पुणे-फर्ग्युसन महाविद्यालयाच्या पाठीमागे असलेल्या हनुमान टेकडीवर एका १७ वर्षीय महाविद्यालयीन मुलगी मित्रासाेबत फिरावयास गेली असताना, तिला अज्ञात आराेपींनी धारदार कोयत्याचा धाक दाखवून तिला मारहाण करत एक लाख रुपयांची सोनसाखळी चोरुन नेल्याचा प्रकार घडला आहे.

याप्रकरणी सदर पिडित मुलीने डेक्कन पोलीस ठाण्यात अनाेळखी आराेपी विराेधात फिर्याद दिली आहे. त्यानुसार अनाेळखी आराेपींवर जबरी चाेरीचा गुन्हा दाखल करण्यात आला आहे.पाेलीसांनी दिलेल्या माहितीनुसार, तक्रारदार मुलगी ही एका महाविद्यालयात शिक्षण घेत आहे. ४ जानेवारी राेजी दुपारी दोन वाजण्च्या सुमारास तक्रारदार मुलगी आणि तिचा मित्र सेनापती बापट रस्त्यावरील हनुमान टेकडी परिसरात फिरावयास गेलेले होते. त्यावेळी त्याठिकाणी आलेल्या अज्ञात चोरट्यांनी मुलगी आणि तिच्याबरोबर असलेल्या मित्राला काेयत्याचा धाक दाखवून धमकावत शिवीगाळ केली. मुलीस मारहाण करुन चोरट्यांनी जबरदस्तीने मुलीच्या गळ्यातील एक लाख रुपयांची सोन्याची साखळी चोरून नेली. घाबरलेली मुलगी आणि तिचा मित्र या प्रकारानंतर त्या ठिकाणावरुन घरी गेले. त्यानंतर तिने पालकांशी चर्चा करुन याबाबत डेक्कन पोलीस ठाण्यात फिर्याद दिली. घटनेची माहिती समजल्यानंतर, डेक्कन पाेलीस ठाण्याच्या वरिष्ठ पोलीस निरीक्षक गिरीषा निंबाळकर यांनी घटनास्थळी भेट दिली. पोलीस उपनिरीक्षक एस सावंत पुढील तपास करत आहेत. हनुमान टेकडी परिसरात मागील दोन महिन्यात टेकडीवर फिरायला आलेल्या महाविद्यालयीन युवकांना लुटल्याच्या तीन घटना घडल्या आहेत. यापूर्वी देखील बाणेर-पाषाण रस्त्यावरील टेकडीवर फिरायला गेलेल्या ईशान्य भारतातील महाविद्यलायीन तरुणीस लुटण्यात आल्याची घटना घडल्यावर चतु:शृंगी पोलिसांनी चोरट्यांना अटक केली होती.

पुणे दि. ७: विद्यार्थ्याचे उशिरा सुरू होणारे शैक्षणिक सत्र, सद्यस्थितीत भारतरत्न डॉ. बाबासाहेब आंबेडकर स्वाधार योजनेचा लाभ घेत असलेले तसेच नव्याने या योजनेसाठी अर्ज करणारे विद्यार्थी यांना ऑनलाईन अर्ज करताना तांत्रिक अडचणी येत असल्याने समाज कल्याण विभागाने स्वाधार योजनेसाठी ऑनलाईन अर्ज भरण्याची अंतिम मुदत १५ जानेवारी २०२५ पर्यंत वाढविली आहे.

समाजकल्याण विभागामार्फत शासकीय वसतिगृहाच्या ऑनलाईन प्रवेश प्रक्रियेबाबत आज्ञावली (सॉफ्टवेअर) विकसनाचे काम प्रगतीपथापर असून त्यामध्ये ऑनलाईन अर्ज स्वीकारण्याचे मॉड्यूल कार्यरत झाले आहे. त्यानंतर स्वाधार योजनेसाठी ऑनलाईन अर्ज करण्याची मुदत वेळोवेळी ३१ डिसेंबर २०२४ पर्यंत वाढविण्यात आलेली होती. तथापि, तांत्रिक अडचणीमुळे अनुसूचित जाती प्रवर्गातील विद्यार्थ्याचे शैक्षणिक नुकसान होऊ नये म्हणून समाज कल्याण आयुक्तांनी पुन्हा १५ जानेवारीपर्यंतची मुदत वाढविली आहे.

समाज कल्याण विभागाच्या शासकीय वसतिगृहासाठी ऑनलाईन अर्ज केला नाही अशा विद्यार्थ्यांनी वरील पोर्टलवर ऑनलाईन अर्ज करणे आवश्यक आहे. देण्यात आलेली मुदतवाढ अंतिम मुदतवाढ असून त्यानंतर कोणत्याही प्रकारे नवीन मुदतवाढ देण्यात येणार नसल्याने वरील अंतिम दिनांकापर्यंत अर्ज करतील अशाच विद्यार्थ्यांना स्वाधार योजनेचा लाभ देण्यात येणार आहे.

तरी पुणे जिल्ह्यातील महाविद्यालयांत व्यवसायिक, अव्यावसायिक अभ्यासक्रमास प्रवेश घेतलेल्या विद्यार्थ्यांनी २०२४-२५ या शैक्षणिक वर्षासाठी https://hmas.mahait.org या पोर्टलवर ऑनलाईन अर्ज करावेत असे आवाहन समाज कल्याण सहायक आयुक्त विशाल लोंढे यांनी प्रसिद्धीपत्रकान्वये केले आहे.

पुणे दि. ७: पुनर्वसन महासंचालक कार्यालय (दक्षिण) यांच्यामार्फत माजी सैनिकांसाठी जीएनए स्टेडीयम (वरुणपुरी ग्राउंड) वरुणपुरी, मंगोर हिल वास्को डी गामा, गोवा येथे दिनांक १७ जानेवारी २०२५ रोजी रोजगार मेळावा आयोजित केला आहे.

यासाठी इच्छुक माजी सैनिकांनी आपला कोरीकुलम विटे, बायोडेटाच्या पाच प्रती फोटोसह उपरोक्त मेळाव्यासाठी गोवा येथे उपस्थित रहावे. अधिक माहितीसाठी सहसंचालक, नवी दिल्ली दूरध्वनी क्रमांक ०११-२०८६२५४२ व पुनर्वसन महासंचालक कार्यालय पुणे दूरध्वनी क्रमांक ०२०-२६३४१२१७, ८१२६३६०९८० वर संपर्क साधावा, असे आवाहन जिल्हा सैनिक कल्याण अधिकारी लेफ्टनंट कर्नल हंगे स. दै. (नि.) यांनी प्रसिद्धीपत्रकान्वये केले आहे.

पुणे- बिबवेवाडीत विद्यासागर हौ सोसायटी, महेश सोसायटी जवळ,अर्थव बंगला येथे केअरटेकर म्हणून काम करणा-या महिलेने साडे पंचवीस तोळे सोने चोरून नेल्या प्रकरणी तिला बिबवेवाडी पोलीसांनी केली आहे. गायत्री सुनिल हातेकर, वय २४ वर्षे, रा. गणपती मंदिराजवळ, चव्हाणनगर धनकवडीअसे या अटक केलेल्या महिलेचे नाव असून सप्टेंबर २०२४ मध्ये तिने हि चोरीन केल्याचे पोलिसांनी सांगितले .

पोलिसांनी दिलेली माहिती अशी कि ,दिनांक २६/०९/२०२४ रोजी ते दिनांक ०१/१०/२०२४ रोजी , बिबवेवाडी पुणे येथे ‘एक फिर्यादी’ यांचे आईचे घरातून कोणीतरी अज्ञात चोरटयाने प्रवेश करून कपाटातील लॉकर मध्ये ठेवलेले सोन्याचे दागिने २५.५ तोळे वजनाचे संमतीशिवाय चोरून नेले म्हणून फिर्यादी यांनी तक्रार दिली होती त्यानुसार बिबवेवाडी पोलीस ठाणे येथे गुन्हा रजि.२३३/२०२४ भारतीय न्याय संहिता २०२३ चे कलम ३०५ अन्वये दिनांक ०१/१०/२०२४ रोजी गुन्हा नोंद करण्यात आला आहे.
दाखल गुन्हयातील अज्ञात आरोपीचा वरिष्ठ अधिकारी यांचे मार्गदर्शनाखाली शोध चालू असताना पोलीस उप निरीक्षक शशांक जाधव यांना त्यांचे गुप्त बातमीदारामार्फत मिळालेल्या बातमीवरून महिला नामे गायत्री सुनिल हातेकर, वय २४ वर्षे, रा. गणपती मंदिराजवळ, चव्हाणनगर धनकवडी पुणे हिस ताब्यात घेवून तिचेकडे तपास करता सदर महिला ही सप्टेंबर २०२४ मध्ये फिर्यादी याचे आईकडे केअरटेकर म्हणून कामास असताना तिने त्यांचे कपाटातून सोन्याचे दागिने चोरल्याचे तपासामध्ये निष्पन्न झालेने तिच्या कडे अधिक तपास करून तिचेकडून दाखल गुन्हयातील चोरीस गेले दागिन्यापैकी तपासान्वये ८,७०,०००/- कि. रू.ची एक सोन्याची लगड वजन १४६ ग्रॅम हस्तगत करून गुन्हा उघडकीस आणलेला आहे. दाखल गुन्हयाचा पुढील तपास पोलीस उप निरीक्षक शशांक जाधव हे करीत आहेत.
सदरची कामगिरी अप्पर पोलीस आयुक्त पुर्व प्रादेशिक विभाग मनोज पाटील, पोलीस उप आयुक्त परिमंडळ ५ पुणे शहर, राजकुमार शिंदे, मा. सहा. पोलीस आयुक्त वानवडी विभाग पुणे शहर श्री. धन्यकुमार गोडसे, यांचे मार्गदर्शनाखाली, वरिष्ठ पोलीस निरीक्षक बिबवेवाडी पो.स्टे.श्री. शंकर साळुंखे, पोलीस निरीक्षक गुन्हे श्री. मनोजकुमार लोंढे, बिबवेवाडी पोलीस चौकी अधिकारी सपोनि संजय निकुंभ, पोलीस उप निरीक्षक शशांक जाधव, पोलीस हवालदार संजय गायकवाड, संतोष जाधव, पोलीस अमंलदार आशिष गायकवाड, राहुल शेलार, नितीन कातुर्डे, मपोहवा गोकुळा काटकर यांनी केलेली आहे.

पुणे : दिल्ली येथे होत असलेल्या 98व्या अखिल भारतीय मराठी साहित्य संमेलनास येण्याची इच्छा विदेशातील साहित्य प्रेमींनी व्यक्त केली आहे. संमेलनास येऊ इच्छिणारे विशेषत: पाकिस्तान, इंग्लड आणि अमेरिकेतील मराठी नागरिक आहेत, अशी माहिती साहित्य संमेलनाचे आंतरराष्ट्रीय समन्वयक डॉ. सतिश देसाई यांनी दिली.
सरहद, पुणे आयोजित अखिल भारतीय साहित्य महामंडळचे 98वे अखिल भारतीय मराठी साहित्य संमेलन दि. 21 ते 23 फेब्रुवारी 2025 या कालावधीत दिल्ली येथील छत्रपती शिवाजी साहित्य नगरी (तालकटोरा स्टेडियम )येथे होत आहे. महाराष्ट्रातील साहित्य रसिकांनी ज्या प्रमाणे संमेलनास येण्याची इच्छा व्यक्त केली आहे, त्याच प्रमाणे विदेशातूनही रसिक येण्यास उत्सुक आहेत. संमेलनात कसे सहभागी होता येईल, अशी विचारणा त्यांच्याकडून होत आहे. संमेलनाचे उद्घाटन पंतप्रधान नरेंद्र मोदी यांच्या हस्ते होणार असल्याने पाकिस्तानातील कराची येथील महाराष्ट्र मंडळाचे प्रतिनिधी विशाल राजपूत यांनी तसेच लंडन येथील सुजाता गोठस्कर आणि उत्तम शिराळकर यांनी साहित्य संमेलनास उपस्थित राहण्यासाठी विचारणा केली असल्याचे डॉ. देसाई म्हणाले.
दिल्लीतील साहित्य संमेलनासाठी विदेशातून येण्यास इच्छुक असलेल्या विशेषतः पाकिस्तानातील कराची येथील मराठी भाषिक साहित्यप्रेमीं संदर्भात परराष्ट्र मंत्रालयाच्या तसेच गृह मंत्रालयाच्या माध्यमातून योग्य ती शहानिशा करून निर्णय घ्यावा, अशी सूचना ज्येष्ठ नेते आणि संमेलनाचे स्वागताध्यक्ष शरद पवार यांनी केली आहे. विदेशातून साहित्य प्रेमींनी संमेलनास येण्याची इच्छा व्यक्त केली असली तरी त्या बाबतचा निर्णय अखिल भारतीय साहित्य महामंडळ आणि संयोजन समिती एकमताने घेईल, असे डॉ. देसाई म्हणाले.

पुणे- HMPV विषाणू पुण्यात शिरकाव करण्याअगोदर ते येऊ नये म्हणून कडक उपाय योजना करा अन्यथा … अशा स्पष्ट शब्दात महापालिकेच्या आरोग्य विभागाला ठाकरेंच्या शिवसेनेने इशारा दिला आहे. याबाबत शहरप्रमुख संजय मोरे म्हणाले कि,’देशात सध्या आज HMPV या संसर्गाचा प्रादुर्भाव होऊ लागला आहे, आपल्या देशाच्या शेजारील चीनमधे याचा प्दुरार्भाव वाढल्याने अनेक लोकांना जीव गमवावा लागला आहे. तसेच आपल्या देशात महाराष्ट्राच्या शेजारील राज्ये गुजरात व कर्नाटक येथे या रोगाचे रूग्ण आढळून आले आहेत. प्रत्येक संसर्गजन्य रोगाचा प्रादुर्भाव पुणे शहरात झपाट्याने होतो याचा अनुभव आहेच. मागील स्वाइन फ्लू, कोरोना, सारख्या संसर्गजन्य रोगामुळे महाराष्ट्रात आणि पुण्यात हाहाकार माजविला होता, स्वाईन फ्लूचा भारतातला पहिला रुग्ण पुणे शहरात शाळेतील विद्यार्थीनीच्या माध्यमातून आढळला होता. तदनंतर पुण्यात त्याचा प्रसार मोठ्या प्रमाणात वाढला होता. कोरोना महामारीमुळे पुणे शहरासहित संपूर्ण देशात लाॅकडाउनची परिस्थिती एकदा नाही तर दोनदा ओढवली गेली.

अशी परिस्थिती या नवीन संसर्गजन्य रोगाने पुन्हा निर्माण होउ नये म्हणून पुणे महानगरपालिकेच्या आरोग्य खात्यामार्फत आत्तापासूनच काळजी घेउन फवारणी व तत्सम उपाययोजना करणे गरजेचे वाटते. यामधे घाईघाईने टेंडर काढताना कुठलाही भ्रष्टाचार होणार नाही याबाबत जातीने लक्ष घालावे. त्यामुळे आपण तत्परतेने पुणे महानगर पालिकेच्या हद्दीत असलेल्या सर्व खाजगी व सरकारी शाळा तसेच आस्थापना यांचे सॅनिटायझेशन करणे आवश्यक आहे. तसेच शिक्षक, शासकीय व निमशासकीय कर्मचारी, विद्यार्थी, गर्दीची ठिकाणे यांची योग्य काळजी घेण्यात यावी. खाजगी क्लासेस, थिएटर,हॉटेल्स , लग्न समारंभ हॉल , बसस्थानक, रेल्वे स्टेशन, जिमच्या मालकांना काळजी घेण्याबाबत सूचना करण्यात याव्यात असे निवेदन तोंडाला मास्क लावून शिवसेना (उद्धव बाळासाहेब ठाकरे) पुणे पक्षाच्या वतीने पुणे मनपा आयुक्त राजेंद्र भोसले यांना देण्यात आले .
सदर पत्रास अनुसरून पुणे आयुक्तांनीही तत्पर आरोग्य अधिकाऱ्यांना सदर HMVP वर तत्पर उपाययोजना करण्यास आदेश दिले आणि काळजी घेण्यास कळविले .
यावेळी निवेदन देण्यासाठी आलेल्या शिष्टमंडळात शहरप्रमुख संजय मोरे, गजानन थरकूडे, गटनेते अशोक हरणावळ, उपशहर प्रमुख आबा निकम, प्रसिद्धी प्रमुख अनंत घरत, संघटक किशोर रजपूत, युवासेना शहर अधिकारी राम थरकुडे, शहर समन्वयक युवराज पारीख , विभाग प्रमुख प्रविण डोंगरे,चंदन साळुंखे, अतुल दिघे, राहुल जेकटे, अजय परदेशी, दिपक कुंजीर, अजय कुडले, शैलेश जगताप,जुबेर तांबोळी हे शिवसैनिक उपस्थित होते.

पुणे -आयुक्तसाहेब ,सामान्य माणसांच्या प्रश्नाकडे गांभीर्याने पहा आणि त्यांच्या समस्या तातडीने सोडविण्यासाठी पुरेपूर प्रयत्न करा आपली प्रशासनावरील पकड ढिली होऊ देऊ नका अशी सूचना आज येथे राष्ट्रवादी काँग्रेस पार्टी शहराध्यक्ष दीपक मानकर यांनी महापालिका आयुक्तांना केली आहे.

शहरातील विकासकामे, नागरिकांची दैनंदिन कामे तातडीने होण्यासाठी राष्ट्रवादी काँग्रेसचे शहराध्यक्ष‌‌ दीपक मानकर यांनी आज महापालिका आयुक्तांची भेट घेतली. यावेळी हा इशारा दिला .पुणे शहरातील अनेक प्रलंबित प्रश्नांबाबत दीपक मानकर यांनी पुणे महानगरपालिका आयुक्तांची भेट घेऊन चर्चा केली. विधानसभा निवडणुकीच्या आचारसंहितेमुळे पुणे शहरातील विकासकामे किंवा प्रभागातील मूलभूत कामे ठप्प झाली होती. ती लवकरात लवकर सुरू करून पूर्ण करावीत. त्यामध्ये प्रामुख्याने कचरा व्यवस्थापन, विद्युत खांब बसविणे, ड्रेनेज, पाणी पुरवठा, विविध रस्ते, वाहतुकीचे प्रश्न यांसह विविध प्रमुख विभागामध्ये असलेली नागरिकांची दैनंदिन कामे याबाबत सविस्तर चर्चा करण्यात आली. यावेळी मा.आयुक्त श्री राजेंद्र भोसले यांनी यासंदर्भात सकारात्मक प्रतिसाद देत तातडीने कार्यवाही करण्याचे संबधित विभाग प्रमुखांना निर्देश दिले. या प्रसंगी शहराध्यक्ष , माजी उपमहापौर दीपक मानकर, माजी विरोधी पक्षनेते दत्ता सागरे,राहुल कांबळे , पदाधिकारी आदी उपस्थित होते.

पुणे: भारतीय जनता पक्षाच्या एका पदाधिकाऱ्याला पुणे विमानतळावर अटक झाली आहे. हैदराबादला जाण्यासाठी निघालेल्या दीपक काटेला पुणे विमानतळावरुन ताब्यात घेण्यात आलं. आता तो विमानतळ पोलीस स्टेशनच्या अटकेत आहे. त्याच्याकडे १ पिस्तुल, २ मॅगझिन आणि २८ जिवंत काडतुसं सापडली आहेत. त्याच्या सोशल मीडिया अकाऊंटवर भाजप नेत्यांसोबतचे अनेक फोटो आहेत.ज्यामध्ये चंद्रशेखर बावनकुळे यांच्याही समवेतच्या फोटोचा समावेश आहे .दिपक सिताराम काटे (32, रा. मु. पो. सराटी, ता. इंदापुर, जि. पुणे) असे अटक करण्यात आलेल्याचे नाव आहे. याबाबत इंडिगो एअरलाईनमध्ये सिक्युरिटी एक्झ्युकेटीव्ह प्रिती लक्ष्मण भोसले यांनी विमानतळ पोलिस ठाण्यात आरोपी विरोधात फिर्याद दिली आहे.

सुरक्षा अधिकारी प्रिती भोसले या विमानतळावर प्रवाशांचे बँगेज स्क्रिनिंगचे व तपासणीचे काम करत असताना, दिपक काटे हा पुणे विमानतळ येथे आला असता त्याची मशीनमध्ये बॅग तपासणी करण्यात आली. त्यावेळी त्याच्या बँगेत मेटल डिटेक्ट झाल्याने त्याच्या बँगेत एका कॅरीबॅगमध्ये 7.65 कॅलीबरचे दोन मॅगझीन व 28 काडतुसे असलेले पिस्तुल मिळून आली. त्याच्याकडे याबाबत विचारणा केली असता त्याने याबाबत माहिती देण्यास टाळाटाळ केली. तो विमानाने हैद्राबाद येथे जात असताना ही कारवाई करण्यात आली. त्याने ही पिस्तुले स्वतः जवळ का बाळगली ते बाळगण्या मागचा नेमका त्याचा उद्देश काय होता याचा पुढील तपास पोलिस करत आहेत.दीपक काटे पुण्याच्या इंदापूर तालुक्याचा रहिवासी आहे. तो भाजपच्या युवा मोर्चाचा प्रदेश सचिव आहे. याशिवाय तो शिवधर्म फाऊंडेशनचा संस्थापकदेखील आहे. त्याच्या सोशल मीडियावर भाजपच्या अनेक बड्या नेत्यांसोबतचे फोटो आहेत. त्यात प्रदेशाध्यक्ष आणि मंत्री चंद्रशेखर बावनकुळे, गोपीचंद पडळकर यांचा समावेश आहे. विधानसभा निवडणुकीपूर्वी भाजपमधून शरद पवारांच्या राष्ट्रवादी काँग्रेसमध्ये गेलेल्या हर्षवर्धन पाटील यांच्यासोबतही त्याचा फोटो आहे. हा फोटो पाटील भाजपमध्ये असतानाचा आहे.

पुणे-महापालिका आरोग्यप्रमुख डॉ. निना बोराडे यांनी म्हटले आहे कि,’पुणे महानगरपालिका कार्य क्षेत्रात आतापर्यंत एचएमपीव्हीचा एकही रुग्ण आढळलेला नाही. तथापि खबरदारीचा एक भाग म्हणनू नागरिकांनी श्वसनाच्या संसर्गा पासून बचाव करण्यासाठी काय करावे आणि काय करू नये या संदर्भातील सुचनांचे पालन करण्याचे आवाहन आरोग्य विभागाकडून करण्यात येत आहे.

त्या पुढे म्हणाल्या,’सध्या चीनमध्ये Human Metapneumovirus (HPMV) उद्रेक झाल्याच्या बातम्या येत आहेत. मानवी मेटान्यूमोव्हायरस (एचएमपीव्ही) तीव्र श्वसन संसर्गाचे एक प्रमुख कारण आहे. हा विषाणू सर्वप्रथम नेदरलँडस मध्ये २००१ मध्ये आढळला. मानवी मेटान्यूमोव्हायरस (एचएमपीव्ही) हा एक सामान्य श्वसन विषाणू आहे. ज्यामुळे व श्वसनमार्गाच्या वरील भागातील संसर्गास (सर्दी सारख्या) कारणीभूत ठरते. हा एक हंगामी रोग आहे. सामान्यतः आरएसव्ही आणि फ्लू प्रमाणे हिवाळा आणि उन्हाळ्याच्या सुरुवातीला उद्भवतो. या अनुषंगाने डीजीएचएस आणि संचालक, एन सी डी सी, दिल्ली यांनी दिनांक ३ जानेवारी २०२५ रोजी एक निवेदन प्रसिद्ध केले आहे. सार्वजनिक आरोग्य विभागाने राज्यातील श्वसनाच्या संसर्गाच्या आकडेवारीचे विश्लेषण केले आहे. वर्ष २०२३ च्या तुलनेत डिसेंबर २०२४ मध्ये कोणतीही वाढ झालेली नाही.
पुणे महानगरपालिका कार्यक्षेत्रात दिनांक ३ जानेवारी २०२५ च्या शासन परिपत्रकातील मार्गदर्शन सूचनांनुसार कार्यवाही करण्यात येत असून तशा सूचना क्षेत्रिय स्तरावरून देण्यात आलेल्या आहेत.महाराष्ट्रात व पुणे महानगरपालिका कार्य क्षेत्रात आतापर्यंत एचएमपीव्हीचा एकही रुग्ण आढळलेला नाही. तथापि खबरदारीचा एक भाग म्हणनू नागरिकांनी श्वसनाच्या संसर्गा पासून बचाव करण्यासाठी काय करावे आणि काय करू नये या संदर्भातील सुचनांचे पालन करण्याचे आवाहन आरोग्य विभागाकडून करण्यात येत आहे.
हे करा :

जेव्हा आपल्याला खोकला किंवा शिंका येत असेल तेव्हा आपले तोंड आणि नाक रुमाल किंवा
टीश्यू पेपरने झाका.
साबण आणि पाणी किंवा अल्कोहोल आधारित सॅनिटायझरने आपले हात वारंवार धुवा.
ताप, खोकला आणि शिंका येत असल्यास सार्वजनिक ठिकाणां पासून दूर राहा.
भरपूर पाणी प्या आणि पौष्टिक खा.
संक्रमण कमी करण्यासाठी सर्व ठिकाणी पुरेसे वायूविजन (व्हेंटीलेशन) होईल याची दक्षता घ्या.

हे करू नयेः
हस्तांदोलन
टीश्यू पेपर आणि रुमालाचा पुनर्वापर
आजारी लोकांशी जवळचा संपर्क
डोळे, नाक आणि तोंडाला वारंवार स्पर्श करणे,
सार्वजनिक ठिकाणी थुंकणे.डॉक्टरांच्या सल्ल्याशिवाय औषधे (सेल्फ मेडिकेशन) घेणे.

चीनमधून आलेल्या नवीन विषाणू Human Metapneumovirus (HMPV) अहवालांबाबत चिंतेचे कारण नाही. याबाबत आवश्यक दक्षता घेण्यात येत असून नाहक भीतीचे वातावरण निर्माण करण्याची गरज नाही.असे सांगत महापालिकेच्या आरोग्यप्रमुख बोराडे म्हणाल्या कि,’आरोग्य विभागामार्फत जनजागृती करण्यात येत असून डॉ. नायडू सांसर्गिक रुग्णालया मध्ये ५० आयसोलेशन बेड व ५ आय. सी. यु. बेडची व्यवस्था करण्यात आली आहे. तसेच शासकीय, निमशासकीय व खाजगी आरोग्य संस्थांना आपत्कालीन परीस्थिती हाताळण्यासाठी क्षेत्रिय कार्यालयांच्या स्तरावरून सूचित करण्यात आले आहे.

पुणे-मराठी पत्रकार दिनानिमित्त आचार्य बाळशास्त्री जांभेकर यांचे सिंधुदुर्ग जिल्ह्यातील मूळ गाव पोंभुर्ले येथे स्मारक व्हावे; यासाठी पाठपुरावा करणार असल्याची ग्वाही राज्याचे उच्च व तंत्रशिक्षण मंत्री चंद्रकांतदादा पाटील यांनी आज दिली.

पत्रकार दिनानिमित्त आज पुणे श्रमिक पत्रकार संघामध्ये ज्येष्ठ पत्रकारांचा सन्मान नामदार चंद्रकांतदादा पाटील यांनी केला. या कार्यक्रमात ते बोलत होते. यावेळी पुणे श्रमिक पत्रकार संघाचे अध्यक्ष सुजीत भावे, सरचिटणीस मीनाक्षी गुरव, उपाध्यक्ष चंद्रकांत फुंदे, अश्विनी पाटील केदारी, मिकी घई यांच्या सह पत्रकार संघाचे सर्व सदस्य मोठ्या संख्येने उपस्थित होते.

नामदार चंद्रकांतदादा पाटील म्हणाले की, आजच्या आधुनिक युगात एआय तंत्रज्ञानाचा वापर वाढत आहे. पत्रकारिता क्षेत्रात काम करणाऱ्या प्रत्येकासाठी यातील बारकावे जाणून घेणं अतिशय महत्वाचे झाले आहे. त्यामुळे पत्रकार संघाने नवोदित आणि ज्येष्ठ पत्रकारांसाठी एखादे प्रशिक्षण शिबीर राबविण्याचे ठरविले. तर त्यासाठी सर्वतोपरी मदत करु, अशी ग्वाही यावेळी दिली.

ते पुढे म्हणाले की, आचार्य बाळशास्त्री जांभेकर यांचे सिंधुदुर्ग जिल्ह्यातील मूळ गाव पोंभुर्ले येथील आचार्यांच्या स्मारकाचा प्राधान्याने विकास व्हावा, अशी मागणी सातत्याने होत आहे. त्यासाठी सर्वतोपरी मदत करणार असल्याची ग्वाही देखील त्यांनी यावेळी दिली.

दरम्यान, पत्रकारांना व त्यांच्या कुटुंबियांना मदत म्हणून रोगनिदान चाचण्यांमध्ये (महापालिका रूग्णालय केंद्रात – कमला नेहरू व सुतार दवाखाना) सर्व रोगनिदान चाचण्यांवर ५० टक्के सवलतीत चाचणी ही सुविधा क्रन्सा डायग्नोस्टिक्स लिमिटेडतर्फे आज पत्रकार दिनाच्या औचित्याने जाहीर करण्यात आली. उच्च शिक्षण मंत्री चंद्रकांतदादा पाटील यांच्या उपस्थितीत क्रन्सा डायग्नोस्टिक्सचे सह व्यवस्थापकीय संचालक यश मुथा यांनी या विषयीचे पत्र पत्रकार संघाचे अध्यक्ष सुनित भावे व सरचिटणीस मीनाक्षी गुरव यांना सुपूर्द केले.

पुणे : विविध सामाजिक उपक्रमातून सर्व सामान्य नागरिकांच्या समस्या सोडविण्यासाठी अग्रेसर असणारे भाजप युवा नेते ‘लहू बालवडकर’ यांच्या वाढदिवासानिमित्ताने बालेवाडीत विविध उपक्रम आयोजित करण्यात आले होते. यावेळी केंद्रीय राज्यमंत्री मुरलीधर मोहोळ, तसेच राज्याचे उच्च व तंत्रशिक्षण मंत्री चंद्रकांतदादा पाटील यांनीही उपस्थित राहून लहू बालवडकर यांना वाढदिवसानिमित्ताने शुभेच्छा दिल्या. यावेळी २४ ते २५ जानेवारी रोजी होणाऱ्या अटल सेवा महाआरोग्य शिबीराच्या लोगोचेही अनावरण ‘मुरलीधर मोहोळ’ यांच्या हस्ते करण्यात आले.

लहू बालवडकर गेल्या अनेक वर्षांपासून भाजपमध्ये राहून विविध सामाजिक तसेच राजकीय उपक्रम राबवत आले आहेत. मागच्या वर्षी वाढदिवसाच्या निमित्ताने लहू बालवडकर सोशल वेलफेअर वतीने ‘भव्य भजन स्पर्धा’ आयोजित करण्यात आली होती. या भजन स्पर्धेला जवळपास १०० पेक्षा जास्त भजनी मंडळांनी सहभाग नोंदवला होता. तसेच मोठ्या संख्येने पुणेकरांनी ही भव्य दिव्य स्पर्धा याची देही याची डोळा अनुभवली होती. मात्र यंदा त्यांनी ‘अटल सेवा महाआरोग्य शिबीर’ आयोजित केले आहे.

आज बालेवाडी येथे जनसंपर्क कार्यालय येथे केंद्रीय राज्य मंत्री मुरलीधर मोहोळ आणि चंद्रकांतदादा पाटील यांनी भेट देत लहू बालवडकर यांना वाढदिवसाच्या शुभेच्छा दिल्या. यावेळी चंद्रकांतदादा पाटील यांनी त्यांना मिल्क चॉकलेटही दिले. याचसोबत बालेवाडी येथे येत्या २४ व २५ जानेवारीला लहू बालवडकर सोशल वेलफेअर व सनराईस मेडिकल फाऊंडेशनच्या वतीने अटल सेवा महाआरोग्य शिबीर आयोजित करण्यात आले आहे. त्या शिबीराच्या लोगोचेही अनावरण करण्यात आले.

दरम्यान, लहू बालवडकर सोशल वेलफेअर व सनराईस मेडिकल फाऊंडेशनच्या वतीने आयोजित केलेल्या अटल सेवा महाआरोग्य शिबीरामध्ये पुणे, पिंपरी-चिंचवड व मुंबईतील नामांकित तसेच धर्मदाय, शासकीय आणि खाजगी रूग्णालयाचा सहभाग असणार आहे. या शिबिरात शस्र्क्रिया न करता व कुठलेही इम्प्लांट न वापरता गुडगा प्रत्यारोपण, सांधेदूखी, खुबा प्रत्यारोपण, अशा वेदनादायक आजारांवरती नवीन आयुर्वेदिक उपचार प्रणालीने उपचार केले जाणार आहेत.