पुणे- १० लाख का मागितले ? गर्भवती महिला का दगावली ? या महिलेला कोणता आजार होता ?कोणते धोके आणि सल्ले दिले समजावून सांगितले होते ? या बाबत दिनानाथ रुग्णालयाने अखेरीस स्पष्टीकरण दिले असून या प्रकरणाची चार तज्ञांनी चौकशी करून आपला अहवाल सादर केला आहे आणि वाकड येथील रुग्णालयात झालेल्या रुग्णाच्या मृत्यू मुले आणि अडव्हांस मागितल्याच्या रागातून दिशाभूल करणारी तक्रार करण्यात आल्याचे या समितीने म्हटले आहे.

अहवालातील माहिती :

या प्रकरणी रुग्णालयाने खालील तज्ञांची समिती स्थापन करून आपला अहवाल तयार केला आहे.
१. वैद्यकीय संचालक डॉ. धनंजय केळकर,
२. डॉ. अनुजा जोशी (वैद्रद्यकीय सुप्रिटेंडन्ट)
३. डॉ. समीर जोग (अतिदक्षता विभाग प्रमुख)
४. श्री. सचिन व्यवहारे (प्रशासक)
त्यांनी रुग्णाचे जुने केस पेपर्स, सध्याचे पेपर्स, संबंधित डॉक्टर यांचे जबाब नोंदवून घेतले.
१. सौ. भिसे ईश्वरी सुशांत (वृत्तपत्र व वाहिन्यांवर प्रसारित झालेले नाव सौ तनिषा सुशांत भिसे) MRD १०५३७६३. या २०२० पासून रुग्णालयात वेळोवेळी उपचार व सल्ला घेण्यासाठी येत होत्या.
२. सदर महिला रुग्णाची २०२२ साली दीनानाथ मंगेशकर रुग्णालयामध्ये ५०% चॅरिटीचा लाभ घेऊन शस्त्रक्रिया झाली होती.
३. २०२३ साली या रुग्णाला रुग्णालयातर्फे सुखरूप गर्भारपण व प्रसूती होण्याची शक्यता नसल्याने मूल दत्तक घेण्या विषयी सल्ला देण्यात आला होता.
४. सर्व रुग्णालयामध्ये असा संकेत असतो कि आई व बाळाच्या सुरक्षिततेसाठी प्रसूतीपूर्व तपासणी (ANC) कमीत कमी ३ वेळा करून घेणे आवश्यक असते. तो त्यांनी या रुग्णालयात केला नाही व त्याची या रुग्णालयास माहिती नाही.
५. १५ मार्च रोजी इंदिरा IVF चे रिपोर्ट घेऊन त्या डॉक्टर घैसास यांना भेटल्या. अतिशय जोखमीच्या व धोकादायक pregnancy बद्दल डॉक्टर घैसास यांनी त्यांना माहिती दिली. दर ७ दिवसांनी तपासणीस बोलावले. त्याप्रमाणे त्यांनी २२ तारखेस येणे अपेक्षित होते. परंतु तेव्हाही त्या आल्या नाहीत.
६. २८ मार्च २०२५ शुक्रवार रोजी सकाळी ११.३० वाजता सदर रुग्ण, पती व नातेवाईक डॉक्टर घैसास यांच्या बाह्यरुग्ण विभागात आले. ते Emergency किंवा Labour Room मध्ये आले नव्हते, याची कृपया नोंद घ्यावी.
डॉक्टर घैसास यांनी तिची तपासणी केली. ती पूर्णपणे नॉर्मल होती व तिला कुठल्याही तातडीच्या उपचाराची गरज नव्हती. परंतु जोखमीची अवस्था लक्षात घेता observation साठी भरती होण्याचा सल्ला दिला. त्याच बरोबर pregnancy व caesarean section मधील धोक्याची माहिती देण्यात आली. तसेच नवजात अर्भक कक्षाच्या (NICU) डॉक्टरांशी त्यांची भेट करून देण्यात आली. कमी वजनाची, ७ महिन्याची जुळी मुले, जुन्या आजाराची गुंतागुंत व कमीत कमी २ ते २.५ महिने NICU चे उपचार लागतील हे समजावून सांगितले व रुपये १० ते २० लाख खर्च एकंदर येऊ शकतो याची कल्पना देण्यात आली. त्यावर रुग्णाच्या नातेवाईकांनी तुम्ही भरती करून घ्या व मी प्रयत्न करतो असे सांगितले.
रुग्णाच्या नातेवाईकांनी वेद्यकीय संचालक डॉक्टर केळकर यांना फोन केला व आपली अडचण सांगितली. त्यावर डॉक्टर केळकरांनी जमतील तेवढे पैसे भरा (नातेवाईकांप्रमाणे रुपये २ ते २.५ लाख), म्हणजे मी डॉक्टर घैसास यांना सांगतो, असे सांगितले.
असाच सल्ला एका दूरच्या नातेवाईकांना सचिन व्यवहारे यांना फोनवर दिला. रुग्णाचा कोणीही नातेवाईक प्रशासन अथवा चॅरिटी डिपार्टमेंट इथे प्रत्यक्ष भेटला नाही याची कृपया नोंद घ्यावी. जेव्हा डॉक्टर केळकर यांचे ऑपेरेशन संपले व त्यांनी डॉक्टर घैसास यांना फोन केला तेव्हा त्यांनी रुग्ण न सांगता निघून गेल्याचे कळवले.
डॉक्टर घैसास ह्यांना असे वाटत होते की रुग्ण पैश्याची तजवीज करत आहे. तशी तजवीज न झाल्यास रुग्णाच्या पतीला ससून येथे जाण्याचा सल्ला दिला होता. जेणेकरून आईची गुंतागुंतीची शस्त्रक्रिया व होणाऱ्या अपुऱ्या वाढीच्या गर्भाची शुश्रूषा ससून येतील NICU मध्ये व्यवस्थित होईल. दरम्यानच्या काळात एका नर्सने रुग्ण /नातेवाईक आपली बॅग उचलून चालत गेल्याचे सांगितले. थोड्‌या वेळाने रुग्णाच्या नातेवाईकांकडून काहीच हालचाल न झाल्याने डॉ. घैसास यांनी रुग्णाच्या पतीला फोन केला, तो त्यांनी उचलला नाही. त्यामुळे २८ मार्च च्या दुपारनंतर रुग्णाचे काय झाले याबद्दल डॉ. घैसास व रुग्णालय प्रशासन यांना काहीच कल्पना नव्हती.
यानंतर माध्यमातून आलेल्या बातमीनंतर सर्वांना कळले की रुग्णाचा सिझेरियनमध्ये झालेल्या गुंतागुंती मुळे मृत्यू झाला.
वृत्तपत्रातील माहिती प्रमाणे, २८ मार्च रोजी सायंकाळी ५.३० वाजता सूर्या हॉस्पिटल वाकड येथे भरती झाली व २९ मार्च राजी सकाळी सिझेरियन झाले. दीनानाथमधून सदर रुग्ण ससून व तिथून सूर्या हॉस्पिटलमध्ये स्वतःच्या गाडीने गेला व सिझेरियन सुद्धा दुसऱ्या दिवशी झाले ह्याची नोंद घ्यावी. तसेच सूर्या हॉस्पिटल मधील माहितीनुसार आधीच्या operation ची व कॅन्सर संबंधीची व तिच्या नातेवाईकांनी माहिती लपवून ठेवली असे समजते.
सदर चौकशीअंती व रुग्णालयातील इतर सिनियर gynaecologist च्या opinion नुसार आमच्या समितीचा निष्कर्ष खालीलप्रमाणे :
१. सदर रुग्णासाठी Twin Pregnancy धोकादायक होती.

२माहितीचे रुग्णालय असून सुद्धा ANC चेकअप पहिले सहा महिने रुग्णालयात आल्या नाहीत.

३ Advance मागितल्याच्या रागातून सदर तक्रार केलेली दिसते.
रुग्णालयाचे वैद्यकीय सल्ले जसे मानले नाहीत तसेच वैद्यकीय संचालकांनी जमेल तेवढे पैसे भरून ऍडमिट होण्याचा सल्ला पण त्यांनी पाळला नाही.
रुग्णाच्या मृत्यूमुळे आलेली निराशा व advance मागितल्यामुळे आलेल्या रागातून ही दिशाभूल करणारी तक्रार करण्यात आली आहे असे समितीचे मत आहे.

गरजेवर आधारित उपक्रमांचे महत्व जास्त – ना. चंद्रकांतदादा पाटील.

पुणे-एखाद्या संस्थेला, गणपती मंडळाला नेमकं काय हवंय हे ओळखून त्यांच्या गरजेवर आधारित उपक्रमाचे महत्व हे जास्त असतं आणि म्हणून संदीप खर्डेकर, क्रिएटिव्ह फाउंडेशन, मुकुलमाधव फाउंडेशन आणि त्यांच्या सर्व सहकाऱ्यांच्या कल्पकतेचे मी अभिनंदन करतो असे गौरवोदगार ना. चंद्रकांतदादा पाटील यांनी काढले. क्रिएटिव्ह फाउंडेशन आणि मुकुलमाधव फाउंडेशन च्या वतीने आज 35 संस्था, गणेश मंडळ, ज्येष्ठ नागरिक संघ व ज्ञाती संस्था तसेच भजनी मंडळाना उपयुक्त असे खुर्च्या, स्पीकर सेट, वॉटर कुलर व इतर साहित्य भेट देण्यात आले त्या वेळी ते बोलत होते. यावेळी क्रिएटिव्ह फाउंडेशन चे अध्यक्ष संदीप खर्डेकर, मुकुलमाधव फाउंडेशन चे सचिन कुलकर्णी, योगेश रोकडे, क्रिएटिव्ह फाउंडेशन च्या विश्वस्त माजी नगरसेविका मंजुश्री खर्डेकर, विश्वस्त प्रतीक खर्डेकर, विश्वस्त सतीश कोंडाळकर,कोथरूड मंडल भाजपा अध्यक्ष डॉ. संदीप बुटाला, माजी नगरसेवक दीपक पोटे,विशाल धनवडे,भाजपा शहर उपाध्यक्ष प्रशांत हरसूले, उपाध्यक्ष मंदार बलकवडे,सर्वेश जोशी, संदीप पाटील, योगेश सुपेकर, रशीद शेख, अनुज खरे,विश्वजित देशपांडे, मंदार रेडे,राजन परदेशी,सुनील पारखी, राजू दाभाडे,राजा पाटील, दिनेश भिलारे,प्रभाग अध्यक्ष ऍड. प्राची बगाटे, केतकी कुलकर्णी,यासह संतोष लांडे,शंतनू खिलारे,संगीताताई शेवडे, पूनम कारखानीस,मंगल शिंदे, कविता सदाशिवे,अपर्णा लोणारे, रामदास गावडे,कुणाल तोंडे,समीर ताडे,दत्तात्रय देशपांडे,नितीन कंधारे, सतीश गायकवाड इ मान्यवर उपस्थित होते.
कोणताही कार्यक्रम, उपक्रम सुरु केले जाते वर्ष दोन वर्ष ते कार्यक्रम होतात मात्र नंतर आलेले वाईट अनुभव, त्यातून आलेली निराशा किंवा इतर कारणांनी हे बंद पडते, मात्र सातत्याने वर्षानुवर्षे उपक्रम करण्यात क्रिएटिव्ह फाउंडेशन आणि मुकुलमाधव फाउंडेशन चे वेगळेपण आहे त्याचेही मी कौतुक करतो असेही ना. चंद्रकांतदादा पाटील म्हणाले. समाजात काम करताना लोकोपयोगी वस्तू भेट देणे महत्वाचे असून केवळ सरकार वर अवलंबून राहून समाजाची परिस्थिती किंवा सामाजिक स्वास्थ्य सुदृढ होणार नाही तर त्यासाठी समाजातील दानशूर व्यक्तींनी आपल्या परीने गरजुंना मदत करावी असे आवाहन देखील ना. चंद्रकांतदादा पाटील यांनी केले.
क्रिएटिव्ह फाउंडेशन ने सातत्याने सामाजिक उपक्रम राबविण्याचा निर्धार केला असून यापुढील काळात रोख स्वरूपात वर्गणी न देता वस्तूरूपी मदत करण्यात येणार असल्याचे फाउंडेशन चे अध्यक्ष संदीप खर्डेकर म्हणाले.गणेश मंडळ असतील अथवा अन्य संस्था, संघटना, ज्येष्ठ नागरिक संघ, वृद्धाश्रम, अनाथाश्रम, हे जेव्हा मदत मागायला येतात तेव्हा त्यांच्या बोलण्यातून वस्तूंचा अभाव असल्याचे लक्षात आले , यातूनच ही कल्पना सुचली आणि मग स्पीकर, खुर्च्या, वॉटर कुलर, वॉटर प्युरिफायर, पंखे,अन्न धान्य अश्या वस्तू मदत म्हणून देण्याचा मानस केला असेही संदीप खर्डेकर म्हणाले. प्रत्येक महिन्यात क्रिएटिव्ह फाउंडेशन, मुकुलमाधव फाउंडेशन,ग्लोबल ग्रुप, संजीव अरोरा मित्र परिवार,नवलराय ए हिंगोरानी चॅरिटेबल ट्रस्ट,वेस्टर्न इंडिया फोर्जिंग अश्या सर्वांनीच एकत्र येऊन सेवाकार्याचे मॉडेल तयार केले असून सामाजिक संस्थांना गरजेनुसार मदत करण्याचा निर्धार केला असल्याचे ही संदीप खर्डेकर, संजीव अरोरा, मनोज हिंगोरानी, सचिन कुलकर्णी, अरुण जिंदल यांनी जाहीर केले.
आज प्रामुख्याने अखिल भारतीय मराठा महासंघ, ऑल आर्टिस्ट फाउंडेशन, अखिल भारतीय ब्राह्मण संघ,हिंदुत्ववादी बहुजन मोर्चा, अखिल भारतीय गोंधळी समाज संघटना,रोलबॉल असोसिएशन, नेचर वॉक चॅरिटेबल ट्रस्ट, परशुराम हिंदू सेवा संघ, सेंटर फॉर मेंटल हेल्थ अँड डिसएबीलीटीज, एनॅबलर चॅरिटेबल ट्रस्ट,देशप्रेमी मित्र मंडळ, दशभुजा मित्र मंडळ, अष्टविनायक मित्र मंडळ, बाल तरुण मंडळ, एकता मित्र मंडळ, सिद्धेश्वर मंडळ,उमेद फाउंडेशन, सेवाव्रत फाउंडेशन इ संस्थांचे पदाधिकारी उपस्थित होते.
संदीप खर्डेकर यांनी प्रास्ताविक केले,सौ. मंजुश्री खर्डेकर यांनी स्वागत,योगेश रोकडे यांनी आभार प्रदर्शन केले तर प्रतीक खर्डेकर व कल्याणी खर्डेकर यांनी संयोजन केले.

पुणे- अनधिकृत बांधकामे करणाऱ्या वर कारवाईची हक्क जसा महापालिकेला आहे तसा तो पोलिसांना देखील आहे. रस्त्यावर पुढे सरकलेली अतिक्रमणे ,महापालिकेचा परवाना नसलेली अनधिकृत बांधकामे पोलीस हटवू शकतात अथवा ती करणारांवर फौजदारी कारवाई करू शकतात मात्र याकडे आजपर्यंत फारसे लक्ष देण्यात आलेले नाही या पार्श्वभूमीवर अवैध बांधकाम करणा-या एका बांधकाम व्यावसायिकावर कोंढवा पोलीस स्टेशनने कारवाई केली आहे. पोलिसांनी सांगितले कि,’
कोंढवा पोलीस स्टेशनच्या हद्दीमध्ये मलिकनगर, साईबाबानगर, भाग्योदयनगर, मिठानगर, शिवनेरीनगर, या भागात मोठ्या प्रमाणावर पुणे महानगरपालीकेची कोणतीही परवानगी न घेता अवैध बांधकामे करणा-या बांधकाम व्यावसायिक नवनाथ महादेव माने वय ४५ वर्षे रा.२१७ गंजपेठ पुणे यांचे विरूध्द पुणे मनपा कडुन अनेकवेळा गुन्हे दाखल असुन सुध्दा परत अशा पध्दतीने अवैध बांधकाम चालु केल्याने पुणे मनपा कडुन पुणे मनपा अभियंता यांच्या तक्रारीवरून कोढवा पोलीस स्टेशन येथे गुन्हा रजि नं १०७/२५ महाराष्ट्र प्रादेशिक नगररचना अधिनियम १९६६ चे कलम ४३,५२ प्रमाणे गुन्हा दाखल करण्यात आला होता. आरोपी याने जिल्हा सत्र न्यायालय, पुणे यांच्याकडे दाखल गुन्ह्यात
अटकपूर्व जामिनासाठी अर्ज केला होता तो अर्ज न्यायालयाने फेटाळला. सदर गुन्ह्याच्या अधिक तपासामध्ये नवनाथ माने याने साईबाबानगर येथील इमारत पाडताना कोणत्याही प्रकारचे स्थानीक नागरीकांच्या सुरक्षीतेबाबत उपयोजना न केल्याने तसेच कोंढवा भागात एक फ्लॅट अनेक लोकांना विक्री करणे, ठरलेल्या मुदतीत फ्लॅटचा ताबा न देता दमदाटी करणे अशा प्रकारच्या तक्रारी प्राप्त झाल्याने सदर गुन्ह्यात भा.न्या. संहिता २०२३ चे कलम १२५,३५१,३१८ (४) प्रमाणे दाखल गुन्ह्यात कलम वाढ करण्यात आली होती त्या गुन्ह्याच्या अनुषगांने वरिष्ठांच्या मार्गदर्शनाप्रमाणे सदर आरोपीचा शोध घेवुन त्याला दि. ०२/०४/२०२५ रोजी खडक पोलीस स्टेशन हद्दीतील सध्या रहात्या घरातुन ताब्यात घेवून त्यास कोर्टासमक्ष हजर केले असता कोर्टाने नवनाथ माने यास न्यायालयीन कोठडी सुनावली आहे. पुढील तपास सहा पोलीस निरीक्षक, मयुर वैरागकर, कोंढवा पोलीस स्टेशन, पुणे हे करीत आहेत.

वार्षिक 1 रुपया भाड्याने 795 चौ. मीटर जमीन

पुणे-केवळ प्रसूतीसाठी 10 लाख रुपयांची मागणी करणाऱ्या पुण्यातील दीनानाथ मंगेशकर रुग्णालयाला सरकारने वार्षिक 1 रुपया दराने हजारो चौरस फूट जागा भाड्याने दिल्याची गंभीर बाब उजेडात आली आहे. या प्रकरणी सरकारच्या 18 फेब्रुवारी 2025 रोजीच्या एका मंत्रिमंडळ निर्णयावर हरकत घेतली जात आहे.

भाजप आमदार अमित गोरखे यांचे स्वीय सहाय्यक सुशांत भिसे यांची पत्नी तनिषा भिसे यांचे प्रसूतीनंतर झालेल्या गुंतागुंतीमुळे निधन झाल्याची दुर्दैवी घटना समोर आली आहे. दीनानाथ मंगेशकर रुग्णालयाने त्यांच्यावर उपचार करण्यासाठी तब्बल 10 लाख रुपयांचे डिपॉझिट मागितले होते. पैसे जमा केल्याशिवाय उपचार करणार नाही अशी आडमुठी भूमिका रुग्णालयाने या प्रकरणी घेतली होती. त्यामुळे तनिषा यांचा उपचारास विलंब झाल्यामुळे मृत्यू झाला, असा आरोप आहे. या पार्श्वभूमीवर सरकारने दीनानाथ मंगेशकर रुग्णालयाला वार्षिक 1 रुपया भाड्याने जमीन दिल्याची बाब समोर आली आहे.

यासंबंधीच्या माहितीनुसार, दीनानाथ मंगेशकर फाऊंडेशन ट्रस्टला हॉस्पिटल व मेडिकल रिसर्च सेंटरला एरंडवणा येथील जमीन देण्यात आली आहे. ट्रस्टने कर्वेनगर येथील जमीन खरेदी केली आहे. या दोन्ही मिळकतीच्या दरम्यान नाला आहे. या नाल्यावर पूल बांधण्यासाठी 795 चौरस मीटर जमिनीची गरज असल्याची मागणी ट्रस्टने केली होती. त्यानुसार त्यांना ही जमीन वार्षिक 1 रुपया या नाममात्र दराने भाडेपट्ट्याने देण्यास मंजुरी दिली आहे. सरकारने 18 फेब्रुवारी 2025 रोजी झालेल्या मंत्रिमंडळ बैठकीत या निर्णयावर शिक्कामोर्तब केले. हा निर्णय आता वादात सापडला आहे.केवळ प्रसूतीसाठी 10 लाख रुपयांची मागणी करणाऱ्या या हॉस्पिटलला नाममात्र दरात जमीन देण्याची गरज काय? असा सवाल आता सर्वसामान्यांतून उपस्थित केला जात आहे. सामाजिक कार्यकर्ते विजय कुंभार यांनीही या प्रकरणी सरकारवर टीका केली आहे. आत्ता… आत्ता म्हणजे फेब्रुवारी महिन्यामध्ये राज्य शासनाने दीनानाथ मंगेशकर रुग्णालयाला पुण्यातील जवळपास आठ हजार चौरस फुट जागा वार्षिक नाम मात्र एक रुपया भाड्याने दिली आहे.

यापूर्वी रुग्णालयासाठी दिलेली जमीन ही अशीच नामामात्र भाड्याने दिलेली आहे. आत्ता दिलेल्या जमिनीची किंमत सध्याच्या बाजार भावाने कमीत कमी 10 कोटी रूपये तरी असेल. रुग्णालयाने मात्र 10 लाख रूपये आगाऊ भरले नाहीत म्हणून उपचार नाकारले आणि रूग्ण दगावला. काय अर्थ लावायचा या सगळ्यांचा? असे कुंभार यांनी म्हटले आहे. त्यांनी या शासननिर्णयाचे फोटो आपल्या एक्स अकाऊंटवर पोस्ट केलेत.पुण्यातील दीनानाथ मंगेशकर फाऊंडेशन हॉस्पिटल, मेडिकल रिसर्च सेंटरला नाल्यावरील पुलाच्या बांधकामासाठी जमीन नाममात्र दराने वार्षिक भाडेपट्ट्याने देण्यास आज झालेल्या मंत्रिमंडळ बैठकीत मंजुरी देण्यात आली. बैठकीच्या अध्यक्षस्थानी मुख्यमंत्री देवेंद्र फडणवीस होते.

या ट्रस्टला हॉस्पिटल व मेडिकल रिसर्च सेंटरसाठी मौ. एरंडवणा येथे जमीन देण्यात आली आहे. या शिवाय ट्रस्टने मौजे कर्वेनगर येथील जमीन खरेदी केली आहे. या दोन्ही मिळकतीच्या दरम्यान हा नाला आहे. या नाल्यावर पूल बांधण्यासाठी 795 चौ. मीटर जमिनीची आवश्यकता असल्याची मागणी ट्रस्टने केली आहे. त्यानुसार ही जमीन वार्षिक 1 रुपया या नाममात्र दराने भाडेपट्ट्याने देम्यास मंजुरी देण्यात आली. नाल्यावरील पुलाच्या बांधकामाचा खर्च हा संबंधित ट्रस्ट करणार आहे. या पुलामुळे रुग्ण, रुग्णांचे नातेवाईक, रुग्णवाहिका, रुग्णांच्या नातेवाईकांचे वाहने व ट्रस्टचे संबंधित वैद्यकीय अधिकारी – कर्माचरी यांना ये-जा करणे सूकर होणार आहे, असे सरकारने आपल्या आदेशात म्हटले होते.

पुणे:
पुण्यातील दीनानाथ मंगेशकर रुग्णालयाच्या बेजबादारपणामुळं एका गर्भवती महिलेच्या मृत्यूनंतर आता हे प्रकरण चांगलंच चर्चेत आलं आहे. कारण आता पुणे पोलिसांचे काही वरिष्ठ अधिकारी रुग्णालयात पोहोचले आहेत. त्यांनी चौकशी सुरू केली आहे.रुग्णालयानं संबंधित महिला रुग्णाला उपचारांसाठी भरती करुन घेण्यासाठी नेमका किती खर्च सांगितला? तसंच उपचारांसाठी नकार का दिला? याची पडताळणी पोलिसांकडून केली जात आहे.तनिषा उर्फ मोनाली भिसे या गर्भवती महिलेचा वेळेत उपचार न मिळाल्यामुळं मृत्यू झाला. त्यांना कुठले आणि कोणी उपचार दिले? त्यांच्या कुटुंबियांकडं किती रुपयांची मागणी करण्यात आली? कुटुंबियांनी केलेल्या आरोपांनुसार यासाठी कुठले डॉक्टर जबाबदार आहेत? याची देखील पोलिसांकडून प्राथमिक चौकशी सुरू केली जात आहे. त्याचबरोबर अलंकार पोलिस ठाण्यात भिसे कुटुंबियांकडून जबाबही नोंदवण्यात आला आहे.

या प्रकरणी आ अमित गोरखे यांनी x वर आपली कैफियत मांडली होती . ती पहा ऐका..

मृत्यू झालेली गर्भवती महिला ही भाजप आमदार अमित गोरखे यांचे स्वीय सहाय्यक सुशांत भिसे यांच्या पत्नी होत्या. एका आमदाराच्या पीएवर ओढवलेल्या या दुःखद प्रसंगाला केवळ दीनानाथ मंगेशकर रुग्णालयाचं प्रशासनच कारणीभूत असल्याचा गंभीर आरोप खुद्द आमदार गोरखे यांनी केला आहे. त्यांनी याबाबत मुख्यमंत्री देवेंद्र फडणवीस यांच्याकडं देखील याबाबत तक्रार केली आहे. तसंच या रुग्णालयावर कठोर कारवाईची मागणी केली आहे. जर आमदाराच्या पीएवर ही वेळ येत असेल तर सर्वसामान्य नागरिकांची इथं काय अवस्था असेल? असा सवालही त्यांनी केला आहे.

ऐपत नसेल तर ससूनला जा…
तनिषा ऊर्फ मोनाली भिसे या जुळ्या मुलांना जन्म देणार होत्या. त्यांच्या प्रसूती कळा येऊ लागल्यानंतर त्यांना रक्तस्राव होऊ लागला त्यानंतर त्यांचा बीपी वाढला होता. त्यामुळं त्यांना कुटुंबियांनी तातडीनं मंगेशकर रुग्णालयात हलवलं. पण इथं आणल्यानंतर बराच काळ त्यांना ओपीडीमध्ये ठेवण्यात आलं. त्यानंतर कुटुंबियांना २० लाख रुपये खर्च सांगण्यात आला. यानंतर एका डॉक्टरनं १० लाख रुपये भरावे लागतील असं सांगितलं. यांपैकी ३ लाख रुपये सुरुवातीला भरण्याची तयारी कुटुंबियांनी दाखवली. पण तरीही या रुग्णालयानं त्यांना अॅडमिट करुन घेतलं नाही, उलट ऐपत नसेल तर ससूनला जा असा सल्लाही दिला, अशी माहिती भिसेंच्या कुटुंबियांनी दिली आहे.दरम्यान, या सर्व गोंधळात दुसऱ्या रुग्णालयात नेल्यानंतर या महिलेनं जुळ्यांना जन्म दिला पण गर्भवती महिलेचा बीपी वाढल्यानं व भीतीमुळं तिनं आपले प्राण गमावले.

देशात तंत्रज्ञानासह संशोधनाला प्रोत्साहन- शास्त्रज्ञ डॉ. जी. सतीश रेड्डी

पुणे, दि.३: जागतिक स्तरावरील कुशल मनुष्यबळाची मागणी विचारात घेता ‘डीपेक्स’च्या माध्यमातून कुशल, उपक्रमशील मनुष्यबळ उपलब्ध होत आहे, आगामी काळात सामाजिक गरजांची पूर्तता डीपेक्सच्या माध्यमातून होईल, अशी अपेक्षा उच्च व तंत्रशिक्षण मंत्री चंद्रकांतदादा पाटील यांनी व्यक्त केली. देशात तंत्रज्ञानासह संशोधनाला प्रोत्साहन दिले जात असल्याची भावना संरक्षण संशोधन व विकास संस्थेचे (डीआरडीओ) माजी अध्यक्ष शास्त्रज्ञ डॉ. जी. सतीश रेड्डी यांनी यावेळी व्यक्त केली.

कौशल्य विकास, रोजगार, उद्योजकता व नाविन्यता विभाग, सीईओपी विद्यापीठ, सावित्रीबाई फुले पुणे विद्यापीठ, अखिल भारतीय विद्यार्थी परिषद आणि सृजन संस्था यांच्या संयुक्त विद्यमाने आयोजित ‘डीपेक्स-२०२५’ च्या उद्घाटन प्रसंगी ते बोलत होते. यावेळी डॉ. जी. सतीश रेड्डी, सावित्रीबाई फुले पुणे विद्यापीठाचे कुलगुरु डॉ. सुरेश गोसावी, सीईओपी तंत्रज्ञान विद्यापीठाचे कुलगुरु डॉ. सुनील भिरुड, यशवंतराव चव्हाण मुक्त विद्यापीठाचे कुलगुरु डॉ. संजीव सोनावणे, सृजन संस्थेचे अध्यक्ष डॉ. राजेंद्र हिरेमठ आदी उपस्थित होते.

मंत्री श्री. पाटील म्हणाले, ‘डीपेक्स’ प्रदर्शनाची सुरुवात सांगली येथून १९८६ साली झाली. या प्रदर्शनाच्या माध्यमातून विविध कौशल्याधिष्ठीत गुणवंत विद्यार्थ्यांच्या नवकल्पनांना प्रोत्साहन मिळत असून विविध क्षेत्रात या कल्पना मॉडेल स्वरुपात विकसित होत समाजातील गरजा पूर्ण करण्याचे काम होत आहे.

देशात सर्वत्र संशोधनात्मक वातावरण असून नवोन्मेषक ‘स्टार्टअप’ उभारत आहेत. या स्टार्टअपमधून तयार होणाऱ्या नवनवीन संशोधनाला मोठ्या प्रमाणात मागणी होत आहे. जागतिक पातळीवर संरक्षण क्षेत्रात लागणारे साहित्य मोठ्या प्रमाणात देशात निर्माण होत असल्याने भारताला संरक्षण सामग्रीच्या निर्यातीची मोठी संधी आहे. डीपेक्स प्रदर्शन उपक्रम विद्यार्थ्यांच्या नवकल्पनांना प्रोत्साहन देण्याचे काम करीत आहे, विद्यार्थ्यांनी त्याचा लाभ घ्यावा, असे आवाहन श्री. पाटील यांनी केले.

डॉ. जी. सतीश रेड्डी म्हणाले, देशात आयआयटी, विद्यापीठ, महाविद्यालयात संशोधन आणि तंत्रज्ञानाला प्रोत्साहन देण्यात येत आहे, त्यानुसार विद्यार्थ्यांचा नवकल्पनांना चालना मिळत आहे. आपल्या नवकल्पनाची जागतिक पातळीवर दखल घेतली जाईल, देशाचे नाव जागतिक पातळीवर उंचावेल, या गोष्टीचा विचार करुन प्रचंड मेहनत करा, सन २०४७ मध्ये भारत देश जगाचे नेतृत्व करेल यादृष्टीने विकसित भारत करण्याची जबाबदारी तरूण पिढीवर आहे. जगाकरीता निर्मिती संकल्पना डोळ्यासमोर। ठेवून काम करावे, असे आवाहन श्री. रेड्डी यांनी केले.

कृत्रिम बुद्धिमत्तेला डीपेक्समध्ये स्थान देणे गरजेचे आहे. डीपेक्सच्या माध्यमातून करण्यात येणाऱ्या सूचनांची नोंद घेऊन विद्यार्थ्यांनी आपल्या संशोधनात त्यांचा समावेश करावा, असे डॉ. भिरुड म्हणाले.

यावेळी अखिल भारतीय विद्यार्थी परिषदेचे आशिष चौहान, संकल्प फळदेसाई, डॉ. शांतीनाथ बागेवाडी, अथर्व कुलकर्णी, प्रसेनजीत फडणवीस, उद्योजक प्रकाश धोका यांनी आपले विचार व्यक्त केले.
0000

पुणे-पूना क्लब कामगार युनियन आणि पूना क्लब व्यवस्थापण यांच्यामध्ये आर्थिक वर्ष 2025 ते 2028 करिता वेतन करार मोठ्या उत्साहात पार पडला. पूना क्लबच्या 140 वर्ष्याच्या इतिहासात पहिली वेळ हा करार दिनांक 01 तारखेला पार पडला मागील करार दिनांक 31.03.2025 ला संपुष्टात आला आणि 01 .04.2025 ला नवीन करारावर स्वाक्षरी करण्यात आली .त्यामुळें सर्व कामगारांमध्ये आनंदाचे वातावरण पसरले आहे.
नवीन करार यशस्वी करण्यासाठी पूना क्लबचे अध्यक्ष -गौरव गढोक ,उपाध्यक्ष -इंद्रनील मुजगुले , स्टाफिंग चेअरमन मनजीत राजपाल ,हाऊस चेअरमन – श्री. शशांक हळबे ब ,केटरिंग चेअरमन-सो.मालव्या मॅडम व इतर कमिटी सभासद ,पूना क्लबचे सी .ई.ओ सेक्रेटरी लेफ्टनंट कर्नलअशोक सरकार (रिटायर्ड) ,पूना क्लब चे लीगल ऍडव्हायजर आदित्य जोशी यांचे मोठे योगदान दिले .
या करारामध्ये पूना क्लब कामगार युनियन तर्फे युनियनचे अध्यक्ष -सचिन धोंगडे,उपाध्यक्ष-विलास पार्टे,सचिव – सिद्धेश्वर ओव्हाळ ,खजिनदार -श्री प्रवीण देवघन ,संचालक -दिपक कुचेकर ,संचालक -राहुल कांबळे ,संचालक–किरण शिंदे तसेच युनियनचे सल्लागार -शिवाजीराव खटकाळे साहेब (भाऊ) व वकिल – गौरव पोळ यांचा मोलाचा वाटा आहे .