पुणे :
भारती विद्यापीठाच्या ‘इन्स्टिट्यूट ऑफ मॅनेजमेंट अँड आंत्रप्रुनरशिप डेव्हलपमेंट ‘(आयएमईडी ) ला पुण्यात केंद्रीय मनुष्य बळ विकास खात्याच्या सर्वेक्षणात व्यवस्थापनशास्त्र शिक्षण संस्था विभागात पहिले स्थान मिळाले आहे . नॅशनल इन्स्टिट्यूशनल रँकिंग फ्रेमवर्क (एनआय आर एफ ) चे मानांकन जाहीर झाले आणि विद्यार्थी ,प्राद्यापकांनी आनंदोत्सव केला .
केंद्रीय मनुष्य बळ विकास मंत्री प्रकाश जावडेकर यांनी सोमवारी जाहीर केलेल्या सर्वेक्षणात हे मानांकन मिळाल्याची माहिती भारती विद्यापीठ ‘इन्स्टिट्यूट ऑफ मॅनेजमेंट अँड आंत्रप्रुनरशिप डेव्हलपमेंट ‘(आयएमईडी ) चे संचालक डॉ . सचिन वेर्णेकर यांनी दिली .
‘आयएमईडी ‘ ला पुण्यात पहिले ,राज्यात चवथे ,आणि देशात ४० वे स्थान मिळाले आहे . डॉ . सचिन वेर्णेकर म्हणाले ,’कुलपती पतंगराव कदम ,कुलगुरू डॉ शिवाजीराव कदम ,सचिव डॉ . विश्वजित कदम ,वरिष्ठांचे मार्गदर्शन ,टीम वर्क आणि एकत्रित प्रयत्न यामुळे हे स्थान मिळविणे शक्य झाले आहे . इंडस्ट्री आणि इन्स्टिट्यूट यांचा सहयोग घडविण्याचे आणि व्यवस्थापन शास्त्र विषयाला कालानुरूप पुढे नेण्याचे प्रयत्न यामुळे हे शक्य झाले आहे ‘
 ला पुण्यात पहिले स्थान){kind=link}