16,000 चौरस फूट कार्यालयामध्ये ऊर्जा, इमारती, मशीन व प्रकल्प यासाठी इकोस्ट्रक्शर सोल्यूशन्सचे प्रात्यक्षिक दिले जाणार
पुणे– श्नायडर इलेक्ट्रिक या ऊर्जा व्यवस्थापन व ऑटोमेशन या क्षेत्रांतील जागतिक स्तरावरील स्पेशालिस्ट कंपनीने महाराष्ट्रातील पुणे येथे, ओपन स्पेस या संकल्पनेवर आधित असणाऱ्या नव्या कार्यालयाचे उद्घाटन केल्याचे आज जाहीर केले आहे. श्नायडर इलेक्ट्रिक ही शहरातील व आजूबाजूच्या उपनगरांतील महत्त्वाच्या ग्राहकांसाठी पसंतीची ऊर्जा व्यवस्थापन भागीदार आहे. या विस्ताराच्या निमित्ताने, कंपनीने वैविध्यपूर्ण ऊर्जा व्यवस्थापन उत्पादने व सोल्यूशन याद्वारे, महाराष्ट्राच्या या सांस्कृतिक राजधानीतील आपले आघाडीचे स्थान व उत्पन्न बळकट करायचे ठरवले आहे. कंपनीचा सर्व व्यवसाय आणि अमेरिकेतील एएससीओ पॉवर टेक्नालॉजीजचे डिझाइन इंजिनीअरिंग सेंटर यांसाठी कंपनीचा हा एकात्मिक प्रकल्प असणार आहे.
नव्या कार्यालयामध्ये श्नायडर इलेक्ट्रिकची दर्जेदार उत्पादने व सोल्यूशन दर्शवली जाणार आहेत, तसेच ग्राहकांना झटपट सेवा देण्याच्या दृष्टीने कर्मचाऱ्यांची कार्यक्षमताही वाढवली जाणार आहे. यानिमित्त बोलताना, श्नायडर इलेक्ट्रिक इंडियाचे नॅशनल सेल्सचे उपाध्यक्ष मनीष खंडेलवाल यांनी समावेशक, खुल्या व भविष्यात्मक वर्कप्लेसचे महत्त्व काय आहे, याविषयीचे विचार व्यक्त केले. पुण्यातील नवा प्रकल्प हा भारतातील कंपनीच्या सर्वोत्तम कार्यालयांपैकी एक असणार आहे आणि कार्यालयांच्या बाबतीत नवा बेंचमार्क निर्माण करणार आहे.
श्नायडर इलेक्ट्रिक इंडियाचे जनरल मॅनेजर श्रीकर पैठणकर यांनी पाहुण्यांचे स्वागत करताना नमूद केले, “या शहरामध्ये असणाऱ्या क्षमतेविषयीचे आमचे आकलन या विस्तारातून अधोरेखित झाले आहे, तसेच ग्राहकांना उत्तम अनुभव देऊन स्थानिक व्यवसाय झपाट्याने वाढण्यासाठी मदत करण्याचा आमचा प्रयत्नही स्पष्ट झाला आहे. मोक्याच्या व मध्यवर्ती ठिकाणी असल्याने आम्हाला ग्राहककेंद्रित सेवा देणे व त्यांना सहज उपलब्ध होईल, अशी सेवा देणे शक्य होणार आहे.” अमर कॅलिबर, सीटीएस नं. 911, बीएमसीसी रोड, डेक्कन जिमखाना, शिवाजीनगर येथे असणारे नवे कार्यालय श्नायडर इलेक्ट्रिकची ऊर्जा, इमारती, मशीन व प्रकल्प यासाठीची इकोस्ट्रक्शर सोल्यूशन दर्शवण्याच्या दृष्टीने आखले आहे. कार्यालयामध्ये ग्राहकांसाठी प्रशिक्षण सुविधा व नॉलेज शेअरिंग सुविधाही आहे.