कोल्हापूर- काँग्रेसचे राजपूत्र तुमच्या संपत्ती, महिलांचे दागिने आणि सोन्याची चौकशी करणार आहे. कांग्रेसने ही तुमची संपत्ती या देशावर ज्यांचा हक्क आहे, त्यांना वाटून देणार आहे. काँग्रेसने घोषणा केली आहे की, तुमची आयुष्यभर जेवढी संपत्ती जमा करणार, तुम्ही जेवढी कमाई करणार, ते तुम्ही तुमच्या मुलांना वारसाला देऊ शकत नाही.तुमच्या कमाईतला अर्धा हिस्सा काँग्रेस वसूल करण्याच्या विचारात आहे. तुम्ही जमा केलेली जमापुंजी तुम्ही काँग्रेसला लुटू देणार आहेत का?, असा सवाल पंतप्रधान नरेंद्र मोदींनी जनतेला केला आहे.
कोल्हापूरमधील तपोवन मैदानात आज पंतप्रधान नरेंद्र मोदी यांची जाहीर सभा संपन्न झाली. शिवसेना शिंदे गटाचे हातकंणगले लोकसभेतील उमेदवार धैर्यशील माने आणि कोल्हापूरचे उमेदवार संजय मंडलिक यांच्या प्रचारासाठी ही सभा घेण्यात आली होती. यावेळी ‘जगात भारी कोल्हापूरी’ असे म्हणत पंतप्रधान मोदींनी जोरदार फटकेबाजी केली. ते म्हणाले, “कोल्हापूरमध्ये फूटबॉल प्रसिद्ध आहे, असे मला कळलं. त्यामुळे फूटबॉलच्या भाषेतच सांगतो की, निवडणुकीच्या पहिल्या दोन टप्प्यानंतर एनडीए आणि भाजपा २-० ने पुढे आहे. तर काँग्रेस आणि इंडिया आघाडी शून्यावर आहे.”काँग्रेसने नेहमीच राम मंदिराला विरोध केला आहे. आज शिवसेना त्यांच्यासोबतच जाऊन स्वतःचे हिंदुत्व गमावून बसली आहे. आज जर बाळासाहेब असते तर त्यांना खूप वाईट वाटले असते. तसेच उद्धव ठाकरेंच्या शिवसेनेचा नकली शिवसेना असा उल्लेख करत पंतप्रधान नरेंद्र मोदी यांनी उद्धव ठाकरे यांच्यावर निशाणा साधला आहे. तसेच, काँग्रेस 370 हटवणार असल्याचे सांगत आहे. हे जनतेला मान्य आहे का? तुम्ही जनता हा निर्णय मागे घेऊ देणार आहात का?, मोदींच्या निर्णयाला विरोध करण्याची कुणाची हिंमत आहे का?, असे मोदी कोल्हापुरातील सभेत बोलतांना म्हणालेत.
नेहमीच गरीबांचा अपमान करणारी काँंग्रेस आज बाबासाहेबांचे गुणगान गात आहे. काँग्रेस देशात कर्नाटक मॉडेल अवंलबविण्याच्या विचारात आहे.महिलांची सुरक्षा आणि महिलांना प्रत्येक क्षेत्रात समान संधी ही मोदींची गॅरंटी आहे. आम्ही त्यांना संधी देण्यासाठी सर्वतोपरी प्रयत्न करत आहोत. त्यामुळेच दहा कोटी महिला या स्वतः च्या पायावर उभ्या राहिल्या आहेत. सेल्प हेल्पच्या माध्यमातून हे साध्य झाले. आता तीन कोटी महिलांना लखपती दीदी बनविण्याचे ध्येय आहे. महिला आमच्या पाठीशी उभ्या आहेत. हे पाहून काँग्रेस हतबल झाली आहे.असेही मोदी म्हणालेत.
