पुणे : पुणे शहरात विधानसभा निवडणुकीची रणधुमाळी सुरु आहे. 20 नोव्हेंबर रोजी मतदान होणार असून 23 नोव्हेंबर रोजी मतमोजणी पार पडणार पडेल. पुणे शहरातील पर्वती विधानसभा मतदारसंघात महाविकास आघाडी व मित्र पक्ष च्या उमेदवार अश्विनी नितीन कदम यावेळी धोबीपछाड देणार असल्याचा दावा मविआ कडून केला जात आहे. पर्वती विधानसभा निवडणुकीत अश्विनी नितीन कदम याच विजयी होतील असाही विश्वास व्यक्त केला जात आहे.
महाविकास आघाडी मित्र पक्षाचे अधिकृत उमेदवारी जाहीर होताच अश्विनी नितीन कदम यांनी प्रभागनिहाय बैठकांचा धडाका लावला असुन पदाधिकारी कार्यकर्ते आणि नागरिकांशी संवाद सुरू केला आहे. यावेळी अश्विनी कदम यांचे संवाद साधला असता ,” पक्षाने सलग दुसऱ्यांदा विश्वास दाखवून उमेदवारी दिली आहे. उमेदवारी अर्ज दाखल करताना आणि प्रभागनिहाय बैठकामध्ये नागरिकांचा दिलेला प्रतिसाद, त्यातील महिला आणि तरुणांची उपस्थिती आपल्या विक्रमी विजयाचे धोतक आहे. महाविकास आघाडी व मित्रपक्ष पदाधिकारी कार्यकर्त्यांची एकजूट ही पर्वती विधानसभा मतदारसंघाला विकासात्मक दिशा देण्यासाठी टाकलेले पाऊल आहे. पर्वती मतदार संघाच्या गतिमान विकासासाठी महाविकास आघाडीचाच भक्कम पर्याय आहे. पर्वतीकर नागरिक पंधरा वर्षातील बॅकलॉग भरून काढण्यासाठी मला विक्रमी मताने विजय करण्याचा पर्वती करणे ध्यास घेतला आहे. अशी भावना महाविकास आघाडी व मित्र पक्ष उमेदवार अश्विनी नितीन कदम यांनी व्यक्त केली.पर्वतीच्या प्रगतीसाठी नगरसेवक म्हणून रस्ते, आरोग्य, शिक्षण, पाणीपुरवठा, रोजगाराच्या संधी यासारख्या विविध क्षेत्रात त्यांनी केलेल्या विकासकामांवरही प्रकाश टाकला.
