पुणे- १० जानेवारी पर्यंत जल शक्ती मंत्रालयापुढे आणि पुण्याचे खासदार असलेल्या भाजपाचे ज्येष्ठ नेते गिरीश बापट यांच्यापुढे जायका प्रकरणी गतीने केलेल्या कार्यवाहीबाबतचा अहवाल ठेवतो असे केंद्रीय जलशक्ती मंत्री यांना आश्वासन देऊन वेळ मारून नेणाऱ्या महापालिका आयुक्तांचा पर्दाफाश आज खुद्द त्यांच्या समोरच खासदार गिरीश बापट यांनी माध्यमांशी बोलताना केला आहे . आणि महापालिकेला मिळू पाहणारे जायका चे ८५० कोटीचे अनुदान हातचे वाया जाऊ देणार नाही असाही पवित्रा घेतला आहे .
जलशक्ती मंत्रालयाने पुण्यातील जायका प्रकल्पासाठी गेल्या महिन्यात दिल्लीत बैठक घेतली यावेळी केंद्रीय मंत्री गजेन्द्र सिंह शेखावत आणि पुण्याचे खासदार गिरीश बापट उपस्थित होते मात्र निमंत्रण देऊनही ऑनलाईन उपस्थिती लावा असे सांगूनही महापालिका आयुक्त विक्रम कुमार हे या बैठकीला उपस्थित नसल्याचे तेव्हा बापट यांनी केंद्रीय मंत्र्यांच्या निदर्शनास आणून दिले होते . त्यामुळे बापट यांनी थेट राज्यातील उपमुख्यमंत्री यांना फोन लाऊन त्यांच्या मार्फत त्यांच्याबरोबर असलेले विक्रम कुमार यांना याबाबत जाणीव करून दिली होती . तेव्हा विभागीय आयुक्तांच्याच कार्यालयात बसून विक्रम कुमार यांनी ऑनलाईन जाऊन या बैठकीस उशिरा हजेरी लावली तोवर जल शक्ती मंत्री शेखावत त्यांची प्रतीक्षा करत होते . तेव्हा कुमार यांना जबाबदारीची जाणीव करून देऊन मंत्र्यांनी संतप्त भाषेत त्यांना सुनावले देखील . तेव्हा महिनाभरात म्हणजे १० जानेवारीपर्यंत जायका प्रकरणी गतीने केलेल्या कार्यवाही चा अहवाल आणि प्रगती पुण्याचे खासदार बापट यांना आणि जलशक्ती मंत्रालयाकडे पाठवू असे आश्वासन देऊन कुमार यांनी सुटका करवून घेतली होती .
मात्र आज पुण्याच्या विधानभवनात त्यांची खासदारा बापट यांच्याशी भेट झाली तेव्हा त्यांनी कुमारांना गाठले ,आणि मिडीयाने या दोहोंना एकत्र पाहून जायका चा विषय छेडला असता , जायका चा निधी आपण कोणत्याही परिस्थितीत माघारी जाऊ देणार नाही असा आपला पवित्र कायम ठेवत बापट यांनी विक्रम कुमार यांच्यासमोरच आयुक्त किंवा महापालिकेने जायकाबाबत जी काही प्रगती असेल ती, त्याची माहिती देणे आवश्यक असतानाही दिलेली नाही असे माध्यमांना सांगितले . आणि आता आज आपण ती माहिती घेऊच आणि जायका ला गती देऊ असे माध्यमांना सांगितले.