डॉ. तारा भवाळकर, शरद पवार, पंतप्रधान नरेंद्र मोदी यांच्या भाषणावर आधारित ‌‘मु. पो. तालकटोरा‌’ पुस्तकाचे प्रकाशन
99वे अखिल भारतीय मराठी साहित्य संमेलन भरविण्याचा मान साताऱ्यास मिळावा : शिवेंद्रराजे भोसले

पुणे : मराठी भाषेची ओळख कधीच पुसली जाणार नाही. मराठी भाषेला अभिजात भाषेचा दर्जा मिळवून देणे हा एकच ध्यास घेवून महाराष्ट्र साहित्य परिषदेसह सर्वांनी प्रयत्न केले. दिल्लीतील आंदोलन तसेच सतत पाठपुरावा करून या इच्छेला मूर्त स्वरूप मिळाले आहे. दिल्लीत अखिल भारतीय मराठी साहित्य संमेलन यशस्वी केले याचे कौतुक आहे. महाराष्ट्र आता मागे वळून पाहणार नाही. दिल्ली आता दूर नाही. दिल्लीच्या तख्तावर महाराष्ट्राची पकड घट्ट झालेली पहायला मिळेल, असा विश्वास महाराष्ट्राचे सार्वजनिक बांधकाम मंत्री शिवेंद्रराजे भोसले यांनी व्यक्त केला. 99वे अखिल भारतीय मराठी साहित्य संमेलन भरविण्याचा मान साताऱ्यास मिळावा, अशी इच्छाही त्यांनी व्यक्त केली.

सरहद, पुणे आयोजित 98व्या अखिल भारतीय मराठी साहित्य संमेलनाच्या अध्यक्षा डॉ. तारा भवाळकर, स्वागताध्यक्ष शरद पवार आणि उद्घाटक पंतप्रधान नरेंद्र मोदी यांच्या भाषणावर आधारित ‌‘मु. पो. तालकटोरा‌’ या पुस्तकाचे प्रकाशन तसेच मराठी भाषेला अभिजात दर्जा मिळविण्यासाठी दिल्ली येथे आंदोलन करणाऱ्या मसापच्या कार्यकर्त्यांचा सत्कार मंत्री भोसले यांच्या हस्ते आज (दि. 17) करण्यात आला. त्या वेळी ते बोलत होते. महाराष्ट्र साहित्य परिषदेच्या माधवराव पटवर्धन सभागृहात या कार्यक्रमाचे आयोजन करण्यात आले होते.
मराठी भाषेला अभिजात भाषेचा दर्जा मिळावा यासाठी दिल्ली येथे शिवेंद्रराजे भोसले यांच्या नेतृत्वाखाली आंदोलन करण्यात आले होते. या निमित्त त्यांचा सन्मान प्रा. मिलिंद जोशी यांच्या हस्ते करण्यात आला. तर कार्यकर्त्यांचा सत्कार शिवेंद्रराजे भोसले यांच्या हस्ते करण्यात आला.

सरहद, पुणेचे अध्यक्ष संजय नहार, अखिल भारतीय मराठी साहित्य महामंडळाचे अध्यक्ष प्रा. मिलिंद जोशी, कार्यवाह सुनिताराजे पवार, कोषाध्यक्ष विनोद कुलकर्णी, ज्येष्ठ पत्रकार श्रीराम पवार, सरहद, पुणेचे संचालक डॉ. शैलेश पगारिया, शैलेश वाडेकर व्यासपीठावर होते.

राजकारण्यांना नेहमीच पत्रकार आणि साहित्यिकांची भीती असते असे सुरुवातीस सांगून शिवेंद्रराजे भोसले म्हणाले, माझा साहित्याचा अभ्यास नाही परंतु, आवड नक्कीच आहे. साताऱ्यात साहित्यिक आणि कलाकार यावेत यासाठी मी नेहमीच प्रयत्नशील असतो. साहित्य क्षेत्रात साताऱ्यातील मसाप शाखेच्या माध्यमातून विविध उपक्रम घेतले जात आहेत. सतत कार्यशील असणाऱ्या सातारकरांचा परिषदेवर ठसा उमटला आहे. सत्काराचा संदर्भ देऊन भोसले पुढे म्हणाले, एखाद्या मंत्र्याचे आंदोलक म्हणून स्वागत व सत्कार इतिहासात पहिल्यांदाच झाला असेल. दिल्ली येथील महाराष्ट्र सदनात मराठी भाषिकांना खुला प्रवेश मिळण्यासाठी तसेच स्पर्धा परिक्षा देणाऱ्या मराठी विद्यार्थ्यांच्या वसतीगृहाची सोय करण्याचा प्रयत्न सुरू असल्याचे ते म्हणाले.

मी महाराष्ट्र साहित्य परिषदेचा आजीव सभासद आहे. परिषदेच्या अनेक उपक्रमात मी सहभागी असतो. परिषदेचे काम प्रा. मिलिंद जोशी, सुनिताराजे पवार, विनोद कुलकर्णी यांच्या नेतृत्वाखाली उत्तम सुरू असून आम्ही साहित्य परिषदेच्या बरोबर आहोत.- शिवेंद्रसिंहराजे भोसले

अध्यपदावरून बोलताना प्रा. मिलिंद जोशी म्हणाले, उदारमतवाद आणि वैचारिक मोकळेपणा हे महाराष्ट्राची परंपरा आहे. दिल्लीतील साहित्य संमेलनात वैचारिक मोकळेपणाचे दर्शन घडले. विविध विचारधारांची आणि मतांची माणसे व्यासपीठावर होती; तरीही आपल्या विचारांशी ठाम राहतानाही त्यांच्यातील सौहार्द पाहायला मिळाले. याचीच आजच्या काळात गरज आहे. ते पुढे म्हणाले, साहित्य संमेलनाचे अध्यक्ष महाराष्ट्राचे वैचारिक नेतृत्व करतात अशी लोकभावना आहे. ती दृढ करण्याचे काम संमेलनाध्यक्षा डॉ. तारा भवाळकर यांनी आपल्या बाणेदार अध्यक्षीय भाषणातून केले. मराठी माणसांची मानसिकता हेच त्याच्या समोरचे मोठे आव्हान आहे. संकुचित मनोवृत्ती आणि कोतेपणा हा प्रगतीतला सगळ्यात मोठा अडसर आहे. महाराष्ट्राच्या हितासाठी पक्ष, विचारधारा आणि राजकारण दूर ठेवून महत्त्वाच्या प्रश्नांसाठी एकत्र येण्याची मानसिकता आणि राजकीय इच्छाशक्ती निर्माण झाली तरच महाराष्ट्राचे भले होईल. देशाला विचार आणि दिशा देणारे राज्य अशी महाराष्ट्राची ओळख आहे, ती जपली पाहिजे, असे आवाहन प्रा. मिलिंद जोशी यांनी केले. साताऱ्याला साहित्य संमेलनाचा मान मिळावा अशी गेल्या दहा वर्षांपासून मागणी आहे. या मागणीचा साकल्याने विचार केला जाईल, असे प्रा. जोशी म्हणाले. दिल्ली येथील साहित्य संमेलनाविषयी जेव्हा जेव्हा बोलले जाईल त्या त्या वेळी डॉ. भवाळकर, शरद पवार आणि नरेंद्र मोदी यांच्यासह संमेलनाचे संयोजक संजय नहार यांचेही नाव आवर्जून घेतले जाईल, असा विश्वासही त्यांनी व्यक्त केला.

प्रास्ताविकात संजय नहार म्हणाले, दिल्ली म्हणजे पानीपत, दिल्लीचे तख्त मिळवता येणार नाही असा न्यूनगंड मराठीजनांमध्ये निर्माण झाला होता. दिल्लीत मराठी माणसे एकत्र येत नाहीत हा समजही दिल्ली येथे झालेल्या 98व्या साहित्य संमेलनाच्या माध्यमातून दूर झाला. मराठी माणूस एकत्र येण्यासाठी दिल्लीतील महाराष्ट्र सदन दिल्लीतील मराठी जनांसाठी खुले करावे, अशी अपेक्षाही त्यांनी व्यक्त केली. महाराष्ट्राची दिल्लीतील पत वाढविण्यासाठी पुन्हा एकदा भोसले यांच्याबरोबर शिंदे आले तर हे शक्य होईल. तसेच पवार-शिंदे-भोसले एकत्र आल्याशिवाय महाराष्ट्राचे नाव दिल्लीत गुंजणार नाही.

पुस्तकाविषयी बोलताना श्रीराम पवार म्हणाले, या पुस्तकाच्या माध्यमातून महाराष्ट्र धर्म काय आहे, तो काय सांगतो आणि भारताला तो काय देऊ इच्छितो याविषयी डॉ. तारा भवाळकर, शरद पवार, पंतप्रधान नरेंद्र मोदी यांचे विचार प्रकट झाले आहेत. राज्याची अस्मिता मातृभाषेशी जोडली जाते, राज्यकर्ते म्हणून भाषिक अस्मितेची भावना समजून घ्यावी, संमेलनाच्या मांडवात राजकारणी यावेत का, संमेलनाचा पोत राजकारण्यांमुळे बिघडतो का तसेच उत्तर आणि दक्षिणेचा संयोग असलेली महाराष्ट्राची समन्वयवादी संस्कृती, लोकसाहित्याचे मूल्य अशा विविध विषयांवर गंभीर चिंतन, मंथन, संचित या पुस्तकाद्वारे समाजापुढे येत आहे, हे नुसतेच दस्तावेजीकरण नव्हे तर या पुस्तकातून ठाम विचार पुढे येत आहेत.

मराठी भाषेला अभिजात भाषेचा दर्जा मिळावा यासाठी आंदोलन करणाऱ्या कार्यकर्त्यांचा विनोद कुलकर्णी यांनी परिचय करून दिला. महाराष्ट्राच्या इतिहासाची उजळणी होताना छत्रपती शाहू महाराज यांचे कार्य वगळून पुढे जाता येणार नाही, असे ते म्हणाले.

पुणे- एरंडवणा भागातील वंदे मातरम् मित्र मंडळ, दहा चाळ येथे वारकरी सांप्रदाय पुणे (पश्चिम विभाग) यांच्यावतीने वासंतिक उटी कार्यक्रम पार पडला. वेळी टाळ मृदुंग गजरात अंभग भजनात तल्लीन भक्त, ज्येष्ठ नागरिक, महिला, युवक, युवती,लहान मुले आदी सहभागी झाले होते. वारकऱ्यांच्या सुमधुर पांडुरंगाच्या भजनाने संपूर्ण परिसर भक्तीमय केला होता.

पंढरपूर येथील श्री विठ्ठलाच्या भक्ती करताना वारकरी सांप्रदायाकडून पुणे शहरातील विविध ठिकाणी वासंतिक उटीचे आयोजन केले जाते.यावेळी वारकरी सांप्रदाय, पुणे (पश्चिम विभाग) मधील नवनियुक्त पदाधिकाऱ्यांनी आपल्या श्री स्वामींच्या मठासमोरील बागेत वृक्षारोपण करण्यात आले. सदर प्रसंगी विणेकरी ह.भ.प. राघू महाराज सातपुते, ह.भ.प. पंढरीनाथ महाराज दुधाने, अध्यक्ष ह.भ.प. अण्णा गोसावी, सेक्रेटरी ह.भ.प. प्रताप चोरगे, खजिनदार ह.भ.प. अनंत सुतार, उपाध्यक्ष ह.भ.प. शिवाजी कदम, सह सेक्रेटरी ह.भ.प. अजित ठोंबरे, ह.भ.प. गणेश ठाकर, कार्याध्यक्ष ह.भ.प. परशुराम खाडे, सह कार्याध्यक्ष ह. भ.प. गणेश शेडगे, भजन समिती ह.भ.प. शंकर महाराज खोपडे,ह. भ.प. अण्णा महाराज चव्हाण, ह. भ.प. वसंतरावजी कंधारे यांचा श्री स्वामी समर्थ सेवा प्रतिष्ठानकडून सत्कार करून पुढील वाटचालीस शुभेच्छा दिल्या. वासंतिक उठी कार्यक्रम संपल्यानंतर मोठ्या संख्येने भक्तांनी महाप्रसादाचा लाभ घेतला. सदरप्रसंगी एरंडवणा भागातील महिला, ज्येष्ठ नागरिक, युवक युवती श्री स्वामी समर्थ सेवा प्रतिष्ठानचे अध्यक्ष दर्शन पोटे,वंदे मातरम मित्र मंडळचे अध्यक्ष, युवा नेतृत्व अजय कंधारे,तेजस वाशिवले, वैभव पानगावकर, स्वप्नील लोखंडे, सुयश बलकवडे,एकनाथ साठे, दशरथ पिसे,राहुल मारणे, केतन साळुंखे, सुमित मालपोटे, ऋषिकेश गायकवाड,किशोर साळुंखे,नयन गोपालघरे,शुभम गोळे, साहिल साठे,सचिन पोटे,तेजस शिळवणे, किरण शेडगे, सोहम ठोंबरे, देवा मारणे, अमोल भिलारे,वेंकटेश कदम,चैतन्य पोटे,शुभम लोखंडे,यश मारणे,राहुल जाधव ओम मारणे ,ओमकार बलकवडे,तसेच वारकरी संप्रदाय पुणे पश्चिम विभाग चे वारकरी,वंदे मातरम मित्र मंडळ आणि प्रेरणा मंदिराचे सभासद सभासद व कार्यकर्ते मोठ्या संख्येने उपस्थित होते

पुणे- हनुमान जयंतीच्या दिवशी रविवार दिनांक १३ एप्रिल रोजी रात्री ८ः१५ वा चे सुमारास पुण्येश्वर मंदिर कार्यक्रमासाठी आलेल्या राज्यसभा खासदार डॉ. मेधा कुलकर्णी यांनी यावेळी लगत असलेल्या छोटा शेख सल्लाहुद्दीन दर्गा येथे नमाजासाठी देण्यात आलेल्या अजान रोखण्यासाठी छोटा शेख सल्लाहुद्दीन दर्ग्यातील मशिदीत शिरण्याचा प्रयत्न केला, असा आरोप नॅशनल कॉन्फरन्स फॉर मायनॉरिटीचे अध्यक्ष राहुल डंबाळे यांनी केला.

डंबाळे म्हणाले,यावेळी स्थानिक मुस्लिम नागरिकांना मेधा कुलकर्णी यांच्याकडून धक्काबुक्की करण्यात आली. परंतु वेळीच पोलिसांनी हस्तक्षेप केल्याने वाईट प्रसंग घडला नाही. दरम्यान या सर्व गोंधळापूर्वी त्यांनी छोटा शेख सल्लाहुद्दीन दर्गा विषयी चिथावणी देणारी विधाने त्यांच्या भाषणातून केली होती. यासंदर्भात छोटा शेख सल्लाहुद्दीन दर्गा ट्रस्ट कडून तातडीने तक्रार देण्यात आली असली तरी अद्याप गुन्हा दाखल करण्यात आलेला नाही.

हा सर्व प्रकार अत्यंत धक्कादायक तसेच निंदनीय आहे. मुळात हा मुद्दा व परिसर अत्यंत संवेदनशील असून यावर अशा पध्दतीने खासदारांनी व्यक्त होणे चुकीचे आहे. केवळ आपण अधिक कट्टरतावादी असल्याचे दाखविण्याचा व त्याद्वारे वरिष्ठांची मर्जी संपादन करण्याचा हा प्रकार आहे. हा संपूर्ण प्रकार धार्मिक ध्रुवीकरणाला चालना देणारा असून यामुळे शहराची शांतता धोक्यात येत आहे. खासदार यांना जे काही आक्षेपार्ह वाटत असेल त्याबाबत त्यांनी पोलिसांकडे तक्रार करणे आवश्यक असताना, केवळ स्टंट करुन दंगलसदृश परिस्थिती निर्माण केली. प्रकरणी कुलकर्णी यांच्यावर गुन्हा दाखल करुन पुढील कारवाई करावी, अशी मागणी आम्ही सरकारकडे केली आहे अशी माहिती राहुल डंबाळे यांनी यावेळी दिली.

द्विज आर्ट्सच्या वतीने दि. २१ व २२ एप्रिल दरम्यान प्रदर्शनाचे आयोजन ; तब्बल ११२ कलाकारांच्या कलाकृतींचा समावेश
पुणे : द्विज आर्ट्सच्या माध्यमातून पुण्यातील कला क्षेत्रात विशेष स्थान मिळवलेल्या चार कलाकारांनी एकत्र येत ‘कला उत्सव’ या आगळ्यावेगळ्या कला प्रदर्शनाचे आयोजन केले आहे. दिनांक २१ व २२ एप्रिल रोजी सकाळी १०.३० ते सायंकाळी ६ या वेळेत बिबवेवाडी येथील अण्णाभाऊ साठे सभागृहाच्या कलादालनात हे प्रदर्शन होणार आहे, अशी माहिती हेतल शहा आणि दीपाली जगताप यांनी पत्रकार परिषदेत दिली.

पत्रकार परिषदेला हेतल शहा, दीपाली जगताप, अवंती करंजवाला आणि मोहिनी गेंदे उपस्थित होते.

प्रदर्शनाचे उद्घाटन प्रख्यात चित्रकार चारूहास पंडित यांच्या हस्ते होणार असून, ज्येष्ठ चित्रकार मुरली लाहोटी, महेश थोरात आणि  हनुमंत जगनगडा हे मान्यवर मुख्य अतिथी म्हणून उपस्थित राहणार आहेत. चित्रकार हेतल शहा, दीपाली जगताप, अवंती करंजवाला आणि मोहिनी गेंदे या आपापल्या कला वर्गांमधून कलाकार घडवणाऱ्या गुरू असून, त्यांच्या मार्गदर्शनाखाली तयार झालेल्या सुंदर कलाकृती प्रदर्शनात पाहायला मिळणार आहेत.

दीपाली जगताप म्हणाल्या, या प्रदर्शनात एकूण ११२ कलाकार सहभागी होणार असून, विशेष म्हणजे ४ वर्षांच्या चिमुकल्यांपासून ते ७० वर्षांच्या ज्येष्ठ कलाकारांपर्यंत सर्व वयोगटातील कलाकारांच्या कलाकृतींचा समावेश आहे. प्रदर्शनात एकूण ६५० हून अधिक चित्रे असणार आहेत. चारकोल, सॉफ्ट पेस्टल, वॉटर कलर्स, ऍक्रेलिक पेंटिंग्स, कॅलिग्राफी, टेक्स्चर आर्ट अशा विविध माध्यमांतील कलाकृतींनी सजलेले हे प्रदर्शन रसिक प्रेक्षकांसाठी एक पर्वणी आहे.  प्रदर्शनाला विनामूल्य प्रवेश असून पुणेकरांनी आवर्जून या प्रदर्शनाला भेट द्यावी, असे आवाहन आयोजकांनी केले आहे.

पुणे – काँग्रेस पक्षाचे कार्यकर्ते चेतन सुरेश आगरवाल यांची पुणे शहर जिल्हा इंटकच्या अध्यक्षपदी नियुक्ती करण्यात आली आहे.इंटकचे राष्ट्रीय अध्यक्ष डॉ.जी.संजीवा रेड्डी यांच्या आदेशानुसार महाराष्ट्र इंटकचे अध्यक्ष डॉ. कैलास कदम  यांनी नियुक्तीचे पत्र चेतन आगरवाल यांना सुपूर्द केले.

चेतन आगरवाल कॉंग्रेस पक्षाचे जुने निष्ठावंत  कार्यकर्ते असून पक्षाच्या माध्यमातून ब्लॉक सरचिटणीस, युवक काँग्रेस सरचिटणीस, शहर काँग्रेस सरचिटणीस यासह पुणे जिल्हा विद्युत मंडळ समन्वय समिती तसेच सार्वजनिक वितरण व्यवस्था व दक्षता समिती (महाराष्ट्र शासन) अशा विवीध पदांवर काम केले आहे. क्रीडा आणि सामाजिक क्षेत्रात ते कार्यरत आहेत. 

चेतन आगरवाल यांचे वडील कै.सुरेश आगरवाल हे सुद्धा विद्युत मंडळामधे इंटक संघटनेचे अध्यक्ष म्हणून कार्यरत होते. घरामधून कामगार क्षेत्राचा  अनुभव मला मिळाला त्याचा उपयोग मी इंटक संघटनेच्या अध्यक्षपदाच्या कारकीर्दीत करीन, असे चेतन आगरवाल यांनी सांगितले. भाजप सरकारने कामगारांसाठी जुलमी कायदे केले आहेत त्या विरोधात कामगारांना न्याय मिळेपर्यंत लढत रहाणार आहे, अशी प्रतिक्रिया चेतन आगरवाल यांनी दिली.

पुणे प्रार्थनाच्यावतीने चैत्रोत्सव २०२५ चे उत्तर – उपासना ग्लोबल फोरमच्या समाजाचे ब्राह्म संगीत सादरीकरण
पुणे : भक्ती, सौंदर्य आणि सत्य आराधनेचे प्रतीक असलेले ‘आनंद लोके, मंगला लोके, बिराजो सत्य’ हे स्तुतीगीत, ‘हे सखा मम हृदये रहो विश्वे सर्व काजे, ध्याने ज्ञाने हृदये’, या गीतांतून व्यक्त होणारे आत्मीय भक्तीभाव… हे भय होते तेव्हा अभय, नूतन, या जननी गीतातून देवाची करुणामय आळवणी… रवींद्रनाथ टागोर यांनी रचलेल्या अशा विविध ब्राह्मण गीते पुणेकरांनी आध्यात्मिक आनंदधारेचा अनुभव प्रकट केला.

पुणे प्रार्थना समाजाच्या चैत्रोत्सव २०२५ चे उत्तर आले. फक्त उपासना ग्लोबल फोरम, पुणे यांच्या पूर्ततेसाठी ‘अनंत आनंदधारा’ या विशेष कार्यक्रमात ब्राह्म संगीत सादरीकरण करण्यात आले. कार्यक्रमाला पुणे प्रार्थना समाजाचे अध्यक्ष डॉ. सुषमा जोग, सचिव डॉ. दिलीप जोग, तसेच उषाताई शर्मा, प्रशांत पडवे, धनराज निंबाळकर, भास्कर मुजुमदार, डॉ.शिल्पा मुजुमदार हे सदस्य, तसेच डॉ. माधवी मित्रा, मुखोपाध्याय, अमित मझुमदार, सुरेखा शर्मा आदि मान्यवर उपस्थित होते.

श्रेया करमाकर, संदीप रॉय, प्रियांका भट्टाचार्य, मोता दास, सयारी दास, सौमिली दास, शॉम्पा रॉय, कुमकुम शहा, पांचाली गोस्वामी, मोमिता कुमार, मोमिता चॅटर्जी, रंजनाशील, निलांजन भट्टाचार्य यांनी सादरीकरण केले. अक्षय शेळके (तबला), अंजली राव (व्हायोलिन), तमन रॉय यांनी संगत केली. उपासना ग्लोबल फोरमच्या शर्मिला मझुदार यांनी सूत्रसंचालन केले. त्याच अनुपम चक्रवर्ती, सोनिया शहा, मोमिता चक्रवर्ती या चित्रकारांनी हरिमंदिराचे चित्र रेखाटून रंगवले व पुणे प्रार्थना समाजाला भेट दिली.

कार्यक्रमाची ऋग्वेदाल ‘संगच्छध्वं संवदवं संवो मनसिभीम’ या मंत्राने. त्यानंतर रवींद्रनाथ टागोर यांच्या विविध गीतांचे सादरीकरण करण्यात आले.
‘ओई पोहाईलो तुला राती…’, ‘प्रभु पूजीबो तोमोरे आजी…’ या गीतांच्या सादरीकरणावरून ऐकून भक्तिभाव निर्माण केला. डॉ. दिलीप जोग आणि डॉ. सुषमा जोग यांनी रविंद्रनाथ टागोर यांनी रचले ‘पादप्रांते राखो शेबोके’ हे गीते कार्यक्रमाची सांगता केली.