पुणे-आज पंतप्रधान नरेंद्र मोदी यांची माजी आमदार अरविंद लेले कुटुंबीयांनी भेट घेतली. श्रीमती अनुराधा लेले, मिलिंद लेले, प्रमोद लेले, हेमंत लेले, सुवर्ण लेले, अंजली लेले यांचा यावेळी समावेश होता.ते म्हणाले ,’आजचा दिवस आम्हा सर्व कुटुंबीयांसाठी सोन्याचा वर्षाव करणारा ठरला.माझे वडील कै. डॉक्टर अरविंद लेले यांचा चरित्र ग्रंथ “कृतार्थ” आज त्यांना सस्नेह सादर केला. तसेच तळजाई शिबिरामध्ये कै. बाबूजींनी गायलेल्या आणि माझ्या वडिलांनी लिहिलेल्या हिंदू सारा एक या गीताची एक सुंदर फ्रेम करून त्यांना भेट दिली. पीएम केअर्स फंड या प्रधानमंत्री कोशामध्ये आम्हा सर्व कुटुंबीयांतर्फे दोन लक्ष समर्पण केले.
भारताच्या भविष्याची दिशा बदलणारे आणि हिंदू संस्कृतीला जगात मानाचे स्थान पुन्हा मिळवून देणारे व्यक्तिमत्व म्हणजे पंतप्रधान नरेंद्र मोदी माझ्या वडिलांच्याआणि त्यांच्या जुन्या स्नेहाची आठवण ठेवून आम्हा सर्व कुटुंबीयांना त्यांनी आज भेटीचे वेळ दिले. त्यांच्यासारख्या अत्यंत तेजस्वी व्यक्तीला भेटून आज आम्हाला कृतकृत्य झाल्याचा अनुभव येतो आहे.
आमच्या कुटुंबातील सर्व सदस्यांची त्यांनी वैयक्तिक चौकशी देखील केली. “पक्षाचे काम करताना पूर्ण समर्पण भावनेने कर. आपल्या विचारांपासून आणि तत्वांपासून फारकत घेऊ नकोस. सामाजिक कार्य करताना अंत्योदय हेच आपले ध्येय असले पाहिजे” असे त्यांनी आवर्जून सांगितले.
![](https://mymarathi.net/wp-content/uploads/2023/08/WhatsApp-Image-2023-08-01-at-16.47.02-1-1024x768.jpeg)