महानगरपालिकेशी संबंधित विषयांसदर्भात २३ जानेवारी रोजी बैठकीचे आयोजन

पुणे – पुणे शहर परिसरात १७ टेकड्या असून त्यावर सातत्याने लागणाऱ्या आगी रोखण्यासाठी सुरक्षितेतच्यादृष्टीने प्रशासन, महानगरपालिकाने नागरिकांनासोबत घेऊन सुरक्षात्मक उपाययोजना कराव्यात, याकरीता निधी उपलब्ध करुन देण्यात येईल, असे प्रतिपादन उच्च व तंत्रशिक्षण मंत्री चंद्रकांतदादा पाटील यांनी केले. टेकड्यांवरील अनाधिकृत बांधकामावरही कारवाई करावी, असे निर्देश देत महानगरपालिकेशी संबंधित विषयांसदर्भात २३ जानेवारी रोजी महापालिका आयुक्तांसोबत बैठक घेणार असल्याचेही त्यांनी यावेळी स्पष्ट केले. पुणे शहरातील टेकड्यांची सुरक्षा, त्याअनुषंगाने करण्यात येणाऱ्या उपाययोजनांसंदर्भात वनभवन येथे आयोजित आढावा बैठक झाली. या बैठकीत प्रामुख्याने कोथरुड मधील म्हातोबा टेकडीवरील आगीच्या तीन घटनांनतर करण्यात आलेल्या उपाययोजनांचा आढावा मंत्री पाटील यांनी घेतला.

यावेळी उपवसंरक्षक महादेव मोहिते, पोलीस उपायुक्त संभाजी कदम, विभागीय वन अधिकारी स्नेहल पाटील, सहायक वनसंरक्षक दीपक पवार, पुणे महानगरपालिकेचे उपायुक्त अविनाश सपकाळ, नागरिक उपस्थित होते. चंद्रकांत पाटील म्हणाले, कोथरूड मधील म्हातोबा टेकडीवर सुमारे ६ हजार ५०० वृक्षांची लागवड केली होती. त्यांना आग लावून सुमारे २ हजार ५०० वृक्ष नष्ट करण्याचा प्रयत्न केला. त्यामुळे अशा घटना रोखण्यासाठी कठोर उपाययोजना कराव्यात.टेकड्यावरील झाडांची योग्य पद्धतीने वाढ होण्यासाठी तणांची विल्हेवाट लावण्यासाठी वन विभागाने प्रयत्न करावेत. संरक्षक भिंतीची जलदगतीने कामे पूर्ण करावे. वन क्षेत्र संरक्षित करावेत, प्रवेशद्वार सुरक्षा रक्षकाची नेमणूक करावी. टेकड्यांवरील झाडांच्या देखभालीसाठी टेकड्यावरील ठिकाणे निश्चित करुन उच्चक्षमतेचे सोलारयुक्त सीसीटीव्ही कॅमरे बसवावेत. अनुचित प्रकार टाळण्यासाठी परिसरात गस्त घालणाऱ्या सुरक्षारक्षकाची संख्या २ वरुन ८ करावी. त्यांना गस्त घालण्यासाठी लागणाऱ्या दुचाकी, सौर दिवे आदी बाबींकरीता लागणारा निधी उपलब्ध करुन देण्याचा येईल, असे पाटील म्हणाले. मोहिते यांनी टेकड्याच्या सुरक्षितेतच्यादृष्टीने करण्यात येणाऱ्या उपाययोजनांबाबत माहिती दिली. तसेच काही विषय महापालिकेशी संबंधित असल्याने महानगर पालिका आयुक्तांसोबत बैठक लावण्याची त्यांनी विनंती केली.

पुणे:ना. चंद्रकांतदादा पाटील यांच्या प्रयत्नांतून पुणे ते अयोध्या सायकल वारी सुरू असून, ‘मिशन रस्ते सुरक्षा’ उपक्रम अंतर्गत सायकलस्वार आणि स्थानिक नागरिक रस्ते सुरक्षा संबंधी जनजागृती करत आहेत. सायकल वारीत सहभागी झालेले सायकलस्वार नारायण पवार आणि सुयोग शहा हे विविध गावांमध्ये रस्ते सुरक्षा नियमांचा प्रचार करत आहेत.

वारीत विविध ठिकाणी नागरिकांनी सायकलस्वारांचे जल्लोषात स्वागत केले आहे. सायकलस्वारांनी रस्ते सुरक्षा नियमांचे फलक हातात घेऊन नागरिकांना मार्गदर्शन केले आहे. रस्ता सुरक्षित ठेवण्यासाठी, वाहन चालवताना खबरदारी घेण्याचे महत्त्व, हेल्मेट वापरणे, तसेच वाहने योग्य वेगात चालवणे यासंबंधी नागरिकांना सूचना दिल्या जात आहेत.

स्थानिक नागरिक, विशेषतः युवक आणि विद्यार्थी, या उपक्रमाला उत्स्फूर्त प्रतिसाद देत रस्ते सुरक्षा मोहिमेत सहभागी होऊन रस्ते सुरक्षेचे महत्त्व सांगत आहेत आणि नियम पाळण्याचा निर्धार करीत आहेत . ‘मिशन रस्ते सुरक्षा’ उपक्रमाने नागरिकांमध्ये जागरूकता निर्माण केली असून, या उपक्रमाला सतत पाठिंबा मिळत आहे.

सायकल वारी ज्या गावांमधून जात आहे, तेथे स्थानिक नागरिकांनी मोठ्या संख्येने उपस्थित राहून उपक्रमाचे स्वागत केले आहे. त्याचबरोबर, या उपक्रमामुळे रस्ता सुरक्षेबाबत जागरूकता वाढत असून, स्थानिकांनी रस्ते सुरक्षा नियमांचे पालन करण्याचे वचन दिले आहे.

या उपक्रमाच्या माध्यमातून रस्ता अपघात कमी होण्याच्या दिशेने एक महत्त्वपूर्ण पाऊल उचलले जात आहे. ‘मिशन रस्ते सुरक्षा’ उपक्रम आपल्या कार्यास आकार देत आहे, आणि भविष्यातही या प्रकारच्या उपक्रमांना पुढे चालवण्याचा निर्धार नारायण पवार आणि शहा यांनी व्यक्त केला आहे.

पीसीईटी, पीसीयू ‘ग्लोबल एंटरप्रेन्युअर्स कॉन्क्लेव्ह’ नवकल्पना व आर्थिक विकासाला चालना देणारा उपक्रम

पिंपरी, पुणे (दि. १३ जानेवारी २०२५) विकसित भारताचे ध्येय गाठण्यासाठी भारतीय अर्थव्यवस्थेला शेती व उद्योजकतेच्या माध्यमातून चालना देणे आवश्यक आहे. विकासाचे ध्येय साध्य करण्यासाठी उद्योग क्षेत्रात तरुणांबरोबरच महिलांचा सहभाग आवश्यक असल्याचे प्रतिपादन उच्च व तंत्र शिक्षण मंत्री चंद्रकांत पाटील यांनी केले.
पिंपरी चिंचवड एज्युकेशन ट्रस्ट (पीसीईटी) संचलित पिंपरी चिंचवड विद्यापीठ (पीसीयु), गर्जे मराठी ग्लोबल, महाराष्ट्र इकॉनॉमिक डेव्हलपमेंट कौन्सिल यांच्या संयुक्त विद्यमाने, बालेवाडी येथे ‘ग्लोबल एंटरप्रेन्युअर्स कॉन्क्लेव्ह २०२५’ मध्ये उद्घाटनाच्या द्वितीय सत्रामध्ये चंद्रकांत पाटील मार्गदर्शन करताना बोलत होते.
“विद्यापीठे आणि व्यावसायिक संस्थांमध्ये भागीदारीद्वारे उद्योजकता, संशोधन आणि नवकल्पनांना प्रोत्साहन देणे” या चर्चासत्रात सावित्रीबाई फुले पुणे विद्यापीठाचे कुलगुरू डॉ. सुरेश गोसावी, माजी मंत्री व पीसीयूचे कुलगुरू हर्षवर्धन पाटील, डॉ. अभय जेरे (उपाध्यक्ष, एआयसीटीई), डॉ. विनोद मोहितकर (संचालक, तंत्रशिक्षण, महाराष्ट्र शासन), डॉ. शैलेंद्र देवळणकर (संचालक, उच्च शिक्षण, महाराष्ट्र शासन), डॉ. समीर मित्रगोत्री (हार्वर्ड विद्यापीठ), डॉ. नील फिलीप (ब्रॉन्क्स कम्युनिटी कॉलेज, न्यूयॉर्क), डॉ. परनिता सेन आणि डॉ. मुकुंद कर्वे (रटगर्स विद्यापीठ, यूएसए) आदींनी सहभाग घेतला.
उद्योजक नरेंद्र लांडगे, अजिंक्य काळभोर, कार्यकारी संचालक डॉ. गिरीश देसाई, महाराष्ट्र आर्थिक विकास परिषदेचे उपाध्यक्ष सचिन इटकर, उपकुलगुरू डॉ. मणिमाला पुरी आणि प्र-कुलगुरू डॉ. सुदीप थेपडे आदी उपस्थित होते.
या ‘ग्लोबल एंटरप्रेन्युअर्स कॉन्क्लेव्ह’ मध्ये शंभर पेक्षा जास्त एनआरआय मराठी उद्योजक, वक्ते, संशोधक, शास्त्रज्ञ, १२० स्टार्टअपचे नवउद्योजक, गुंतवणूकदार अशा बाराशे पेक्षा जास्त व्यक्तींनी सहभाग घेतला होता.
पिंपरी चिंचवड एज्युकेशन ट्रस्टचे अध्यक्ष ज्ञानेश्वर लांडगे, उपाध्यक्षा पद्मा भोसले, सचिव विठ्ठल काळभोर, खजिनदार शांताराम गराडे, विश्वस्त तथा पीसीयुचे कुलपती हर्षवर्धन पाटील, उद्योजक नरेंद्र लांडगे, अजिंक्य काळभोर, कार्यकारी संचालक डॉ. गिरीश देसाई यांच्या मार्गदर्शनाखाली कार्यक्रमाचे आयोजन करण्यात आले होते.
चंद्रकांत पाटील म्हणाले की, आजच्या तरुणांना नवीन कौशल्ये शिकण्याची, उद्योजकता स्विकारण्याची आणि राष्ट्रीय विकासात योगदान देण्याची अधिक आवड आहे. यासाठी पिंपरी चिंचवड एज्युकेशन ट्रस्ट आणि पिंपरी चिंचवड विद्यापीठाने उत्कृष्ट व्यासपीठ उपलब्ध करून दिले आहे. त्याचा युवक युवतींनी आपले व्यवसाय सुरू करण्यासाठी उपयोग करून घ्यावा असेही चंद्रकांत पाटील म्हणाले.
उद्योजक होण्यासाठी आणि देशाच्या अर्थव्यवस्थेत अर्थपूर्ण योगदान देण्यासाठी युवकांनी आवश्यक कौशल्य आणि मानसिक दृष्ट्या सुसज्ज असले पाहिजे. यासाठी उच्च विचारसरणी आणि नवउपक्रमाचा ध्यास असणे आवश्यक आहे असे उच्च शिक्षण संचालक डॉ. शैलेंद्र देवळणकर यांनी सांगितले.
हार्वर्ड विद्यापीठाचे संशोधक डॉ. समीर मित्रगोत्री यांनी सांगितले की, आंतरराष्ट्रीय बाजारपेठांमध्ये आपल्या विद्यार्थ्यांना सक्षमपणे उभे राहण्यासाठी जागतिक स्तरावरील कौशल्य आत्मसात करावी लागतील. त्यासाठी विद्यार्थ्यांमध्ये जागतिक दृष्टिकोन निर्माण केला पाहिजे. जागतिक दर्जाचे शैक्षणिक, व्यावसायिक वातावरण निर्माण करून दिले पाहिजे. भारतीय शिक्षण प्रणाली यूएसए, युके अशा प्रगत राष्ट्रांबरोबर स्पर्धा करू शकते. त्यासाठी आपल्या अभियंत्यांनी नाविन्यपूर्ण कल्पना विकसित करून आंतरराष्ट्रीय मानके पूर्ण करीत स्पर्धेत उतरले पाहिजे, यासाठी शासनाने देखील प्रोत्साहन पर योजना राबवल्या तर आपण निश्चितच विकसित भारतचे स्वप्न पूर्ण करू असेही डॉ. मित्रगोत्री यांनी सांगितले.
तसेच विद्यापीठे आणि व्यावसायिक संस्थांमधील भागीदारीवर लक्ष केंद्रित करून उद्योजकता, संशोधन आणि नवोन्मेषाला चालना देण्यासाठी व्यावसायिक संस्थांमधील भागीदारीच्या महत्त्वावर या चर्चासत्रात भर देण्यात आला.

शाहीर हिंगे लोककला प्रबोधिनी, पुणे यांच्यावतीने राजमाता जिजाबाई जयंती  निमित्त कार्यक्रमाचे आयोजन                 पुणे ः धन्य धन्य मातोश्री जिजाई, अंबिका माई, झाली उतराई, हिंदूपदपातशहाची माई, हिंदुधर्माची झाली आई, त्रैलोक्यात दुसरी नाही… अशा शब्दांत राजमाता जिजाबाईंच्या शौर्याचे वर्णन करीत महिला शाहिरांनी पोवाड्याचे सादरीकरण केले. शाहीर हिंगे लोककला प्रबोधिनी च्या सेवाव्रती महिलांनी पारंपरिक वेशात ऐतिहासिक लालमहालात जिजाबाईंना अभिवादन केले. 
राजमाता जिजाबाई जयंती निमित्त शाहीर हिंगे लोककला प्रबोधिनी, पुणे च्यावतीने ऐतिहासिक लालमहाल येथे कार्यक्रमाचे आयोजन करण्यात आले. यावेळी व्याख्यात्या सायली गोडबोले, प्रबोधिनीच्या प्रा. संगीता मावळे उपस्थित होत्या. कार्यक्रम यशस्वी होण्यासाठी प्रबोधिनीचे अध्यक्ष आचार्य शाहीर हेमंतराजे मावळे, अरुणकुमार बाभुळगावकर, सिद्धार्थ नवरे, प्रशालेच्या शिक्षिका धनश्री ढावरे, सीमा डोईफोडे यांचे सहकार्य लाभले. कार्यक्रमात अहिल्यादेवी हायस्कूल फॉर गर्ल्स प्रशालेच्या विद्यार्थींनी सहभागी झाल्या होत्या. यावेळी स्वराली उन्हाळे आणि प्रबोधिनीच्या युवा सेवाव्रती यांनी राजमाता जिजाबाई यांच्या जीवनावरील पोवाड्याचे सादरीकरण केले.
सायली गोडबोले म्हणाल्या, आज एकविसाव्या शतकात छोट्या छोट्या गोष्टींवरून नैराश्य येण्याचे प्रमाण वाढले आहे. जिजाऊंचे जीवन चरित्र पाहिले तर लक्षात येईल की त्यांच्यासमोर क्षणाक्षणाला येणारी आव्हाने किती मोठी होती. जिद्द, जाणतेपणा, बाणेदारपणा आणि ईश्वराप्रती निष्ठा म्हणजे जिजाबाई. महिलांनी त्यांचे जीवनचरित्र समोर ठेवले तर कधी नैराश्यच येणार नाही, असे ही त्यांनी सांगितले.
संगीता मावळे म्हणाल्या, प्रबोधिनीच्या वतीने लालमहाल येथे दरवर्षी जिजामाता यांची जयंती साजरा केली जाते. यावेळी शाळेतील विद्यार्थीनींना येथे आणले जाते. जिजाऊंचे जीवन चरित्र त्यांच्या पराक्रमाच्या कथा मुलींना कळाव्यात व त्यातून त्यांना प्रेरणा मिळावी हा उद्देश ठेवून कार्यक्रमाचे आयोजन केले जाते, असेही त्यांनी सांगितले. डाॅ. मृणालिनी दुसाने यांनी सूत्रसंचालन केले. अक्षदा इनामदार यांनी आभार मानले. 

पुणे:- पुणे महानगरपालिका हद्दीमध्ये अनेक जागी अनधिकृतपणे नाल्यांवर अतिक्रमण, बांधकामे झाल्याच्या घटना आहेत त्यावर महानगरपालिकेने अनेकवेळा कारवाई केली आहे. पण कोथरूड परिसरात कर्वे रोडवरील मृत्युंजय मंदीराशेजारील चालू विकास आराखड्यातील तसेच प्रायमुव्ह संस्थेच्या अहवालात दिसणार्‍या नैसर्गिक नाल्यावर महानगरपालिकेच्या वतीनेच अनधिकृतपणे टेंडर काढून अतिक्रमण करण्यात येत आहे अशी तक्रार शिवसेना उद्धव बाळासाहेब ठाकरे पक्ष पुणे शहराच्या वतीने पुणे महानगरपालिका आयुक्त यांकडे करण्यात आली.तर सदर नाला बुजविण्याचे काम ज्या भागात चालू आहे तिथे समोरच पुण्याचे खासदार, केंद्रीय मंत्री मुरलीधर मोहोळ, माजी पालकमंत्री चंद्रकांत पाटील यांचे कार्यालय आहे त्यांनी सदर विषयाकडे दुर्लक्ष केले आहे का ? कोथरुडकरांच्या सुरक्षेचा विचार त्यांना नाही का असा सवाल शिवसेनेच्या वतीने करण्यात आला.पुणे पालिका प्रशासनाने तत्परतेने सदर अनधिकृत बांधकाम थांबवावे आणि नाल्याला मुक्त करावे तसेच पुण्यातील सर्व नाल्यांचा अभ्यास करून त्यांना अतिक्रमण मुक्त करावे. अन्यथा आम्ही पुण्यातील नागरिकांच्या सुरक्षेसाठी तसेच पर्यावरण रक्षणार्थ पुणे महानगरपालिका आयुक्त कार्यालयात आंदोलन करू असे आयुक्तांना सांगण्यात आले .
४० फुटाहून अधिक मोठा नाला बुजवून तो पाईपलाइन मधे टाकण्यात आला आहे, हे कोणासाठी आणि कश्यासाठी हे प्रशासनाने स्पष्ट करावे, प्रशासनावर सत्ताधाऱ्यांचा राजकीय दबाव आहे का ? की कोणा विकासकासाठी हा प्रकार चालू आहे ? हा प्रश्न पुणेकर म्हणून आम्हास पडला आहे , पुणे महपालिकेला पुन्हा आंबिल ओढा घटना कोथरूड मधे घडवायची आहे का ? कि ज्याप्रमाणे नदीपात्रालगत अतिक्रमण झाल्याने सिंहगड रस्त्यावरील अनेक सोसायट्यामधे पावसाच्या पाण्याचा शिरकाव झाल्याने पूरपरिस्थिती निर्माण झाली. अनेकांना अगदि पहिल्या मजल्यावरील राहती घर सोडून स्थलांतरीत व्हाव लागल. हिच परिस्थिती कोथरूडकरांवर ओढवून आणायची आहे का ? ओढे नाले बुजवल्याने आगामी पावसाळ्यात पाणी साचून पूराचा फटका कर्वेनगर कोथरूडकरांना नक्की बसणार यात शंका नाही असे प्रश्न शिवसेना उद्धव बाळासाहेब ठाकरे पक्षाच्या वतीने निवेदनात मांडण्यात आले .
यावेळी शिवसेनेच्या शिष्टमंडळाशी बोलताना आयुक्तांनी सदर विभागाशी निगडीत अधिकारी यांस तत्पर माहिती घेऊन कळविण्याचे निर्देश दिले.यावेळी शिष्टमंडळात शहरप्रमुख संजय मोरे, गजानन थरकुडे, उपशहर प्रमुख राजेश पळसकर, प्रसिद्धी प्रमुख अनंत घरत, युवासेना शहर अधिकारी राम थरकुडे, संघटक पराग थोरात, उपविभाग प्रमुख कोथरूड पुरुषोत्तम विटेकर, शैलेश जगताप, संजय साळवी, गणेश पोकळे आणि शिवसैनिक उपस्थित होते .

मुंबई-अलिकडच्या काही दिवसांपासून शिवसेना उद्धव बाळासाहेब ठाकरे पक्षाची भाजपसोबत जवळीक वाढली आहे. यावरून मिसेस मुख्यमंत्री अमृता फडणवीस यांनी भाष्य केले. नेत्यांमध्ये विचाराधारांबाबत मतभेद आहेत. त्यामुळे एकेकाळचा शत्रू हा मित्र होतो, मग परत शत्रू होते, अशी कितीतरी उदाहरणे असल्याचे अमृता फडणवीस म्हणाल्या. यावेळी त्यांनी शरद पवारांनी संघाच्या कामाबद्दल केलेल्या कौतुकावर प्रतिक्रिया दिली.

राज्यात सरकार स्थापन झाल्यापासून भाजप आणि ठाकरे गटाची जवळीक वाढत असल्याचे दिसून येत आहे. विधीमंडळाच्या अधिवेशनादरम्यान उद्धव ठाकरे यांनी मुख्यमंत्री देवेंद्र फडणवीस यांची भेट घेतली होती. तर आदित्य ठाकरे हे देखील आतापर्यंत तीन वेळा देवेंद्र फडणवीसांच्या भेटीसाठी गेले होते. शिवाय ठाकरे गटाच्या ‘सामना’मधून मुख्यमंत्री देवेंद्र फडणवीस यांचे कौतुक करण्यात आले. या सर्व घडामोडींवर प्रतिक्रिया देताना अमृता फडणवीसांनी सूचक विधान केले.

उद्धव ठाकरे यांची भूमिका बदलत आहे का? असा सवाल अमृता फडणवीस यांना विचारला असता, नेत्यांमध्ये असणारे मतभेद हे विचारधारांबाबत आहेत. त्यांच्या वैयक्तिक पातळीवर ते मतभेद नाहीत. वैचारिक मतभेद असल्याने राजकारणात एकेकाळचा शत्रू असणारा हा मित्र होतो, मग परत शत्रू होतो, परत मित्र होतो अशी कितीतरी उदाहरणे आहेत, अशी प्रतिक्रिया त्यांनी दिली.पुढे बोलताना अमृता फडणवीस म्हणाल्या की, देवेंद्र फडणवीस किंवा पंतप्रधान नरेंद्र मोदी हे सगळे प्रगतीचे राजकारण करतात, असे मला वाटते. जातीय राजकारण आपण आणतो, आपण ते करायला नको. लोकांच्या हातात ही बाब आहे, माध्यमांच्या हातात आहे.अमृता फडणवीस यांनी शरद पवार यांनी संघाच्या कामाच्या केलेल्या कौतुकावरही आपले मत मांडले. शरद पवार हे दिग्गज नेते आहेत. त्यांचे विश्लेषण खूप चांगले असते. आरएसएस बाबत ते जे बोलले ते चांगलेच विश्लेषण त्यांनी केले. त्याबद्दल मला त्याचा आनंद असल्याचे त्यांनी म्हटले.

पुणे : नागरिकांचे हित डोळ्यासमोर ठेवून व‍िकास कामांची आखणी करत पीएमआरडीएच्या गृह प्रकल्पातील अडचणी तातडीने दूर करण्याचे न‍िर्देश पुणे महानगर प्रदेश विकास प्राधिकरणाचे महानगर आयुक्त डॉ. योगेश म्हसे यांनी दिले. पीएमआरडीएअंतर्गत उभारण्यात येत असलेल्या गृहप्रकल्पांसह भूखंडाची पाहणी करत त्यांनी सदन‍िकाधारकांच्या अडचणी जाणून घेत त्यांच्याशी संवाद साधला.

पुणे महानगर प्रदेश विकास प्राधिकरणाअंतर्गत पेठ क्रमांक १२ येथे गृहप्रकल्प फेस १ आणि फेस २ उभारण्यात येत असून त्याचे काम प्रगतीपथावर आहे. या प्रकल्पांना महानगर आयुक्त डॉ. योगेश म्हसे यांनी भेट देत नुकतीच कामाची पाहणी केली. यादरम्यान पूर्वीच्या गृह प्रकल्पातील सदनिकाधारकांच्या अडचणी लक्षात घेत नव्याने उभारण्यात येत असलेल्या प्रकल्पात त्या राहणार नाही, याची काळजी घेण्याचे निर्देश त्यांनी संबंध‍ित अध‍िकारी यांच्यासह ठेकेदार यांना दिले. यादरम्यान पह‍िल्या प्रकल्पातील पेठ क्रमांक १२ येथील सदन‍िकांधारकांशी संवाद साधला. येथील सदन‍िकांधारकांच्या प्राप्त झालेल्या बहुतांश अडचणी यंत्रणेच्या माध्यमातून दूर करण्यात आल्या आहे.

नागरिकांच्या भेटी आयोजित करा
पीएमआरडीएअंतर्गत सध्या पेठ क्रमांक 12 येथे गृहप्रकल्प फेज १ आणि फेज २ यांचे काम सुरू आहे. या ठिकाणची कामे अपेक्षित गतीसह दर्जेदार होत असल्यामुळे नागरिकांना ते पाहता यावे, यासाठी त्यांच्या भेटी आयोजित करण्याचे निर्देश महानगर आयुक्त डॉ. योगेश म्हसे यांनी संबंधित यंत्रणेला दिले. यासाठी व‍िव‍िध भागातील नागरिकांना संबंध‍ित गृहप्रकल्प पाहता यावा, यासाठी आगामी काही द‍िवसात विशेष बसची सेवा उपलब्ध करून देण्यात येणार आहे. यासह नागर‍िकांच्या सूचनांची नोंद घेत आवश्यकतेनुसार बदल करण्याचे निर्देश महानगर आयुक्त यांनी दिले.

पुणे :  प्रत्येकाला उत्तम बोलता आले पाहिजे. निरीक्षण, स्मरण आणि लोकांशी उत्तम संपर्क हवा. तुमचे कार्यक्षेत्र बळकट करण्यासाठी माणसांना जोडा. स्वतःचा आत्मविश्वास बळकट करा. तुमची वेगळी छटा दाखवली तर कितीही मोठी व्यक्ती असली तरी ती तुम्हाला जवळ करते, असे मत प्रख्यात निवेदक सुधीर गाडगीळ यांनी व्यक्त केले.

वल्लरी प्रकाशनाच्यावतीने ‘महाराष्ट्राचे महावक्ते’ म्हणून लोकप्रिय असलेले प्रा. डॉ. सुनिल धनगर यांच्या जीवन संघर्षावर व्यंकटेश कल्याणकर लिखित ‘शब्दजादूगार सुनिल’ या पुस्तकाचे प्रकाशन आणि कृतज्ञता सोहळ्याचे आयोजन स.प. महाविद्यालयाच्या लेडी रमाबाई हॉलमध्ये करण्यात आले होते. यावेळी सुप्रसिद्ध निवेदक सुधीर गाडगीळ, सावित्रीबाई फुले पुणे विद्यापीठाचे प्र कुलगुरु प्रा.पराग काळकर, लेखिका दिग्दर्शिका प्रतिमा पंकज, वल्लरी प्रकाशनाचे व्यंकटेश कल्याणकर उपस्थित होते.

सुधीर गाडगीळ म्हणाले, उत्तम बोलण्यासाठी नियमित डायरी लिहायला हवी. उत्तम वक्ता होण्यासाठी उत्तमोत्तम वक्त्यांना ऐकायला पाहिजे.

प्रा. पराग काळकर म्हणाले, पुण्यात विविध ठिकाणाहून माणसे येतात आणि कायमचे पुणेकर होतात. परंतु जोपर्यंत तुम्ही तुमचे कर्तृत्व दाखवत नाही, तोपर्यंत पुणे तुम्हाला स्वीकारत नाही. या सगळ्या गोष्टींना थोडा वेळ लागतो, परंतु छोटे छोटे प्रयत्न करत राहणे आणि सातत्य ठेवणे गरजेचे आहे. तुमचे अस्तित्व दाखवून द्यावे लागते. आयुष्यात पुढे जाताना अनेक अडथळे येतात, परंतु जीवन प्रवाहित असणे आवश्यक आहे.
डॉ. सुनिल धनगर म्हणाले, ग्रामीण भागातून येऊनही आपल्या सर्वांच्या सदिच्छा आणि आशीर्वादांमुळे वॉचमनपासून सुरू झालेला माझा प्रवास आज माझ्यावरील पुस्तक प्रकाशनापर्यंत येऊन पोहोचला आहे. हा आयुष्यातील एक कृतार्थ ठेवा आहे. 

व्यंकटेश कल्याणकर म्हणाले,  सुनील धनगर यांचे आयुष्य प्रेरणादायी आहे. तरुणांनी आदर्श ठेवावा असे यश त्यांनी मिळवले आहे. त्यामुळे ‘शब्द जादूगार सुनिल’ हे पुस्तक प्रत्येकाने अवश्य वाचावे. आपले वाचन झाल्यानंतर हे पुस्तक जवळच्या वाचनालयास किंवा इतरांना वाचायला द्यावे.

हर्षल पाटील यांनी सूत्रसंचालन केले. किर्ती देसाई यांनी स्वागतगीत व पसायदान सादर केले. व्यंकटेश कल्याणकर यांनी प्रास्ताविक आणि आभार मानले.

पुणे : संगीत प्रचार व प्रसाराचे अविरत कार्य करणाऱ्या गोपाळ गायन समाज या संस्थेतर्फे युवा कलाकारांसाठी घेण्यात आलेल्या पळणीटकर आणि चिंतामणी स्मृती चषक शास्त्रीय गायन स्पर्धेत सागर देशमुख याने प्रथम क्रमांक पटकाविला. त्यास पळणीटकर चषक व 10 हजार रुपयांचे रोख पारितोषिक देण्यात आले.
स्पर्धेत 32 जणांचा सहभाग होता. स्पर्धा गोपाळ गायन समाज येथे झाली. द्वितीय क्रमांक वरद दलाल आणि सोजी जॉर्ज मॅथ्यू यांना विभागून देण्यात आला. त्यांना चिंतामणी चषक आणि पाच हजार रुपयांचे रोख पारितोषिक देण्यात आले. विशेष प्रस्तुतीसाठीचे पारितोषिक पियूषा भोसले हिला मिळाले. तिला पाच हजार रुपयांचे रोख पारितोषिक देण्यात आले.
स्पर्धेचे परीक्षण डॉ. राजश्री महाजनी आणि डॉ. वीणा धामणगावकर यांनी केले. स्पर्धकांना दीपेन दास, गजानन इगवे, उदय शहापूरकर, आकांक्षा केळकर यांनी साथसंगत केली. स्पर्धेचे पारितोषिक वितरण प्रसिद्ध गायक पं. विजय कोपरकर आणि पं. राजेंद्र कंदलगावकर यांच्या प्रमुख उपस्थितीत झाले. संस्थेच्या विश्वस्त डॉ. अरुणा चाफेकर उपस्थित होत्या.
स्पर्धकांशी संवाद साधताना पंडित विजय कोपरकर म्हणाले, तानपुऱ्याची साथ कधी सोडू नका. तपश्चर्या आणि मेहनतीशिवाय गाणे खुलत नाही. संगीत हा सुरांचा महासागर आहे. आपल्या गळ्याची क्षमता काय आहे हे जाणून घेऊन गायले पाहिजे.
पंडित राजेंद्र कंदलगावकर म्हणाले, संगीताची साधना करताना गाणे ऐकणेही खूप महत्त्वाचे आहे. गायन क्षेत्रात चिंतन-मननही आवश्यक असते. गायनाची सौंदर्यपूर्ण मांडणी करणे व सतत बदल घडवत राहणे आवश्यक असते.
प्रसिद्ध हार्मोनियम वादक उपेंद्र सहस्रबुद्धे यांना डॉक्टरेट मिळवल्याबद्दल त्यांचा सत्कार गोपाळ गायन समाजाचे विश्वस्त, गायक डॉ. विकास कशाळकर, डॉ. अरुणा चाफेकर यांच्या हस्ते करण्यात आला.

 पुणे : एम्प्रेस बोटॅनिकल गार्डन तर्फे रविवार 12 जानेवारी 2025 रोजी एम्प्रेस बोटॅनिकल गार्डन येथे मुलांसाठी चित्रकला आणि हस्ताक्षर स्पर्धा आयोजित करण्यात आली होती. या स्पर्धेत सुमारे 9000 ते 1000 मुलांनी सहभाग घेत  चित्रकला आणि हस्ताक्षर स्पर्धेचा आनंद लुटला .

एम्प्रेस बोटॅनिकल गार्डन तर्फे दर वर्षी प्रमाणे यंदा हि चित्रकला आणि हस्ताक्षर स्पर्धा स्पर्धेचे आयोजन केले गेले असून या स्पर्धेत प्रवेश निशुल्क होते. 5-10 वर्षे मधील गटातील स्पर्धकांसाठी फ्लॉवर पॉट , घड्याळ, माझा आवडता प्राणी , तर 11-15 वर्षे गटातील स्पर्धकांसाठी  डिफरेन्ट professions, sunrise  /सनसेट , कलासरूम   हा विषय देण्यात आला होता. पुणे शहरातील  विविध भागातील ११ शाळेतील सुमारे 900 ते 1000 विद्यार्थ्यांनी स्पर्धेत सहभाग घेतला होता. सुरेश पिंगळे (मानद सचिव, एम्प्रेस बोटॅनिकल गार्डन), अनुपमा बर्वे (मानद सहसचिव) यशवंत खैरे उपस्थित होते, या स्पर्धेतील विजेत्यांना पुष्प प्रदर्शनाच्या समारोपाच्या म्हणजेच 27 जाने. 2025 रोजी बक्षिस वितरण करण्यात येणार आहे, अशी माहिती सुरेश पिंगळे यांनी दिली.