पुणे-सोलापूर, पुणे- सातारा, पुणे- नाशिक राष्ट्रीय महामार्गाच्या हद्दीतील अनधिकृत व्यवसाय काढून घेण्याचे आवाहन

पुणे, दि. २२ : पुणे- सोलापूर राष्ट्रीय महामार्ग क्र. ६५, पुणे- नाशिक राष्ट्रीय महामार्ग क्र. ६० तसेच पुणे- सातारा राष्ट्रीय महामार्ग क्र. ४८ वरील अनधिकृत व्यवसाय सात दिवसाच्या आत स्वखर्चाने काढून घेण्याचे आवाहन करतानाच सेवा मार्गावरील दुभाजक तोडणाऱ्या व्यावसायिकांवर कारवाईचा इशारा भारतीय राष्ट्रीय राजमार्ग प्राधिकरणाने दिला आहे.स्वतः हून हो अतिक्रमणे काढली नाही तर आम्ही ती पाडून टाकू आणि नंतर पाडण्याच्या खर्चासह कायदेशीर कारवाईला संबधितांनी सामोरे जाण्याची तयारी ठेवावी असाही इशारा दिला आहे.

भारतीय राष्ट्रीय राजमार्ग प्राधिकरण (एनएचएआय) पुणे यांच्या अधिकार क्षेत्रामधील या तीनही महामार्गाच्या हद्दीमध्ये लगतच्या काही मिळकतधारकांनी अनधिकृतपणे अतिक्रमण केले असल्याचे एनएचएआयच्या निदर्शनास आले आहे. त्यामुळे महामार्गाच्या विस्तारीकरण कामास अडथळे येत आहेत.

पुणे-सोलापूर राष्ट्रीय महामार्गाच्या दोन्ही बाजूच्या हद्दीमध्ये ज्या भागात ३० मी. कायदेशीर हक्काचा मार्ग (राईट ऑफ वे) आहे त्या भागात मध्यापासून १५ मीटर तसेच ज्या भागात ६० मी. राईट ऑफ वे (आरओडब्ल्यू) आहे त्या भागात मध्यापासून ३० मीटर अनधिकृतपणे अतिक्रमण केले असल्याचे निदर्शनास आले आहे.

पुणे-नाशिक राष्ट्रीय महामार्गाच्या दोन्ही बाजूच्या हद्दीमध्ये ज्या भागात ३० मी. ‘आरओडब्ल्यू’ आहे त्या भागात मध्यापासून १५ मीटर, ज्या भागात ४५ मी. आरओडब्ल्यू आहे त्या भागात मध्यापासून २२.५ मी. तर ज्या भागात ६० मी. राईट ऑफ वे आहे त्या भागात मध्यापासून ३० मीटर अनधिकृतपणे अतिक्रमण केले असल्याचे निदर्शनास आले आहे. तर पुणे-सातारा राष्ट्रीय महामार्गाच्या दोन्ही बाजूकडील मध्यापासून ३० मीटर अनधिकृतपणे अतिक्रमण केले असल्याचे निदर्शनास आले आहे.

ही अतिक्रमणे व विना परवाना बांधकाम सात दिवसाच्या आत स्वखर्चाने काढून घ्यावीत. अन्यथा ही अतिक्रमणे प्राधिकरणाच्यावतीने राष्ट्रीय राजमार्ग नियंत्रण (जमीन आणि वाहतूक) अधिनियम २००२ अन्वये निष्कासीत करण्यात येतील व त्याचा खर्च व दंड संबंधित धारकाकडून वसूल करण्यात येईल. याची नोंद घ्यावी.

जिल्हा सुरक्षा समितीच्या बैठकीत ठरल्याप्रमाणे जे व्यावसायिक महामार्गावरील व सेवा रस्त्यांवरील मार्ग दुभाजक अनधिकृतपणे तोडून येण्या-जाण्याकरीता मार्गिका तयार करतील अशा व्यावसायिकांवर व अनधिकृतपणे बांधकाम करणाऱ्यांवर कायदेशीर कारवाई करण्यात येणार आहे. त्यांचा व्यावसाय परवाना जिल्हा प्रशासनाकडून रद्द करण्यात येईल. तरी सर्व व्यावसायिकांनी नोंद घ्यावी व अनधिकृतपणे मार्ग दुभाजक तोडू नये किंवा महामार्गावर तसेच सेवा रस्त्यांवर अतिक्रमण करु नये, असे आवाहन प्रकल्प संचालक संजय कदम यांनी केले आहे.

पुणे, दि. २२: कौशल्य, रोजगार व उद्योजकता व नाविन्यता विभागाच्यावतीने २ मार्च रोजी सकाळी १० वाजता विद्या प्रतिष्ठानचे कला, वाणिज्य, विज्ञान महाविद्यालय, बारामती येथे ‘नमो महारोजगार मेळाव्याचे’ आयोजन करण्यात आले आहे.

या रोजगार मेळाव्यात १०० पेक्षा अधिक नामांकित उद्योजकांनी सहभाग दर्शविलेला असून, त्यांच्याकडून १७ हजार पेक्षा जास्त रिक्तपदे अधिसूचित करण्यात आली आहेत. ही सर्व रिक्त पदे १० वी, १२ वी, ड्राइव्हर, पदवीधर, एमएस्सी, बी. कॉम., डिएमई, बीबीए, एमबीए, एम. फार्म, कोणत्याही शाखेचा आटीआय, डिप्लोमा, ट्रेनी इंजिनिअर अशा विविध पात्रताधारक उमेदवारांसाठी असून पुणे विभागातील जास्तीत जास्त नोकरी इच्छुक उमेदवारांना या रोजगार मेळाव्याच्या माध्यमातून नोकरीच्या विविध संधी उपलब्ध करून देण्यात येत आहेत.

नोकरी इच्छुक उमेदवारांनी रिक्तपदांबाबत अधिक माहितीसाठी विभागाच्या https://www.rojgar.mahaswayam.gov.in या संकेतस्थळाला भेट देऊन आपले पसंतीक्रम ऑनलाईन पद्धतीने नोंदवावे. रोजगार मेळाव्याच्या दिवशी मुलाखतीस (वॉक-इन-इंटरव्यूव) येताना सोबत आपली सर्व शैक्षणिक कागदपत्रे, पासपोर्ट आकाराची छायाचित्रे, आवश्यकतेनुसार अर्ज (रिज्यूम) व आधारकार्डाच्या छायांकित प्रती सोबत आणाव्यात.

जिल्ह्यातील अधिकाधिक उमेदवारांनी या संधीचा लाभ घ्यावा. अधिक माहितीसाठी जिल्हा कौशल्य विकास, रोजगार व उद्योजकता मार्गदर्शन केंद्र, ४७१ रास्ता पेठ, सरदार मुदलीयार मार्ग, पुणे-११ येथे प्रत्यक्ष अथवा ०२०-२६१३३६०६ या दूरध्वनी क्रमांकावर संपर्क साधावा, असे आवाहन विभागाचे सहायक आयुक्त सचिन जाधव यांनी केले आहे.

डॉ. सुहास दिवसे, जिल्हाधिकारी: या मेळाव्याच्या माध्यमातून अधिकाधिक उमेदवारांना रोजगार उपलब्ध करुन देण्याचा राज्य शासन आणि जिल्हा प्रशासनाचा मानस आहे. त्यासाठी उत्पादन, सेवा, आदरातिथ्य, औषधनिर्मिता, कृषी आदी अनेक क्षेत्रातील औद्योगिक आस्थापनांशी संपर्क साधण्यात येत आहे. त्याद्वारे दहावी, बारावीपासून ते विविध व्यावसायिक क्षेत्रातील पदविका, पदवी, पदव्युत्तर पदवीधारक उमेदवारांना नोकरीच्या संधी उपलब्ध होऊ शकणार आहेत. जिल्ह्यातील युवकांनी या संधीचा लाभ घेण्याचे यानिमित्ताने मी आवाहन करतो.

पुणे: जलशक्ती मंत्रालय भारत सरकार व महाराष्ट्र शासन यांच्यावतीने राबविण्यात येणाऱ्या स्वच्छ भारत मिशन (ग्रामीण), जल जीवन मिशन व गाळयुक्त शिवार इत्यादी शासनाच्या विविध योजनांची जलरथामार्फत प्रचार व प्रसिद्धी करण्यात येत असून या जलरथाला जि.प. उपमुख्य कार्यकारी अधिकारी विजयसिंह नलावडे यांनी जिल्हा परिषद येथे हिरवा झेंडा दाखवून या अभियानाचा शुभारंभ केला.

यावेळी जल जीवन मिशनचे प्रकल्प संचालक आप्पासाहेब गुजर, भारतीय जैन संघटनेचे समन्वयक नितीन शहा व त्याची संपूर्ण टिम व जिल्हा पाणी व स्वच्छता मिशन कक्षातील सर्व अधिकारी कर्मचारी उपस्थित होते.

जलरथ जिल्ह्यातील एकूण १ हजार ३८५ ग्रामपंचायतीमध्ये भेट देणार आहे. स्वच्छ भारत मिशनमध्ये एकूण १ हजार ८४३ गवांपैकी १ हजार ४०१ गावे स्वच्छ भारत मिशन टप्पा २ अंतर्गत हागणदारी मुक्त अधिक म्हणून घोषित करण्यात आली असून मार्च २०२४ अखेर सर्व म्हणजे १ हजार ८४३ गावे हागणदारी मुक्त घोषीत करण्याचा संकल्प मुख्य कार्यकारी अधिकारी रमेश चव्हाण यांच्या मार्गदर्शनाखाली करण्यात आला आहे.

जिल्ह्यांतील १३ तालुक्यांतील सर्व १ हजार ८४३ गावांत जलरथामार्फत योजनांची माहिती देण्यात येणार असून प्रत्येक तालुक्यात एक चित्ररथ फिरणार आहे, अशी माहिती श्री. गुजर यानी दिली.

केंद्रीय शिक्षण मंत्रालयाच्या भारतीय ज्ञान परंपरा विभागाचे राष्ट्रीय समन्वयक डॉ.गंटी मूर्ती :  मएसो सीनियर कॉलेजच्या वतीने भारतीय ज्ञान परंपरा या विषयावर कार्यशाळेचे आयोजन
पुणे : भारतीय ज्ञान परंपरा ही कला, संस्कृती आणि विद्येचा महासागर आहे. परंतु शेकडो वर्षांच्या पाश्चात्य आक्रमणामुळे पाश्चात्य शिक्षणाचा आणि परंपरेचा प्रभाव आपल्या मनावर राहिला आहे, त्यामुळे भारतीय ज्ञानपरंपरेपासून आपण दूर गेलो होतो आजच्या तरुणांना भारतीय संस्कृतीचे वैभव खऱ्या अर्थाने कळण्यासाठी भारतीय ज्ञान परंपरा विविध माध्यमातून विद्यार्थ्यांपर्यंत पोहोचणे गरजेचे आहे, असे मत केंद्रीय शिक्षण मंत्रालयाच्या भारतीय ज्ञान परंपरा विभागाचे राष्ट्रीय समन्वयक डॉ. गंटी मुर्ती यांनी व्यक्त केले.

मएसो सिनियर कॉलेज, सावित्रीबाई फुले पुणे विद्यापीठ, भांडारकर विद्या संशोधन मंदिर यांच्यातर्फे भारतीय ज्ञान परंपरा या विषयावर आयोजित करण्यात आलेल्या कार्यशाळेचे उद्घाटन डॉ. गंटी मूर्ती यांच्या हस्ते झाले, त्यावेळी ते बोलत होते. सावित्रीबाई फुले पुणे विद्यापीठाचे प्र कुलगुरू डॉ. पराग काळकर, महाराष्ट्र एज्युकेशन सोसायटीचे उपाध्यक्ष प्रदीप नाईक, माजी खासदार प्रदीप रावत, भांडारकर संस्थेचे अध्यक्ष भूपाल पटवर्धन, भारतीय शिक्षण मंडळाचे सहसचिव महेश दाबक, विजय भालेराव, सीनियर कॉलेजचे प्राचार्य रवींद्र वैद्य, उपप्राचार्य डॉ. पुनम रावत यावेळी उपस्थित होते.

डॉ. गंटी मुर्ती म्हणाले, भारतीय संस्कृती जगातील एकमेव अशी संस्कृती आहे जी हजारो वर्षानंतरही आजही अस्तित्वात आहे, परंतु ही परंपरा मोठ्या प्रमाणावर आज मंदिरे आणि केवळ ग्रंथालयांमध्येच अस्तित्वात आहे, ही परंपरा तेथून बाहेर पडून सर्वसामान्यांच्या आयुष्याचा एक भाग बनले पाहिजे. जर भारतीय ज्ञान परंपरा सर्वसामान्यांच्या जगण्याचा अविभाज्य भाग बनली, तरच ही वैभवशाली परंपरा आपण पुढील पिढीपर्यंत पोहोचवू शकतो.

डॉ.पराग काळकर म्हणाले, आपल्या संस्कृती वरील विश्वास कमी करण्याचे महत्त्वाचे काम आक्रमकानी  केले. त्यामुळेच नालंदा आणि तक्षशिला विद्यापीठे उध्वस्त करण्यात आली. आज गावातील शिक्षण हे शहरांमध्ये आणून ते सर्वसामान्यांना परवडण्याच्या पलीकडे गेले आहे. त्यामुळेच आज भारतीय ज्ञान परंपरा गरजेची आहे  केवळ पाश्चात्यांच्या दृष्टिकोनातून आपण पाहण्याची स्वतःला सवय लावल्यामुळे आपण आपल्याच भारतीय ज्ञान परंपरेला विसरलो आहोत.

महेश दाबक म्हणाले, भारतीय ज्ञान परंपरेकडे पाहण्याचा दृष्टिकोन अधिक सकारात्मक करण्याची गरज आहे. आजच्या तरुणांना त्यांच्या करिअरमध्ये भारतीय ज्ञान परंपरा कशाप्रकारे उपयोगात आणता येऊ शकते हे जर आपण त्यांना लक्षात आणून दिले, तर तेच तरुण ही परंपरा पुढे नेऊ शकतात.

भूपाल पटवर्धन म्हणाले, आजपर्यंत संशोधन क्षेत्रांमध्ये भारतीय कमी पडत होते. परंतु भारतीय ज्ञान परंपरा जर समाजाच्या तळागाळापर्यंत पोचली तर निश्चितच विद्यार्थी संशोधनावर अधिक लक्ष केंद्रित करतील. भारताच्या वैभवशाली परंपरेच्या इतिहासाला आजच्या वर्तमानाशी जोडून उद्याचे भविष्य उज्वल करण्याचे महत्त्वपूर्ण कार्य भारतीय ज्ञान परंपरा करू शकेल.

प्रदीप रावत म्हणाले, विविध क्षेत्रांमध्ये आणि विज्ञानाच्या वेगवेगळ्या शाखांमध्ये भारतीयांनी मोठे योगदान दिले आहे. परंतु पाश्चात्यांच्या पगड्यामुळे आपण त्यांचे योगदान विसरत चाललो आहोत. भारतीयांनी केवळ भारताच्याच विकासामध्ये नव्हे तर जगाच्या इतिहासामध्ये कशाप्रकारे योगदान दिले आहे हे आजच्या तरुणांना कळणे गरजेचे आहे, त्यासाठीच भारतीय ज्ञान परंपरा ही विद्यार्थ्यांना अभ्यासक्रमाच्या माध्यमातून पोहोचली पाहिजे.

रवींद्र वैद्य म्हणाले, भारतीय ज्ञान परंपरेचा अधिक प्रचार आणि प्रसार होईल यासाठी नवीन शैक्षणिक धोरणांच्या माध्यमातून अभ्यासक्रम तयार करणे गरजेचे आहे, तरच आजच्या विद्यार्थ्यांना भारताची प्राचीन आणि गौरवशाली परंपरा काय होती हे कळू शकेल.

प्रदीप नाईक म्हणाले, भारतीय ज्ञान परंपरा अतिशय समृद्ध आहे. नवीन ज्ञान परंपरा निर्माण करून भारतीय विद्यार्थ्यांना विज्ञान आणि संशोधनाकडे वळविणे गरजेचे आहे. केवळ पाश्चात्य शिक्षण व्यवस्था प्रमाण मानून त्यानुसारच आपली वाटचाल करण्यापेक्षा आपल्या ज्ञानपरंपरेत चा नवीन मापदंड आपण निर्माण केले पाहिजे.

या कार्यशाळेमध्ये पुणे व इतर कॉलेजमधील एकूण १७० हून अधिक प्राध्यापकांनी सहभाग घेतला
गौरी मोघे यांनी समारोपाचे भाषण केले. डॉ. सुरेखा वैद्य यांनी सूत्रसंचालन केले.  प्राचार्य डॉ. रवींद्र वैद्य यांनी प्रास्ताविक केले. डॉ. पुनम रावत यांनी आभार मानले.

पुणे- पुणे पोलिसांनी नेमका मुळावर घाव घालून मॅफेड्रोन अर्थात MD या अंमली पदार्थाचे देशाचे लक्ष वेधून घेणारे रॅकेट अवघ्या ३ दिवसात उध्वस्त करून तमाम पोलीस दलाच्या आणि तपास यंत्रणाच्या डोळ्यात अंजन घातले असून आता पुण्यात आणि मुंबईत अथवा महाराष्ट्रात कोणकोणत्या हॉटेलात ,पब्ज मध्ये वा नेमके कोणत्या ठिकाणी ते कोणत्या नावाने,काय भावाने -किंमतीने विकले जात होते / कसा होता त्याचा बाजार..याबाबतच्या माहितीबाबत आता पुणेकरच नव्हे तर महाराष्ट्राला उत्सुकता लागून राहिली आहे.पुण्यात आणि महाराष्ट्रात या अंमली पदार्थाच्या विळख्यात सापडलेल्या तरुणाईची संख्या,हॉस्पीटलायजेशन,विक्रेत्यांचे जाळे..नेमके या धंद्यात विक्रीला लोक कसे उतरत आणि ग्राहक कसे कुठे शोधत ? असा एकूणच प्रवास आता लोकांना आणि या बातम्यांच्या वाचकांसाठी रंजक ठरणार आहे. जो पोलीस आता लवकरच पडद्याच्या पुढे आणतील अशी अपेक्षा आहे.

कुरकुंभ सारख्या ठिकाणी असा कारखाना अगदी निर्धोकपणे सुरु होता आणि त्याचा बाजार,मार्केट हि अगदी विनासायास सहज सुरु होते या घटनेने सर्वांनाच मोठा धक्का बसला आहे. ‘अर्थकेम लॅब्रोटरीज कंपनीचे मालक भीमाजी परशुराम साबळे यांच्या औद्योगिक वसाहतीतील प्लॉट नं. ए ६३ मधील कंपनीच्या उत्पादनाबाबत २०२१ नंतर अर्ज न केल्याने त्यांच्याविरुद्ध महाराष्ट्र कारखाने नियमांतर्गतच्या कायद्याचा भंग केल्याने शिवाजीनगर येथील न्यायालयात २९ मार्च २०२२ रोजी खटला दाखल करण्यात आला आहे.याबाबत न्यायालयीन प्रक्रिया चालू असून १४ मार्च २०२४ रोजी पुढील तारीख आहे. याच कंपनीच्या प्लॉट नं. ए. ६३ च्या बाजूलाच अमली पदार्थ साठा सापडलेला अर्थकेम कंपनीचा प्लॉट नं. ए. ७० हा भीमाजी साबळे यांच्या मालकीचा आणखी एक प्लॉट आहे. त्यामध्ये कोणतीही परवानगी न घेता बेकायदा मेफेड्रोन या अमली पदार्थाचे उत्पादन व साठा केला जात होता, असा प्रकार खूपचमोठा धक्कादायक आहे.’’

‎येरवडा कारागृहात ड्रग उत्पादनाचा ठरला प्लान?

सूत्रांकडून असे सांगितले जाते की कि,सॅम’ नावाचा इंग्लंडचा एक आराेपी हा ‎मास्टरमाइंड असून आफ्रिकेतील‎ टांझानिया देशाचा ‘ब्राऊन’ नामक आराेपी ‎हा त्याच्या संपर्कात आल्यावर त्यांनी ‎येरवडा कारागृहात हैदर शेख, वैभव माने‎ यांच्या मदतीने ड्रग निर्मिीतीचे उत्पादन‎ घेण्याचे ठरवले.सॅम याच्या माध्यमातून ‎डाेंबिवलीचा केमिकल तज्ज्ञ युवराज‎ भुजबळ हा संपर्कात आला व त्याचा‎ वापर करून सॅमने कुरकुंभ‎ एमआयडीसीतील भीमाजी साबळे याच्या‎ कंपनीत ड्रग उत्पन्न घेण्याचे निश्चित‎केले. साबळे याच्यावर कंपनीतील‎ कामाचे तब्बल १४ काेटी रुपयांचे कर्ज‎ झाले हाेते. त्यामुळे झटपट पैसे‎ मिळवण्यासाठी ताे ड्रग निर्मितीत‎ उतरल्याची माहिती सूत्रांनी दिली आहे.दर आठवड्याला तब्बल ३०० किलाे‎ड्रग्ज निर्मितीची क्षमता कारखान्यात‎ निर्माण झाली हाेती.युवराज भुजबळ हा ‎डाेंबिवलीमधील आर अँड डी प्रा. लि. या ‎कंपनीत केमिकल तज्ज्ञ म्हणून काम करत‎ हाेता. या कंपनीत मागील सात ते आठ वर्षे‎काम केल्यानंतर ताे सॅम या आराेपीच्या ‎संपर्कात आल्याचेही समोर आले.‎सॅमच्या माध्यमातून ताे साबळे यास ‎कुरकुंभ येथे कंपनीत जाऊन भेटला. त्याने‎ ड्रग बनवण्याचा फार्म्युला त्यास देऊन‎ सदरचे उत्पादन घेण्याचे सांगितले.‎त्याकरिता आतापर्यंत त्याने साबळे यास ८‎लाख रुपये देखील दिले आहे. सॅम हा ‎नेमके किती उत्पादन पाहिजे हे सांगत‎ हाेता. त्याप्रमाणे साबळे यास उत्पादनाची‎ आॅर्डर दिली जात हाेती. प्रत्येक‎ डिलिव्हरीमागे लाखाे रुपये मिळत‎ असल्याने साबळे हा देखील ड्रग‎ उत्पादनात सक्रिय झाला हाेता.‎इतक्या माेठया‎ प्रमाणात आॅर्डर काेण देत हाेते, त्याचा वापर नेमका कुठे‎कुठे केला गेला, त्यासाठीचे आर्थिक रसद काेणी व‎ किती पुरवली याबाबत देखील चाैकशी करण्यात येत‎ आहे. या रकमेचा नेमका विनियाेग कशा प्रकारे झाला हे ‎देखील तपासण्यात येत आहे.पुणे पाेलिसांनी सुरुवातीला या प्रकरणात वैभव माने व त्याचा वाहन‎ चालक या दाेघांना अटक केली व त्यांच्या ताब्यातून साडेतीन काेटींचे ‎एमडी जप्त केले. त्यानंतर त्यांच्या चाैकशीत हैदर शेख याचे नाव‎ निष्पन्न करून विश्रांतवाडी येथील गाेदाम छाप्यात ५५ किलाे एमडी‎जप्त केले. त्यानंतर सदर मालाची वाहतूक करणाऱ्या तीन टेम्पाे‎चालकांना शाेधून काढत त्यांच्याकडे चाैकशी केली. त्यात कुरकुंभ,‎सांगली व दिल्ली येथील ठिकाणांची माहिती पाेलिसांना मिळाली.‎टेम्पाे चालकांच्या मदतीने कुरकुंभ येथून ६६३ किलाे ८०० ग्रॅम एमडी,‎दिल्लीतून ९७० किलाे एमडी व सांगलीतून १४० किलाे एमडी जप्त ‎करण्यात आलेले आहे. पाेलिसांच्या पथकासाेबत विमानाने टेम्पाे‎चालक देखील दिल्लीला तपास कामासाठी रवाना करण्यात आला.‎दिल्लीत जप्त करण्यात आलेला माल सुरक्षित पुण्यात आणण्यासाठी‎ १ डीसीपीसह १४ पाेलिसांचे पथक व दाेन क्यूआरटी टीम दिल्लीस ‎पाठविण्यात आली आहे.

‎

सांगली जिल्हयातील कुपवाड एमआयडीसी मध्ये तीनशे कोटी रुपयाच्या एम डी ड्रग्स जप्त : तीन जणांना अटक : पुणे क्राईम ब्रँच पोलिसांची कारवाई :

सांगली जिल्हयातील कुपवाड एमआयडीसी मध्ये तीनशे कोटी रुपये किमतीचे एम डी ड्रग्स जप्त करण्यात आले आहे. या प्रकरणी तीन जणांना अटक करण्यात आली आहे. पुणे क्राईम ब्रँच पोलिसांनी सांगली पोलिसांच्या सहकार्याने कारवाई केली आहे. आयुब मकानदार आणि अन्य दोघांना अटक करण्यात आली आहे. काही वर्षांपूर्वी कुपवाड एमआयडीसी मध्ये केटामिनवर कारवाई झाली होती त्यानंतर आता तब्बल तीनशे कोटी रुपयांच्या एमडी ड्रग्सवर कारवाई झाल्यामुळे परिसरात खळबळ माजली आहे.

पुणे क्राईम ब्रँचने अवैधरित्या उत्पादन करणाऱ्या अमली पदार्थ एमडी ड्रग्स चा पर्दाफाश केला असून पुणे, दिल्ली पाठोपाठ सांगली जिल्ह्यात असणाऱ्या एमआयडीसी कुपवाड मध्ये काही 300 कोटी रुपयांचा एमडी ड्रगचा साठा जप्त केला आहे. पुण्यातून टेम्पो मधून काही पिशव्या कुपवाड मध्ये आल्याचे माहिती पुणे पुणे अनिव्हेशन विभागाला मिळाली. आरोपी आयुब माकनदार याने कुपवाड मध्ये रूम भाड्याने घेऊन गोण्या ठेवल्या होत्या.
सांगलीतील कुपवाड मधून 140 किमो एम डी ड्रग्स जप्त कण्यात आला आहे. त्याची आंतरराष्ट्रीय बाजारात किंमत 280 ते 300 कोटी रुपयांचे ड्रग्ज जप्त करण्यात आले आहे. पुणे शहर, शिरूर, दिल्ली त्यानंतर कुपवाड मध्ये पुणे क्राईम ब्रँचची कारवाई करण्यात आली आहे.
आयुब मकानदार हा यापूर्वी ड्रग्ज प्रकरणी येरवडा मध्ये शिक्षा भोगत असताना आयुब याची पुण्यात अन्य संशयीतासोबत ओळख झाली. त्यातूनच तो ड्रग्ज पुरवठा करण्याचे काम करत होता. कुपवाड मधील स्वामी मळा मध्ये पुण्यातील क्राईम ब्रँच कडून मोठी कारवाई करण्यात आली आहे. पुणे अन्वेषण विभागाचे वरिष्ठ पोलीस निरीक्षक विनायक गायकवाड यांनी कुपवाड येथे येवून कारवाई केली. सांगली जिल्हा पोलीस अधीक्षक संदीप घुगे यांच्या मार्गदर्शनाखाली पोलीस निरीक्षक विनायक गायकवाड आणि कुपवाड एम आय डी सी चे सहाय्यक पोलीस निरीक्षक अविनाश पाटील यांनी संयुक्तिकपणे ही कारवाई केली आहे.