पुणे- शरद पवार यांच्या समवेत बोपदेव घाटाची पाहणी केल्यावर खासदार सुप्रिया सुळे यांनी माध्यमांशी संवाद साधला आणि येथील अनेक कमतरतांकडे लक्ष वेधले त्याच सोबत क्राईम का वाढलेय ? असा सवाल करत त्याबत आपले मत मांडले पहा आणि ऐका नेमके त्यांनी काय म्हटलेय ….

पुणे- सामूहिक बलात्कार प्रकरणाचा तपास करण्यात मागील चार-पाच दिवसांत सपशेल अपयशी ठरलेल्या पोलिसांनी आता आपले नैराश्य पत्रकारांवर काढण्यास सुरुवात केली आहे. आपले तपासाचे ‘कौशल्य’ उघडे पडल्याने पोलिसांनी पत्रकारांनाच दमदाटी करण्यास सुरुवात केल्याचे चित्र मंगळवारी बोपदेव घाट परिसरात पाहायला मिळाले.

राष्ट्रवादी कॉँग्रेस (शरदचंद्र पवार) पार्टीचे अध्यक्ष शरद पवार, खासदार सुप्रिया सुळे यांनी मंगळवारी बोपदेव घाटातील सामूहिक बलात्कार प्रकरण घडलेल्या घटनास्थळाला भेट दिली. यावेळी, वार्ताकन करण्यासाठी गेलेल्या पत्रकारांना पोलिसांनी धक्काबुक्की केली. तसेच, काही प्रसार माध्यमांना भेदभावाची वागणूक केली. पोलिसांनी प्रसार मध्यमांबाबत घेतेलेली भूमिका निषेधार्ह असून संबंधित पोलिसांवर कारवाई केली जावी अशी मागणी केली जात आहे.

पुणे : कॅब दरवाढीसाठी मागील एका वर्षापासून दिनांक ९ सप्टेंबर २०२३ पासून सातत्याने पाठपुरावा करुनही कोणतीही कार्यवाही झाली नसून आरटीए, पुणे यांनी निश्चित केलेले टॅक्सीचे दर पत्रक आजपर्यंत अंमलात आणलेले नाही. ते त्वरीत अंमलात आणावे, या मागणीसह अन्य मागण्यांसाठी मॉं साहेब कॅब संस्था महाराष्ट्र राज्य तर्फे प्रादेशिक परिवहन कार्यालय (आरटीओ) पुणे समोर ठिय्या आंदोलन करण्यात आले.

यावेळी माँसाहेब कॅब संस्था महाराष्ट्र राज्य संस्थापक अध्यक्ष वर्षा शिंदे पाटील यांच्या नेतृत्वाखाली मोठया संख्येने कॅब चालक उपस्थित होते.

वर्षा शिंदे पाटील म्हणाल्या, पुणे आरटीए ने निश्चित केलेले दर पत्रक सर्व कंपन्यांना लागू करावे, ज्या मुजोर कंपन्या आरटीए प्रमाणे दर लागू करणार नाहीत, त्या कंपन्यांचे अ‍ॅप मोबाईल प्ले स्टोअर वरुन काढून टाकावे, गोवा राज्यासारखे पुण्यात देखील टॅक्सी मीटर द्यावे, एव्हरेस्ट प्लीट ई-कॅब बंद कराव्या आणि बेकायदेशीर प्रवासी वाहतूक करणा-या पांढ-या प्लेट च्या गाडया बंद कराव्या, अशा मागण्या आम्ही आरटीओ यांच्याकडे करीत आहोत.

त्या पुढे म्हणाल्या, सर्व मागण्यांकरिता दिनांक ४ सप्टेंबर २०२४ रोजी पुण्यातील ९ हजार कॅब चालकांनी व मालकांनी मुंबई मंत्रालयावर मोर्चा काढला होता. त्यावेळी आठ दिवसात निर्णय घेऊ, असे सांगण्यात आले. मात्र, आजपर्यंत कॅब चालक व मालकांना न्याय मिळालेला नाही. प्रशासनाने याकडे गांभिर्याने लक्ष न दिल्यास संघटनेचे ५ हजार सभासद रस्त्यावर उतरुन आंदोलन करतील. काही अनुचित प्रकार घडल्यास सर्वस्वी प्रशासन जबाबदार असेल, असा इशाराही वर्षा शिंदे पाटील यांनी दिला.

• सीएनजी चे दर वाढले तरी देखील गाडी भाडे तेवढेच
  ड्रायव्हर हा एक दुर्लक्षित घटक आहे. सन २०१४ ला सीएनजी चा दर हा ४३ रुपये होता आणि गाडी भाडे हे ९ ते १० रुपये किलोमीटर होते. आज २०२४ मध्ये सीएनजी चा दर ९९ रुपये आहे. तरी देखील गाडी भाडे हे ९ ते १० रुपये किलोमीटर आहे. बाजारामध्ये वस्तूंचे दर वाढत आहेत. मात्र, चालक-मालकांच्या गाडीभाड्यामध्ये कधीच वाढ होत नाही. यांच्याकडे सरकारचे का दुर्लक्ष होत आहे ? हे या देशाचे नागरिक नाहीत का ? असा प्रश्नही वर्षा शिंदे पाटील यांनी उपस्थित केला.

निसर्ग छाया यांच्या वतीने ज्येष्ठ नागरिकांसाठी नवरात्रीनिमित्त विशेष आयोजन
पुणे : आयुष्यभर मुलांसाठी जगताना ते स्वत: मात्र जगणे विसरुन जातात. आयुष्याच्या उत्तरार्धात येता येता स्वत:साठी जगायला वेळ तर मिळतो, परंतु शारीरीक मर्यादा ही येतात. अशा वेळी विविध व्याधींमुळे  सगळ्यांसोबत बाहेर गर्दीमध्ये जाऊन उत्सवाचा आनंद घेता येत नाही. अशा समवयस्क ज्येष्ठ नागरीकांसाठी नवरात्रीनिमित्त विशेष गरबा आणि दांडियाचे आयोजन करण्यात आले होते. आयुष्याची सायंकाळ आनंदाने जगू पाहणाऱ्या ज्येष्ठांनी कार्यक्रमात दांडिया मनमुराद आनंद लुटला.

निसर्ग छाया संस्थेच्या वतीने भूगाव येथे ज्येष्ठ नागरिकांसाठी भव्य गरबा आणि दांडियाचे आयोजन करण्यात आले होते. यावेळी राज्याचे  उच्च व तंत्रशिक्षण मंत्री चंद्रकांत पाटील, संस्थेच्या संचालिका अमृता देवगावकर, मंदार देवगावकर, जयंत दशपुत्रे, मकरंद टिल्लू आदी उपस्थित होते.

नगाड़ा संग ढोल बाजे…सबसे बडा तेरा नाम शेरोवाली… ढोलीडा… ‘उड़ी उड़ी जाए’… पंखीडा… सनेडो…पंखिडा ओ पंखिडा… रंगीलो म्हारो ढोलना या गाण्यांवर दांडिया खेळण्याचा मनमुराद आनंद ज्येष्ठ नागरिकांनी लुटला.

चंद्रकांत पाटील म्हणाले, पोटानंतर, मनाची आणि त्यानंतर बुद्धीचा भूक असते. या सगळ्यानंतर आत्म्याची भूक निर्माण होते. त्यामुळे आयुष्याच्या उत्तरार्धात ज्येष्ठ नागरिकांनी हताश होऊन न बसता, बाहेर पडून आयुष्याचा मनसोक्त आनंद घ्यायला हवा.

अमृता देवगावकर म्हणाल्या, ज्येष्ठ नागरिकांना नवरात्रीमध्ये बाहेर गर्दीत जाऊन दांडिया खेळण्याचा आनंद घेता येत नाही. त्यामुळे त्यांना त्यांच्या पद्धतीने मनसोक्त आनंद घेत आपल्याच वयाच्या मित्रमैत्रिणींसोबत दांडिया गरबा खेळता यावा यासाठी या विशेष कार्यक्रमाचे आयोजन करण्यात आले होते.

ज्येष्ठ साहित्यिक डॉ. श्रीपाल सबनीस ; श्री महालक्ष्मी मंदिर, सारसबाग तर्फे लेखिका-कवयित्री यांचा सन्मान सोहळा
पुणे : भारतातील वातावरण अशुद्ध झाले आहे. धर्म व्यवस्था विस्कळीत झाली आहे. राजकारण भ्रष्ट, समाजकारण आंधळे आणि दिशा चुकलेला धर्म अशी समाजव्यवस्था झाली आहे. ही परिस्थिती बदलायची असेल तर नारीशक्ती ने घरापुरते राहून चालणार नाही. त्यांना विश्वाचा नकाशा डोळ्यासमोर ठेवावा लागेल. आज विश्व आणि विश्वाची मानवता धोक्यात आहे. युद्धाच्या संघर्षाच्या वातावरणात मानवता भयभीत झाली आहे. धर्म तर माणसाला जगवतो परंतु आज धर्म हा माणसाच्या मरणासाठी कारणीभूत ठरतो आहे. असे मत ज्येष्ठ साहित्यिक डॉ. श्रीपाल सबनीस यांनी व्यक्त केले.

श्री महालक्ष्मी मंदिर, श्री बन्सीलाल रामनाथ अगरवाल  धार्मिक व सांस्कृतिक ट्रस्ट च्यावतीने आयोजित सार्वजनिक नवरात्र उत्सवात लेखिका-कवयित्री यांचा सन्मान सोहळा पार पडला. यावेळी माजी पोलीस महासंचालक जयंत उमराणीकर, ट्रस्टचे प्रमुख संस्थापक विश्वस्त राजकुमार अगरवाल, प्रमुख विश्वस्त अमिता अगरवाल, विश्वस्त अ‍ॅड. प्रताप परदेशी, भरत अगरवाल, डॉ. तृप्ती अगरवाल, प्रवीण चोरबेले, हेमंत अर्नाळकर  उपस्थित होते. इंदुमती जोंधळे, सुनीताराजे पवार, प्रा. नीला कदम, डॉ. ज्योती देशमुख, संगीता पुराणिक, डॉ. श्रुती पानसे, अश्विनी साने, ॲड. आकांक्षा पुराणिक, नताशा शर्मा यांचा सन्मान या वेळी करण्यात आला.

डॉ. श्रीपाल सबनीस म्हणाले, जगातील अर्धी जनता नारीशक्ती आहे. तिला देवीचे रूप आपण दिले आहे. नारीला ग्रंथामध्ये गोंजारले, मंदिरामध्ये गोंजारले परंतु घरामध्ये मात्र तिला अत्यंत दुर्दैवी करून ठेवलेले आहे. रस्त्यावरती तिची लक्तरे काढलली आहेत ही लाजीरवाणी गोष्ट आहे. अजूनही माणसांमध्ये पशुत्व कायम असेल आणि अजूनही रानटी माणूसच शिल्लक असेल तर मग पुन्हा एकदा आपल्याला सर्व संस्कृतीची सुरुवात करावी लागेल. यासाठी साहित्य, विज्ञान, शिक्षण, धर्म आवश्यक आहे. असेही त्यांनी सांगितले.  घर आणि शाळा या संस्काराचे केंद्र झाले पाहिजेत. मुलांच्या संस्काराची जबाबदारी शेवटपर्यंत आई-वडिलांचीच असते. ज्या समाजाचे चारित्र्य अव्वल असते त्या देशाचे भवितव्य अव्वल असते.

कालीमातेचा फारसा उल्लेख आपण करत नाही पण स्त्रीमध्ये हे रुप आवश्यक आहे. आजच्या काळात तर कालीमातेचे रुप हे नारीने धारण करणे हे आवश्यकच आहे. छोट्या मुली पासून वयस्कर बायकांपर्यंत लैंगिक शोषणाच्या घटना घडत आहेत आणि हे अत्यंत दुर्दैवी आहे. भारतीय संस्कृती आणि परंपरेला न शोभणारी ही गोष्ट आहे.

अ‍ॅड. प्रताप परदेशी म्हणाले, ट्रस्टच्या वतीने साजरा करण्यात येणाऱ्या नवरात्रोत्सवात दरवर्षी वेगवेगळ्या क्षेत्रातल्या नारीशक्तीचा सन्मान करून खऱ्या अर्थाने महालक्ष्मी, सरस्वती मातेची पूजा बांधण्याचा आम्ही प्रयत्न करतो. मंदिरात नवरात्रीच्या नऊ दिवसांमध्ये जी सामग्री जमते ती सर्व स्वच्छ करून कुष्ठरोग संस्था, अनाथ आश्रम, अंधशाळा यांना देण्यात येते, असेही त्यांनी सांगितले. कार्यक्रमाचे सूत्रसंचालन विश्वकर्मा पब्लिकेशन्सचे संदीप तापकीर यांनी केले. तर आभार सीईओ विशाल सोनी यांनी मानले.

जिल्हा निबंधकांना निवेदन

पुणे :

सह दुय्यम निबंधक कार्यालय हवेली-२० मध्ये रेरा कायद्याची पायमल्ली करून झालेल्या दस्त नोंदणीची चौकशी करण्याची मागणी लोकजनशक्ती पार्टीचे पुणे शहराध्यक्ष संजय आल्हाट यांनी आज,दि.८ ऑक्टोबर रोजी सह जिल्हा निबंधक (मुद्रांक जिल्हाधिकारी) यांना दिलेल्या निवेदनाद्वारे केली आहे.बांधकामाच्या ग्रामपंचायत परवानग्या असलेल्या दस्तांची सह दुय्यम निबंधक कार्यालय हवेली -२० मध्ये नोंदणी करण्यात आल्या.त्यातून महा रेरा कायद्याची पायमल्ली करण्यात आली.१५ ऑगस्ट २०२४ पर्यंत आणि नंतरही येथील अधिकाऱ्याने दस्त नोंदणी चालू ठेवली.हे दस्त सर्व आवश्यक बांधकाम परवानग्या घेऊन केलेले आहेत का आणि कबुली जबाबासाठी राखून ठेवले आहेत का याची चौकशी व्हावी आणि चौकशी पूर्ण होईपर्यंत संबंधित उपनिबंधकाचा पदभार काढून घेण्यात यावा,अशी मागणी या निवेदनात करण्यात आली आहे.अन्यथा आंदोलन करण्याचा इशारा देण्यात आला आहे.राज्याचे नोंदणी महानिरीक्षक तसेच पुणे जिल्हाधिकारी यांनाही या निवेदनाची प्रत पाठविण्यात आली आहे.

ग्रामपंचायतींना बैठ्या घरांना परवानगी देता येते , १/ २ /३ माजली घरांच्या , इमारतींच्या बांधकामांना परवानगी देण्याचे अधिकार नाहीत तरीही अशा पद्धतीचे परवाना पत्रे देऊन , महापालिकेचा अभिप्राय न घेता किंवा गुंठेवारी झालेली नसताना दस्त नोंदणी करण्यास मनाई असताना दस्त नोंदणी करून बेकायदा कामे केली जात असल्याचे सांगितले जातेय .

पुणे, दि. 8: जिल्ह्यातील सर्व विधानसभा मतदार संघांत मतदानाची टक्केवारी वाढावी यासाठी स्वीपच्या माध्यमातून चांगल्या प्रकारे मतदार जागृती करावी; विशेषत: शहरी मतदार संघात मतदान टक्केवारीत मोठी वाढ होण्यासाठी सहकारी गृहनिर्माण संस्थांमध्ये मतदान जागृतीवर भर द्यावा, असे निर्देश जिल्हाधिकारी डॉ. सुहास दिवसे यांनी दिले.

जिल्हाधिकारी कार्यालयात आयोजित स्वीप आढावा बैठकीत ते बोलत होते. यावेळी जिल्हा परिषदेचे मुख्य कार्यकारी अधिकारी संतोष पाटील, पुणे महानगरपालिकेच्या निवडणूक विभागाचे उपायुक्त महेश पाटील, विभागीय आयुक्त कार्यालयाच्या उपायुक्त (करमणूक शुल्क) निलीमा धायगुडे, स्वीप व्यवस्थापन उपजिल्हाधिकारी अर्चना तांबे, उप जिल्हा निवडणूक अधिकारी मीनल कळसकर आदी उपस्थित उपस्थित होते.

गेल्या लोकसभेच्या निवडणुकीत जिल्ह्याने मतदार नोंदणी, मतदान टक्केवारी वाढीसाठी चांगली कामगिरी बजावल्याचे सांगून जिल्हाधिकारी डॉ. दिवसे म्हणाले, मतदान जागृतीवर चांगल्या प्रकारे काम झाल्यामुळे लोकसभा निवडणुकीच्या वेळी शहरी मतदार संघातील मतदानाच्या टक्केवारीत वाढ झाली होती. या कामात सातत्य ठेऊन आगामी निवडणुकीत अधिक मतदान व्हावे यासाठी प्रयत्न करायचे आहेत.
ते पुढे म्हणाले, जिल्ह्यात सर्व मतदार संघात मतदार नोंदणी अधिकारी स्तरावर स्वीप कार्यक्रमांतर्गत विविध माध्यमातून जनजागृती केल्यामुळे मतदार नोंदणीला चांगला प्रतिसाद लाभला असून जिल्ह्यातील एकूण मतदार संख्या 86 लाख 47 हजारावर पोहोचली झाली आहे. पुणे जिल्हा हा राज्यात सर्वाधिक मतदारसंख्या असलेला जिल्हा ठरला आहे.

लोकसभा निवडणुकीप्रमाणेच याहीवेळी मोठ्या गृहनिर्माण संस्थांमध्ये मतदान केंद्रे स्थापन करण्यात आली आहेत. त्याचबरोबर मतदान केंद्रांची पुर्नरचना करताना, नवीन मतदान केंद्रे स्थापन करताना एका मतदान केंद्रावर बाराशेच्या दरम्यान मतदार संख्या असेल याची दक्षता घेण्यात आली आहे. जेणेकरुन मतदान केंद्रावर रांगा लागू नयेत. याशिवाय मतदारांची नावे जवळच्या मतदान केंद्रावर समाविष्ट करणे, एकाच कुटुंबातील मतदारांची नावे एकाच मतदान केंद्रावर येतील यादृष्टीने काळजी घेण्यात आली आहे.

नामनिर्देशन दाखल करण्यास सुरूवात झाल्यानंतर 10 दिवसांपर्यंत मतदार नोंदणी करता येणार आहे. त्याची माहिती गृहनिर्माण संस्थांनी आपल्या सभासदांना द्यावी आणि ते अर्ज क्र. 6 भरतील यादृष्टीने प्रयत्न करावेत. संस्थेत नव्याने स्थलांतरीत झालेले भाडेकरू, नव्याने विवाह होऊन आलेल्या विवाहिता आदींसह कोणीही पात्र नागरिक मतदार नोंदणीपासून वंचित राहणार नाही याची काळजी घ्यावी.

मतदारांना आपल्या मतदान केंद्रांची माहिती व्हावी यासाठी ‘नो युवर पोलींग स्टेशन’ हा उपक्रम लोकसभा निवडणुकीवेळी राबविला होता. या उपक्रमाची यावेळी प्रत्येक मतदान केंद्र स्तरावर, गृह निर्माण संस्था स्तरावर तसेच अन्य ठिकाणी जास्तीत जास्त प्रसिद्धी करण्यात यावी. गृहनिर्माण संस्थांनी आपल्या सदस्यांना त्यांचे मतदार यादीतील नाव शोधण्यासाठी मदत करावी, त्यांचे मतदान केंद्राची माहिती त्यांना द्यावी. जिल्हा उपनिबंधक सहकारी संस्था, शहरातील सहकारी संस्थांचे सर्व उपनिबंधक तसेच त्यांच्याअंतर्गत अधिकारी, कर्मचारी, पॅनेलवरील लेखापरीक्षक यांनी याकामी गृहनिर्माण संस्थांसोबत समन्वयाने काम करावे, असेही निर्देश त्यांनी दिले.

लोकसभा निवडणुकीत कमी मतदान झालेल्या मतदार संघांत मतदान वाढीसाठी विविध उपक्रम हाती घ्यावेत. त्यासाठी गटविकास अधिकारी आणि त्यांच्याअंतर्गत पंचायत समित्यांची यंत्रणा तसेच विविध विभागांच्या समन्वयाने मतदार जागृती करावी. सर्व विद्यार्थ्यांच्या माध्यमातून त्यांच्या पालकांचे मतदानाचे संकल्पपत्र भरुन घ्यावे.

लोकसभा निवडणुकीवेळी 80 वर्षावरील ज्येष्ठ मतदारांसाठी राबविलेल्या ‘आजी आजोबा चला मतदानाला…!’ या नाविन्यपूर्ण मोहिमेला चांगला प्रतिसाद मिळाला होता. ही मोहिम अधिक चांगल्या प्रकारे राबवायची असून गृहनिर्माण संस्थांनी आपल्या संस्थातील वृद्ध मतदारांची माहिती दिल्यास त्याप्रमाणे व्हीलचेअरची व्यवस्था करता येईल. यावेळी वृद्धाश्रमातही मतदान केंद्रे स्थापन करण्याचे नियोजन असल्याचे त्यांनी सांगितले.

औद्योगिक आस्थापनांसोबत बैठक घेऊन त्यांच्या कामगारांना मतदानासाठी प्रोत्साहित करण्याबाबत आवाहन करण्यात येईल. पुणे आणि पिंपरी चिंचवड महानगरपालिकांनी महिला स्वयंसहायता बचत गटाच्या माध्यमातून मतदार जनजागृतीत आपली भूमिका बजावावी, असे आवाहनही त्यांनी यावेळी केले. यावेळी मतदार नोंदणी अधिकारी, विधानसभा मतदार संघांचे स्वीप नोडल अधिकारी, विविध विभागांचे अधिकारी आदी उपस्थित होते.
0000

पुणे, दि. ८ : मुख्यमंत्री तीर्थदर्शन योजनेअंतर्गत जिल्ह्यातील ८०० यात्रेकरू १० ऑक्टोबर २०२४ रोजी सकाळी ११.३० वाजता पुणे रेल्वे स्थानक येथून रेल्वेने श्रीराम मंदिर आयोध्या कडे रवाना होणार असून त्यांचा १० ते १४ ऑक्टोबर असा हा प्रवास असणार आहे, अशी माहिती जिल्हाधिकारी डॉ. सुहास दिवसे यांनी दिली आहे.

या कार्यक्रमास मा. मुख्यमंत्री, उपमुख्यमंत्री, पुणे जिल्ह्यातील खासदार, आमदार, विभागीय आयुक्त, जिल्हाधिकारी, समाज कल्याण आयुक्त यांच्या उपस्थितीत पुणे रेल्वे स्थानकावर या यात्रेकरूंच्या रेल्वेला हिरवा झेंडा दाखवून यात्रेचा शुभारंभ होणार आहे.

मुख्यमंत्री तीर्थ दर्शन योजनेअंतर्गत जिल्ह्यातून ही पहिली भाविकांची रेल्वे अयोध्येसाठी रवाना होत आहे. ही योजना समाज कल्याण विभागामार्फत राबविण्यात येत असून या यात्रेत ७२९ नागरिक आणि ७१ सहायक असे ८०० यात्रेकरू असणार आहेत. या योजनेअंतर्गत सर्व धर्मीयांमधील ६० वर्ष व त्यावरील ज्येष्ठ नागरिकांना तीर्थ दर्शन यात्रेची मोफत संधी देण्यात आली असल्याचेही कळविण्यात आले आहे.

पुणे, दि. ८: राज्य उत्पादन शुल्क पुणे विभागाच्या भरारी पथकाने दारूबंदी सप्ताह निमित्त अवैध दारू निर्मीती, वाहतूक व विक्रीवर आळा घालण्याच्या दृष्टिने पुणे जिल्ह्यात विविध ठिकाणी टाकलेल्या छाप्यात १७ लाख २७ हजार १६० रूपयांचा मुद्देमाल जप्त केला.

राज्य उत्पादन शुल्क विभागाच्यावतीने २ ऑक्टोबर ते ६ ऑक्टोबर २०२४ या कालावधीत दारूबंदी सप्ताह राबविण्यात आला. या कालावधीत भरारी पथकाने विशेष मोहिम आखून जिल्ह्यातील अवैध गावठी हातभट्टी दारू निर्मिती, वाहतूक व विक्री तसेच अवैधरित्या मद्य विक्री होत असलेल्या ढाब्यांवर सातत्याने छापे टाकून एकूण २२ गुन्हे नोंदविले.

या गुन्ह्यामध्ये १८ वारस व ४ बेवारस गुन्ह्यांचा समावेश असून एकूण १४ आरोपींच्या विरूद्ध गुन्हे नोंदविण्यात आले आहेत. विविध ठिकाणी टाकलेल्या छाप्यात १४ हजार ४०० लिटर रसायन, २ हजार ११५ लिटर गावठी हातभट्टी दारू, ४० ब. लि. देशी दारू, १० ब. लि. विदेशी मद्य, १६ ब. लि. बिअर तसेच अवैद्यरित्या दारू वाहतूक करणारी १ चारचाकी, १ तीन चाकी व ४ दुचाकी अशा ६ वाहनांसह अंदाजे १७ लाख २७ हजार १६० रुपयांचा मुद्देमाल जप्त करण्यात आला.

पुणे पथकाचे दुय्यम निरीक्षक अतुल पाटील, विराज माने, धीरज सस्ते, जवान पी.टी. कदम, आर.जे. चव्हाण, ए.आर थोरात, एस.एस. पोंधे, एस.सी. भाट, आर. टी. ताराळकर व ए. आर. दळवी यांच्या पथकाने ही कारवाई पार पाडली.

पुणे–राज्यात महिलावरील अत्याचार राजरोसपणे चालू आहेत ,दलित समाजावर गावगावात आत्याचार होत आहेत.राज्यात कायदाचा धाक अजिबात राहिला नाही. या अत्याचाराचा निषेध करण्यासाठी मातंग एकता आंदोलनाच्यावतीने पुण्यात 10 ऑक्टोबर 2024 रोजी पुण्यात जिल्हाधिकारी कार्यालयावर जन आक्रोश मोर्चा काढण्यात येणार असल्याची माहिती मातंग एकता आंदोलनाचे प्रदेश कार्याध्यक्ष अविनाश बागवे यांनी दिली. या मोर्चाचे नेतृत्त्व मातंग एकता आंदोलनाचे संस्थापक व माजी मंत्री रमेश बागवे करणार आहेत. या मोर्चात राज्यातील प्रत्येक जिल्ह्यातून शेकडो लोक सहभागी होणार आहेत.

मागील काही महिन्यांन पासून दलित समाजांवर त्यातही प्रामुख्याने मातंग समाजातील आई बहिणींवर, शाळा कॉलेज मधील तरुणींवर, १२ वर्षाच्या, २ वर्षाच्या चिमुकलीवरच नव्हे तर ८५ वर्षाच्या वृध्द महिलेवर देखील बलात्कार केले जात आहेत. महिलेची गावामध्ये नग्न धिंड काढली जाते, दिवसेंदिवस हा अन्याय, अत्याचार वाढतच चालला असून वेळीच त्याला रोखले नाही, तर आपल्या दारापर्यंत येण्यास वेळ लागणार नाही. बदलापूर येथील घटना ताजी असतानाच दलित समाजावर सातत्याने अत्याचार घडत आहे.

अत्याचाराच्या असंख्य घटना दलित समाजावर, युवतींवर वरदहस्त असलेले नराधम सर्रासपणे, निर्भिडपणे अत्याचार करीत आहेत. राजकीय दबावापोटी प्रशासनातील काही अधिकारी आपल्या पिडित कुटुंबांची हेळसांड, अरेरावी करून उलटपक्षी पिडित कुटुंबालाच कायदयाची भिती दाखवून, त्यांना न्याय देण्यापासून वंचित ठेवतात. भविष्यात या नराधमांची हि प्रवृत्ती रोखण्याकरिता प्रशासनातील काही अधिकाऱ्यांना त्यांच्या जबाबदारीची जाणीव करून देऊन त्यांच्यावर करडी जरब बसविण्याकरिता समाजाला रस्त्यावर उतरण्याशिवाय पर्याय नाही. पत्रकार परिषदेस मातंग एकता आंदोलनाच्या पुणे अध्यक्षा राजश्री अडसूळ, मातंग एकता आंदोलांचे विठ्ठल थोरात उपस्थित होते.

बागवे यावेळीअसेही म्हणाले मागील काही महिन्यांन पासून दलित समाजांवर त्यातही प्रामुख्याने मातंग समाजातील आई बहिणींवर, शाळा कॉलेज मधील तरुणींवर, १२ वर्षाच्या, २ वर्षाच्या चिमुकलीवरच नव्हे तर ८५ वर्षाच्या वृध्द महिलेवर देखील बलात्कार केले जात आहेत. महिलेची गावामध्ये नग्न धिंड काढली जाते, दिवसेंदिवस हा अन्याय, अत्याचार वाढतच चालला असून वेळीच त्याला रोखले नाही, तर आपल्या दारापर्यंत येण्यास वेळ लागणार नाही. बदलापूर येथील घटना ताजी असतानाच दलित समाजावर घडलेले अत्याचार व त्यातील काही घटना खालीलप्रमाणे :
१) दिनांक ६/९/२०२४ रोजी सहकारनगर पुणे येथे ७ वर्षाच्या मुलीवर लैंगिक अत्याचार करण्यात आले परंतु
६ दिवसानंतर १२/९/२०२४ रोजी गुन्हा दाखल करण्यात आला.
२) दिनांक १७/९/२०२४ रोजी भोर मधील वर्वे गावामध्ये दोन वर्षाच्या चिमुकलीवर बलात्कार
३) दिनांक २४/९/२०२४ रोजी पुणे स्टेशन परिसरातील एका नामांकित कॉलेज मधील प्राध्यापकांच्या मुलीवर ४ नराधमाकडून वारवांर लैंगिक अत्याचार करण्यात आला ही गंभीर बाब पोलिसांनी ५ दिवसानंतर गुन्हा नोंद.केला परंतु त्यातील काही आरोपींची नावे वगळण्यात आली आहेत.
४) दिनांक २९/९/२०२४ रोजी ससाणेनगर हडपसर येथे एका लहान मुलीवर बलात्कार
५) दिनांक ३०/९/२००४ रोजी कानेगाव ता. लोहारा जि. धाराशिव १२ वर्षाच्या मुलावर बलात्कार
६) दिनांक २/१०/२०२४ रोजी वानवडी भागात ६ वर्षाच्या २ शाळकरी मुलींवर विद्यार्थी वाहतूक करणाऱ्या ४५ वर्षाच्या बसचालकाने लैंगिक अत्याचार केला आहे.
७) दिनांक ३/१०/२०२४ रोजी बापदेव घाटात अल्पवयीन मुलीवर ३ नराधमांनी सामुहिक बलात्कार केला आहे.