अमृता खानविलकरचा वाढदिवस दादरच्या मूकबधिर शाळेत साजरा

आपला वाढदिवस खास व्हायला हवा आहे असे सगळ्यांनाच वाटतं, पण त्यातले
कितीजण खरंच हा वाढदिवस वेगळ्याप्रकारे साजरा करतात? अमृता खानविलकरने मात्र
हे केलंय. आपल्या बर्थडे वीकचा पहिला दिवस तिने खूप वेगळ्या प्रकारे साजरा
केलाय. दरवर्षी अमृता आपला वाढदिवस आठवडाभर साजरा करते, किंबहुना तिचे
फॅन्सचा तिचा बर्थडे वीक; सेलेब्रेट करतात. सोमवारी 20 नोव्हेंबर रोजी तिने खूप हटके
पद्धतीने तिचा वाढदिवस साजरा केला.
दादर मध्ये असलेल्या प्रगती विद्यालय या कर्णबधिर मुलांच्या शाळेला भेट देऊन
अमृताने तिचा वाढदिवस खास पद्धतीने साजरा केला. या मुलांसोबत अमृताने तिच्या
वाढदिवसाचा आनंद द्विगुणित केला. बर्थडे सेलेब्रेशनच्या निम्मिताने या शाळेतील मुलांची
भेट घेतली. तिथल्या शिक्षकांनी तिचे विशेष स्वागत केले. लहान मुलांनी तिच्यासाठी ;हॅपी
बर्थडे; ची जिंगल गायली. स्वतः बनवलेली कागदी फुले तिला भेट म्हणून दिली. हे सर्व
पाहून नक्कीच अमृताचा उत्साह द्विगुणित झाला. तिने या मुलांसोबत डान्स देखील केला.
अमृताच्या वाढदिवसानिम्मिताने तिचे सोशल साईट्स फॅन टीमने देखील
कार्यक्रमाला हाजेरी लावून शुभेच्छा दिल्या. वेगळ्या प्रकारे बर्थडे सेलीब्रेट करत या
अभिनेत्रीने अनेकजणांना प्रेरणा दिली आहे.अमृता सांगते ;शाळेत असताना मी वाढदिवस
शाळेतील मित्र मैत्रिणीसोबत खाऊ वाटून साजरा करायची पण आता इथे येऊन ह्या
मुलांना खाऊ देऊन त्यांच्या चेहऱ्यावरील आनंद पाहून मी समाधानी झाले आहे. इथे येऊन
मी बरंच काही शिकून गेले. ह्या मुलांच्या दुनियेत धन्यवाद, स्वागत करणे हे ते हावभावाने
करतात. त्यांची टाळ्या वाजवण्याची पद्धत तर फारच सुंदर आहे. मी आता अशाचप्रकारे
टाळ्या वाजवणार! इतकं सगळं नवीन शिकायला मिळणं हा एक प्रकारचा स्वार्थच आहे
नाही का?
सध्या अमृता;डान्स इंडिया डान्स; या हिंदी कार्यक्रमामधून होस्ट म्हणून दिसून आहे
व ती मेघना गुलझार दिग्दर्शित ‘राझी’ ह्या चित्रपटामध्ये आलिया भट सोबत दिसणार
आहे. हिमांशू तिच्या ह्या वाढदिवसाला काय भेट देणार आहे ह्याची उत्सुकता देखील आहे.
मागील वर्षी भेट म्हणून मला खूप वेगवेगळे कानातले झुमके मिळाले होते तर ह्या वर्षी
काहीतरी वेगळं असेल अशी आशा आहे, असे अमृता सांगते.