महिंद्राची पहिली सी-सेगमेंट इलेक्ट्रिक एसयूव्ही, मौज आणि वेग दोन्ही देणारी एक्सयूव्ही ४००; किंमत १५.९९ लाख रुपयांपासून पुढे.

·      एक्सयूव्ही४०० ईसी आणि एक्सयूव्ही४०० ईएल हे दोन प्रकार आणि रंगांचे पाच आकर्षक पर्याय; ऑल-इलेक्ट्रिक एक्सयूव्ही४०० ची एक्स-शोरूम किंमत १५.९९ लाख रुपयांपासून पुढे आहे.

·      एक्सयूव्ही४०० ईएल मध्ये ३९.४ केडब्ल्यूएच क्षमतेची लिथियम-आयओएन बॅटरी असून, याची एमआयडीसी रेन्ज ४५६ किमीपर्यंत आहे. यासोबत ७.२ केडब्ल्यू क्षमतेचा चार्जर दिला जातो.

·      एक्सयूव्ही४०० ईसी मध्ये ३४.५ केडब्ल्यूएच क्षमतेची लिथियम-आयओएन बॅटरी असून, याची एमआयडीसी रेन्ज ३७५ किमीपर्यंत आहे. यासोबत ३.३ केडब्ल्यू आणि ७.२ केडब्ल्यू असे चार्जरचे दोन पर्याय उपलब्ध आहेत.

·      नॉन-लक्झरी सेगमेंटमधील सर्वात वेगवान ऍक्सिलरेशन; फक्त ८.३ सेकंदात ० ते १०० केएमपीएच वेग घेऊ शकते, सर्वाधिक वेग १५० केएमपीएच.

·      लॉन्च केल्यापासून अवघ्या वर्षभरात २०,००० गाड्या ग्राहकांना सुपूर्द करण्याची योजना.

·      शुभारंभाची किंमत प्रत्येक प्रकारच्या गाडीच्या पहिल्या ५,००० बुकिंग्ससाठी लागू राहील.

·      बुकिंगची सुरुवात २६ जानेवारी २०२३ पासून.

·      पहिल्या टप्प्यात ३४ शहरांमध्ये लॉन्च होणार.

·      एक्सयूव्ही४०० ईएलच्या डिलिव्हरीज मार्च २०२३ मध्ये तर एक्सयूव्ही४०० ईसीच्या डिलिव्हरीज दिवाळीमध्ये.

मुंबई: भारतात एसयूव्ही सेगमेंटची प्रवर्तक, महिंद्रा अँड महिंद्रा लिमिटेडने २०२२ मध्ये जागतिक इव्ही दिनी आपली पहिली इलेक्ट्रिक एसयूव्ही, मौज आणि वेग दोन्ही देणाऱ्या एक्सयूव्ही४०० च्या किमतीची आज घोषणा केली. इलेक्ट्रिक क्रांतीमध्ये सहभागी होऊ इच्छिणाऱ्या कार खरेदीदारांसाठी एक्सयूव्ही४०० डिझाईन व इंजिनीयर करण्यात आली आहे. इलेक्ट्रिफिकेशनच्या मार्गावर सुरु असलेल्या महिंद्राच्या वाटचालीला वेगवान बनवण्याची क्षमता असलेल्या या ऑल-इलेक्ट्रिक एसयूव्हीची किंमत १५.९९ लाखांपासून पुढे आहे.

या गाडीचे एक्सयूव्ही४०० ईसी आणि एक्सयूव्ही४०० ईएल हे दोन प्रकार उपलब्ध असून प्रत्येक प्रकारच्या गाडीच्या पहिल्या ५,००० बुकिंग्ससाठी शुभारंभाची किंमत लागू आहे. लॉन्च केल्यापासून पहिल्या वर्षभरात एक्सयूव्ही४००ची २०,००० युनिट्स ग्राहकांना सुपूर्द करण्याचे लक्ष्य महिंद्राने आखले आहे.  ऑटोमोटिव्ह-ग्रेड सेमीकंडक्टर्सच्या मागणी व पुरवठ्यातील संरचनात्मक तफावत आणि बॅटरी पॅक्सची उपलब्धता ही सर्व आव्हाने विचारात घेऊन हे लक्ष्य निश्चित करण्यात आले आहे.

अतिशय तेजस्वी असा कॉपर ट्वीन पीक लोगो असलेली एक्सयूव्ही४०० ही महिंद्राची पहिली इव्ही आहे.  या लोगोमुळे रस्त्यावर या गाडीची शान आणि प्रभाव अतिशय अनोखा असेल. या गाडीचे दोन प्रकार उपलब्ध आहेत – एक्सयूव्ही४०० ईएलमध्ये ३९.४ केडब्ल्यूएच बॅटरी आणि एक्सयूव्ही४०० ईसीमध्ये ३४.५ केडब्ल्यूएच बॅटरी आहे. या इलेक्ट्रिक एसयूव्हीमध्ये रंगांचे पाच आकर्षक पर्याय उपलब्ध आहेत – आर्क्टिक ब्ल्यू, एव्हरेस्ट व्हाईट, गॅलॅक्सी ग्रे, नापोली ब्लॅक आणि इन्फिनिटी ब्ल्यू सोबत सॅटिन कॉपरच्या ड्युएल टोनचा पर्याय देखील उपलब्ध आहे. महिंद्रा अँड महिंद्राच्या या इलेक्ट्रिक एसयूव्हीसोबत ३ वर्षे/अमर्याद किमी इतकी स्टॅंडर्ड वॉरंटी देण्यात येत आहे. शिवाय बॅटरी व मोटरसाठी ८ वर्षे किंवा १,६०,००० किमी (यापैकी जे आधी संपेल तोपर्यंतची) वॉरंटी देण्यात येत आहे.

महिंद्रा अँड महिंद्रा लिमिटेडचे ऑटोमोटिव्ह सेक्टरचे प्रेसिडेंट श्री. वीजय नाक्रा म्हणाले, “एक्सयूव्ही४०० चे लॉन्च हा महिंद्राच्या इलेक्ट्रिक एसयूव्ही वाटचालीतील एक संस्मरणीय टप्पा आहे. उत्तम कामगिरी, डिझाईन, जागा, तंत्रज्ञान आणि अतिशय आकर्षक किंमत यांचा सुयोग्य मिलाप म्हणजे एक्सयूव्ही४००. पर्यावरणस्नेही, शाश्वत भवितव्य निर्माण करण्यात योगदान देण्यासाठी उत्सुक असलेल्या ग्राहकांसाठी आम्ही हा ब्रँड विकसित केला आहे. आम्हाला पक्की खात्री आहे की, आमची पहिली इलेक्ट्रिक एसयूव्ही भारतातील अधिकाधिक ग्राहकांना इलेक्ट्रिक गाडी खरेदी करण्यासाठी प्रेरित करेल. भारतात पर्यावरणस्नेही मोबिलिटी सुविधा विकसित करण्याच्या आमच्या वचनबद्धतेला यामुळे अधिक बळ मिळाले आहे.”

ऑल-इलेक्ट्रिक एक्सयूव्ही४०० विकसित करण्याबाबत महिंद्रा अँड महिंद्रा लिमिटेडचे ऑटोमोटिव्ह टेक्नॉलॉजी अँड प्रॉडक्ट डेव्हलपमेंट विभागाचे अध्यक्ष श्री. आर. वेलूसामी यांनी सांगितले, “एक्सयूव्ही४०० ची बांधणी अतिशय मजबूत जीएनसीएपी ५ स्टार रेटेड एक्सयूव्ही३०० प्लॅटफॉर्मवर करण्यात आली असून ही सर्वात रुंद सी-सेगमेंट एसयूव्ही आहे, जी प्रवाशांना श्रेणीतील सर्वोत्तम सुरक्षितता आणि आराम मिळवून देते.  महिंद्राच्या सखोल संशोधन व विकास क्षमतांचा आम्ही यामध्ये उपयोग करवून घेतला आहे.  जगभरात अतिशय टोकाच्या हवामानांमध्ये आम्ही या गाडीच्या चाचण्या केल्या आहेत, गाडीच्या वेगवान चार्जिंग कॉम्पॅटिबिलिटीची चाचणी विविध भूप्रदेशांमध्ये घेण्यात आली आहे. प्रवाशांना या गाडीमध्ये अमर्याद अनुभव घेता यावेत हा आमचा उद्देश आहे. अतुलनीय ऍक्सिलरेशन क्षमता हे एक्सयूव्ही४०० चे खास वैशिष्ट्य आहे.  या श्रेणीमध्ये प्रथमच सादर केल्या जात असलेल्या मल्टी-मोड वैशिष्ट्यासह भरपूर रोमांच अनुभवण्याची संधी यामध्ये मिळत आहे. सिंगल पेडल आणि स्मार्ट स्टीयरिंग सिस्टिमसह अखंडित ड्रायव्हिंगची सुविधा ही गाडी प्रदान करते. आपल्या जीवनशैलीमध्ये जराही तडजोड न करता देखील इव्ही वापरता येते आणि पर्यावरणपूरक मोबिलिटीचे भविष्य देखील मौजमजेने परिपूर्ण आहे हे आम्ही एक्सयूव्ही४०० मधून दाखवून दिले आहे.”

नॉन-लक्झरी सेगमेंटमधील सर्वात वेगवान ऍक्सिलरेशन ऑल-इलेक्ट्रिक एक्सयूव्ही४०० मध्ये आहे.  अवघ्या ८.३ सेकंदांमध्ये ० ते १०० केएमपीएच वेग गाठण्याची क्षमता या गाडीमध्ये असून तिचा सर्वाधिक वेग १५० केएमपीएच आहे.  सी-सेगमेंट एसयूव्ही कॅटेगरीमधील एक्सयूव्ही४०० ची लांबी ४२०० एमएम असून व्हीलबेस २६०० एमएम आहे. यामुळे प्रवाशांना प्रशस्त मोठी केबिन आणि सुविधाजनक लेगरूमचा अनुभव घेता येतो. इतकेच नव्हे तर याची बूट स्पेस देखील श्रेणीमध्ये सर्वोत्तम ३७८ लिटर/४१८ लिटर (छतापर्यंत) आहे. एक्सयूव्ही४०० ची पॉवर ११० केडब्ल्यू (१५० पीएस) आणि ३१० एनएम टॉर्क दोन्ही या सेगमेंटमधील सर्वात जास्त आहे. यामध्ये ३९.४ केडब्ल्यूएच आणि ३४.५ केडब्ल्यूएच इतक्या उच्च क्षमतेच्या लिथियम-आयओएन बॅटरी आहेत, ज्यामुळे इंडियन ड्रायव्हिंग सायकल स्टँडर्ड्सनुसार (एमआयडीसी) अनुक्रमे ४५६ किमी आणि ३७५ किमी इतकी रेन्ज मिळते. एक्सयूव्ही४०० ही अस्सल महिंद्रा एसयूव्ही आहे, एक इलेक्ट्रिक गाडी म्हणून याचे डायनामिक्स आणि पर्यावरणस्नेही वैशिष्ट्यांमध्ये ‘महिंद्रा एसयूव्ही‘ पण पुरेपूर आढळून येते.

एक्सयूव्ही४०० च्या ड्राइव्ह मोड्समध्ये स्टीयरिंग, थ्रॉटल आणि रेगेन रिस्पॉन्स अर्थात फन, फास्ट आणि फियरलेस यांचा अनोखा मिलाप आढळून येतो. सिंगल पेडल ड्राइव्ह मोड या सेगमेंटमध्ये सर्वात पहिल्यांदा या गाडीमध्ये आणला गेला आहे, या लाइव्हली मोडमुळे प्रचंड ट्रॅफिकमध्ये देखील अखंडित आणि सहज-सुरळीत ड्रायव्हिंगचा अनुभव घेता येतो. ड्रायव्हिंग सवयींचे गेमिफिकेशन ही या श्रेणीत पहिल्यांदाच उपलब्ध करवून देण्यात आलेल्या सुविधेमुळे इलेक्ट्रिक एसयूव्हीमध्ये साय-फाय मॅक्स रेन्जचा अनुभव घेण्याची मौज मिळवता येते. इतकेच नव्हे तर, थ्रिल-ओ-मीटरवर फन कोशंट मोजता देखील येतो. या गाडीसोबत या उद्योगक्षेत्रातील सर्वोत्तम धूळ व जल रोधक बॅटरी पॅक आणि आयपी६७ स्टँडर्ड्सचे पालन करणारी मोटर देखील येते.

ऑल-इलेक्ट्रिक एक्सयूव्ही४०० च्या बुकिंगची सुरुवात २६ जानेवारी २०२३ पासून होईल.  एक्सयूव्ही४०० ईएलच्या डिलिव्हरीज मार्च २०२३ मध्ये सुरु होतील तर दिवाळीत सणासुदीच्या काळात एक्सयूव्ही४०० ईसीच्या डिलिव्हरीज सुरु होतील. आपल्या जवळच्या डीलरशिपमध्ये जाऊन या ऑल-इलेक्ट्रिक एसयूव्हीच्या शानदार टेस्ट ड्राइव्हचा आनंद घेता येईल. लॉन्चच्या पहिल्या टप्प्यात एकूण ३४ शहरांचा समावेश आहे – अहमदाबाद, सुरत, जयपूर, मुंबई एमएमआर, नाशिक, वेर्णा (गोवा), पुणे, नागपूर, बंगलोर, चेन्नई, त्रिवेंद्रम, कोचीन, हैदराबाद, चंदीगड, दिल्ली एनसीटी, कोलकाता, डेहराडून, कोईम्बतूर, औरंगाबाद, भुवनेश्वर, कोल्हापूर, म्हैसूर, मंगलोर , वडोदरा, पाटणा, कालिकत, रायपूर, लुधियाना, उदयपूर, जम्मू, गुवाहाटी, लखनौ, आग्रा, इंदूर.

गाडीचे प्रकार आणि त्यांच्या किमती (एक्स-शोरूम)

*शुभारंभाची किंमत ईसी आणि ईएल या प्रत्येक प्रकारच्या गाडीच्या पहिल्या ५,००० बुकिंग्सना लागू असणार आहे.

एक्सयूव्ही४०० बद्दल माहिती

जबरदस्त कामगिरी

एक्सयूव्ही४०० आपल्या सेगमेंटमधील सर्वोच्च शक्ती ११० केडब्ल्यू (१५० पीएस) आणि ३१० एनएम टॉर्क देते. ३९.४ केडब्ल्यूएच आणि ३४.५ केडब्ल्यूएच इतक्या उच्च क्षमतेच्या लिथियम-आयओएन बॅटरीचे दोन पर्याय यामध्ये उपलब्ध आहेत.  ही मोटर ३१० एनएम इतका इन्स्टंट टॉर्क निर्माण करते ज्यामुळे ही इलेक्ट्रिक एसयूव्ही फक्त ८.३ सेकंदांमध्ये ० ते १०० केएमपीएच इतका वेग गाठू शकते, हे या सेगमेंटमधील सर्वात वेगवान ऍक्सिलरेशन आहे.

या श्रेणीत पहिल्यांदाच सादर करण्यात येत असलेले मल्टी-ड्राइव्ह मोड (फन, फास्ट आणि फियरलेस) एक्सयूव्ही४००मध्ये आहेत, ज्यामध्ये स्टीयरिंग, थ्रॉटल आणि रेगेन यांचे एकाच वेळी ट्युनिंग केले जाते.  लाईव्हली मोड हा याचा सिंगल-पेडल ड्राइव्ह मोड प्रचंड ट्रॅफिकमध्ये असताना देखील अखंडित आणि सहज-सुरळीत ड्रायव्हिंगचा अनुभव मिळवून देतो.  या सेगमेंटमध्ये हा मोड पहिल्यांदाच आणला गेला आहे.

दमदार प्रभाव

इलेक्ट्रिफाईंग कॉपर ट्वीन पीक लोगो असलेली महिंद्राची पहिली गाडी हा मान एक्सयूव्ही४०० ला मिळालेला आहे.  युवा पिढीच्या आवडीनिवडी लक्षात घेऊन, इलेक्ट्रिक एसयूव्हीच्या डायनामिक्सकडे विशेष लक्ष पुरवण्यात आले आहे.  त्यामुळे एक्सयूव्ही४०० ड्राइव्ह करणे ही एक आगळीवेगळी मौज आहे.  या गाडीच्या स्टायलिंगमध्ये अनेक नवीन डिझाईन घटकांचा समावेश आहे.  फ्रंट व रियर डिझाईन पूर्णपणे नवीन आहे.  एरो फेशियावर तसेच एलईडी टेल-लॅम्प्सवर सॅटिन कॉपर एरोहेड इन्सर्टस यासारखे अनेक बारकावे देखील अतिशय बारकाईने लक्ष देऊन घडवण्यात आले आहेत.  प्रोजेक्टर हेडलॅम्प्स आणि विशेष ड्युएल-टोन बॉडी कलरमुळे रस्त्यावर सगळ्या नजरा एक्सयूव्ही४००वरच खिळून राहणार हे नक्की.

२६०० एमएम व्हीलबेस आणि ४२०० एमएम लांबी असल्याने एक्सयूव्ही४०० इव्हीची केबिन अतिशय प्रशस्त आहे.  १८२१ एमएम ही एक्सयूव्ही४०० ची रुंदी सी-सेगमेंट इलेक्ट्रिक एसयूव्हीची सर्वात मोठी रुंदी आहे.  याची बूट स्पेस ३७८ लिटर/४१८ लिटर (छतापर्यंत) असून ती या श्रेणीतील सर्वोत्तम आहे.  बाह्य रूपाप्रमाणेच आत देखील दृढता, क्षमता आणि व्यवहार्यता यांच्यासह उत्तम गुणवत्ता आणि प्रभाव कायम राखण्यात आला आहे. प्रवाशांना अतिशय आरामात प्रवास करता यावा याकडे पुरेपूर लक्ष पुरवण्यात आले आहे.  उच्चतम फिनिश गुणवत्ता आणि प्रीमियम मटेरियलचा वापर करण्यात आला आहे.  या गाडीमध्ये १७.७८ सेमीची इंफोटेन्मेन्ट सिस्टिम आहे जी अतिशय चांगली कनेक्टिव्हिटी आणि अतुलनीय आवाजाचा अनुभव मिळवून देते.

मजबूत तरीही सुबक

एक्सयूव्ही४०० अतिशय मजबूत आणि त्याचवेळी सुबक देखील आहे. आयपी६७ इन्ग्रेससाठी या गाडीला प्रमाणित करण्यात आले आहे, याचा अर्थ असा की बॅटरी व मोटरसाठी याचे जल व धूळ रोधक स्टँडर्ड्स श्रेणीमध्ये सर्वोत्तम आहेत.  महिंद्रा एसयूव्ही असल्यामुळे ही गाडी जिंकण्यासाठी आणि ड्राइव्ह करताना अतिशय आनंददायी कामगिरी बजावण्यासाठी तयार करण्यात आली आहे.  त्याचवेळी ही गाडी सिंगल-पेडल ड्राइव्ह आहे (लाइव्हली मोड) म्हणूनच शहरातील भरगच्च ट्रॅफिकमध्ये देखील तुम्ही ही गाडी अगदी सहजपणे चालवू शकता. आर१६ डायमंड-कट अलॉय व्हील्स, ऑटो हेडलॅम्प्स, इलेक्ट्रिक सनरूफ आणि इतर अनेक वैशिष्ट्यांमुळे तिची स्टाईल अतिशय उठावदार झाली आहे.  आतल्या बाजूला लेदरेट सीट्स, ब्ल्यू स्टिचिंग, लेदर स्टीयरिंग व त्यावर ऑडिओ कंट्रोल्स यामुळे आकर्षकतेमध्ये अधिकच भर पडली आहे.

भविष्यातील साय-फायचा अनुभव आजच घेण्याची संधी

महिंद्राच्या नवीन एक्सयूव्ही४०० मध्ये तुम्ही उद्याचा अनुभव आजच घेऊ शकता. ड्रायव्हिंग सवयींचे गेमिफिकेशन ही या श्रेणीत पहिल्यांदाच उपलब्ध करवून देण्यात आलेल्या सुविधेमुळे इलेक्ट्रिक एसयूव्हीमध्ये साय-फाय मॅक्स रेन्जचा अनुभव घेण्याची मौज मिळवता येते. इतकेच नव्हे तर, थ्रिल-ओ-मीटरवर फन कोशंट मोजता देखील येतो. १७.७८ सेमी इंफोटेन्मेन्ट सिस्टिममध्ये अँड्रॉइड ऑटो आणि ऍपल कारप्ले आहे तर ब्ल्यूसेन्स प्लसऍप ६० पेक्षा जास्त मोबाईल ऍपच्या साहाय्याने मिळवता येतील अशी कनेक्टेड वैशिष्ट्ये प्रस्तुत करते, यामध्ये जवळपासच्या चार्जिंग पॉईंट्सची माहिती, महिंद्रा सर्व्हिस स्टेशन्स, गाडीचे लोकेशन ट्रॅक करता येण्याची क्षमता आणि इतर अनेक प्रभावी व उपयुक्त वैशिष्ट्ये आहेत. एक्सयूव्ही४०० ही फ्युचर प्रूफ देखील आहे.  फर्म वेयरला ओव्हर-द-एअर अपडेट्स मिळवण्याची तरतूद यामध्ये आहे.

जागतिक दर्जाची सुरक्षितता

ऑल इलेक्ट्रिक एक्सयूव्ही४००ची बांधणी पंचतारांकित रेटिंगने गौरवण्यात आलेल्या प्लॅटफॉर्मवर करण्यात आली असल्याने एक्सयूव्ही३०० ग्लोबल एनसीएपी रेटिंगमधील सर्व ज्ञान, गुणवैशिष्ट्ये यामध्ये कायम राखण्यात आली आहेत.  या गाडीमध्ये श्रेणीतील सर्वोत्तम सुरक्षा वैशिष्ट्यांचा समावेश करण्यात आला आहे. या गाडीचे फंक्शनल सेफ्टी रेटिंग सर्वोच्च आहे आणि भारतात तयार करण्यात आलेल्या इलेक्ट्रिक वेहिकलसाठी लागू असलेल्या सर्व आयएसओ स्टँडर्ड्सप्रमाणे ती विकसित करण्यात आलेली आहे.  एक्सयूव्ही४०० सोबत करण्यात आलेली सर्व तीव्र क्रॅश सिम्युलेशन्स यशस्वी ठरली. जैसलमेरमध्ये +४७ अंश सेल्सियसपासून दक्षिण कोरियामध्ये -२० अंश सेल्सियसपर्यंत सर्व प्रकारच्या तीव्र हवामानामध्ये या इलेक्ट्रिक एसयूव्हीच्या काटेकोर चाचण्या घेण्यात आल्या आहेत. या गाडीच्या फास्ट-चार्जिंग कॉम्पॅटिबिलिटीची (सीसीएस) चाचणी विविध भूप्रदेशांमध्ये घेण्यात आली आहे, यामध्ये भारत, दक्षिण कोरिया आणि जर्मनी यांचा समावेश होता.

सुरक्षिततेबरोबरीनेच एक्सयूव्ही४०० सर्वसमावेशक सुरक्षा उपकरणांनी सक्षम आहे. यामध्ये सहा एअरबॅग्स आहेत, इलेक्ट्रिक वाहनाच्या मुख्य प्रवाहातील गाड्यांच्या श्रेणीत सहा एअरबॅग्स दिल्या जाण्याची ही पहिलीच वेळ आहे. याशिवाय डिस्क ब्रेक्स ऑल राउंड, आयएसओफिक्स सीट्स आणि इतर अनेक सुरक्षितता सुविधांचा या गाडीत समावेश आहे.       

भविष्याच्या दिशेने वेगवान, महत्त्वाकांक्षी वाटचाल 

इंडियन ड्रायव्हिंग सायकल स्टँडर्ड्सनुसार (एमआयडीसी) ३९.४ केडब्ल्यूएच बॅटरीसह ४५६ किमी आणि ३४.५ केडब्ल्यूएच बॅटरीसह ३७५ किमी इतकी एन्गजायटी-फ्री रेन्ज देण्याचे वचन एक्सयूव्ही४०० मध्ये देण्यात आले आहे.  या ऑल-इलेक्ट्रिक एसयूव्हीमध्ये या उद्योगक्षेत्रातील सर्वोत्तम धूळ व जल रोधक बॅटरी पॅक आहे ज्यामध्ये आयपी६७ स्टँडर्ड्सचे पालन करण्यात आले आहे.  भारतीय स्थिती आणि हवामानांमध्ये उत्तम कामगिरी बजावली जावी यासाठी या हाय-डेन्सिटी बॅटरी पॅकला लिक्विड-कूल करण्यात आले आहे.

मोटरची श्रेणीतील सर्वोत्तम कार्यक्षमता (९८.२%) आणि प्रदीर्घ कालावधीसाठी लॉन्ग-लाईफ ट्रान्समिशन ऑइल-फील्ड असल्याने अगदी निश्चिन्तपणे ही गाडी चालवता येते. डीसी फास्ट चार्जर असेल तर एक्सयूव्ही४०० ची ८०% बॅटरी अवघ्या ५० मिनिटांत चार्ज होते. याशिवाय एक्सयूव्ही४०० ही गाडी कोणत्याही १६ एएमपी प्लग पॉईंटच्या सहाय्याने देखील चार्ज करता येते.   

गाडीच्या दोन्ही प्रकारांची थोडक्यात माहिती