पोलीस आणि नागरिक सतर्कतेमुळे रस्ता चुकलेली 8 वर्षाची सिमरन घरी सुखरूप पोहचली

पुणे-सायंकाळी ७वाजण्याच्या दरम्यान जनसेवा बँक जवळ, केशवनगर येथे एक लहान मुलगी रडत असल्याचे येथे राहणारे रहिवाशी निलकंठ शरन्नप्पा मानिकशेट्टी, (रा. जनसेवा बँक मागील बाजुस, केशवनगर, मुंढवा, पुणे )यांचे निदर्शनास आल्याने, त्यांनी तिच्याकडे विचारपूस केली. परंतु तीने काहीएक माहिती न सांगितल्याने त्यांनी लहान मुलीस तिचे कुटूंबियाची भेट पोलीसच करुन देवु शकतात या आशेने केशवनगर पोलीस चौकीस घेवुन आले. त्यांनी या मुलीस पोलीस अंमलदार, दिपक कदम यांचे ताब्यात दिले. त्यांनी लहान मुलीस आपुलकीने विचारपुस केली. परंतु त्या मुलीस तीचे नाव राहण्याचा पत्ता काही एक सांगता येत नव्हते. त्यावेळी या हरविलेल्या मुलीची माहिती पोलीस अंमलदार, दिपक कदम यांनी वरिष्ठ पोलीस निरीक्षक, श्री विष्णु ताम्हाणे यांना दिली.
या घटनेची वरिष्ठ पोलीस निरीक्षक विष्णु ताम्हाणे यांनी तात्काळ दखल घेवून, तीचे आई- वडील व नातेवाईक यांचा शोध घेणेकरीता पोलीस उप-निरीक्षक, कोळेकर, पोलीस अंमलदार, दिपक कदम, सचिन बोराटे, दयानंद गायकवाड यांना मार्गदर्शन केले. आणि या पथकाने चिमकुलीस घेवून केशवनगर भागामध्ये शोध घेवून स्थानिक नागरिकांकडे चौकशी केली असता, लहान मुलगी कु. सिमरन उर्फ पुतुन ही नागपुरे चाळ, केशवनगर, मुंढवा, पुणे येथे आई व आजी यांचेसह राहण्यास असल्याची माहिती प्राप्त झाली. केशवनगर मुंढवा परिसरात आई व आजी यांचे समवेत राहण्यास असलेली लहान मुलगी कु. सिमरन उर्फ पुतुन मिथलेश राय, वय – ८ वर्षे हि तीचे राहत्या घरातून एकटीच बाहेर पडली.असे लक्षात आले मग या चिमुकलीच्या आई व नातेवाईकांचा रात्रीच्या वेळी एक ते दिड तास शोध घेतल्यानंतर त्यांचे घर सापडण्यात पोलीसांना यश मिळाले. कु. सिमरन उर्फ पुतुन ही तीचे आई व आजीस भेटल्यानंतर त्यांचे डोळ्यातुन आनंदाश्रु आले. सिमरनला तीचे पालकांकडे सुखरुपपणे ताब्यात देण्यात आले. त्याबाबत तीची आई व आजी तसेच सदर परिसरातील नागरिकांनी पुणे शहर पोलीस दलाचे आभार मानले असुन, पोलीसांचे या तत्पर कामगिरी बद्दल सर्व स्तरांतुन कौतुक केले आहे. यासाठी चा तपास पोलीस उप-आयुक्त, परिमंडळ – ५, पुणे शहर. विक्रांत देशमुख, सहा. पोलीस आयुक्त,हडपसर विभाग, पुणे शहर,आश्विनी राख यांचे मार्गदर्शनाखाली मुंढवा पोलीस ठाण्याचे वरिष्ठ पोलीस निरीक्षक विष्णू ताम्हाणे, पोलीस निरीक्षक (गुन्हे), प्रदिप काकडे यांचे सुचना प्रमाणे पोलीस उप-निरीक्षक, कोळेकर, पोलीस अंमलदार, दिपक कांबळे, सचिन बोराटे, दयानंद गायकवाड यांनी केली आहे.