लाडकी बहिण, बेटी बचावो सारख्या योजना सरकार राबवीत असताना तुम्ही काय डोळे झाकलेत काय ? शहरातील महिला स्वच्छतागृहांची अवस्था कशी आहे हे कधी कोणाकडून तपासले कि नाही ?
पुणे- पुणे मनपा सार्वजनिक शौचालयात महिलांची आर्थिक पिळवणूक होत असल्याने या संदर्भात याच्या त्याच्या दबावाखाली राहणाऱ्या महानगरपालिका अतिरिक्त आयुक्त पृथ्वीराज बी पी यांच्या डोळ्यात
शिवसेना महिला आघाडीच्या वतीने झणझणीत अंजन घालण्यात आले आहे. त्यांना आज या समस्येबद्दल शिवसेना महिला आघाडीच्या वतीने अतिरिक्त आयुक्त यांस निवेदन देताना ज्योती चांदेकर शिवसेना महिला उपशहर संघटिका कोथरुड , सोनाली जुनवणे उपविभाग संघटक शिवाजी नगर विधानसभा , अश्विनी मल्हारे कसबा विधानसभा महिला आघाडी यांनी निवेदनही दिले आहे.
पुणे महानगरपालिकेने शहरामध्ये अनेक निःशुल्क स्वछतागृह ( शौचालये ) उभारली असून त्याच्या वापरासंदर्भात महिला आणि पुरुष यांमध्ये भेदभाव केला जात आहे , पुरुषांना मोफत आणि महिलांकडून ५ ₹ ची मागणी केली जाते पैसे नसल्यास अडवणूक केली जाते हा भेदभाव कश्यासाठी ?महिलांना वेगळा न्याय आणि पुरुषवर्गाला वेगळा न्याय करणारी महानगर पालिका ही आजही स्वतंत्रपूर्व काळातील कायद्यांवर चालू आहे का ? , देशात संविधानाप्रमाणे महिला पुरुष यांना समान कायदा असताना स्वछतागृह वापरण्यावरून भेदभाव करणाऱ्या पुणे महानगर पालिकेचा शिवसेना महिला आघाडीच्या वतीने उपशहर संघटिका ज्योती चांदेरे यांनी निषेध केला.शिवसेना महिला आघाडीच्या वतीने निवेदन देत पुणे मनपाला सात दिवसाच्या आत या शहरातील सर्व स्वछतागृह चालकांना , संबंधीत अधिकारी वर्गाला आदेश देऊन महिला वर्गाला न्याय द्यावा अन्यथा शिवसेना पद्धतीने आम्ही सर्व स्वच्छता गृहांवर आंदोलन करून मनपाच्या महिलांवरील अत्याचाराविषयी वाचा फोडू याची दखल घ्यावी असे निवेदनात म्हण्यात आले आहे .यावेळी अतिरिक्त आयुक्त यांनी सदर तक्रारीची दखल घेत चौकशी करण्याचे आदेश प्रशासना दिले आणि महिला आघाडी पदाधिकारी यांकडून सदर सार्वजनिक शौचालयाची माहिती मागवून घेतली .
