पुणे, दि. १७: पुणे जिल्ह्यातील अधिवास असणाऱ्या अविवाहीत पुरुष उमेदवारांनी अग्निपथ योजनेअंतर्गत २०२५-२६ या वर्षासाठी अग्निवीर प्रवेशासाठी निवड चाचणीसाठी १० एप्रिल २०२५ पर्यंत ऑनलाइन अर्ज करावेत, असे आवाहन करण्यात आले आहे.

प्रवेशासाठी https://www.joinindianarmy.nic.in या संकेतस्थळावर ऑनलाइन अर्ज करण्याची सूचना प्रसिद्ध करण्यात आली आहे. सामान्य प्रवेश परीक्षा जून २०२५ मध्ये आयोजित केली केली जाईत. तथापि, परीक्षेची निश्चित तारीख संकेतस्थळावर दर्शविण्यात येईल. त्यामुळे उमेदवारांनी संकेतस्थळाला भेट देत रहावे, असे जिल्हा सैनिक कल्याण अधिकारी लेफ्टनंट कर्नल हंगे स. दै. (नि.) यांनी कळविले आहे.

पुणे, दि. १७: पुणे प्रादेशिक परिवहन कार्यालयाच्या थकीत कर वसुलीसाठी मोटार वाहन कायद्यातील गुन्ह्यांतर्गत कार्यालयाच्या आवारात वाहन मालक किंवा चालक यांच्या जबाबदारीवर अटकावून ठेवलेली वाहने वाहन मालकांनी तडजोड शुल्क, मोटार वाहन कर, पर्यावरण कर भरुन येत्या १५ दिवसात सोडवून घ्यावीत, असे आवाहन करण्यात आले आहे.

प्रादेशिक परिवहन कार्यालयाने मोटार वाहन थकीत कराच्या वसुलीसाठी अटकावून ठेवलेल्यांपैकी ३५९ वाहनांच्या प्रकरणांमध्ये वाहन मालक, चालक किंवा वित्तदात्यांनी कार्यालयाशी संपर्क केलेला नाही; तसेच वाहन सोडवून घेण्याबाबत हक्कही सांगितलेला नाही. या वाहनांच्या जाहीर लिलावाची प्रक्रिया सुरु करण्यात आलेली असून अशा वाहनांची यादी कार्यालयाच्या सूचना फलकावर प्रदर्शित केलेली आहे. ही वाहने बेवारस वाहने असल्याचे समजून सक्षम प्राधिकाऱ्यांच्या परवानगीने वाहनांचा जाहीर लिलाव करण्यात येईल.

वाहने सोडवून घेण्याची मुदत संपल्यानंतर त्यापैकी रस्त्यावर वापरण्यायोग्य वाहनांचा लिलाव https://eauction.gov.in या संकेतस्थळावर आणि १५ वर्षे पूर्ण झालेल्या व वापरण्यायोग्य नसलेल्या वाहनांचा लिलाव https://www.mstcindia.co.in या संकेतस्थळावर करण्यात येईल. अधिक माहितीसाठी या संकेतस्थळांना तसेच प्रादेशिक परिवहन कार्यालय, ३९, डॉ. आंबेडकर रोड, संगम पुलाजवळ, पुणे- १ येथे साधावा, असे आवाहन उप प्रादेशिक परिवहन अधिकारी स्वप्निल भोसले यांनी केले आहे.
0000

१८ महिन्यांत ५ तक्रारी, कारवाई नाही
हाथरस – अन्याय अत्याचाराच्या कथांनी भरलेल्या उत्तर प्रदेशातील हाथरस मध्ये प्रियांका गांधी , राहुल गांधी आणि कॉंग्रेस नेत्यांना सत्ताधाऱ्यांनी अटकाव करून त्यांची आंदोलने हाणून पडण्याचा प्रयत्न केलाच माध्यम प्रतिनिधी महिलांनाही पोलिसांनी हिसका दाखविण्याचा प्रयत्न केला . पण अजूनही येथील गुन्हेगारी मात्र याच पोलिसांना आटोक्यात आंत आलेली नाही
उत्तर प्रदेशातील हाथरस येथील एका पदवी महाविद्यालयाच्या प्राध्यापकाच्या मोबाईल फोनमधून ६५ अश्लील व्हिडिओ सापडले. पोलिस तपासात असे दिसून आले की, बहुतेक व्हिडिओ महाविद्यालयीन विद्यार्थिनींचे होते. प्राध्यापकाने विद्यार्थिनींचे अनेक व्हिडिओ पॉर्न साईटवर अपलोड केले होते. असे म्हटले जात आहे की, त्याने २० वर्षांत ३० हून अधिक विद्यार्थिनींचे लैंगिक शोषण केले आहे.सध्या आरोपी फरार आहे. कॉलेज व्यवस्थापनाने त्याला निलंबित केले आहे. त्याच्या अटकेसाठी एसपींनी ३ पथके तैनात केली आहेत. हे प्रकरण बागला पदवी महाविद्यालय (अनुदानित) शी संबंधित आहे.प्रत्यक्षात, ६ मार्च रोजी एका विद्यार्थिनीने महिला आयोगाला पत्र लिहिले आणि फोटो आणि व्हिडिओ देखील पाठवले. तक्रार समोर आल्यानंतर पोलिसांनी अंतर्गत चौकशी सुरू केली. १३ मार्च रोजी इन्स्पेक्टर सुनील कुमार यांनी स्वतः पोलिस ठाण्यात तक्रार दाखल केली.यानंतर हे प्रकरण बातम्यांमध्ये आले. घाईघाईत, डीएमने चौकशीसाठी ४ सदस्यांची समिती स्थापन केली. आरोपी प्राध्यापक डॉ. रजनीश हे ५४ वर्षांचे आहेत. ते भूगोल हा विषय शिकवतात.

विद्यार्थ्याचे पत्र वाचा…‘तुम्हाला सांगू इच्छिते की, प्राध्यापक रजनीश कुमार अनेक विद्यार्थिनींचे लैंगिक शोषण करत आहे. तो एक पिसाळलेला प्राणी आहे. तो विद्यार्थिनींसोबत अश्लील कृत्य करतो. तो व्हिडिओ बनवून त्यांचे शोषण करतो. मी गेल्या एक वर्षापासून पंतप्रधान कार्यालय आणि मुख्यमंत्री कार्यालयाकडे याबद्दल तक्रार करत आहे. पण प्राध्यापक इतके शक्तिशाली आहेत की त्यांच्याविरुद्ध कोणत्याही तक्रारीवर कारवाई झाली नाही.मोदी सरकार ‘बेटी बचाओ, बेटी पढाओ’ ला पाठिंबा देते, पण तरीही असे क्रूर लोक निर्भयपणे मुलींवर अत्याचार करत आहेत. मला या जनावराचा इतका त्रास होतो की कधीकधी मला आत्महत्या करण्याचा विचार येतो.महाविद्यालय व्यवस्थापन समितीचे अध्यक्ष आणि व्यवस्थापनाला प्राध्यापकांच्या गैरकृत्याची माहिती देण्यात आली. त्याला पुरावेही देण्यात आले, पण त्याने कोणतीही कारवाई केली नाही. या खलनायकावर कारवाई होईपर्यंत मी हार मानणार नाही.

असे दिसते की प्राध्यापक महाविद्यालयाच्या प्राचार्य आणि व्यवस्थापनाच्या पाठिंब्याने महाविद्यालयातील विद्यार्थिनींचे शोषण करत आहेत. तो भोळ्या मुलींना स्पर्धा परीक्षा उत्तीर्ण करून नोकरी देण्याच्या नावाखाली आमिष दाखवतो. मग तो त्यांच्यासोबत चुकीचे काम करतो आणि व्हिडिओ देखील बनवतो.माझ्याकडे त्याचे फोटो आणि व्हिडिओ आहेत, जे मी पुरावा म्हणून या पत्रासोबत पाठवत आहे. आतापर्यंत मी वेगवेगळ्या नावांनी तक्रारी दाखल केल्या आहेत, कारण जर त्या राक्षसाला माझ्याबद्दल कळले तर तो मला मारून टाकेल. मी माझी ओळख लपवून ही तक्रार करत आहे.

रजनीश गेल्या २० वर्षांपासून महाविद्यालयीन मुलींचे लैंगिक शोषण करत आहे. माझ्यासारख्या विद्यार्थ्यांची प्रतिष्ठा वाचवा, नाहीतर हा क्रूर रजनीश कुमार आणखी किती विद्यार्थ्यांची प्रतिष्ठा खराब करेल कोण जाणे. सामाजिक कलंकामुळे मुली काहीही बोलणार नाहीत. पाहिलेल्या फोटो आणि व्हिडिओंच्या आधारे, या प्राध्यापकावर कठोर कारवाई झाली पाहिजे.महिला आयोगाने विद्यार्थिनीच्या पत्राची दखल घेतली आणि चौकशीचे आदेश दिले. यानंतर हाथरस गेट कोतवाली पोलिसांनी तपास सुरू केला आणि प्राध्यापकांना चौकशीसाठी बोलावले. त्याचा मोबाईल जप्त करण्यात आला होता, पण त्याने व्हिडिओ आणि फोटो आधीच डिलीट केले होते.

पोलिसांनी मोबाईल डेटा जप्त केला, तेव्हा ६५ अश्लील व्हिडिओ सापडले. यानंतर, १३ मार्च रोजी इन्स्पेक्टर सुनील कुमार यांनी स्वतः पोलिस ठाण्यात तक्रार दाखल केली. पण पोलिस आरोपीला पकडू शकले तोपर्यंत तो पळून गेला होता.पोलिस तपासात असे दिसून आले की, विद्यार्थिनींनी १८ महिन्यांत पाच वेळा आरोपीविरुद्ध कॉलेज व्यवस्थापनाकडे तक्रार केली होती, परंतु कोणतीही कारवाई झाली नाही. कॉलेज व्यवस्थापन समितीचे सचिव प्रदीप बागला म्हणाले की, तक्रार मिळताच प्राध्यापक महावीर सिंह यांच्याविरुद्ध चौकशीचे आदेश देण्यात आले. अहवालाच्या आधारे, प्राध्यापकाला निलंबित करण्यात आले आहे.

डीएम राहुल पांडे यांनी एसडीएम सदर यांच्या अध्यक्षतेखाली चार सदस्यीय तपास पथक स्थापन केले आहे. यामध्ये सीओ सिटी, तहसीलदार सदाबाद आणि जिल्हा मूलभूत शिक्षण अधिकारी यांचाही समावेश आहे. अहवाल आल्यानंतर कारवाई केली जाईल, असे डीएम म्हणाले.दरम्यान, एसपी चिरंजीव नाथ सिन्हा म्हणाले की, चार दिवसांपूर्वी हाथरस गेट पोलिस ठाण्यात गुन्हा दाखल करण्यात आला होता. आरोपी प्राध्यापक फरार आहे. त्याच्या अटकेसाठी तीन पथके तैनात करण्यात आली आहेत. महाविद्यालयीन कर्मचारी आणि विद्यार्थ्यांची चौकशी केली जात आहे.

पुणे : “देश का बल बजरंग दल.. छत्रपती के सन्मान में, बजरंग दल मैदान में.. हटली पाहिजे हटली पाहिजे औरंगजेब ची कबर हटली पाहिजे… एक धक्का और दो.. औरंगजेब की कब्र तोड़ दो”  अशा घोषणा देत विश्व हिंदू परिषद बजरंग दलाच्यावतीने  क्रूरकर्मा औरंग्याची कबर हटाव आंदोलन करण्यात आले.

विश्व हिंदू परिषद बजरंग दलाच्यावतीने क्रूरकर्मा औरंग्याची कबर हटाव आंदोलन पूर्ण महाराष्ट्रात एकाच दिवशी सर्व तहसिलदार, जिल्हाधिकारी कार्यालयाबाहेर झाले. यावेळी जिल्हाधिकाऱ्यांना मुख्यमंत्री यांच्या नावे निवेदन देण्यात आले. यावेळी विश्व हिंदू परिषद प्रांत मंत्री किशोर चव्हाण, बजरंग दलाचे प्रांत संयोजक नितीन महाजन, आणि प्रांत सह संयोजक संदेश भेगडे, प्रांत गौरक्षा प्रमुख ऋषिकेश भागवत, पूर्व पुणे मंत्री धनंजय गायकवाड, प्रांत विशेष संपर्क सह प्रमुख श्रीकांत चिल्लाळ, पूर्व पुणे बजरंग दल विभाग संयोजक सुशांत गाडे, सह संयोजक आकाश दुबे,  जिल्हा संयोजक दत्ता तोंडे, चैतन्य बोडके, विक्रम घुंगरूवाले, निलेश बोमा, राजू कुंडले, सुरज पडवळ, ईश्वर राऊत, दिपूल इनामदार, जिल्हा मंत्री विजय कांबळे, आशिष दुसाने, विवेक गिरी आणि मोठ्या संख्येने कार्यकर्ते उपस्थित होते. 

किशोर चव्हाण म्हणाले, क्रूरकर्मा औरंगजेबाचे कुठलेही स्मारक अथवा कबर ही स्वतंत्र भारत देशात गुलामीचे, अनंत यातनांचे प्रतीक आहे. त्यामुळे ही कबर पूर्णपणे नष्ट करायला हवी. जर शासनाने ही कबर नष्ट केली नाही, तर विश्व हिंदू परिषद बजरंग दल हिंदू समाजाला सोबत घेऊन कारसेवा करुन ती कबर उध्वस्त करेल.

नितीन महाजन म्हणाले, भारताला इस्लामिक राष्ट्र बनवण्याचे स्वप्न पाहणाऱ्या या प्रवृत्तीला औरंगजेबाच्या कबरीतून प्रेरणा मिळते. महाराष्ट्र शासनाने लवकरात लवकर ही कबर काढावी. अन्यथा, बजरंग दल स्वभिमानी हिंदू समाजाला घेऊन रस्त्यावर उतरेल.

पुणे, ता. १७- (प्रतिनिधी)
“केशव माधव विश्वस्त निधी” तर्फे रविवार,१६ मार्च रोजी ‘धुमसता मणिपूर’ या विषयावर विशेष व्याख्यानाचे आयोजन करण्यात आले होते.
मणिपूर आणि ईशान्य भारतात ‘शिक्षणच्या माध्यमातून राष्ट्रीय एकात्मता’ या ध्येयाने पाच दशके मणिपूर येथे प्रत्यक्ष कार्य केलेले पूर्व सीमा विकास प्रतिष्ठानचे कार्यवाह जयवंत कोंडविलकर हे प्रमुख वक्ते म्हणून उपस्थित होते. पूर्वोत्तर सीमा भागातील परिस्थिती बद्दल जागरूक करताना कोंडविलकर म्हणाले,”
​‘वसुदैव कुटुंबकम्’ या मूल्यांच्या आधारे भारताला जागतिक महासत्ता बनविण्याचे स्वप्न प्रत्यक्षात साकारायचे असेल,तर नागरिकांच्या मनामध्ये प्रखर एकात्मतेची ज्योत सतत धगधगत रहायला हवी.
पूर्वोत्तर सीमा भागातील वांशिक भेद, फुटीरतावाद,दहशतवादाचे सावट,मादक द्रव्यांचा व्यापार, रोजगाराच्या अल्प संधी,आणि त्यातून बिघडलेला सामाजिक समतोल ,राष्ट्रीयत्वाच्या जाणिवांचा अभाव,वांशिक वेगळेपणाची भावना आणि पाश्चात्यशक्तींचा सांस्कृतिक दबाव अशा विविध समस्यांमुळे भारताचा पूर्वोत्तर प्रदेश विशेषत: सीमा भाग नेहमीच धुमसता असल्याचे दिसून येते.
​२१ व्या शतकातील बदलणारी भू- राजकीय समीकरणे आणि हिंद-पॅसिफिक भागाचे वाढते महत्व या बाबींचा विचार करता पूर्वोत्तर भारत सामरिकदृष्ट्या अतिशय महत्वाचा ठरतो. यामुळेचे तेथील समस्यांच्या मुळाशी जाऊन काम करणे गरजेचे आहे. पूर्वोत्तर सीमा भागाचा सर्वांगीण विकास करण्यासाठी राष्ट्रीय एकात्मतेचा विचार खोलवर रुजविणे गरजेचे आहे.आरोग्य,शिक्षण सुविधा, कौशल्य विकास,स्थानिक संस्कृतीचे संवर्धन,युवकांच्या क्षमतांचा विकास यासाठी कार्य करणे गरजेचे आहे. स्थानिकांमध्ये आपुलकी निर्माण करून आपलेपणाची भावना निर्माण करता येईल.त्यासाठी सामुदायिक स्तरावर प्रयत्न करणे गरजेचे आहेत.
​स्व.भय्याजी काणे यांच्या मार्गदर्शनात स्थापन केलेल्या पूर्व सीमा विकास प्रतिष्ठानच्या माध्यमातून मूल्याधिष्ठित शिक्षणाचे आणि राष्ट्रीय एकात्मतेचा विचार रुजविण्याचे कार्य गेले चाळीस वर्षांहून अधिक काळ करत आहे. प्रतिष्ठानच्या कार्यातून उभारलेल्या तीन शाळांतून वैश्विकतेचे भान असलेली आणि राष्ट्रीयत्वाची जाण असलेली पिढी घडत आहे. सेवा भावी संस्थांच्या कार्यातून शांतता प्रस्थापित करणे शक्य असल्याचा विश्वासही जयवंतजी कोंडविलकर यांनी व्यक्त केला.
​पटवर्धन बाग,एरंडवणे स्थित “सेवा भवन”च्या स्व.मुकुंदराव पणशीकर सभागृहात रविवारी,१६ मार्च रोजी सकाळी दहा ते साडे बारा या वेळेत हे व्याख्यान संपन्न झाले.संगणक तज्ञ डॉ दीपक शिकारपूर हे या कार्यक्रमासाठी प्रमुख पाहुणे म्हणून उपस्थित होते.व्यासपीठावर पूर्व सीमा विकास प्रतिष्ठानचे श्रीपाद दाबक,केशव माधव विश्वस्त निधीचे सचिव अरविंद देशपांडे,विश्वस्त योगेश कुलकर्णी,रवि जावळे ह्यांची मुख्य उपस्थिती होती.
​यावेळी जयवंत कोंडविलकर ह्यांनी दृकश्राव्य (PPT- पॉवर पॉईंट प्रेझेंटेशन) द्वारे मणिपूर व ईशान्य भारत येथे पूर्व सीमा विकास प्रतिष्ठानने जे कार्य गेल्या पाच दशकात केले आहे त्याची माहिती उपस्थितांना दिली.
जयवंत कोंडिलकर यांचे स्वागत केशव माधव विश्वस्त निधीचे विश्वस्त रवि जावळे यांनी तर श्रीपाद दाबक यांचे स्वागत योगेश कुलकर्णी यांनी राष्ट्रीय विचाराचे पुस्तक व पुष्पगुच्छ देऊन केले.
​प्रमुख पाहुणे डॉ दीपक शिकारपूर यांनी डिजिटल इंडिया विषयी माहिती दिली.तसेच पूर्वांचल भागातील विद्यार्थ्यांना स्किल डेव्हलपमेंट,कृत्रिम बुद्धिमत्ता व संगणक साक्षरते विषयी मार्गदर्शन करण्यास तयार असल्याचे सांगितले.
प्रा.श्रुती मेहता यांनी पूर्व सीमा विकास प्रतिष्ठान च्या कार्याची आणि भविष्यकालीन नियोजनाची माहिती यावेळी दिली.राष्ट्रीय एकात्मते बरोबर सामाजिक समरसता,पूर्वोत्तर सीमा भागाचा सर्वांगीण विकास आणि उत्तुंग कामगिरी करून राष्ट्रविकासात योगदान देणारी युवा घडविणे यासाठी प्रतिष्ठानला कार्य करायचे आहे.संस्थेच्या विस्तारित ध्येयपूर्तीसाठी शिक्षणा बरोबरच आरोग्य सुविधा, जैवविविधता आणि सांस्कृतिक संशोधन,क्रीडा संकुल असे विविध प्रकल्प नजीकच्या भविष्यात हाती घेण्याचे नियोजन केले आहे.आपल्या देशावर व संस्कृतीवर प्रेम करणाऱ्या युवकांनी पूर्वोत्तर भारतातील राष्ट्रीय एकात्मतेच्या कार्यामध्ये सहभागी व्हावे असे आवाहन केले.संस्थेच्या कार्यवाढीसाठी सहभाग आणि सहकार्य करण्याचे आवाहन केले. प्रतिष्ठानच्या सक्षमीकरणासाठी भारत भवन, शुक्रवार पेठ, पुणे येथे कार्यालय कार्यरत आहे.
“केशव माधव विश्वस्त निधी”चे सचिव अरविंद देशपांडे यांनी केशव माधव संस्थेविषयी प्रास्ताविकात माहिती दिली.सूत्र संचलन दूरदर्शन कलाकार प्रशांत कुलकर्णी यांनी केले.आभार “केशव माधव” चे विश्वस्त योगेश कुलकर्णी यांनी मानले.उपस्थितांच्या प्रश्नांना जयवंत कोंडविलकर यांनी समर्पक उत्तरे दिली.
ह्या कार्यक्रमास शहरातील नागरिक मोठ्या संख्येने उपस्थित होते.

पुणे, ता. १७:  शिपाई, क्लार्क यासह अन्य कर्मचाऱ्यांची भरती करावी, बँक व्यवस्थापनाने मनमानी कारभार थांबवावा, कर्मचार्‍यांशी केलेल्या करारांचे पालन व्हावे, ग्राहकांस चांगल्या व सुरक्षित सेवा द्याव्यात, अशा विविध मागण्यांसाठी ऑल इंडिया बँक ऑफ महाराष्ट्र एम्प्लॉईज फेडरेशनच्या वतीने सोमवारी बँक ऑफ महाराष्ट्रचे मुख्यालय ‘लोकमंगल’समोर धरणे आंदोलन करण्यात आले. ५१ झोनल ऑफिसमधील सुमारे ६०० पेक्षा अधिक कर्मचारी सहभागी झाले होते. जोरदार घोषणाबाजी करत कर्मचाऱ्यांनी निदर्शनेही केली.

या तीव्र निदर्शनांनंतर सार्वजनिक सभा आयोजित करण्यात आली. बँकिंग युनियन्सचे प्रतिनिधी कॉम्रेड कृष्णा बारूरकर (महासचिव, बीओएमओए) आणि संतोष गदादे (महासचिव, बीओएमओओ), ‘सीटु’चे अजित अभ्यंकर व इतर केंद्रीय कामगार संघटनांच्या नेत्यांनीही या आंदोलनाला साथ दिली. त्यांनी ठेका पद्धतीने नोकरभरती करण्यास तीव्र विरोध व्यक्त केला आणि आवश्यक असल्यास आंदोलन तीव्र करण्याचा इशारा दिला. युनायटेड फोरम ऑफ बँक युनियन्स, पुणे चे संयोजक कॉम्रेड विठ्ठल माने व सहसंयोजक कॉम्रेड शिरीष राणे यांनी कायमस्वरूपी भरतीच्या सामूहिक मागणीवर भर दिला.

फेडरेशनचे सरचिटणीस कॉम्रेड देविदास तुळजापूरकर यांनी “सार्वजनिक क्षेत्रातील बँका नफ्यात आहेत, पण त्याचा फायदा नेमका कोणाला होतो, हे समजून घेतले पाहिजे. कंत्राटी व आउटसोर्स कर्मचाऱ्यांकडून कायमस्वरूपी बँकिंग कामे करवून घेतली जात आहेत. बँकेने सफाई कर्मचाऱ्यांची पदे पूर्णतः रद्द केली आहेत. ८०० हून अधिक शाखांमध्ये चपराशी नाहीत. ३०० हून अधिक शाखांमध्ये एकही लिपिक नाही. १,३०० हून अधिक शाखांमध्ये केवळ एकच कर्मचारी सर्व कामकाज हाताळतो, ही बाब गंभीर आहे.”

या भीषण कर्मचारी तुटवड्यामुळे कर्मचाऱ्यांवर प्रचंड मानसिक व शारीरिक ताण आहे, तसेच ग्राहक सेवा आणि बँकिंग कार्यक्षमतेवरही मोठा परिणाम होत आहे. मात्र, बँक व्यवस्थापन याकडे पूर्णतः दुर्लक्ष करत आहे. याशिवाय, व्यवस्थापनाने उच्च न्यायालयाचे आदेश, कामगार कायदे आणि द्विपक्षीय करारांकडे दुर्लक्ष करून मनमानी निर्णय घेतले आहेत. हा मनमानी कारभार थांबवला पाहिजे, असे तुळजापूरकर यांनी ठणकावून सांगितले.

या आंदोलनात दिल्ली, पंजाब, उत्तर प्रदेश, मध्य प्रदेश, तामिळनाडू, गुजरात, आंध्र प्रदेश, तेलंगणा, कर्नाटक आणि महाराष्ट्रातील विविध भागांतून मोठ्या प्रमाणात कर्मचाऱ्यांनी सहभाग घेतला. आंदोलन यशस्वी होण्यासाठी संयोजन सचिव कॉम्रेड शैलेश टिळेकर, सचिव धनंजय कुलकर्णी, महेश पारखी आणि पुण्यातील इतर सहकाऱ्यांनी विशेष मेहनत घेतली.

देशव्यापी संपाची घोषणा
या गंभीर परिस्थितीच्या निषेधार्थ महाबँकेचे कर्मचारी २० मार्च रोजी देशव्यापी संपावर जाणार आहेत. २१ मार्च रोजी बँकिंग सेवा पूर्ववत होईल. त्यानंतर २२ आणि २३ मार्च या शनिवार-रविवारच्या नियमित सुट्यांनंतर २४ आणि २५ मार्च रोजी दोन दिवसांचा संप पुकारण्यात येईल, त्यामुळे बँकिंग सेवा पूर्णतः ठप्प राहील, असा निर्णय या सभेत घेण्यात आला.

युवक व क्रीडा मंत्री दत्तात्रय भरणे यांची प्रमुख उपस्थिती

पुणे, दि. १७ मार्च: विश्वशांती केंद्र (आळंदी), माईर्स एमआयटी, पुणे, पुरातन यज्ञभूमी रामेश्वर (रुई) ग्रामस्थ व महाराष्ट्र राज्य कुस्तीगीर संघ यांच्या मान्यतेने राष्ट्रधर्म पूजक दादाराव कराड स्मृती प्रीत्यर्थ संत एकनाथ महाराज षष्ठीचे औचित्य साधून लातूर येथील रामेश्वर (रुई) येथे राज्यस्तरीय महाराष्ट्र कुस्ती महा-वीर स्पर्धा २०२५ चे आयोजन करण्यात आले आहे. ही स्पर्धा शुक्रवार,२१ मार्च २०२५ रोजी होणार आहे. स्पर्धेतील सर्वश्रेष्ठ विजेत्या मल्लास रोख रूपये १,२५,०००/-चांदीची गदा, मेडल व सन्मानचिन्ह देण्यात येणार आहे. अशी माहिती एमआयटी डब्ल्यूपीयूच्या क्रीडा विभागाचे संचालक प्रा. विलास कुथुरे, डब्ल्यूपीयूचे प्र कुलगुरू डॉ. मिलिंद पांडे यांनी पत्रकार परिषदेत दिली.
स्पर्धेचे उद्घाटन २१ मार्च रोजी स. ९ वा होईल. तसेच, पारितोषिक वितरण समारंभ त्याच दिवशी सायं. ७ वा. होईल. कार्यक्रमास राज्याचे युवक व क्रीडा मंत्री दत्तात्रय भरणे प्रमुख पाहुणे असतील. हिंद केसरी पै. जगदीश कालीरमण हे विशेष सन्माननीय पाहुणे असतील. तसेच हिंद केसरी पै. दिनानाथ सिंग, महाराष्ट्र केसरी पै. आप्पासाहेब कदम, महाराष्ट्र केसरी पै. रावसाहेब मगर हे सन्माननीय पाहुणे म्हणून उपस्थित राहणार आहेत.
ही स्पर्धा माईर्स एमआयटीचे संस्थापक अध्यक्ष प्रा.डॉ. विश्वनाथ दा. कराड यांच्या अध्यक्षतेखाली होणार आहे. रामेश्वर (रुई)चे माजी सरपंच तुळशीराम दा. कराड हे प्रमुख मार्गदर्शक असतील.
‘मऊ मेणाहूनि आम्ही विष्णूदास | कठीण वज्रास भेदू ऐसे ॥’ या जगद्गुरु संत श्री तुकाराम महाराजांच्या तत्त्वावर आधारित थोर स्वातंत्र्यसेनानी, राष्ट्रीय कीर्तनकार, आरोग्य शास्त्रातील एक महान चमत्कार, योग महर्षि शतायुषी वै. रामचंद्र गोपाळ शेलार उर्फ शेलारमामा यांच्या स्मृतिप्रित्यर्थ तंदुरूस्त अशा पंच्चाहत्तर वर्षे वयाच्या पुढील मल्लांसाठी याच दिवशी एक आगळी वेगळी कुस्तीस्पर्धा आयोजित करण्यात आली आहे. विजेत्यांना योग महर्षी वै. रामचंद्र गोपाळ शेलार उर्फ शेलारमामा स्मृती सुवर्ण, रोप्य, कांस्य गौरव पदक बहाल करण्यात येईल.
राज्यस्तरीय कुस्ती स्पर्धेचे हे १८वे वर्ष आहे. यासाठी महाराष्ट्रातील नामवंतांसह देशभरातील मल्लांना निमंत्रित केले आहे. राज्यस्तरीय कुस्ती स्पर्धेतील सर्वश्रेष्ठ विजेत्या मल्लास महाराष्ट्र कुस्ती महावीर हा अत्यंत बहुमानाचा किताब, रोख १,२५,०००/- चांदीची गदा व सन्मानचिन्ह देण्यात येणार आहे. द्वितीय क्रमांकास रोख १,००,०००/-, तृतीय क्रमांक ५० हजार आणि चतुर्थ क्रमांकास २५ हजार रूपयां सह वजनगट ५७, ६१, ६५, ७०, ७४, ८६, ८६+ ते १२५ किलो वजन गटातील विजेत्या मल्लांना गटनिहाय हजारो रूपयांची पारितोषिके, सुवर्ण, रौप्य, कास्यं पदक, प्रमाणपत्र व स्मृतीचिन्ह देऊन सन्मानित करण्यात येणार आहे. तसेच, उपांत्यपूर्व फेरीमध्ये पोहोचलेल्या सर्व कुस्तीगीरांना मानधन देण्यात येईल.
 सर्व मल्लांची वजने गुरुवार दि. २० मार्च पर्यंत सायं. ४ ते ८ पर्यंत घेण्यात येईल. सर्व कुस्तीगीरांनी आधारकार्डची मूळ प्रत व त्याची झेरॉस प्रत आणणे बंधनकारक आहे. स्पर्धा राज्य संघटनेच्या नियमानुसार घेण्यात येणार आहे. या स्पर्धेत भाग घेण्यासाठी कोणतीही प्रवेश फी आकारली जाणार नाही. स्पर्धेसाठी येणार्‍या निवडक कुस्तीगीरांच्या जाण्या येण्याचे एस.टी.भाडे, निवासाची व भोजनाची व्यवस्था संयोजकांतर्फे करण्यात येईल.
या स्पर्धेत सहभागी होण्यासाठी प्रा. विलास कथुरे (मो.९८५०२११४०४), राहूल हरिश्वचंद्र बिराजदार (मो.८००७५९३४३४) व निखील वणवे (मो. ७२७६३३७६७०)  यांच्याशी संपर्क साधावा.
या स्पर्धेत जास्तीत जास्त मल्लांनी सहभागी व्हावे. त्याच बरोबर क्रीडाप्रेमींनी हजारोच्या संख्येने उपस्थित रहावे. असे आवाहन स्पर्धेच्या संयोजन समितीने केले आहे.
आयोजित पत्रकार परिषदेत एमआयटी डब्ल्यूपीयूच्या क्रीडा संचालक डॉ. वाघ, प्रा. अभय कचरे आणि डॉ महेश थोरवे उपस्थित होते.

 पुणेः विद्यार्थ्यांना कायमच गुणवत्तापूर्वक शिक्षण देण्यासाठी कटीबद्ध असणाऱ्या एमआयटी आर्ट, डिजाईन आणि टेक्नॉलॉजी विद्यापीठाच्या शिरपेचात आणखी एक मानाचा तुरा खोवला गेला आहे. एमआयटी एडीटी विद्यापीठाने नुकतीच आपली शैक्षणिक कटिबद्दता सिद्ध करताना पुन्हा क्यूएस जागतिक विद्यापीठ क्रमवारी-२०२५ (

वर्ल्ड युनिव्हर्सिटी रँकिंग) च्या प्रतिष्ठित कला आणि डिझाइन श्रेणीमध्ये १५१-२०० अशा प्रभावी रँक बँडसह स्थान मिळवले आहे.

एमआयटी एडीटी विद्यापीठाने राष्ट्रीय कला अकादमी (एनआयडी), अहमदाबादच्या बरोबरीने ही क्रमवारी प्रात्प केली आहे. संपूर्ण भारतात केवळ एमआयटी एडीटी, आयआयटी मुंबई आणि एनआयडी या तीनच संस्थांनी या श्रेणीत स्थान मिळवले आहे. या यशामुळे एमआयटी एडीटी विद्यापीठाने जागतिक स्तरावर उच्च शिक्षणातील अग्रगण्य संस्था म्हणून आपली प्रतिष्ठा मजबूत केली आहे. क्युएस वर्ल्ड युनिव्हर्सिटी रँकिंग हे शैक्षणिक गुणवत्तेचे आणि संस्थात्मक कार्यक्षमतेचे महत्त्वपूर्ण मापदंड म्हणून ओळखले जाते, जे शिक्षणातील उत्कृष्टतेचे मूल्यांकन आणि प्रोत्साहन देण्यासाठी महत्वपूर्ण काम करते.
एमआयटी एडीटी विद्यापीठ संस्थेचे कार्यकारी अध्यक्ष प्रा.डॉ.मंगेश कराड यांच्या दूरदर्शी नेतृत्वाखाली आणि कार्यकारी संचालिका प्रा.डॉ.सुनिता कराड यांच्या मार्गदर्शनाखाली आर्ट, डिजाईन आणि टेक्नॉलॉजी या शाखांत जागतिक दर्जाचे नाविण्यपूर्ण शिक्षण पुरवत आहे. त्यामुळे विद्यापीठाला या रँकिंगमध्ये स्थान मिळाल्याने विद्यार्थ्यांच्या पालकांसह राज्यभरातून एमआयटी एडीटी विद्यापीठावर कौतुकाचा वर्षाव होत आहे.

एमआयटी एडीटी विद्यापीठाला गतवर्षी प्रमाणे याही वर्षी क्यूएस वर्ल्ड युनिव्हर्सिटी रँकिंग मध्ये कला आणि डिझाइन श्रेणीमध्ये १५१-२०० अशा प्रभावी रँक बँडसह स्थान मिळणे आमच्यासाठी अत्यंत अभिमानाची गोष्ट असून ती सर्वांच्या कष्टाची पावती आहे. विद्यापीठाने राष्ट्रीय कला अकादमी (एनआयडी), अहमदाबादच्या बरोबरीने ही क्रमवारी प्रात्प केली असून, संपूर्ण भारतात केवळ एमआयटी एडीटी, आयआयटी मुंबई आणि एनआयटी या संस्थांनी या श्रेणीत स्थान मिळवले आहे. 
-प्रा.डॉ.मंगेश कराड,
कार्यकारी अध्यक्ष,
एमआयटी एडीटी, विद्यापीठ, पुणे.