पुणे-देशांतर्गत विक्रीच्या बाबतीत भारतातील चौथी सर्वात मोठी औषध कंपनी आणि आर्थिक वर्ष २०२२ साठी विक्रीच्या प्रमाणासंदर्भात दुसरी सर्वात मोठी कंपनी असलेल्या मॅनकाइंड फार्मा लिमिटेडने बाजार नियामक सिक्युरिटीज अँड एक्सचेंज बोर्ड ऑफ इंडिया (“SEBI”) कडे आपला ड्राफ्ट रेड हेरिंग प्रॉस्पेक्टस (“DRHP”) सादर केला आहे.
कंपनीच्या प्राथमिक समभाग विक्रीमध्ये प्रवर्तक आणि विद्यमान गुंतवणूकदारांसह भागधारकांच्या प्रत्येकी १ रुपये दर्शनी मूल्य असलेल्या ४०,०५८,८८४ इक्विटी शेअर्सच्या विक्रीची ऑफर समाविष्ट आहे.
कंपनी विविध तीव्र आणि क्रॉनिक उपचारात्मक क्षेत्रांमध्ये तसेच अनेक ग्राहक आरोग्य सेवा उत्पादनांच्या विविध श्रेणीतील फार्मास्युटिकल फॉर्म्युलेशनच्या विकसन, उत्पादन आणि विपणन करण्यात गुंतलेली आहे.
विक्रीच्या योजनेमध्ये रमेश जुनेजा यांचे ३,७०५,४४३ इक्विटी समभाग, राजीव जुनेजा यांचे ३,५०५,१४९ इक्विटी समभाग, शीतल अरोरा यांचे २,८०४,११९ इक्विटी समभाग (“एकत्रितपणे, “प्रवर्तक विक्री भागधारक”), १७,४०५,५५९ पर्यंतचे इक्विटी समभाग केर्नहिल CIPEF लिमिटेड, २,६२३,८६३ पर्यंतचे इक्विटी समभाग केर्नहिल CGPE लिमिटेड द्वारे, ९,९६४,७११ पर्यंतचे इक्विटी समभाग बेज लिमिटेड द्वारे आणि ५०,००० पर्यंतचे इक्विटी समभाग लिंक इन्व्हेस्टमेंट ट्रस्ट द्वारे (“सामूहिकपणे “गुंतवणूकदार विक्री भागधारक”) समाविष्ट आहेत.
कंपनीने देशांतर्गत बाजारपेठेवर लक्ष केंद्रित केले आहे. याचा परिणाम म्हणून तिच्या भारतातील कामकाजामधील महसुलाने आर्थिक वर्ष २०२२ च्या कामकाजा मधील एकूण कमाईच्या ९७.६०% योगदान दिले जे IQVIA द्वारे ओळखल्या गेलेल्या अशाच प्रकारच्या कंपन्यांमध्ये सर्वात जास्त होते.
कोटक महिंद्रा कॅपिटल कंपनी लिमिटेड, अॅक्सीस कॅपिटल लिमिटेड, आयआयएफएल सिक्युरिटीज लिमिटेड, जेफ्रिज इंडिया प्रायव्हेट लिमिटेड आणि जे. पी. मॉर्गन इंडिया प्रायव्हेट लिमिटेड हे या इश्यूचे बुक रनिंग लीड मॅनेजर्स आहेत.