मुंबई, २१ डिसेंबर २०२३ : होंडा मोटरसायकल अँड स्कूटर इंडिया (HMSI) ने आज भारताच्या उत्साही आणि वैविध्यपूर्ण अशा पश्चिम भागात एक महत्त्वपूर्ण मैलाचा दगड पार केल्याची घोषणा केली. सातत्याने नवीन मापदंड प्रस्थापित करताना HMSI ने १५ दशलक्ष ग्राहकांचा टप्पा ओलांडून एक उल्लेखनीय कामगिरी केली असून या प्रदेशातील दुचाकी ग्राहकांसाठी एक विश्वासार्ह आणि पसंतीची निवड म्हणून आपले स्थान मजबूत केले आहे.
गुजरात, महाराष्ट्र आणि गोवा या तीन राज्यांचा समावेश असलेल्या पश्चिमेकडील बाजारपेठेतील पहिले १० दशलक्ष ग्राहक मिळविण्यासाठी HMSI ला १७ वर्षांहून अधिक काळ लागला, तरीही त्यांनी केवळ ६ वर्षांपेक्षा कमी कालावधीत नंतरचे ५ दशलक्ष ग्राहक मिळवले. विशेष बाब म्हणजे टचपॉइंट्सची वाढलेली संख्या, रेड विंग आणि बिगविंग या दोन्ही उत्पादन पोर्टफोलिओचा विस्तार, विश्वसनीय ग्राहक सेवा आणि वर्धित ग्राहक कनेक्ट यामुळे ग्राहकांचे प्रेम आणि विश्वास झपाट्याने वाढला आहे.
या महत्वपूर्ण कामगिरी बाबत बोलताना होंडा मोटरसायकल अँड स्कूटर इंडियाच्या विक्री आणि विपणन विभागाचे संचालक श्री.योगेश माथूर म्हणाले, “डीलरशिप, सेवा केंद्र आणि प्रभावी उत्पादन लाइनअप यांच्या विस्तृत नेटवर्कमुळे गेल्या काही वर्षांत एचएमएसआयने पश्चिम भारतात मजबूत स्थान निर्माण केले आहे. कंपनीच्या मोटारसायकली आणि स्कूटर्सच्या विविध श्रेणींनी या प्रदेशातील चोखंदळ ग्राहकांच्या विविध गरजा आणि प्राधान्यक्रम पूर्ण केला आहे. पश्चिम भारतातील १५ दशलक्ष ग्राहकांचा टप्पा पार करणे ही एक अचंबित करणारी कामगिरी आहे. लोकांनी होंडा ब्रँडवर दाखवलेला विश्वास आणि प्रेम पाहून आम्हाला आनंद झाला आहे.”
दर्जेदार उत्पादने आणि सेवा देऊन ग्राहकांना आनंदित करताना:
ग्राहकांच्या वाढत्या वैयक्तिक दळणवळणाच्या गरजा पूर्ण करण्यासाठी, HMSI या राज्यांमध्ये ४९% अशा मजबूत बाजारपेठीय हिस्स्यासह स्कूटरीकरणात आघाडीवर आहे. होंडा अॅक्टिव्हा ही या प्रदेशात पहिल्या क्रमांकावरील विकली जाणारी गाडी आहे. कंपनीचा पश्चिम विभागातील दुचाकी बाजारपेठेत (स्कूटर आणि मोटारसायकल या दोन्हींसह) एकूण बाजारपेठीय हिस्सा ३६.४% आहे. तसेच, ग्राहक आता तंत्रज्ञान प्रवीण बनत आहेत आणि वाहनांच्या बुकिंग आणि खरेदीसाठी ऑनलाइन चौकशी करत असल्यामुळे HMSI ने ग्राहकांच्या आकांक्षा पूर्ण करण्यासाठी डिजिटल मार्केटिंगचे प्रयत्न वाढवले आहेत आणि त्याच वेळी त्याच्या डीलरशिपवर मिळणारा अनुभवही उंचावला आहे.
पश्चिम भारतात होंडा मोटरसायकल आणि स्कूटर इंडिया:
११०० हून अधिक टचपॉइंट्सच्या विस्तृत नेटवर्कसह गुजरात, महाराष्ट्र आणि गोवा या पश्चिम राज्यांमध्ये HMSI चे मजबूत स्थान आहे. ग्राहकांना राइडिंगचा आनंद देणार्या होंडाच्या विविध श्रेणीतील स्कूटर आहेत ज्यात अॅक्टिव्हा प्लस स्पेशल एडिशन, अॅक्टिव्हा 125, डीओ प्लस Repsol Edition आणि डीओ 125 आणि शाईन 100, सीडी 110 ड्रीम डिलक्स, लिवो, शाईन 125, SP125 प्लस स्पोर्ट्स एडिशन, युनिकॉर्न, SP160, Hornet 2.0+Repsol Edition आणि CB200X सारख्या मोटरसायकल असून त्या रेडविंग आउटलेटवर उपलब्ध आहेत.
या जोडीलाच, होंडाच्या प्रिमियम मोटरसायकल महत्वाच्या मेट्रोजमध्ये मुख्यत्वे बिगविंग टॉपलाइन (300cc-1800cc) आणि इतर मागणी केंद्रांमध्ये बिगविंग (300cc 500cc मध्यम आकाराच्या मोटरसायकल) द्वारे उपलब्ध आहेत. कंपनीच्या बिगविंग उत्पादन श्रेणीमध्ये CB300F, CB350, H’ness CB350, CB350RS, CB300R, CB650R, CBR650R, XL750 Transalp, CBR 1000RR-R फायरब्लेड, आफ्रिका ट्विन आणि गोल्ड विंग टूर समाविष्ट आहे.