राज्य सामाईक प्रवेश परीक्षा कक्षामार्फत इंजिनीअरिंग, औषधनिर्माणशास्त्र आणि कृषी अभ्यासक्रमांच्या प्रथम वर्ष पदवी प्रवेशासाठी घेण्यात आलेल्या एमएचटी-सीईटी परीक्षेचा निकाल नुकताच जाहीर झाला यामध्ये चाटे शिक्षण समूहाच्या सौरभ जोग या विद्यार्थ्याने 100 पर्सेंटाइल स्कोर मिळवत राज्यामधून सर्वप्रथम येण्याचा बहुमान मिळवला व चाटे शिक्षण समूहाची उज्वल यशाची परंपरा कायम राखली.
चाटे शिक्षण समूहातर्फे विविध परीक्षांमध्ये उज्वल यश संपादन केलेल्या गुणवंत विद्यार्थ्यांसाठी सत्कार सोहळ्याचे आयोजन करण्यात आले होते यावेळी चाटे शिक्षण समूहाचे संस्थापक अध्यक्ष प्राध्यापक गोपीचंद चाटे सर व चाटे शिक्षण समूह पुणे विभागीय संचालक प्राध्यापक फुलचंद चाटे सर यांनी सर्व गुणवंत विद्यार्थी व त्यांचे पालक यांचे मनःपूर्वक अभिनंदन केले व विद्यार्थ्यांना पुढील वाटचालीस शुभेच्छा दिल्या यावेळी बोलताना प्रा गोपीचंद चाटे सर म्हणाले की कोरोनामुळे मागील काही महिन्यापासून उद्भवलेल्या परिस्थितीमध्ये कुठेही विचलित न होता अतिशय संयमीपणे व जिद्दीने सौरभ नी मेहनत घेतली व त्याचे शासकीय अभियांत्रिकी पुणे या कॉलेजमध्ये प्रवेश मिळवण्याचे स्वप्न हे सत्यात उतरविले व इतर विद्यार्थ्यांसमोर ही एक आदर्श निर्माण केला याबद्दल त्याचे करावे तेवढे कौतुक कमीच आहे.
प्राध्यापक फुलचंद चाटे सर यांनीही ही यावेळी विद्यार्थ्यांशी संवाद साधताना त्यांनी मागील दोन वर्षांमध्ये चाटे शिक्षण समूहाच्या शैक्षणिक प्रणालीनुसार सातत्यपूर्ण मेहनत घेतल्याने व वेळोवेळी प्राध्यापकांचे मार्गदर्शन लाभल्याने ऑनलाइन माध्यमातून तयारी करून सुद्धा चाटें च्या विद्यार्थ्यांना विविध प्रवेश परीक्षांमध्ये अभूतपूर्व असे यश कसे संपादन करता आले यावर प्रकाश टाकला. आपल्या पुढील भविष्यकालीन वाटचालीमध्ये सुद्धा चाटे शिक्षण समूहाची नेहमीच आपणास भक्कम साथ राहील अशीही ग्वाही सरांनी विद्यार्थ्यांना दिली.
मिळालेल्या अभूतपूर्व यशाबद्दल विद्यार्थी व पालक यांनी चाटे शिक्षण समूहाचे सर्व शिक्षक व शिक्षकेतर कर्मचारी यांचे आभार मानले. कार्यक्रमाचे प्रास्ताविक पुणे विभागीय व्यवस्थापक प्रा. विजय बोबडे यांनी केले यावेळी पुणे विभागातील सर्व शाखा व्यवस्थापक कार्यक्रमास उपस्थित होते.
