डब्ल्यू मेरियट हॉटेलला बैठका
पुणे-केंद्रीय गृहमंत्री अमित शाह दोन दिवसांच्या पुणे दौऱ्यासाठी शनिवारी संध्याकाळी पुणे शहरात दाखल झाले होते. त्यानुसार आज दुपारी एका शासकीय कार्यक्रमानंतर अमित शहा दिवसभर काही महत्त्वाच्या भेटीगाठी घेणार होते. मात्र, त्यांच्या या दौऱ्यात अचानक बदल करण्यात आला असून अमित शहा यांच्या सर्व बैठका रद्द करण्यात आल्या आहेत.पूर्वीच्या नियोजनुसार रविवारी पूर्ण दिवस अमित शाह यांचा मुक्काम पुणे शहरात होता. दोन दिवसांच्या त्यांच्या या दौऱ्यात फक्त सहकार विभागाकडून आयोजित एक कार्यक्रम होता. हा कार्यक्रम आज रविवारी दुपारी होणार आहे. त्यानंतर त्यांचा इतर सर्व वेळ राखीव ठेवला होता. परंतु आता त्यांच्या या दौऱ्यात अचानक बदल केला गेला आहे. आता अमित शाह कार्यक्रमानंतर तातडीने दिल्लीला रवाना होणार असल्याची माहिती आहे.
केंद्रीय गृहमंत्री अमित शहा आज दुपारी सहकार विभागाचा कार्यक्रमाला उपस्थित राहणार आहेत. त्यांच्या हस्ते ‘सहकार से समृद्धी ‘ पोर्टलचे उद्घाटन होणार आहे. पिंपरी चिंचवड येथील रामकृष्ण मोरे मल्टीपर्पज हॉलमध्ये हा कार्यक्रम होणार आहे. हा कार्यक्रम झाल्यानंतर त्यांचा वेळ राखीव होता. कार्यक्रमानंतर अमित शाह थांबलेल्या हॉटेलमध्ये परत जाणार होते. त्याठिकाणी बैठका होणार होत्या. त्या बैठका अमित शह यांनी रद्द केल्या आहेत. आता अमित शहा 3 वाजता पुणे विमानतळावरून थेट दिल्लीला रवाना होणार आहे.
दरम्यान, अमित शहा यांच्या आज दुपारनंतर होणाऱ्या नियोजित बैठका अचानक रद्द झाल्याने या बैठका आज सकाळपासूनच सुरू झाल्याची माहिती आहे. पूर्वी नियोजनानुसार, सहकार विभागाचा कार्यक्रम संपवून अमित शहा डब्ल्यू मेरियट हॉटेलला येणार होते. त्या ठिकाणी बैठकांचे आयोजन केले होते. परंतु कार्यक्रम झाल्यानंतर अमित शहा तातडीने दिल्लीला जाणार आहे. यामुळे या बैठका सकाळी 11 वाजताच सुरु झाल्या आहेत. अमित शहा यांना भेटण्यासाठी मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि अजित पवार डब्ल्यू मेरियट हॉटेलला दाखल झाले आहेत. या चारही नेत्यांमध्ये बैठक झाली आहे.
मंत्रिमंडळ विस्तारावर चर्चा
अमित शहांसोबत आज मुख्यमंत्री एकनाथ शिंदे, उपमुख्यमंत्री देवेंद्र फडणवीस व अजित पवार या नेत्यांमध्ये जवळपास एक तास चर्चा झाल्याची माहिती आहे. यात मंत्रिमंडळ विस्तारावर चर्चा झाली असल्याची माहिती आहे. मात्र, याला अद्याप अधिकृत दुजोरा देण्यात आलेला नाही. मात्र, लवकरच मंत्रिमंडळ विस्तार होणार असून त्याविषयीच बैठकीत चर्चा झाल्याची माहिती आहे.