पुणे- कोथरूड मधील महात्मा सोसायटी ते पावनखिंड अशा ६०० मीटर लांबीच्या नव्या रस्त्याचे लोकार्पण सोहळा आज भाजपचे प्रदेशाध्यक्ष आणि आमदार चंद्रकांतदादा पाटील यांच्या हस्ते आणि आ. भीमराव तापकीर , नगरसेवक दिलीप वेडेपाटील , किरण दगडे ,अल्पना वर्पे आणि श्रद्धा प्रभुणे यांच्या प्रमुख उपस्थितीत पार पडला.हा रस्ता अनेक कारणांमुळे वर्षानुवर्षे प्रलंबित होता. मात्र, आता हा रस्ता सुरु झाल्याने,नागरिकांना मोठा दिलासा मिळणार आहे. या मार्गामुळे कोथरूड मधील नागरिकांना चांदणी चौका ऐवजी थेट बेंगलोर महामार्गाला जवळून जोडणारा रस्ता निर्माण झाल्याबद्दल यावेळी कोथरूड च्या रहिवाश्यांनी समाधान आणि आनंद व्यक्त करीत या प्रकल्पाचे स्वागत केले. कोरोनाच्या काळात कमी झालेल्या निधीमुळे हा रस्ता काहीसा अरुंद पद्पथाविना अद्याप असला तरी तो सध्या सुरु मात्र झाला आहे. रस्त्यावर विजेचे दिवे आणि झाडांची रोपे लावल्याने आता येथून सुरक्षित वाहतूक निर्माण होणार आहे . पूर्वी हा रस्ता नसल्याने कोथरूड हून थेट चांदणी चौकात येऊन कात्रज कडे किंवा बेंगलोर -मुंबईकडे जावे लागत आता त्यास हा पर्याय तयार झाला आहे. नगरसेवक दिलीप वेडेपाटील आणि त्यांच्या प्रभागातील नगरसेवकांनी मिळून हा रस्ता केला आहे. पहा या रस्त्याच्या लोकार्पण सोहळ्याची एक झलक आणि नागरिकांच्या प्रतिक्रिया ….