दिल्ली: पुढील वर्षी होणाऱ्या लोकसभा आणि या वर्षी होणार्या विधानसभा निवडणुकांसाठी भाजपने जोरदार तयारी सुरू केली आहे. नुकतीच भाजपने काही राज्यांचे प्रदेशाध्यक्ष बदलले. यानंतर आता शुक्रवारी(दि.7) चार राज्यांच्या निवडणूक प्रभारींची घोषणा केली आहे.
यात महाराष्ट्रातील भाजप नेते आणि माजी केंद्रीय मंत्री प्रकाश जावडेकर यांच्यावर तेलंगाणा राज्याची जबाबदारी सोपवण्यात आली आहे.
या वर्षाच्या शेवटी देशातील चार राज्यांच्या निवडणुका पार पडणार आहेत. या पार्श्वभूमीवर या चारही राज्यांच्या निवडणूक प्रभारी आणि सह प्रभारींच्या नियुक्त्या भाजपने केल्या आहेत. 9 जणांच्या नियुक्त्या भाजपकडून करण्यात आल्या आहेत. यामध्ये महाराष्ट्रातील भाजपचे खासदार प्रकाश जावडेकर यांचाही समावेश आहे.