पुणे-सुप्रसिध्द गायक हरिहरन यांचा २१/९/२०२४ राेजी पुण्यातील कर्वेनगर येथील महालक्ष्मी लाॅन्स येथे कार्यक्रम आयाेजित करण्यात आला हाेता. या कार्यक्रमासाठी सुरुवातीला माेरया एंटरटनेमेंट एलएलपी कंपनीने आयाेजन केले हाेते. परंतु व्यैक्तिक कारणावरून त्यांनी सदर कार्यक्रम रद्द केला. मात्र, हरिहरन यांच्या विनंतीवरून स्वरझंकार हबने पुढाकार घेऊन केला. यादरम्यान बुक माय शाे वरून येणारे तिकिटाचे पैसे माेरया एंटरटेनमेंट यांनी स्वरझंकार हबला देण्याचा करार देखील झाला. मात्र, माेरया एंटरटेनमेंटने या कार्यक्रमाचे १४ लाख १७ हजार रुपये स्वरझंकार यांना न देता सदर रकमेचा अपहार केल्याचा प्रकार उघडकीस आले आहे. याप्रकरणी माेरया एंटरटेनमेंट एलएलपीचे मालक विशाल गाेरगाेटे यांचेवर वारजे माळवाडी पाेलिस ठाण्यात आर्थिक फसवणुकीचा गुन्हा दाखल करण्यात आला आहे.
याबाबत राजस अतुलकुमार उपाध्ये (वय- ३१,रा. सहकारनगर,पुणे) यांनी आराेपी विशाल गाेरगाेटे विराेधात पाेलीसांकडे फिर्याद दाखल केली आहे. पाेलीसांनी दिलेल्या माहितीनुसार, नामांकित गायक हरिहरन यांचा कार्यक्रम माेरया एंटरटेनमेंट एलएलपी यांनी अायाेजित केला हाेता. परंतु त्यांना काही अडचणी आल्याने त्यांनी सदर कार्यक्रम रद्द केल्यावर गायक हरिहरन यांचे विनंतीवरून तक्रारदार राजस उपाध्ये यांनी हा कार्यक्रम घेण्याचे ठरवले हाेते. याबाबत हा कार्यक्रम हाेण्याकरिता रितसर सामंजस्य करार देखील झाला. सदरच्या कार्यक्रमाचे तिकिट विक्रीचे पैसे बुक माय शाेवरून माेरया एंटरटेनमेंट एलएलपी यांचे खात्यावर जाणार असल्याने सदरचे पैसे हे तक्रारदार यांचे स्वरझंकार हबचे खात्यावर येण्याकरिता आराेपी यांचेशी करार झाा हाेता. परंतु या कार्यक्रमाचे १४ लाख १७ हजार रुपये देण्याचे ठरलेले असताना देखील आराेपीने हे पैसे तक्रारदार यांना दिले नाही. तसेच त्यांची दिलेला चेक देखील बँकेत बाऊंस झाल्याने सदरचे पैसे तक्रारदार यांनी वारंवार मागून देखील त्यांना आराेपीने टाळल्याने फसवणूक झाल्याचे लक्षात आल्यावर तक्रारदार यांनी याबाबत पाेलिसांकडे फिर्याद दिली आहे. याबाबत पुढील तपास पाेलिस उपनिरीक्षक एस तरडे करत आहे.
