मनमोहन इस्पातचा सणसवाडी येथे नवीन उत्पादन प्रकल्प कार्यान्वित
पुणे : जेएसडब्ल्यू स्टीलचे वितरक असलेल्या मनमोहन इस्पातने पुण्यात सणसवाडी येथे नवीन उत्पादन प्रकल्प कार्यान्वित केला आहे. या प्रकल्पाचे उद्घाटन जेएसडब्ल्यूच्या विक्री व विपणन विभागाचे सरव्यवस्थापक संजय मित्तल,चॅनल सेल्स विभागाचे सरव्यवस्थापक निलेश मलानी,क्षेत्रीय विक्री व्यवस्थापक जयप्रकाश तिवारी व मनमोहन इस्पातचे व्यवस्थापकीय संचालक भैरूलाल राठोड यांच्या हस्ते संपन्न झाले. या उत्पादन प्रकल्पामुळे पुणे,सोलापूर व नाशिक जिल्ह्यातील ग्राहकांच्या वाढत्या गरजांची पूर्तता करता येईल.
याप्रसंगी बोलताना जेएसडब्ल्यूच्या विक्री व विपणन विभागाचे सरव्यवस्थापक संजय मित्तल म्हणाले,हा उत्पादन प्रकल्प जेएसडब्ल्यू एक्सप्लोर या प्रकारातील असून यामुळे ग्राहकांना मूल्यावर्धित सेवा व उच्च दर्जाची उत्पादने मिळतील.
मनमोहन इस्पातचे व्यवस्थापकीय संचालक भैरूलाल राठोड म्हणाले,या उत्पादन प्रकल्पात कॉइल शीटस्च्या स्वरूपात येणार्या धातूला प्रोफाईलिंग व रोलिंग मशीन्सच्या साहाय्याने आकार दिला जातो.या प्रकि‘येनंतर रूफींग शीट तयार होते,जे घरे,हॉटेल्स,इंडस्ट्रीयल शेडस्,कॅन्टीन्स,अॅग्रीकल्चरल शेडस् इत्यादी ठिकाणी वापरले जाते.