सारसबागेत चित्रकलेतून ११ हजार चिमुकल्यांनी वाहिली आदरांजली
पुणे : जो शहीद हुए है उनकी, जरा यॉंद करो कुर्बानी… या गीताप्रमाणे मुंबईमध्ये २६/११ ला झालेल्या हल्ल्यातील शहीद पोलीस अधिकारी व कर्मचा-यांना मानवंदना देण्यासाठी पुणे पोलीस दलासह पुणेकरही मोठया संख्येने सारसबागेत जमले. शहीद सैनिकांच्या शौर्याचे प्रतिक म्हणून उभारलेल्या स्तंभाला बँडच्या ठेक्यामध्ये मानवंदना देत त्यांच्या हौताम्याला पुणे पोलिसांनी सलाम केला. पोलिसांनी दिलेली मानवंदना अनुभवताना उपस्थित प्रत्येकाच्या डोळ्याच्या कडा पाणावल्या आणि भारत माता की जय…चा जयघोष करुन पोलिसांसह उपस्थित नागरिकांनी अशा दहशतवादी शक्तींचा सामना करण्याकरीता एकत्र राहण्याचा निर्धारही केला. पोलिसांसह ११ हजार शालेय विद्यार्थ्यांनी चित्रकलेच्या माध्यमातून शहिदांना चित्ररुपी श्रद्धांजली अर्पण केली.
मुंबईमध्ये २६/११ रोजी झालेल्या दहशतवादी हल्ल्यातील शहिदांच्या स्मरणार्थ पुणे शहर पोलीस आणि शुक्रवार पेठेतील सेवा मित्र मंडळ ट्रस्टतर्फे सारसबागेमध्ये विशेष कार्यक्रमाचे आयोजन करण्यात आले. यावेळी पुण्याचे पोलीस आयुक्त अमिताभ गुप्ता, सहपोलीस आयुक्त संदीप कर्णिक, रामनाथ पोकळे, स्मार्तना पाटील, संदीपसिंह गिल, विक्रांत देशमुख, श्रीनिवास घाडगे, आर. राजा, सुषमा चव्हाण, आर.एन.राजे, वरिष्ठ पोलीस निरीक्षक सावळाराम साळगांवकर, श्रीहरि बहिरट, सोमनाथ जाधव, संगीता यादव, सहाय्यक पोलीस निरीक्षक अश्विनी बावचे यांसह सर्व झोनचे पोलीस अधिकारी, कर्मचारी, सेवा मित्र मंडळाचे अध्यक्ष सागर कुलकर्णी, शिरीष मोहिते, अॅड. सुभाष मोहिते अध्यक्ष पुणे जिल्हा नागरी सहकारी बँक असोसिएशन, राजाभाऊ कदम, प्रताप निकम, सूर्यकांत पाठक, अॅड. शिरीष शिंदे, बाळासाहेब अमराळे यांसह नागरिक उपस्थित होते. यावेळी भारतीय संविधान उद्देशिकेचे वाचनही करण्यात आले.
स्वारगेट पोलीस स्टेशनचे वरिष्ठ पोलीस निरीक्षक अशोक इंदलकर यांनी संविधान वाचन केले. पोलीस दलातर्फे बँडच्या माध्यमातून शहिदांना आदरांजली अर्पण करण्यात आली. त्यासोबतच जिल्हास्तरीय चित्रकला स्पर्धेचे देखील आयोजन करण्यात आले. महाराष्ट्र पोलीस दलातील अधिकारी व कर्मचा-यांनी दाखविलेल्या धाडसाला मानवंदना देण्यासाठी पुण्यातील पोलीस दलाच्या पुढाकाराने दरवर्षी हा कार्यक्रम आयोजित केला जातो. तसेच देशभक्तीपर व पर्यावरण जागृतीच्या कल्पना विद्यार्थ्यांनी चित्रकलेच्या माध्यमातून मांडाव्यात आणि विद्यार्थ्यांमध्ये देशभक्ती जागृत होण्यासोबतच शहिदांना श्रद्धांजली अर्पण करावी, यासाठी चित्रकला स्पर्धेचे आयोजन करण्यात आले.
चित्रकला स्पर्धा पहिली ते दहावीच्या विद्यार्थ्यांसाठी व खुल्या गटासाठी आयोजित करण्यात आली. स्पर्धेत सहभाग घेणा-या प्रत्येकाला प्रशस्तीपत्रक देण्यात आले. सर्वाधिक मुलांच्या सहभागाबद्दल श्री विजय वल्लभ शाळेचा विशेष सन्मान करण्यात आला. स्पर्धेचे परीक्षण विवेक खटावकर, गिरीष चरवड, संदीप गायकवाड, गोपाळ परदेशी, नितीन होले, शेखर देडगावकर, मनोहर जाधव, प्रा. सागर पानसरे, विनोद क्षीरसागर, कृत्रिका मोहिते यांनी केले. मंडळाचे तन्मय तोडमल, अमर लांडे, उमेश कांबळे, सचिन ससाणे, अॅड. हेमंत झंजाड, सागर पवार, जगदीश शेटे, अजय पंडित, लाला परदेशी यांनी संयोजनात सहभाग घेतला. पुणे पीपल्स बँकेच्या वतीने मुलांसाठी खाऊची व्यवस्था करण्यात आली होती.
* चित्रकला स्पर्धेचा निकाल :-
अ गट (इयत्ता १ली ते २री) – रियांश शिंदे, संचित मगर, ज्योशवा ठोभारे, आर्यन दगडे, मारुश सय्यद, प्रांजवी काळे, ब गट (इयत्ता ३री ते ४ थी) – अलभिष सय्यद, अंकिता केंजळे, स्वरा भोकरे, रिद्धी झिंगाडे, तन्मय शिंदे, मनस्वी येनपुरे, क गट (इयत्ता ५ वी ते ७ वी) – राहिन कच्छी, मोईन शेख, पूर्वा पोळ, सानिका भागवत, पूनित वड्डीपेल्ली, तनय घाडगे, ड गट (इयत्ता ८वी ते १० वी) – मिलिंद घाटे, प्राची सतवानी, भाग्येश मचकूरी, पूजा ढिर, रिद्धी गर्जे, अभिश शेख, , खुला गट – निकीता श्रीसुंदर, दिपाली दगडे, वैष्णवी पवार.
