कंपनीच्या ‘सस्टेनेबल इज अटेनेबल’ चळवळीशी सुसंगत COP 28 मध्ये ‘दुनिया अपने हवाले’ ही नवीन ब्रँड फिल्म सादर
मुंबई: भारतातील सर्वात मोठ्या एकात्मिक ऊर्जा कंपन्यांपैकी एक टाटा पॉवरने “पृथ्वी मातेचे संवर्धन करा. वसुंधरेवर प्रेम करा. हरित आणि स्वच्छ ऊर्जेकडे वळा.” असा संदेश देत “दुनिया अपने हवाले” ही नवीन ब्रँड फिल्म सादर केली आहे.
टाटा पॉवर ‘सस्टेनेबल इज अटेनेबल’ या आपल्या बांधिलकीशी समर्पित असल्यामुळे, नागरिकांना शाश्वत जीवनशैली प्रत्यक्षात आणण्यासाठी प्रेरणा देण्याच्या दिशेने हे आणखी एक पाऊल आहे. स्वच्छ, हरित भविष्यासाठी वैयक्तिक कृती आणि जबाबदारीचे महत्त्व यातून अधोरेखित होत आहे.
एक जबाबदार कॉर्पोरेट म्हणून, टाटा पॉवर कॉर्पोरेटसह त्यांच्या मोठ्या ग्राहक वर्गासाठी हरित ऊर्जा उत्पादने आणि सेवांचा अवलंब करण्यास प्रोत्साहन देत आहे. उर्जा कार्यक्षमतेला प्रोत्साहन देण्यासाठी
रुफटॉप सोलर, ईव्ही चार्जिंग, सोलर मायक्रोग्रीड्स, ग्रुप कॅप्टिव्ह सोल्यूशन्स, पंप्ड हायड्रो पॉवर, स्मार्ट होम ऑटोमेशन सोल्यूशन्स यांसारख्या परवडणाऱ्या हरित उपायसुविधांचा व्यापक प्रमाणात अवलंब करून लाखो भारतीयांसाठी शाश्वत जीवनशैली कशी ‘शक्य’ आहे हे रुजवून, लोकप्रिय करण्यावरही काम करत आहे.
हिंदी, इंग्रजी, गुजराती, मराठी, तामिळ आणि कन्नड बातम्या आणि व्यवसाय चॅनेलसह, ही मोहीम डिजिटल आणि सोशल मीडिया प्लॅटफॉर्मवर लाइव्ह आहे आणि लोकांपर्यंत आपला संदेश पोहोचवत आहे.
जंगलतोड, बांधकाम, औद्योगीकरण आणि शहरीकरण यासारख्या मानवी क्रियांमुळे आपल्या वसुंधरेचा रोजच्या दिवसाला कसा दुरुपयोग केला जात आहे आणि हानी होत आहे हे दाखवून जगाचा प्रवास कोणत्या दिशेने सुरू आहे हे या फिल्म मध्ये दाखविण्यात आले आहे. या प्रवासाच्या शेवटी, हे जग धूळमातीने माखलेले आणि मोडकळीला येत असताना भावी पिढीचे प्रतिनिधीत्व करणारी दोन मुले हे जग वाचवतात. ते स्वच्छ करतात आणि प्रेमाने जवळ करतात. आपल्या वसुंधरेसाठी आपल्याला आज याच प्रेम आणि काळजी करण्याची गरज आहे. व्हिडिओचा शेवट एका मजबूत संदेशासह होतो: “पृथ्वी मातेचे संवर्धन करा. वसुंधरेवर प्रेम करा. हरित आणि स्वच्छ ऊर्जेकडे वळा.” पार्श्वभूमीवर “होल्ड मी टाइट” हे बोल असलेले गाणे गायले जाते.
येथे ही फिल्म बघू शकता:
टाटा पॉवरच्या ब्रँड आणि कम्युनिकेशन्स प्रमुख सुश्री ज्योती बन्सल म्हणाल्या, “जसे आपण COP28 मध्ये जागतिक नेत्यांना एकत्र येताना आणि चर्चा, वादविवाद करताना पाहतो, तेव्हा हे स्पष्ट होते की ‘नो अॅक्शन’ म्हणजेच कृती न करणे हा पर्याय असू शकत नाही. टाटा पॉवरने ‘सस्टेनेबल इज अटेनेबल’ या आपल्या सूत्रासह योग्य संवाद साधण्यात पुढाकार घेतला आहे. आम्ही लोकांना त्यांची जबाबदारी स्वीकारण्यासाठी आवाहन करत तसेच शाश्वत जीवनशैली आणि स्वच्छ उर्जा उपाय यांचा अंगिकार करण्यासाठी चालना देत या गोष्टीला पुढील स्तरावर नेत आहोत. ही फिल्म आपल्या वसुंधरेवर सखोल प्रेम करण्याची प्रेरणा देते. फिल्म मध्ये लहान मुले जग स्वच्छ करताना दाखवली आहेत. लहान, छोट्या कृतीही मोठ्या बदलासाठी कशा चालना देणाऱ्या बनू शकतात याचे हे एक शक्तिशाली प्रतीक आहे. आपल्यापैकी प्रत्येकाला आपले एकमेव घर असू शकणाऱ्या या प्लॅनेट अर्थचे संरक्षक बनण्यासाठी प्रोत्साहित करण्यासाठी ही चळवळ बनवण्याचा आम्ही प्रयत्न करत आहोत.”
रीडिफ्यूजनचे नॅशनल क्रिएटिव्ह डायरेक्टर श्री. प्रमोद शर्मा म्हणतात, “ही फिल्म थेट हृदयापासून आहे. जर आपण वसुंधरेची हानी करणे ताबडतोब थांबवले नाही तर आपल्याला दररोज त्याची शिक्षा भोगायला लागेल. आणि मग ते थांबवणे शक्य होणार नाही. दुर्दैवाने, आपण जे काही करतो ते बरेच अज्ञानामुळे आहे आणि बरेच काही उदासीनतेमुळे आहे. दोन्ही वृत्ती पृथ्वी मातेला मारक ठरत आहेत. संवादाच्या या भागामध्ये समस्या स्पष्टपणे मांडल्या आहेत आणि टाटा पॉवर वैयक्तिक पातळीवर तसेच सामाजिक स्तरावर त्वरित कृती करण्याचा निःसंदिग्ध संदेश देत आहे.”
फिल्म पोर्टफोलिओवर देखरेख करणार्या रीडिफ्यूजनच्या कार्यकारी संचालिका श्रीमती कॅरोल गोयल पुढे म्हणाल्या, “आम्ही संदेश खरा, वास्तव ठेवला आहे. हे कठोर आहे. आपल्या चुकांचे जगभरात जे परिणाम भोगायला लागत आहेत ते आपण दररोज पाहतो परंतु त्याबद्दल काहीही करत नाही. या फिल्मला अतिशय मजबूत आणि गुंतवून ठेवणारे संगीत आणि बोल मिळाले आहेत. त्यामुळे ही फिल्म नक्कीच संस्मरणीय आणि चिरस्थायी होईल अशी आम्हाला आशा आहे.”
टाटा पॉवर देशातील सर्वात पसंतीचा आणि विश्वासार्ह ग्रीन एनर्जी ब्रँड बनण्यासाठी वचनबद्ध आहे. कंपनीने २०२३ पर्यंत स्वच्छ आणि हरित ऊर्जा स्रोतांमधून ७०% क्षमता निर्मिती आणि २०४५ पर्यंत कार्बन नेट न्यूट्रॅलिटी प्राप्त करण्याची योजना आखली आहे.