पुणे- 6 ते साडेसात मीटर रुंदीचे 323 रस्ते 9 मीटर रुंद करावेत या आयुक्तांच्या प्रस्तावाला सर्वच 6 मीटर चे रस्ते रुंद करावेत अशी उपसूचना देत स्थायी समिति ने मान्यता दिल्यानंतर हा प्रस्ताव बेकायदा असून तो त्वरीत मागे घ्या, अन्यथा या विरोधात सरकारकडे, नंतर न्यायालयकडे दाद मागावी लागेल असा जोरदार ईशारा आणि टोला भाजपच्या जुन्या जाणत्या नेत्यांनी आज स्पष्टपणे महापालिकेला सोशल मीडिया त ऑडियो क्लिप आणि आयुक्तांच्या नावे पत्र लिहून लगावला आहे , हा टोला ‘आपले पुणे’ या संस्थेच्या नावाने उज्वल केसकर, सुहास कुलकर्णी, आणि सेनेचे प्रशांत बधे यांनी लगावला आहे . महापालिकेत महापौर,आणि सर्व पदाधिकारी भाजपचे 99 नगरसेवक अशी एक हाथी सत्ता असताना हा टोला लगावल्याने भाजपच्या वर्तुळात ज्येष्ठ , कधी काळी सभागृह गाजवलेल्या ,अभ्यासू नेत्यांना सुद्धा सत्तेच्या आहारी गेलेले पदाधिकारी जुमानित नसल्याचे स्पष्ट चित्र दिसते आहे.
दरम्यान केसकर ,कुलकर्णी ,बधे यांनी आयुक्ताना दिलेल्या जाहिर निवेदनात असे म्हटले आहे की,
मा.आयुक्त पुणे मनपा
यांसी सप्रेम नमस्कार
विषय — स्थायी समिती विषयपत्र मआ/श.अ/९१- दि. २८|५|२०२०
महोदय, पुणे शहरातील कुठल्याही रस्त्याची प्रमाण रेषा निश्चित करण्याचे अधिकार आपल्याला आणि मा.स्थायी समितीला आहेत.कायद्याने दोघांनी काय काय करावे हे स्पष्ट नमूद केले आहे.MMC Act कलम 210(1)(अ) अनव्ये करावयाची कारवाही आपण करावयाची असून ती पूर्ण झाल्यानंतर मंजुरीसाठी मा.स्थायी समितीच्या बैठकीत विषय मंजुरीसाठी ठेवावी लागते.मग मा.स्थायी समिती कडून उक्त कायद्याच्या कलम 210(1)(ब) अनव्ये कार्यवाही केली जाते.कायदा सांगतो स्थायी समितीच्या पूर्वमान्यते शिवाय रस्ता रूंदीची रेषा अस्तित्वात येऊ शकत नाही.स्थायी समितीच्या ज्या बैठकीत 210(1)(ब) अनव्ये मंजुरी दिली जाईल त्यापूर्वी 1 महिना आयुक्तांनी स्थानिक वृत्तपत्रे आणि विशेष नोटीस स्वतःच्या सहीने जो रस्ता रुंद करणार आहे त्याठिकाणी लावली पाहिजे. जोपर्यंत स्थायी समिती आलेल्या हरकती बाबत आपला प्रस्ताव लेखी सादर करून ज्या स्थायी समितीच्या बैठकीत उक्त कायद्याच्या कलम 210 ‘1’ ‘ब’ मान्यता देणार आहे त्या बैठकीच्या आधी किमान तीन दिवस नगर सचिवांना हा अहवाल सादर करणे कायद्याने बंधनकारक आहे.वरील बाबींचा विचार करता विषयांकित विषय पत्र हे कायद्याला धरून नाहीत हे या ठिकाणी आम्ही नमूद करू इच्छितो जरी स्थायी समितीने मान्यता दिली तरी आपण याची अंमलबजावणी कशी करणार तसेच आता पुणे शहरातील सर्वच रस्ते हे ९ मीटर रूंदीचे करण्याची जी उपसूचना स्थायी समितीने मंजूर केली आहे तिची अंमलबजावणी कशी होणार या बाबत आपण कृपया मा.विधान सल्लागार यांचा याबाबत लेखी अभिप्राय मागवावा हि विनंती अन्यथा आम्हाला उक्त कायद्याच्या कलम 451 अनव्ये मे. राज्य सरकारकडे दाद मागावी लागेल तरी आमची आपणांस विनंती आहे की 2015 पूर्वी सहा मीटर च्या रस्त्यावर टीडीआर वापरण्याची परवानगी होती तशी परवानगी पुन्हा देण्यासाठी मा. शहर सुधारणा समिती मार्फत MR & TP कलम 37 अनव्ये कार्यवाही सुरू करावीहि विनंती.
धन्यवाद
आपले पुणे
उज्ज्वल केसकर,सुहास कुलकर्णी,प्रशांत बधे
