पुणे-स्वारगेट एसटी स्थानकातील तरुणीवरील बलात्कार प्रकरणात अटक करण्यात आलेला आरोपी दत्तात्रय गाडे याने प्रेमविवाह करून सुखाने संसार सुरू केला होता. त्याला सात वर्षांचा मुलगादेखील आहे. मात्र, आरोपीची गुन्हेगारी पार्श्वभूमी असल्याने तो कामधंदा करत नव्हता. त्यामुळे पत्नीशी व कुटुंबीयांशीही त्याचे सातत्याने वाद सुरू होते. त्याचा भाऊ शेती करतो. मात्र, आरोपी शेतीकडेही लक्ष न देता विविध ठिकाणी फिरत होता. गेल्या काही महिन्यांपासून तो समलैंगिक संबंध ठेवत होता. यातून त्याला काही प्रमाणात आर्थिक उत्पन्न मिळत असल्याची धक्कादायक बाब पोलिस तपासात समोर आली आहे.घटनेच्या दिवशी दुपारी दोन ते अडीच वाजेच्या सुमारास स्वारगेट पोलिसांचे एक पथक थेट त्याच्या घरी चौकशीस आल्यानंतर त्यांनी आरोपीसारखे साधर्म्य असलेल्या भावाला उचलून तपास सुरू केला. ही माहिती आरोपीलादेखील समजली. कधीही न बोलणाऱ्या चुलत भावाचा त्याला फोन आला. या वेळी त्याने घरी आई पडल्याचे सांगितल्याने आरोपीला संशय आला व त्याने त्याचा फोनच बंद करून पलायन केले. याचदरम्यान गुन्हे शाखेचे पथक व स्वारगेट पोलिसांनी आरोपीच्या गावाच्या परिसरातील शेताकडे तो गेल्याची माहिती मिळाल्याने शोध सुरू केला. पोलिसांची १६ ते १७ पथके, ग्रामस्थ, पोलिस पाटील, गावातील तरुणांच्या मदतीने शोधमोहीम हाती घेण्यात आली. त्याचसोबत जवळपासच्या पाच ते सहा गावांतील ग्रामस्थांनाही बोलावून पोलिसांनी साडेतीन हजार लोकांची बैठक घेत त्यांना शोधमोहिमेस सहकार्य करण्याचे आवाहन केले

श्रीगोंदा, दौंड, स्वारगेट, अहिल्यानगर भागात तो बसस्थानक, रेल्वेस्थानक येथेदेखील यापूर्वी फिरल्याचे स्पष्ट झाल्याने संबंधित ठिकाणी पोलिसांनी शोधमोहीम सुरू केली होती. त्याचे मित्र, नातेवाइकांची मुक्काम ठिकाणेदेखील पोलिसांनी शोधून काढली होती.आरोपी सापडत नसल्याने पोलिसांनी त्याच्या मोबाइलचे तांत्रिक विश्लेषण करत वर्षभरात तो नेमका कुठे कुठे फिरलेला आहे, त्याने कुणाला अधिक प्रमाणात संपर्क केला, त्याचे मित्र-मैत्रिणी कोण आहेत, त्याची स्वभाववैशिष्ट्ये काय आहेत, यावरून त्याचा सविस्तर अहवाल तयार केला होता. पंढरपूर, उज्जैन, शिर्डी, शनिशिंगणापूर आदी ठिकाणी तो मागील काही काळात गेल्याचे दिसून आल्याने पोलिसांनी या ठिकाणी पोलिस पथके पाठवण्याची तयारी केली होती.

गुनाट गावाच्या परिसरातील १०० ते १५० एकर परिसरात घनदाट ऊस क्षेत्र असल्याने पोलिसांना तपासकामात अडचणी येत होत्या. याचा फायदा घेऊन आरोपी सुरुवातीला उसाच्या शेतात मळकट कपडे, अनवाणी पायाने आतल्या भागात फिरत राहिल्याने पोलिसांना तो सापडला नाही. या कालावधीत तो शेतातील ऊस व टोमॅटो खाऊन राहत होता. परंतु पाणी व भूक अधिक लागल्याने तो शेतातून बाहेर पडल्यावर सुरुवातीला दोन ग्रामस्थांना दिसला.

पुणे. लोकमान्य नगर.. द हिंदू फाउंडेशन आणि माजी नगरसेवक धनंजय विष्णू जाधव मित्र परिवाराच्या वतीने पुणे जिल्हा हौशी शरीर सौष्ठव संघटना आणि पुणे डिस्ट्रिक्ट बॉडी बिल्डिंग असोसिएशनच्या सहकार्याने लोकमान्य नगर. सदाशिव पेठ येथे झालेल्या जिल्हास्तरीय शरीर सौष्ठव स्पर्धेत बॉडी बिल्डिंग जिमचा कमलेश आचरा हा मानाच्या “पुणे श्री २०२५ चा मानकरी ठरला.
वुमेन्स फिजिक श्री २०२५.”ची मानकरी माय टी फिटनेस जिमची यशोदा भोर ठरली. तर “आमदार हेमंतभाऊ रासने श्री २०२५” चा किताब ए बी एस जिमचा आकाश दडमल” याने पटकावला.
देशात एका जिल्हास्तरीय स्पर्धेत पाच टायटल देणारी, स्पर्धेत पाच लाख रुपयांची पारितोषिके देणारी, सर्वात जास्त स्पर्धक सहभागी असणारी देशातील हि एकमेव शरीर सौष्ठव स्पर्धा संपन्न झाली.
पुणे श्री २०२५ चा मानकरी ठरलेल्या कमलेश आचरा यास मानाची आकर्षक ट्रॉफी, रोख रक्कम २५५५५/- (पंचवीस हजार पाचशे पंचावन्न रुपये ) चा धनादेश, मानाचा बेल्ट आणि प्रमाणपत्र.
“ना. चंद्रकांतदादा पाटील द हिंदू श्री २०२५ चा मानकरी जी एस फिटनेस जिमचा विशाल सुरवसे” यास आकर्षक ट्रॉफी, रोख रक्कम १११११/- (अकरा हजार एकशे अकरा रुपये ) चा धनादेश, मानाचा बेल्ट आणि प्रमाणपत्र.
ना. मुरलीधर मोहोळ मेन्स फिजिक्स श्री २०२५ रोहन गोगावले ” यास आकर्षक ट्रॉफी, रोख रक्कम १११११/- (अकरा हजार एकशे अकरा रुपये ) चा धनादेश, मानाचा बेल्ट आणि प्रमाणपत्र.
“ना. माधुरीताई मिसाळ वुमेन्स फिजिक श्री २०२५.
ची मानकरी ठरलेल्या यशोदा भोर हिस आकर्षक ट्रॉफी, रोख रक्कम १११११/- (अकरा हजार एकशे अकरा रुपये ) चा धनादेश, मानाचा बेल्ट आणि प्रमाणपत्र. आणि “आमदार हेमंतभाऊ रासने श्री २०२५ चा मानकरी ठरलेल्या ए बी एस जिमचा आकाश दडमल” यास आकर्षक ट्रॉफी, रोख रक्कम १११११/- (अकरा हजार एकशे अकरा) रुपयाचा धनादेश, मानाचा बेल्ट आणि प्रमाणपत्र आमदार हेमंत रासने यांच्या हस्ते देउन गौरवण्यात आले.
स्पर्धेत एकूण पाच लाख रुपयाची वेगवेगळी बक्षीसे धनादेशा द्वारे देण्यात आली.
बॉडी बिल्डरचे ५५ किलो ते ८० किलो वरील असे सात गट. मेन्स फिजिक चे दोन गट आणि वूमेन्स फिजिक चा एक अशा १० गटात अनुक्रमे १ ते १० क्रमांक विजेत्यातील प्रथम क्रमांक विजेत्यास ५५५५/- (पाच हजार पाचशे पंचावन्न रुपये ) पासून ते दहाव्या क्रमांक विजेत्यास १३३३/-
( एक हजार तीनशे तेहतीस ) रुपयाचा धनादेश, अप्पर ट्रॅक, टीशर्ट
प्रोटीन आणि प्रमाणपत्र देण्यात आले.

         "बेस्ट पोझर" ठरलेल्या ऋषिकेश भोसले आणि मोस्ट इंप्रूव्हड चा मानकरी ठरलेल्या वर्ल्ड ऑफ फिटनेस जिमचा निलेश धोंडे या दोघा पारितोषिक विजेत्यास ५५५५/- (पाच हजार पाचशे पंचावन्न रुपये ) चा धनादेश, आकर्षक ट्रॉफी देउन गौरवण्यात आले. 
          स्पर्धेत सहभागी झालेल्या १९० शरीर सौष्ठव पटूस टी शर्ट आणि प्रमाणपत्र देण्यात आली. 
     स्पर्धेतील प्रमुख बक्षीस वितरण कसबा मतदार संघाचे आमदार हेमंत रासने यांच्या हस्ते झाले. तसेच माजीनगरसेवक राजेश येनपुरे, दिपक पोटे, दिलीप काळोखे,  स्मिता वस्ते,   भाजप पदाधिकारी गणेश घोष, पुणे बार असोसिएशन चे अध्यक्ष झंजाड, प्रमोद कोंढरे, भाजपा कसबा मंडल अध्यक्ष राजेंद्र काकडे. उमेश शाह, उदय लेले, शैलेश लडकत, विशाल पवार, माधव साळुंके, संजय गावडे, महेंद्र चव्हाण, सुरज लोखंडे, राजेश धोत्रे, प्रशांत हरसुले, राजाभाऊ देशमुख, पृथ्वीराज भिंताडे, जयंत देशपांडे, श्रेयस रासने, सचिन जामगे, डॉ पराग नवलकर, बंडोपंत फडके, रामा एरंडे आणि विविध क्षेत्रातील पदाधिकारी यांच्या हस्ते पारितोषिके वितरण करण्यात आली. 
      स्पर्धेचे आयोजन मा. नगरसेवक धनंजय विष्णू जाधव यांनी केले होते. 

स्पर्धेत सूत्रसंचालन राजेंद्र नांगरे आणि शंतनू खिलारे यांनी केले.
मुस्तफा पटेल, प्रशांत जगताप. नवनाथ शिंदे. सागर येवले. दिलीप धुमाळ यांनी पंच म्हणून काम पाहिले.
आभार प्रदर्शन रवींद्र कांबळे यांनी केले.

पुणे : लायन्स क्लब ऑफ पुणे सहकारनगर व देसाई ब्रदर्स गु्रप ऑफ कंपनीज्‌‍ यांच्या संयुक्त विद्यमाने आज (दि. 28) अपंग आणि मूकबधीर विद्यार्थ्यांसाठी जलतरण स्पर्धेचे आयोजन करण्यात आले होते. राजभवना जवळील बालकल्याण संस्थेत या स्पर्धा घेण्यात आल्या.
स्पर्धेचे उद्घाटन लायन्स क्लब इंटरनॅशनल प्रांत 3234 डी-2 चे उपप्रांतपाल-1 राजेश अग्रवाल, माजी प्रांतपाल सी. डी. शेठ, लायन्स क्लब ऑफ पुणे सहकारनगरच्या अध्यक्षा श्रद्धा हाटे, ॲक्टिव्हिटी चेअरमन सतीश शहा, ॲक्टिव्हिटी को-ऑर्डिनेटर दीपक दोशी, सचिव मिलिंद तलाठी, कोषाध्यक्ष संयोगिता शहा, देसाई ब्रदर्स गु्रप ऑफ कंपनीज्‌‍चे संचालक उमेश पारेख, बालकल्याण संस्थेच्या प्रमुख अपर्णा पानसे यांच्या प्रमुख उपस्थितीत झाले. गेल्या 29 वर्षांपासून स्पर्धांचे आयोजन करण्यात येत आहे. स्पर्धेत महाराष्ट्राच्या अनेक शहरांमधून आणि ग्रामीण भागातून एकूण 150 स्पर्धक सहभागी झाले होते.
राजेश अग्रवाल यांनी स्पर्धेच्या आयोजनाबद्दल आनंद व्यक्त करून लायन्स क्लबच्या उपक्रमांची माहिती दिली.
प्रास्ताविकपर स्वागत लायन्स क्लब ऑफ पुणे सहकारनगरच्या अध्यक्षा श्रद्धा हाटे यांनी केले. स्पर्धेस देसाई ब्रदर्सचे चेअरमन नितीन देसाई यांचे सहकार्य लाभत असल्याचे त्यांनी सांगितले. स्पर्धेच्या यशस्वीतेसाठी रमेश विपट, अभिजीत तांबे, भूपेंद्र आचरेकर, शशांक कुलकर्णी यांचे सहकार्य लाभले. प्रकाश नारके आणि सुजाता दोशी यांनी सूत्रसंचालन केले. मिलिंद तलाठी यांनी आभार मानले.

स्पर्धेचा सविस्तर निकाल

16 वर्षाखालील मुले (ऑटिझम) – प्रथम : आदिराज उल्हे, द्वितीय : रुद्र पुराणिक, तृतीय : रुद्र चव्हाण
16 वर्षाखालील मुली (ऑटिझम) – प्रथम : आदिती गाडे, द्वितीय : नव्या शार्दुल
16 वर्षावरील मुले (मतिमंद) – प्रथम : आर्य दिवाण, द्वितीय : दर्शन खंडागळे, तृतीय : राहुल केदार
16 वर्षावरील मुली (मतिमंद) – प्रथम : साक्षी सुतार
16 वर्षाखालील मुली (मतिमंद) – प्रथम : वैदेही भाटवडेकर
16 वर्षाखालील मुली (अंध) – प्रथम : देवदास पारधी, द्वितीय : देवा शुक्रे, तृतीय : बाबासाहेब वाघमारे
16 वर्षाखालील मुले (कर्णबधीर) – प्रथम : राज गायकवाड, द्वितीय रुणीत शिगवण, तृतीय : जितू चौधरी
16 वर्षाखालील मुली (कर्णबधीर) – प्रथम : श्रुती जगदाळे, द्वितीय : संध्या सूर्यवंशी, तृतीय : आराध्या सूर्यवंशी
16 वर्षावरील मुले (कर्णबधीर) – प्रथम : संकेत तुळे, द्वितीय : रवी कुमार, तृतीय : श्रेयस खोडले
16 वर्षावरील मुली (कर्णबधीर) – प्रथम : गायत्री जगदाळे

पुणे, दि. २८ : पुणे शहर, पिंपरी-चिंचवड आणि पुणे ग्रामीण भागात दिवसेंदिवस गुन्हेगारी वाढत असून, त्यामुळे नागरिकांमध्ये भीतीचे वातावरण निर्माण झाले आहे. वाढत्या गुन्हेगारीमुळे पोलीस प्रशासनाविषयी नाराजी आणि असंतोष दिसून येत आहे. घरफोडी, लुटमार, मद्यधुंद अवस्थेत वाहन चालवणे, महिलांविरोधातील अत्याचार आणि किशोरवयीन गुन्हेगारीच्या घटनांमध्ये मोठ्या प्रमाणात वाढ झाली आहे. या परिस्थितीवर नियंत्रण मिळवण्यासाठी पोलीस आणि नागरिक यांच्यातील संवाद वाढवणे गरजेचे आहे, असे विधानपरिषदेच्या उपसभापती डाॅ. नीलम गोऱ्हे यांनी स्पष्ट केले आहे.

या पार्श्वभूमीवर त्यांनी पुणे शहर पोलीस आयुक्त श्री अमितेश कुमार , पिंपरी-चिंचवड पोलिस आयुक्त श्री विनय चोबे आणि पुणे ग्रामीण पोलीस अधिक्षक श्री पंकज देशमुख यांना पत्राद्वारे निर्देश दिले असून, नागरिकांच्या मदतीने प्रभावी उपाययोजना राबवण्याचे आदेश दिले आहेत. पोलिसांनी स्थानिक नागरिक, सामाजिक संघटना आणि स्वयंसेवी संस्थांसोबत अधिक समन्वय साधून कार्य करावे, तसेच गुन्हेगारी रोखण्यासाठी आधुनिक तंत्रज्ञानाचा प्रभावी वापर करावा, असेही त्यांनी सूचित केले आहे.

पोलीस ठाण्यांमध्ये नागरिकांसोबत नियमित बैठका घेऊन त्यांचे प्रश्न आणि सूचना ऐकाव्यात, स्थानिक दक्षता समित्यांना अधिक सक्रिय करून स्थानिकांचा पोलिसांच्या कामकाजात सहभाग वाढवावा तसेच शाळा, महाविद्यालये आणि समाजसेवी संस्थांच्या सहकार्याने कायदा-सुव्यवस्था आणि सुरक्षाविषयक जनजागृती शिबिरे आयोजित करावीत, युवकांसाठी प्रशिक्षण कार्यक्रम राबवून त्यांना पोलीस मित्र, होमगार्ड आणि सुरक्षा रक्षक म्हणून कार्य करण्यासाठी प्रेरित करावे.

नागरिकांनी पोलिसांशी थेट संवाद साधता यावा यासाठी डिजिटल प्लॅटफॉर्म, हेल्पलाईन आणि मोबाइल अॅप्सचा अधिक चांगला वापर करण्याची गरज असल्याचेही डाॅ. गोऱ्हे यांनी सांगितले. गुन्हेगारी रोखण्यासाठी ‘वॉच डॉग’ प्रणाली सुरू करून नागरिकांना संशयास्पद हालचालींबाबत पोलिसांना माहिती देण्यासाठी प्रोत्साहित करावे. तसेच, महिला आणि वृद्धांसाठी विशेष सुरक्षा उपाययोजना राबवण्याची गरज असल्याचे त्यांनी नमूद केले.

सीसीटीव्ही नेटवर्क वाढवून सार्वजनिक ठिकाणी अधिक कॅमेरे बसवावेत, रात्रीच्या वेळी पोलीस गस्त वाढवावी आणि नागरिकांच्या तक्रारींचे तातडीने निराकरण करण्यासाठी पारदर्शक प्रणाली विकसित करावी, असेही त्यांनी सुचवले आहे. नागरिकांनी पोलिसांना सहकार्य करावे आणि संशयास्पद व्यक्तींबद्दल माहिती देण्यासाठी पुढे यावे, यासाठी प्रोत्साहनपर योजना राबवावी, अशी सूचनाही डाॅ. नीलम गोऱ्हे यांनी केली.

पोलीस प्रशासनाने तातडीने या उपाययोजना राबवून नागरिकांमध्ये विश्वासार्हता निर्माण करावी आणि गुन्हेगारी रोखण्यासाठी लोकसहभाग वाढवावा, असे आदेश डाॅ. नीलम गोऱ्हे यांनी पोलीस अधिकाऱ्यांना दिले आहेत. “सुरक्षित आणि अपराधमुक्त समाज निर्माण करण्यासाठी पोलीस आणि नागरिकांनी एकत्रितपणे प्रयत्न करणे गरजेचे आहे,” असेही त्यांनी स्पष्ट केले.

• उपाध्यक्षपदी सीए प्रणव आपटे, सचिवपदी सीए निलेश येवलेकर, खजिनदारपदी सीए नेहा फडके, विकासा-अध्यक्षपदी सीए प्रज्ञा बंब

पुणे : दी इन्स्टिट्यूट ऑफ चार्टर्ड अकाउंटंट्स ऑफ इंडिया (आयसीएआय) पुणे शाखेच्या अध्यक्षपदी सीए सचिन मिणियार यांची निवड झाली. उपाध्यक्षपदी सीए प्रणव आपटे, सचिवपदी सीए निलेश येवलेकर, खजिनदारपदी सीए नेहा फडके यांची, तर ‘विकासा’ या विद्यार्थी शाखेच्या अध्यक्षपदी सीए प्रज्ञा बंब यांची निवड झाली आहे. २०२५-२०२६ या वर्षासाठी नवीन कार्यकारी मंडळाची निवड जाहीर करण्यात आली. नवनिर्वाचित अध्यक्ष सीए सचिन मिणियार यांनी मावळत्या अध्यक्षा सीए अमृता कुलकर्णी यांच्याकडून पदभार स्वीकारला. कार्यकारिणी सदस्य म्हणून सीए हृषीकेश बडवे, सीए सारिका दिंडोकर, सीए प्रितेश मुनोत, सीए नंदकुमार कदम काम पाहतील.

यावेळी ‘आयसीएआय’च्या केंद्रीय समितीचे सदस्य सीए चंद्रशेखर चितळे, विभागीय समिती सदस्य सीए राजेश अग्रवाल, सीए रेखा धामणकर व सीए अभिषक धामणे, माजी अध्यक्ष सीए काशिनाथ पाठारे, सीए मोशमी शहा, सीए अजिंक्य रणदिवे आदी उपस्थित होते. आयसीएआय पुणे शाखेच्या वतीने तसेच वरिष्ठ पदाधिकाऱ्यांनी नवनिर्वाचित कार्यकारिणीचे अभिनंदन केले. सीए अमृता कुलकर्णी यांनी गेल्या वर्षभरात केलेल्या कामांविषयी तसेच राबविलेल्या योजनांविषयी माहिती दिली. विभागीय स्तरावर आयसीएआय पुणे शाखेला प्रथम, तर ‘विकासा’ विद्यार्थी शाखेला द्वितीय क्रमांकाचे पारितोषिक मिळाल्याची माहिती त्यांनी दिली. तसेच सर्व सहकारी व कर्मचारी यांच्याप्रती कृतज्ञता व्यक्त केली.

सीए सचिन मिणियार म्हणाले, “मला अध्यक्षपदी काम करण्याची संधी दिल्याबद्दल सर्व सीए सदस्यांचे आभार मानतो. तंत्रज्ञान प्रशिक्षण, शाश्वत व पर्यावरणपूरक गोष्टींचा वापर आणि पायाभूत सुविधांचा विस्तार या तीन गोष्टी प्रामुख्याने केंद्रस्थानी ठेवून पुढील वर्षभर काम करणार आहे. सीए सदस्य व विद्यार्थ्यांसाठी उपयुक्त असे उपक्रम वर्षभर राबवणार आहे. आज पुणे शाखेचे ११,००० पेक्षा अधिक सभासद आहेत. तर २५००० पेक्षा जास्त विद्यार्थी पुणे शाखेशी संलग्नित आहेत. त्यामुळे त्यांना चांगल्या सोयी-सुविधा देण्यासाठी प्रयत्नशील राहणार आहे, असेही त्यांनी नमूद केले.

पुणे-मोटारसायकल ला सायलेन्सर फटका लाऊन मोठ्या आवाजाने बुलेट किंवा अन्य मोटार सायकली पळविणाऱ्या चमकू शायनर्स न पकडून त्यांच्यावर कारवाईची धडाका कोंढवा पोलिसांनी सुरु केला आहे.

दि.०१/०३/२०२५ रोजी पासून सुरू होणा-या रमजान महिन्याच्या अनुषंगाने कोढवा पोलीसां कडून कोढवा परिसरात दि.२८/०२/२०२५ रोजी बुलेट दुचाकी गाडीचा सायलेन्सर मॉडीफाईड करून फटाका वाजवून आजुबाजुच्या परिसरात राहणा-या जेष्ठ नागरीकांना, आजारी नागरीकांना तसेच १० वी १२ वी च्या विद्यार्थाना त्रास देणा-या वाहनचालकांच्या विरोधात विशेष मोहिम हाती घेण्यात आली होती. सदर मोहिमेदरम्यान कोंढवा पोलीसांनी अशा प्रकारच्या एकुण २० बुलेट दुचाकी गाड्यांवर कारवाई करून सदर गाड्यांचे मॉडीफाईड सायलेन्सर काढून ते पुणे मनपाच्या रोड रोलरच्या सहाय्याने नष्ट करण्यात आलेले आहेत.
सदरची विशेष मोहिम हि पोलीस उप-आयुक्त परिमंडळ ५, पुणे डॉ. राजकुमार शिंदे, सहा. पोलीस आयुक्त वानवडी विभाग, पुणे धन्यकुमार गोडसे, कोंढवा पोलीस स्टेशनचे वरिष्ठ पोलीस निरीक्षक विनय पाटणकर, पोलीस निरीक्षक (गुन्हे) राऊफ शेख, यांच्या मार्गदर्शनाखाली कोढवा पोलीस स्टेशन येथील अधिकारी व अंमलदार यांनी केली.

पुणे-
स्वारगेट बलात्कार प्रकरणात आरोपी दत्तात्रय गाडे याला १२ मार्च पर्यंत पोलीस कोठडी ठोठावण्यात आली आहे. प्रथम वर्ग न्यायदंडाधिकारी टी. एस. गायगोले यांनी हे आदेश दिले.

स्वारगेट बसस्थानकात एका २६ वर्षीय तरुणीवर लैंगिक अत्याचार झाल्याची घटना समोर आली होती. या प्रकरणातील आरोपी दत्तात्रय गाडे याला पोलिसांनी मध्यरात्री अटक केली. गेल्या चार दिवसांपासून आरोपी गाडे याचा पोलीस शोध घेत होते. स्वारगेट पोलिसांच्या तपास पथकाने ही कारवाई केली असून त्याला आज (दि. 28 ) त्याला न्यायालयात हजर केले असता न्यालयाने आरोपी दत्ता गाडेने याला 12 दिवस पोलीस कोठडी सुनावली आहे.

मिळालेल्या माहितीनुसार, आरोपी दत्ता गाडेने यांनी पोलिस कोठडीत टाहो फोडला आहे. माझे चुकले, मी पापी आहे, असे म्हणत तो रडत असल्याचे पुढे आले आहे. तसेच मी तरुणीवर अत्याचार केला नाही. असा दावाही आरोपीने यावेळी केला असल्याचे सांगण्यात आले आहे.

पुणे-दरवर्षी 1 मार्च रोजी श्री रसिकलाल धारीवाल यांच्या जन्मदिनानिमित्त “रक्तदान सोहळा” आयोजित केला जातो या आधीही त्यांच्या जन्मदिनानिमित्त पुण्यामध्ये विविध रक्तदान केंद्रांवर एकाच दिवशी २४,000 ब्लड बॅग्स संकलन करण्याचा विक्रम आर एम डी फाउंडेशनने केलेला आहे, हि परंपरा आजही नियमितपणे पाळल्या जाते.

तसेच आर एम डी फाउंडेशन द्वारा मागील 30 वर्षांपासून वृक्षारोपण, वृक्षसंवर्धन कार्यक्रम निरंतर चालू आहे श्री रसिकलाल धारीवाल साहेब यांच्या ७५ व्या वाढदिवसानिमित्त “एक लाख झाडं लावण्याची योजना” असेल किंवा “पुलकछाया योजने” अंतर्गत भारतभर वृक्ष लागवड असेल किंवा “एक झाड आईच्या नावाने” योजना असेल तेव्हा आर एम डी फाउंडेशन द्वारा शेकडो वृक्ष लागवड व संवर्धन कार्यक्रम राबविण्यात आलेले आहे आज काळाच्या बदलत्या गरजेनुसार फाउंडेशनने “ट्री ट्रान्सप्लांटेशन योजना” राबविण्यात सुरुवात केलेली असून पुणे रिंग रोड प्रकल्पात शेकडो वृक्षांना कापण्यापासून वाचवून उपलब्ध जागेत स्थानांतर करून अनेक वृक्षांचे प्राण वाचविण्याचे काम सुरु झालेले आहे.

आजच्या प्रसंगी ” वृक्ष लागवड आणि रक्तदान वाचवी मानवाचे प्राण” अशी भावना शोभाताई रसिकलाल धारिवाल यांनी व्यक्त केली.

दिनांक १ मार्च २०२५ शनिवार रोजी श्री रसिकलाल साहेबांच्या जन्मदिनानिमित्त जास्तीत जास्त पुणेकरांनी आर एम डी बंगला नंबर ६४, लेन नंबर ३ कोरेगाव पार्क-पुणे येथे उपस्थित राहून रक्तदान करावे असे आवाहनही त्यांनी यावेळी केले. अधिक माहितीसाठी ७३५३३५४४४४ या क्रमांकावर संपर्क साधावा.

पुणे-परिमंडळ ५ चे पोलीस उपायुक्त डॉ. राजकुमार शिंदे (DCP Dr Rajkumar Shinde) यांनी एकाच दिवशी ५ सराईत गुंडांना पुणे शहर, पिंपरी चिंचवड आणि पुणे जिल्ह्यातून २ वर्षांसाठी तडीपार केले आहे. आणखी १०० हून अधिक गुंड रडारवर असल्याचे सांगण्यात आले.किशोर अमर सोळंकी Kishore Amar Solanki (वय २१, रा. बिराजदारनगर, वैदुवाडी, हडपसर) याच्यावर जबरी चोरी, गंभीर दुखापत, बेकादेशीर शस्त्र बाळगणे, विनयभंग यासारखे ४ गंभीर गुन्हे दाखल आहेत.

अक्षय अनिल पवार Akshay Anil Pawar (वय २७, रा. वेताळबाबा वसाहत, हडपसर) याच्यावर दुखापत, जबरी चोरी यासारखे ३ गुन्हे दाखल आहेत.कादीर ऊर्फ काजु आरीफ अन्सारी Qadeer alias Kaju Arif Ansari (वय २१, रा. भाग्योदयनगर, कोंढवा खुर्द) याच्याविरुद्ध खुनाचा प्रयत्न, दुखापत, जबरी चोरी, चोरी, बेकादेशीर शस्त्र बाळगणे यासारखे ७ गुन्हे दाखल आहेत.साहील रफीक कलादगी Sahil Rafiq Kaladgi (वय २१, रा. राजीव गांधीनगर, अप्पर बिबवेवाडी) याच्या विरुद्ध खासगी मालमत्तेचे नुकसान करणे, मारहाण, धमकावणे, दहशत निर्माण करणे, बेकायदेशीर शस्त्र बाळगणे, विनयभंग यासारखे ३ गुन्हे दाखल आहेत.करण हरीदास जाधव Karan Haridas Jadhav (वय २४, रा. सर्वोदय कॉलनी, मुंढवा) याच्याविरुद्ध जबरी चोरी, दरोडा तयारी, चोरी, बेकायदेशीर शस्त्र बाळगणे, विनयभंग यासारखे एकूण ७ गुन्हे दाखल आहेत.हे पाचही तडीपार गुंड हे २१ ते २५ वयोगटातील सराईत गुन्हेगार आहेत. २०२५ मध्ये यापूर्वी ६ गुन्हेगारांना तडीपार करण्यात आले आहे. त्याचबरोबर परिमंडळ ५ मधील १०० हून अधिक गुन्हेगारांच्या हालचालींवर पोलिसांचे बारकाईने लक्ष आहे. सराईत गुन्हेगारांना गुन्हे करण्यापासून परावृत्त करण्यासाठी व गुन्ह्यांना आळा घालण्यासाठी आमचे रडारवरील आणखी १०० हून अधिक गुन्हेगारांवर मोक्का, एमपीडीए, तडीपारीची कारवाई करणार असल्याचे पोलीस उपायुक्त डॉ. राजकुमार शिंदे यांनी सांगितले.हे तडीपार करण्यात आलेले सराईत गुन्हेगार पुढील २ वर्षांच्या काळात पुणे शहर, पिंपरी चिंचवड पोलीस आयुक्तालय, पुणे जिल्ह्यामध्ये दिसून आल्यास तात्काळ पोलीस नियंत्रण कक्षाला कळवावे, असे आवाहन पोलिसांनी केले आहे.

पुणे
केशव माधव न्यास व राष्ट्रीय स्वयंसेवक संघ सह्याद्री प्रभात शाखा कर्वेनगर आयोजित “पत्र सृष्टीचे ईश्वर श्री गुरुजी “हा अभिवाचन कार्यक्रम नुकताच कर्वेनगर येथील कांचन दाते यांच्या निवासस्थानी संपन्न झाला.
राष्ट्रीय स्वयंसेवक संघाचे द्वितीय सरसंघचालक पूजनीय माधव सदाशिव गोळवलकर उपाख्य श्री गुरुजी यांच्या जयंतीदिनानिमित्त संपूर्ण देशभर त्यांच्या पत्र रुपी आठवणी व कार्याची माहिती व्हावी यासाठी अनेक ठिकाणी कार्यक्रम घेण्यात आले.श्रीगुरुजी यांनी हजारो पत्र लिहून अनेक कार्यकर्ते जोडले.समाजाला दिशा दिली.संपूर्ण भारतभर प्रवास केला व संघ कार्य अफाट वाढवले ह्याचे सादरीकरण अभिवाचन द्वारे करण्यात आले.प्रसिद्ध नाट्यकर्मी कुलदीप धुमाळे,डॉ ओंकार धुमाळे व सेवा आरोग्य फाऊंडेशन चे संचालक डॉ सतीश जोशी यांनी त्यांच्या वैशिष्ट्यपूर्ण शैलीमध्ये श्री गुरुजी यांच्या पत्रलेखन कार्य सादर केले.डॉ.ओंकार धुमाळे ह्यांनी “चाहिए आशिष माधव,नम्र गुरुवर्य प्रार्थना” हे गीत सादर केले.ह्या नाट्य संहितेचे लेखक,दिग्दर्शन कुलदीप धुमाळे हे आहेत.राष्ट्रीय स्वयंसेवक संघ – जनकल्याण समितीचे विनायक डंबीर यांनी श्री गुरुजी यांच्या प्रतिमेस पुष्पहार घालून उद्घाटन केले.उद्घाटनपर भाषणात विनायक डंबीर म्हणाले” श्री गुरुजींनी पंतप्रधानापासून ते स्वयंसेवकांपर्यंत आपल्या अनेक पत्रलेखन द्वारे माणूस जोडण्याचे व समाजाला दिशा देण्याचे कार्य केले.श्रीगुरुजी हे ज्ञानी होते पण त्याचा अहंकार कधी केला नाही.ते साधक होते पण कसलेही कर्मकांड त्यांनी केले नाही.ते अफाट बुद्धिवैभवाचे धनी होते पण त्याचे प्रदर्शन त्यांनी केले नाही.”असेही डंबीर यांनी प्रतिपादन केले.केशव माधव न्यासचे सचिव अरविंद देशपांडे यांनी प्रास्ताविक केले व उपस्थितांचे स्वागत केले.विश्वस्त प्रकाश देशपांडे यांनी कार्यक्रमाचे सूत्र संचलन केले.
कार्यक्रमास केशव माधव न्यास चे पदाधिकारी,संघ स्वयंसेवक,नागरिक मोठ्या संख्येने उपस्थित होते.