खडकवासल्यातील राष्ट्रवादीच्या बड्या नगरसेवकाची नाराजी
पुणे- राज्य असो , देश असो, या दोन्ही स्तरावर एकमेकांच्या आमने सामने शड्डू ठोकत असलेले भाजपा आणि राष्ट्रवादी हे दोन पक्ष आज पुणे महापालिकेत मात्र एकमेकांच्या हातात हात घेऊन खास सभा घेत आहेत. हि खास सभा कोथरूड च्या शिव सृष्टीसाठी नाही , महापालिकेत कंत्राटी स्वरूपात कामगार भरती बंद करून थेट कायम पद्धतीने भरती करण्यासाठी नाही, स्थानिक भूमिपुत्रांना रोजगार मिळावा म्हणून स्टॉल , हातगाडीचे परवाने देण्यासाठी नाही , वा उद्योग उभारून देण्यास मदत करण्यासाठी नाही, सर्वांना समान पाणीपुरवठा आणि मोफत पाणी पुरवठा करण्यासाठी नाही , मुंबई महापालिकेप्रमाणे ५०० चौरस फुटापर्यंतच्या घरांना नो मिळकतकर अशा धोरणासाठीही नाही.मग तरीही दाखवायला काही तरी असणारच अशा विषयांना राजकीय दृष्टीने पुढे करत आणि प्रत्यक्षात वेगळी बाजी मारून जायला काही तरी असणारच अशा धूर्त दृष्टीने मागे दोन विषय ठेवत हि खास सभा आयोजित करण्यात भाजपा आणि राष्ट्रवादी साथ साथ आल्याचे दिसून येते आहे.
खास सभा बोलवायला ६ सदस्यांची मागणी लागते त्यात ४ सदस्य राष्ट्रवादीचे आहेत तर २ महिला सदस्य भाजपच्या आहेत . वर्षा तापकीर आणि मानसी देशपांडे या भाजपाच्या आणि नंदा लोणकर ,अमृता बाबर ,प्रदीप गायकवाड ,सुनील गायकवाड हे राष्ट्रवादीचे सदस्य आहेत . अनेकदा असे होते कि नेत्यांच्या सांगण्यावरून फक्त काही सदस्य सह्या करतात असे नंतर स्पष्ट होते यात तसे काही झाले असल्यास अद्याप समजलेले नाही.मात्र या प्रकरणावरून खडकवासल्यातील एक तरुण आणि उत्तम जनसमर्थ पाठीशी असलेल्या नगरसेवकाने नाराजी व्यक्त केली आहे.
निवडणुकीच्या तोंडावर उच्च क्षमता द्रुतगती मार्ग प्रकल्पाच्या मार्गात बदल का करावा ?
या खास सभेत दोन विषय खास आहेत.त्यातील एक विषय एचसीएमटीआर च्या मार्गिकेत बदल सुचविणारा आहे. महापालिकेच्या १९८७ च्या डीपी प्रस्तावामध्ये एचसीएमटीआर प्रस्ताव तयार करण्यात आला .सादर प्रस्तावात बाधित होणाऱ्या इमारतींचा विचार करून मार्गिका करण्यात आली होती.पण त्या सुधारित आखणीनुसार देखील आता स्वारगेट येथील पर्वती सर्वे नंबर ३३ अ /२ सिटी सर्वे नंबर ६६१५ फायनल प्लॉट नंबर ४९० (पैकी ) हि मिळकत बाधित होत असल्याने सदरचा रस्ता उत्तर दिशेकडे सरकवून करावा असा भाजपच्या एका वरिष्ठ नगरसेवकाचा प्रस्ताव आहे .
तर दुसरा खास विषयदेखील असा आहे कि ,’याच एचसीएमटीआर च्या मार्गिकेत ३ ठिकाणी बदल करणार आहे. कोथरूड गांधी लॉन्स ते अलंकार पोलीस चौकी दरम्यान मार्गिकेत बदल करणे तसेच वडगाव शेरी येथे बदल करणे आणि तसेच सर्वे नंबर २२७ /ए /२२७ /१ ते १७ लोहगाव येथील मार्गिकेत बदल करणे असा आहे मात्र हा विषय महापालिका आयुक्तांनी आणलेला आहे असे सांगण्यात येते आहे.
आता दाखवायचे पण छोट्या महत्वाचे विषय
चालू आर्थिक वर्षात कोरोना महामारीच्या पार्श्वभूमीवर मिळकत कर भरण्यास ५ ते १० टक्के सवलत ३१ मी अखेर पर्यंत देण्यात आली होती ती एक महिना वाढवावी .दुसरा विषय अर्थात चांगला आहे तो असा आहे कि कोरोना महामारी मुळे लायसन धारक पथारी स्टॉल , हातगाडी यांचे शुल्क मार्च पासून सहा महिन्यांपर्यंत माफ करावे .हा विषय शिवसेनेचे पृथ्वीराज सुतार यांचा आहे. तिसरा विषय पश्चात मन्यते साठी आलेला आहे , म्हणजे पूर्वीच त्याची अंमलबजावणी झालेली आहे तो असा कि ,कोविद १९ प्रतिबंध सुरक्षा कवच योजनेस मान्यता द्यावी ,कोरोना रुग्णांवर उपचार करताना अगर अशा रुग्णांशी थेट संपर्क येणाऱ्या अधिकारी कर्मचाऱ्यांना कोरोन होऊन त्यांचा मृत्यू झाला तर त्यास या योजनेचा लाभ व्हावा . अर्थात या योजनेबाबत हि अजूनही अनेक प्रश्न उपस्थित होत आहेतच .
खास सभा कशासाठी ?
या खास सभेवर जे विषय आहेत ते कार्यपत्रीकेवरील विषय आहेत , खास सभा हि आत्यंतिक तातडीच्या अथवा आत्यंतिक महत्वाच्या विशेष विषयांवर बोलविली जाते . मात्र या सभेतील विषय हे खास सभेसाठी पात्र होऊ शकतात काय ?हा देखील प्रश्न उपस्थित होऊ पाहत आहेच .