपत्रे बँकेला दिली होती. या आधारे बँकेने त्याला १४ जुलै २०२३ रोजी पाच कोटी रुपयांचे गृहकर्ज मंजूर केले. ३० सप्टेंबर २०२३ रोजी ही रक्कम पुण्यातील सोपानबाग येथील मालमत्तेचे मालक दरिऊस राफत यांच्या नावाने चेकद्वारे देण्यात आली. मात्र, नंतर ही मालमत्ता प्रेम फतेचंद वजरानी यांच्या नावावर असल्याचे निष्पन्न झाले.

सुरुवातीला काही महिने युनुस शेखने कर्जाचे हप्ते भरले, परंतु मार्च २०२४ पासून त्याने हप्ते भरणे बंद केले. बँकेचे वसुली अधिकारी तपासणीसाठी गेले असता, त्यांना संबंधित मालमत्ता दुसऱ्याच्याच नावावर असल्याचे आढळले. बनावट कागदपत्रांच्या आधारे जमीन खरेदी केल्याचे भासवून कर्ज घेतल्याचे समोर आले.

सदर मालमत्तेची मालकी प्रेम फतेचंद वजरानी यांची असून, त्यात दोन्ही आरोपींचा कोणताही हक्क नाही. चौकशीदरम्यान, शेखने १९८७ सालातील एका डीडच्या आधारे बनावट कागदपत्रे तयार केली आणि ती खरी असल्याचे भासवून हा आर्थिक व्यवहार केल्याचे उघड झाले आहे. फरासखाना पोलिस या प्रकरणाचा पुढील तपास करत आहेत.

पुणे, : तंत्रज्ञान, सर्जनशीलता आणि नवोन्मेषाचा भव्य उत्सव म्हणून रोबोटेक्स इंडिया नॅशनल चॅम्पियन येत्या २० आणि २१ सप्टेंबर रोजी पुण्यातील MIT-ADT विद्यापीठ, लोणी काळभोर येथे रंगणार आहे. देशभरातून ७ हजारांहून अधिक विद्यार्थी आणि ५०० हून अधिक रोबोट्सच्या सहभागाने ही स्पर्धा यंदा ऐतिहासिक ठरणार आहे. शासकीय शाळा, खाजगी संस्था तसेच वंचित समाजघटकातील विद्यार्थी या स्पर्धेत सहभागी होत आहेत. विशेष म्हणजे, यावर्षीच्या स्पर्धेत ग्रामीण आणि आदिवासी भागातील ५० टक्क्यांहून अधिक विद्यार्थी सहभागी होत असल्याने STEM आणि रोबोटिक्स शिक्षणाला खऱ्या अर्थाने सर्वसमावेशक व्यासपीठ मिळाले आहे.

दोन दिवसीय या महोत्सवात लाईन फॉलोअर, मेझ सॉल्व्हर, मिनी सुमो, ड्रोन एव्हिएशन, फोल्क रेस तसेच बहुचर्चित एंटरप्रेन्युअरशिप चॅलेंज अशा विविध रोमहर्षक स्पर्धांचा समावेश आहे. १२ लाख रुपयांपर्यंत पारितोषिक निधी असलेल्या या स्पर्धेत विजेत्यांना केवळ पदक आणि ट्रॉफीच नव्हे, तर युरोपातील एस्टोनियामध्ये होणाऱ्या २०२५ च्या रोबोटेक्स इंटरनॅशनल चॅम्पियनमध्ये भारताचे प्रतिनिधित्व करण्याची संधी मिळणार आहे.

रोबोटेक्स इंडिया ही केवळ स्पर्धा नाही तर विद्यार्थ्यांच्या कल्पनाशक्तीचा उत्सव आहे. गाव, शहर, खेड्यातील मुले तंत्रज्ञानाच्या माध्यमातून जेव्हा समस्यांचे निराकरण करतात, तेव्हा ‘विकसित भारत’ घडण्याचे दर्शन घडते. पंतप्रधान नरेंद्र मोदी यांच्या आत्मनिर्भर आणि डिजिटल भारताच्या दृष्टीकोनाशी सुसंगत राहून, ही स्पर्धा भारताच्या तरुण नवोन्मेषकांना जागतिक स्तरावर घेऊन जाण्याचे काम करते,” असे रोबोटेक्स इंडियाच्या संचालिका पायल राजपाल यांनी सांगितले.

या स्पर्धेचे आणखी एक वैशिष्ट्य म्हणजे “Girls Who Build Robots” या उपक्रमाद्वारे हजारो मुलींना STEM क्षेत्रात आत्मविश्वासाने पुढे येण्यासाठी प्रोत्साहन दिले जाते.

पुणे-

पुणे जिल्हा क्रीडा अधिकारी कार्यालय व पुणे जिल्हा बॉक्सिंग संघटना यांच्या संयुक्त विद्यमाने पुणे जिल्हास्तर शालेय बॉक्सिंग स्पर्धा (१७ वर्षे मुले व मुली) दिनांक १८ व १९ सप्टेंबर २०२५ रोजी जनरल अरुणकुमार वैद्य स्टेडियम, भवानी पेठ येथे आयोजित करण्यात आली आहे.या स्पर्धेचे उद्घाटन पुणे शहर बॉक्सिंग संघटनेचे अध्यक्ष तथा माजी नगरसेवक अविनाश बागवे यांच्या हस्ते झाले.
उद्घाटन सोहळ्यास पुणे जिल्हा बॉक्सिंग संघटनेचे कार्याध्यक्ष भरतकुमार व्हावळ, उपाध्यक्ष कृष्णदेव क्षीरसागर, कुणाल राजगुरू, शिवछत्रपती पुरस्कार विजेते विजय यादव, राष्ट्रीय तांत्रिक अधिकारी अजित ओसवाल, पुणे शहर संघटनेचे उपाध्यक्ष जीवनलाल निंदाने, पुणे शहर बॉक्सिंग संघटना सचिव विजय गुजर, तसेच पुरंदर तालुका संघटनेचे कार्याध्यक्ष विनोद कुंजीर, राष्ट्रीय खेळाडू विशाल गव्हाणे, ऑफिशियल मनोज यादव उपस्थित होते.

कार्यक्रमाचे सूत्रसंचालन पुणे जिल्हा बॉक्सिंग संघटनेचे महासचिव अभिमन्यू सुर्यवंशी यांनी केले.

या स्पर्धेत पुणे ग्रामीण भागातील तब्बल ७६ खेळाडूंनी सहभाग नोंदवला. यावेळी नुकतीच नोएडा येथे झालेल्या बॉक्सिंग फेडरेशन ऑफ इंडिया आयोजित राष्ट्रीय तांत्रिक अधिकारी परीक्षा यशस्वीरीत्या उत्तीर्ण झाल्याबद्दल अजित ओसवाल यांचा विशेष सत्कार करण्यात आला.

या जिल्हास्तर स्पर्धेतील विजेत्या खेळाडूंची निवड येत्या २२ ते २३ सप्टेंबर रोजी पुणे येथे होणाऱ्या विभागीय शालेय बॉक्सिंग स्पर्धा (जनरल अरुणकुमार वैद्य स्टेडियम, भवानी पेठ) साठी करण्यात येणार आहे.