पुणे – सध्या कोव्हिडच्या आपत्ती प्रसंगी पुणे शहरात व्हेंटिलेटर चा गरज लक्षात येताच शिवसेना पक्षप्रमुख व राज्याचे मुख्यमंत्री उद्धव ठाकरे यांच्या मार्गदर्शनाखाली महाराष्ट्र राज्याचे पर्यावरण व पर्यटन मंत्री, आदित्य ठाकरे यांनी वैयक्तिक मदतीतून आरोग्य व्यवस्थेत हातभार लागावा या भावनेतून पुणे शहरासाठी दहा तर पिंपरी चिंचवड साठी पाच व्हेंटिलेटर पाठवले आहेत.
ही मदत आज पुणे महानगरपालिकेच्या आवारात शिवसेना पश्चिम महाराष्ट्र समन्वयक रविंद्र मेर्लेकर व पुणे शहर संपर्क प्रमुख बाळा कदम यांच्या हस्ते पुणे मनपा आयुक्त विक्रम कुमार, अतिरिक्त आयुक्त रुबल अग्रवाल यांच्या कडे करण्यात आली. या वेळी पुणे शहर प्रमुख संजय मोरे,महापालिकेतील शिवसेनेचे,गटनेते पृथ्वीराज सुतार ,गजानन धरकुडे, विजय देशमुख, नगरसेवक विशाल धनवडे, अविनाश साळवे, नगरसेविका ,पल्लवी जावळे, प्राची आल्हाट, संगीता ठोसर,उपशहर प्रमुख उल्हास शेवाळे,प्रविण डोंगरे, राहुल जेटके, युवराज पारखे आदी उपस्थित होते.
प्राथमिक स्तरावर ही मदत अनेकांना उपयोगी ठरेल आणि लवकरच या महामारीच्या संकटातून आपण बाहेर येऊ असा विश्वास आदित्य ठाकरेंच्या वतिने या प्रसंगी रविंद्र मेर्लेकर यांनी व्यक्त केला.
