पुणे- निवडणुका म्हटल्या कि,विविध प्रकरच्या युक्त्या,प्रयुक्त्या डाव पेच आणि धुराळा पाहायला मिळतो,त्यात आता महापालिकेच्या निवडणुका गेल्या ३ वर्षापूर्वी व्हायला हव्या होत्या त्या अजून झाल्या नाहीत अन लोकसभा आणि आता त्यानंतर विधानसभा निवडणुकीचा धुराळा उठला आहे. विविध पक्षांकडे विविध मतदार संघात अनेक कार्यकर्ते आणि विद्यमान लोकप्रतिनिधी देखील पुन्हा निवडणूक लढविण्यास इच्छुक असतात आणि ते आपापल्या पक्षाच्या प्रोसिजर नुसार रांगेत उभे असतात. पण उभे असताना त्यांचे वेगवेगळ्या माध्यमातून दबाव तंत्र शक्ती प्रदर्शन करत कधी मोठ्या तर कधी छोट्या नेत्यावर दबाव तंत्र सुरु असते तर कधी जनतेत आपल्या नावाचे अस्तित्व कायम राखणे गरजेचे असते म्हणूनही प्रयत्न सुरु असतात.
शरद पवारांच्या राष्ट्रवादीने हडपसर मतदार संघात प्रशांत जगताप यांना उमेदवारी देताच शिवसेनेचे महादेव बाबर यांनी उमेदवारीला विरोध करत बंडाचा झेंडा उभारण्याचा प्रयत्न केला त्या नंतर प्रशांत जगताप यांच्याच पक्षातून त्यांचेच सहकारी नगरसेवक राहिलेले योगेश ससाणे यांनीही बंडाचा झेंडा फडफडवला.बाहेरचा उमेदवार नको म्हणून त्यांनी आरोळी माध्यमांच्या पुढे ठोकली आणि खासदार डॉक्टर अमोल कोल्हे ना आम्ही हडपसर मधील विविध स्तरावरील मंडळी भेटून त्यांना अन्य कोणीही उमेदवार द्या पण जगताप देऊ नका अशी मागणी केल्याचे सांगितले एवढेच नव्हे तर हा उमेदवार बदलला नाही तर…हडपसर विकास आघाडी स्थापन करून त्याद्वारे वेगळा झेंडा वेगळा उमेदवार देऊन लढा देऊ असाही इशारा दिला. अर्थात त्याचा हा ऑडीओ पुरावा पहा….
एवढी सारी उठाठेव आदल्या रात्री त्यांनी जाहीर केली आणि रात्रीतून जादूची कांडी फिरली … ससाणे यांनी दुसऱ्या दिवशी सकाळ पासून प्रशांत जगताप यांच्या प्रचाराला प्रारंभ केला . एवढेच नव्हे तर त्यांनी यामध्ये ज्या ज्या प्रभूतींची नावे घेतली त्यातील बहुसंख्य मंडळी जगताप यांच्या समवेत दिसू लागली . त्यांचा अर्ज भरतानाही ससाणे उपस्थित होते . हि जादू नेमकी कशी झाली हे मात्र कोणी जाहीर केले नाही .मात्र अशा बंडाची रात्रीतून दांडी कशी उडते यावर पुन्हा प्रश्न उपस्थित होऊ लागले.
