नागपूरमधून विकास ठाकरे 1 लाखांपेक्षा जास्त मतांनी विजयी होतील, वडेट्टीवार यांचा दावा
नागपूर लोकसभा मतदारसंघातून महायुतीचे अधिकृत उमेदवार म्हणून काँग्रेसचे विकास ठाकरे यांनी आज उमेदवारी अर्ज दाखल केला. या मतदारसंघात भारतीय जनता पक्षाचे उमेदवार नितीन गडकरी यांच्या विरोधात विकास ठाकरे लढत देत आहेत. नागपूर काँग्रेसमधील नेत्यांमध्ये असलेले अंतर्गत मतभेद विसरून काँग्रेसचे सर्व नेते एकत्र आलेले या निमित्ताने दिसून आले. विकास ठाकरे यांचा उमेदवारी अर्ज भरण्यासाठी विरोधी पक्ष नेते विजय वडेट्टीवार देखील उपस्थित होते. या निमित्त नागपूरमध्ये जोरदार शक्ती प्रदर्शन करत विकास ठाकरे यांचा उमेदवारी अर्ज दाखल करण्यात आला.नागपूर लोकसभा मतदारसंघात नितीन गडकरी हे भारतीय जनता पक्षाचे तगडे उमेदवार रिंगणात आहेत. त्यामुळे गडकरी यांच्या विरोधात महाविकास आघाडीच्या वतीने कोणाला तिकीट दिले जाते याबाबत चर्चा रंगली होती. मात्र काँग्रेसने अंतर्गत गटबाजी बाजूला ठेवत विकास ठाकरे यांच्या उमेदवारीवर शिक्कामोर्तब केले. त्यानुसार ठाकरे यांनी आज आपल्या उमेदवारी अर्ज दाखल केला आहे. मागील लोकसभा निवडणुकीत भाजपचे उमेदवार नितीन गडकरी यांनी काँग्रेसचे तत्कालीन उमेदवार नाना पटोले यांचा पराभव केला होता. यावेळी नाना पटोले यांनी आपण लोकसभा निवडणूक लढवण्यास इच्छुक नसल्याचे स्पष्ट केले होते. त्यामुळे काँग्रेसने नाना पटोले यांच्या ऐवजी आता विकास ठाकरे यांना उमेदवारी दिली आहे.नागपूर लोकसभा मतदारसंघात काँग्रेस प्रचंड बहुमताने विजय होईल, असा दावा विजय वडेट्टीवार यांनी केला आहे. नागपूर हा काँग्रेसचा गड आहे. काही वर्षांसाठी येथे लोकांनी परिवर्तन केले होते. मात्र, यावेळी नागपूर हा काँग्रेसचा गड असून हा गड काँग्रेसच्या मागे प्रचंड ताकतीने उभा राहणार असल्याचे वडेट्टीवार यांनी म्हटले आहे. हा विजय काँग्रेसच्या विजयामध्ये पहिल्या नंबरला असेल, असा मला विश्वास असल्याचेही ते म्हणाले. विकास ठाकरे हे किमान एक लाख मतांनी निवडून येतील असा विश्वास आपल्याला असल्याचे विजय वडेट्टीवार यांनी म्हटले आहे.…लोकसभेच्या 2019 मध्ये झालेल्या निवडणुकीत नागपूर मतदार संघातून भाजपचे नितीन गडकरी विजयी झाले होते. त्यांनी काँग्रेसच्या नाना पटोले यांचा पराभव केला होता. या ठिकाणी बहुजन समाज पक्षाकडून मोहम्मद जमाल रिंगणात होते.नितीन गडकरी (भाजप) – 6,60,221 (विजयी)नाना पटोले (काँग्रेस) – 4,44,212मोहम्मद जमाल (बहुजन समाज पक्ष) – 31,725अशी मते मिळालेली होती .
