पुणे- एक नृत्यांगना गुजरात येथे कार्यक्रमासाठी गेली असताना तिच्या घराची घरफोडी करून १३ लाख १० हजाराचा ऐवज चोरून नेणाऱ्या मांगडेवाडीतील २३ वर्षीय तरुणाला बेड्या घालून पोलिसांनी त्याच्याकडून चोरीस गेलेल्या ऐवाजातील सुमारे सव्वाबारा लाखाचा ऐवज हस्तगत केला आहे .
याप्रकरणी पोलिसांनी सांगितले कि,’दिनांक २६/०६/२०२३ रोजी ते दिनांक ०९/०७/२०२३ रोजीचे पहाटे ०५/३० वा. दरम्यान फिर्यादी हे लग्नामध्ये डान्सचे कार्यक्रमा करीता गुजरात येथे गेले असता कोणीतरी अज्ञात इसमाने फिर्यादी यांचे घराचे मुख्य दरवाज्याचे लॉक कशाचे तरी सहाय्याने उघडुन घरामध्ये प्रवेश करुन घरातील कपाटाचे लॉकर तोडुन त्यामधुन ५,६०,००० /- रुपये किंमतीचे १० तोळे वजनाचे सोन्याच्या अंगठया, चैन, तसेच ७,५०,०००/- रुपये रोख असा एकुण १३,१०,००० /- रुपये किंमतीचा माल लबाडीच्या इरादयाने चोरी केला आहे म्हणुन फिर्यादी यांनी दिलेल्या तक्रारीवरुन भारती विद्यापीठ पोलीस स्टेशन गुन्हा रजि नंबर ४५४/२०२३, भादवि कलम ४५४,४५७, ३८० अन्वये गुन्हा दाखल आहे.
दाखल गुन्हयातील अज्ञात आरोपीतांचा भारती विद्यापीठ पोलीस स्टेशनकडील तपास पथकाचे अधिकारी व अंमलदार शोध घेत असताना पोलीस अंमलदार राहुल तांबे, विक्रम सावंत यांना त्यांचे बातमीदारामार्फेत बातमी मिळाली की, सदरचा गुन्हा हा इसम नामे शुभम अशोक माने, वय २३ वर्षे, रा. फ्लॅट नंबर ४१०, सुदरतिर्थ अपार्टमेन्ट, मांगडेवाडी, कात्रज, पुणे याने केला आहे अशी खात्रीशीर बातमी मिळाल्याने तपास पथकाचे अधिकारी व अंमलदार यांनी सदर आरोपीतांचा शोध घेवुन त्यास अटक केली आहे. तपास करता त्याचेकडुन गुन्हयातील एकुण १२,२२,०००/- रुपयाचा मुद्देमाल जप्त केला आहे.
सदरची कारवाई अपर पोलीस आयुक्त, पश्चिम प्रादेशीक विभाग, पुणे प्रविणकुमार पाटील, पोलीस उप आयुक्त परिमंडळ २, श्रीमती स्मार्तना पाटील, सहाय्यक पोलीस आयुक्त स्वारगेट विभाग, पुणे नारायण शिरगावकर, यांचे मार्गदर्शनाखाली भारती विदयापीठ पोलीस स्टेशनकडील वरिष्ठ पोलीस निरीक्षक विजय कुंभार, पोलीस निरीक्षक (गुन्हे) विजय पुराणिक, गिरीश दिघावकर, सहाय्यक पोलीस निरीक्षक अमोल रसाळ, पोलीस अंमलदार राहुल तांबे, विक्रम सावंत, सचिन सरपाले, आशिष गायकवाड, शैलेश साठे, चेतन गोरे, निलेश ढमढेरे, मंगेश पवार, हर्षल शिंदे, अभिजीत जाधव, अवधतु जमदाडे, धनाजी धोत्रे, सचिन गाडे अभिनय चौधरी यांच्या पथकाने केली आहे.
