भाजपा महिला आघाडीचा पुणे पोलिसांना सवाल – अर्चना पाटलांकडून आंदोलनाचा इशारा
पुणे- सोशल मिडिया वर चर्चा असलेली पूजा चव्हाण हिने खरेच कोणा मंत्र्याच्या कारणावरून आत्महत्या केली काय ? हि हत्या आहे कि आत्महत्या ? असे विविध प्रश्नांवर पुणे पोलिसांनी वेळीच खुलासे करणे गरजेचे आहे अशी मागणी आज भाजपा महिला आघाडीच्या अध्यक्ष नगरसेविका अर्चना तुषार पाटील यांच्या नेतृत्वाखालील शिष्टमंडळाने पोलीस आयुक्त अमिताभ गुप्ता यांच्याकडे केली. या वेळी नगरसेवक सुशिल मेंगडे,धनराज घोगरे,महिला अघाडी सरचिटणिस गायत्री भागवत,सौ . सोनाली शितोळे भोसलेप्रसिद्धीप्रमुख पुणे शहर महिला मोर्चा शहर उपाध्यक्षा अश्विनी मारणे(पवार),प्रकोष्ट रणराघिणी ,वृक्षाली दुबेव इतर पदाधिकारी उपस्थित होते
या संदर्भात अर्चना पाटील यांनी सांगितले कि,’पुण्यातील महंमदवाडी,हडपसर परिसरात रविवार दि.७ फेब्रुवारी २०२१ रोजी सदर परिसरातील एका सोसायटीच्या तिसऱ्या मजल्यावरुन उडी मारुन पुजा चव्हाण या २२ वर्षीय तरुणीने आत्महत्या केल्याची घटना घडली आहे …. नक्की ही आत्महत्या आहे की हत्या ….? या बाबतची तक्रार वानवडी पोलिस ठाण्यात दाखल करण्यात आली आहे व पोलिस आयुक्तालय पुणे शहर यांना निवेदन देण्यात आले आहे सदर प्रकरण झाल्याचे कळल्या नंतर नागरिकांनी पुजा ला उपचारा साठी रुबी हॉल रुग्णालयात दाखल करण्यात आले होते परंतु गंभीरपणे जखम झाल्यामुळे पुजाचा दुर्दैवी मृत्यू झाला …. या प्रकरणात असे समोर येत आहे की महाराष्ट्रातील एका बड्या मंत्र्यासोबतच्या प्रेमसंबंधातून या युवतीने आत्माहत्या केल्याची चर्चा समाज माध्यमांवर ( सोशल मिडीया ) सुरु आहे त्यामुळे नागरिकांमध्ये खळबळ उडाली आहे. सदर प्रकार हा अतिशय गंभीर असुन त्या साठी या सर्व प्रकाराची सखोल चौकशी व्हावी आणि सदर प्रकरणातील गुन्हेगारांना लवकरात लवकर अटक करुन त्यांच्या कठोर शासन करावे.अशी मागणी भारतीय जनता पार्टी महिला आघाडीच्या वतीने करण्यात आली आहे. पोलिस प्रशासनाने लवकरात लवकर कारवाई चालु करावी .. नाही तर शहर भर तीव्र जनआंदोलन करण्यात येईल असाही इशारा यावेळी त्यांनी पोलिस प्रशासनाला दिला.