पुणे- सहकारनगर पोलिसांनी बालाजीनगर च्या सिद्धी हॉस्पिटल नजीक एका रिक्षा चोराला पकडले २ रिक्षा चोरीचे गुन्हे त्याने केल्याचे उघड झाले आहे. हिरेन किरणकुमार दोशी वय ३७ वर्षे रा. अमित कॉम्लेक्स, फ्लॅट नं. १०, चाफेकर चौक, चिंचवड गाव असे या रिक्षा चोराचे नाव असून केवळ मौजमजा करण्यासाठी त्याने रिक्षा चोरी केल्याचे पोलीस तपासात उघड झाले आहे.
या संदर्भात पोलिसांनी सांगितले कि,’ दि.३०/०४ / २०२३ रोजी सकाळी ०६.०० वाजता गारवल ॲटोटेक समोर अरण्येश्वर पुणे या इसम नामे अजीज इब्राहीम पानसरे वय ४० वर्षे रा. भुई आळी, भोर जि.पुणे यांनी त्यांची रिक्षा क्र. MH-12 VB 0172 दुकानासमोर ही लॉक करुन ठेवली असता ती कोणीतरी चोरी केली म्हणुन पानसरे यांनी दिलेल्या फिर्यादीवरुन सहकारनगर पोलीस स्टेशन येथे गु.र.नं. ११५/२०२३ भादवी कलम ३७९ अन्वये गुन्हा नोंद आहे. तसेच दि. २६/०६/२०२३ रोजी सकाळी ०६.४५ वाजता पुणे सातारा रोडवरील धोंडू पाटील वडेवाले यांचे दुकानासमोर बालाजीनगर धनकवडी पुणे येथे इसम नागे राजेंद्र रामचंद्र बरदाडे वय ४८ वर्षे धंदा रिक्षा चालक रा. काशीनाथ पाटील नगर धनकवडी पुणे यांनी त्यांची रिक्षा क्र.MH-12-DG-5259 ही लॉक करुन ठेवली असता ती चोरीस गेली म्हणुन बरदाडे यांनी दिलेल्या फिर्यादीवरुन सहकारनगर पोलीस स्टेशन येथे गु.र.नं. १६३/२०२३ भादवी कलम ३७९ अन्वये गुन्हा नोंद आहे.वरील दोन्ही दाखल गुन्हयाचा तपास श्री. सुरेंद्र माळाळे वरिष्ठ पोलीस निरीक्षक सहकारनगर पोलीस स्टेशन पुणे व श्री. संदीप देशमाने पोलीस निरीक्षक (गुन्हे) सहकारनगर पोलीस स्टेशन पुणे यांचे मार्गदर्शनाखाली तपास पथकाचे पोलीस उपनिरीक्षक राहुल खंडाळे व तपास पथकाचे स्टाफने सुरु केला. अज्ञात आरोपीचा बातमीचे आधारे शोध घेत असताना पो.हवा.६३ भुजंग इंगळे व पो.ना.६७८५ फरांदे यांना बातमी मिळाली की, रिक्षाची चोरी करणारा चोरटा हा रिक्षा क्र. MH-12 VB 0172 ही घेवुन सिध्दी हॉस्पीटल बालाजीनगर पुणे येथे थांबला आहे. लागलीच त्यास सदर ठिकाणी जावुन ताब्यात घेवुन त्याचे नाव पत्ता विचारता त्याने त्याचे नाव हिरेन किरणकुमार दोशी वय ३७ वर्षे रा. अमित कॉम्लेक्स, फ्लॅट नं. १०, चाफेकर चौक, चिंचवड गाव पुणे असे असल्याचे सांगीतले. सदरची रिक्षा ताब्यात घेवुन गुन्हे अभिलेख पाडताळुन पाहता ती चोरीची असल्याचे निष्पन्न झाले आहे. त्याचेकडे अधिक तपास करता त्याने वरील रिक्षा व्यतिरीक्त MH-12-DG 5259 ही रिक्षा चोरली असुन ती के. के. मार्केट भागात ठेवली असल्याचे सांगीतले. त्याचे ताब्यात चोरीस गेलेल्या किंमत रुपये २,३०,०००/- रुपये किमतीच्या दोन रिक्षा जप्त केल्या असुन दोन्ही रिक्षा मौजमजा करण्यासाठी चोरी केल्याचे त्याने तपासात सांगीतले आहे. रिक्षा चोरीचे दोन गुन्हे उघडकीस आले आहेत.
सदरची कामगीरी अपर पोलीस आयुक्त सो पश्चिम प्रादेशीक विभाग प्रवीणकुमार पाटील सो, पोलीस उपायुक्त, परिमंडळ-२ श्रीमती स्मार्तना पाटील सो, सहा. पोलीस आयुक्त, स्वारगेट विभाग नारायण शिरगावकर सो वरिष्ठ पोलीस निरीक्षक श्री. सुरेंद्र माळाळे, संदीप देशमाने पोलीस निरीक्षक (गुन्हे) सहकारनगर पोलीस स्टेशन यांचे मार्गदर्शनाखाली सहकारनगर पोलीस स्टेशन तपास पथकाचे पोलीस उपनिरीक्षक राहुल खंडाळे पोलीस अंमलदार बापु खुटवड, भुजंग इंगळे, सुशांत फरांदे, बजरंग पवार, महेश मंडलिक, नवनाथ शिंदे, सागर सुतकर, सागर कुंभार, विशाल वाघ यांनी केली आहे.
