मुंबई- वडापावची हातगाडी लावणाऱ्या एका विक्रेत्याने मंत्रालयातील वरच्या मजल्यावरून उडी मारून आत्महत्येचा प्रयत्न केल्याचे वृत्त येथे समजले आहे. सदरील व्यक्तीला पोलिसांनी ताब्यात घेतले आहे. याबाबत मिळालेल्या माहितीनुसार अरविंद बंगेरा असे या व्यक्तीचे नाव असून या व्यक्तीची वडापावची गाडी आहे. मात्र महानगरपालिकेच्या वतीने वारंवार वडापावची गाडी तोडण्यात येत असल्याने या व्यक्तीने आंदोलन केले असल्याचे बोलले जात आहे. सदरील व्यक्तीने बाळासाहेब ठाकरे यांच्या नावाच्या घोषणा देत प्रशासनाचा निषेध केला.
बोरवली मधील या वडापाव विक्रेत्याने हे आंदोलन नेमके कशासाठी केले, याबाबत अद्याप खुलासा झालेला नाही. मात्र, सदरील व्यक्तीने मंत्रालयातून वरच्या मजल्यावरुन कुदी मारल्यामुळे मंत्रालयात काही काळ तणावाची परिस्थिती निर्माण झाली होती. मंत्रालयात यासाठी आधीच संरक्षक जाळी लावण्यात आली आहे. या जाळीवर व्यक्ती पडल्याने त्याचा जीव वाचला. मात्र, या दरम्यान त्यांनी बाळासाहेब ठाकरे यांच्या नावाची घोषणाबाजी करत प्रशासनाच्या कारभारावर टीका केली.या व्यक्ती चे नाव अरविंद बंगेरा असून ते बोरिवली येथे राहत असल्याची माहिती समोर आली आहे. तसेच ते वडापावची गाडी चालवतात. मात्र, प्रशासनाच्या वतीने वारंवार त्रास दिला जात असल्याचा आरोप सदरील व्यक्तीने केला आहे. अखेर सहन न झाल्याने या व्यक्तीने थेट मंत्रालय गाठत मंत्रालयाच्या वरच्या मजल्यावरुन उडी मारली. प्रशासनाच्या वतीने मंत्रालय परिसरात जाळी बसवण्यात आल्याने मोठी दुर्घटना टळली आहे.
