पुणे-हाणामाऱ्या , रात्रींचा दिवस अन दिवसांची रात्र , पैशांच्या बड्याबड्या बाता , मंत्र्यांची ,माजी मंत्र्यांची , बड्याबड्या नेत्यांची फौज अन त्यात भरीस भर प्रशासनाची हुशारी या सर्वांच्या लढायांनी ४५ टक्के मतदानापर्यंत कसब्यात तर चिंचवड मध्ये ४१ टक्के मतदानापर्यंत मजल मारली . साडेतीन वाजेपर्यंत अवघे ३० टक्के मतदान झाल्यावर साडेचार वाजता खासदार बापटांना मतदानासाठी आणले गेले आणि साडेपाच वाजेपर्यंत ४५.२५ टक्के मतदान झाल्याचे सांगण्यात आले . २ मार्च रोजी मतमोजणी होणार आहे. कसब्यातील मतमोजणी कोरेगाव मार्क येथील वखार महामंडळाच्या गोदामात होणार आहे. चिंचवडमधील मतमोजणी कामगार भवन, थेरगाव इथे होणार आहे. दोन्ही मतदारसंघांत महाविकास आघाडी व महायुतीने निवडणूक प्रतिष्ठेची केल्यामुळे निकालाबाबत पुणे जिल्ह्यालाच नाही, तर राज्यालाही उत्सुकता आहे.