पुणे- शिवाजीनगर विधानसभा मतदारसंघातील कॉंग्रेस पक्षाचे उमेदवार विनायक निम्हण यांनी
रविवारी सुटीची वेळ साधत संपूर्ण दिवसभर मतदारांशी संपर्क साधला. सकाळ व दुपारच्या
टप्यात वडारवाडी भागातील सर्व मंडळांच्या व सोसायट्यांच्या प्रमुख पदाधिकाऱ्यांशी व
कार्यकर्त्यांशी संपर्क त्यांनी साधला तसेच मतदारांच्याही गाठीभेटी घेतल्या. तत्पूर्वी सकाळी
खडकी येथील सेंट अँड्रयूज चर्चमध्ये जावून निम्हण यांनी तेथील फादर यांचे आशीर्वाद
घेतले. चर्चमध्ये प्रार्थनेसाठी आलेल्या नागरिकांनी त्यांच्यासाठी प्रार्थना केली.
विनायक निम्हण यांनी वैयक्तिक गाठीभेटी व संपर्कावर भर दिला आहे. त्यामाध्यमातून
त्यांनी रविवारी संपूर्ण वडारवाडी, पीएमसी कॉलनी, वडारवाडी मारुती मंदिर, बाबा हॉस्पिटल,३९१
सोसायटी, ८८३ झोपडपट्टी, बुद्धविहार पांडवनगर, हा सर्व परिसर पिंजून काढला.त्यांनी या
भागातील् सार्व गणेश व नवरात्रौ मंडळांना भेटी दिल्या. त्यांच्या प्रमुख पदाधिकार्यांच्या
आणि कार्यकर्त्यांशी संपर्क साधला. वडार समाज संघटनेच्या पदाधिकारी व कार्यकर्त्यांशी
संपर्क साधत त्यांच्या, अडीअडचणी समजून घेतल्या नागरिकांनाही त्यांनी मतदान करण्याचे
आवाहन केले. त्यांच्यासमवेत नगरसेवक मुकारी अलगुडे,खडकी कँटॉंन्मेंट बोर्डाचे उपाध्यक्ष
मनिष आनंद, बंडू चव्हाण, पुणे शहर युवक कॉंग्रेसचे अध्यक्ष कैलास पवार,रिझवान
शेख,गोविंद रणपिसे,काळू कुसाळकर, विजय विटकर, नारायण पाटोळे,विनायक विरकुड, चरण
डोंगरे,आनंद शिंदे,रामदास पवार, दत्तू कुसाळकर,भारत पवार,श्रावण मंगळवेढेकर, क्रांतीवीर
लहूजी महासंघाचे अध्यक्ष प्रकाश वैराळ,सुरेश जाधव, दयानंद इरकर,दशरथ क्षेत्री, कैलास
मंजाळकर आदी कार्यकर्ते संपर्क मोहिमेत सामिल झाले होते. त्यांनी विनायक निम्हण यांना
प्रचंड मताधिक्य मिळवून देण्याचा निर्धार केला.

पुणे कॅंटोन्मेंट विधानसभा मतदार संघाचे कॉंग्रेस पक्षाचे अधिकृत उमेदवार रमेश बागवे यांच्या निवडणूक प्रचारासाठी
कॉंग्रेस भवनमध्ये पुणे कॅंटोन्मेंट विधानसभा मतदार संघातील कॉंग्रेस पदाधिकारी आणि कार्यकर्त्यांची बैठक संपन्न
झाली . या बैठकीच्या अध्यक्षस्थानी पुणे महानगरपालिकेचे विरोधी पक्षनेते अरविंद शिंदे, हाजी नदाफ , नगरसेविका
लता राजगुरू , नगरसेविका लक्ष्मी घोडके , नगरसेवक अविनाश बागवे , माजी उपमहापौर प्रकाश मंत्री , मौलाना
काझ्मी , शिक्षण मंडळ उपाध्यक्ष व भवानी ब्लॉक कॉंग्रेस कमिटीचे अध्यक्ष नुरुद्दीन सोमजी ,पुणे कॅंटोन्मेंट बोर्डाचे
माजी नगरसेवक शैलेश बिडकर , संगीता पवार , प्रसाद केदारी , करण मकवानी , मंजूर शेख , पुणे कॅंटोन्मेंट बोर्डाचे माजी
उपाध्यक्ष विनोद मथुरावाला , स्थायी समिती माजी अध्यक्ष रशीद शेख ,अनिस सुंडके , माजी नगरसेवक लक्ष्मण आरडे ,
शिक्षण मंडळाच्या माजी अध्यक्षा संगीता तिवारी, पुणे शहर जिल्हा कॉंग्रेस कमिटीचे सरचिटणीस रमेश अय्यर , जया
किराड , सरचिटणीस विठ्ठल थोरात , वाल्मिक जगताप , रफिक शेख , झोपडपट्टी सेलच्या महिला अध्यक्षा सुरेखा
खंडागळे , भगवान धुमाळ , सुजित यादव , राजेश शिंदे , राजाभाऊ चव्हाण , बबलू सय्यद , स्मिता मुळीक व कॉंग्रेस
पक्षाचे प्रमुख पदाधिकारी , सेवा दल व महिला कार्यकर्त्या मोठ्या संख्येने उपस्थित होत्या.
यावेळी पुणे कॅंटोन्मेंट विधानसभा मतदार संघाचे कॉंग्रेस पक्षाचे अधिकृत उमेदवार रमेश बागवे यांनी कार्यकर्त्यांना
मार्गदर्शन करताना सांगितले कि , प्रत्येक कॉंग्रेस कार्यकर्त्यांनी मतदारांच्या घरोघरी जाऊन प्रचार केला पाहिजे ,
कॉंग्रेस पक्षाने केलेली विकासकामे हि मतदारांना समजावून सांगितले पाहिजेत . आपण केलेल्या विकासकामांवर
प्रचारामध्ये आपण सर्वांनी भर दिला पाहिजे .
यावेळी पुणे कॅंटोन्मेंट विधानसभा मतदार संघाचे कॉंग्रेस पक्षाचे प्रचारप्रमुख व बैठकीचे अध्यक्ष अरविंद शिंदे यांनी
सांगितले कि , कॉंग्रेस कार्यकर्त्यांनी आपला पक्षाचा उमेदवाराला निवडून आणण्याचा निर्धार करावा , त्यासाठी
कार्यकर्त्यांनी आपल्या उमेदवाराच्या प्रचाराचा रोजच्या रोज आढावा दयावा, आणि मुख्य निवडणुक कचेरीत रोज
संपर्क साधावा. सर्वांनी नियोजनबद्ध आणि एकदिलाने काम केले पाहिजे असे त्यांनी आपल्या मार्गदर्शनपर भाषणात
सांगितले .
प्रचाराच्या नियोजनासाठी एक समिती नियुक्त करण्यात आली . या समितीमध्ये विरोधी पक्षनेते अरविंद शिंदे ,
नगरसेवक सुधीर जानजोत , माजी स्थायी समिती अध्यक्ष रशीद शेख , अनिस सुंडके , पुणे महानगरपालिका आणि पुणे
कॅंटोन्मेंट बोर्डाचे सदस्यांची नियुक्ती करण्यात आली .
या बैठकीत या बैठकीचे सूत्रसंचालन राजाभाऊ चव्हाण यांनी केले .कॉंग्रेस कार्यकर्त्यांनी रमेश बागवे यांना जास्तीत जास्त
मताधिक्याने निवडून आणण्याचा निर्धार केला

कोथरुड विधानसभा मतदार संघातून नगरसेविका मेधाताई कुलकर्णी यांनी विधानसभेसाठी अर्ज दाखल केला. यावेळी ज्येष्ठ कलाकार श्रीकांत मोघे, बुद्धिबळपटू कुंटे, माजी उपमहापौर बाळासाहेब मोकाटे, पालिकेतील गटनेते गणेश बिडकर, नगरसेविका माधुरीताई सह्स्र्बुध्ये, शहर सरचिटणीस राजेश पांडे, संदीप खर्डेकर, पश्चिम महाराष्ट्र प्रवक्ते श्रीपाद ढेकणे, उपाध्यक्ष जयंत भावे, डॉ. संदीप बुटाला, महाराष्ट्र सोशल मिडिया सहसंयोजक मंदार घाटे मतदार संघाचे अध्यक्ष जगन्नाथ कुलकर्णी, माजी नगरसेवक दिलीप उंबरकर, महिला मोर्चा अध्यक्षा मंगला डेरे, कल्पना पुरंदरे, प्रशांत हरसुले, उल्का मोकासदार, त्रिगुण रेणावीकर, उदय कड, रितेश वैद्य, अजित जगताप यासह कोथरुड भागातील कार्यकर्ते व नागरिक उपस्थित होते. यावेळेला या मतदारसंघातील नागरिकांना प्रथमच कमळाला मतदान करण्याची संधी मिळाल्यामुळे नागरिकांमध्ये मोठ्याप्रमाणात उत्साह असून त्याचा परिणाम मोठ्या मताधिक्याने विजयामध्ये रूपांतरित होईल असा विश्वास उमेदवार मेधा कुलकर्णी यांनी व्यक्त केला.

‘नरेंद्र मोदी यांच्याविरोधात माझा राग नाही. असे सांगत उद्धव ठाकरे यांनी , त्यांना आम्ही संपूर्ण देश दिला. पण आता आमचा महाराष्ट्र आम्हाला देण्याची दिलदारी त्यांच्यात नाही. मोदी यांना पंतप्रधान बनवण्यासाठी आम्ही साथ दिली. मात्र साथ दिल्यानंतरही ते जर अशी लाथ मारणार असतील, तर मग छत्रपती शिवाजी महाराजांचे आशीर्वाद कोणाच्या पाठीशी आहेत, ते महाराष्ट्र तुम्हाला दाखवून देईल’, अशा शब्दांत उद्धव ठाकरे यांनी संताप व्यक्त केला.चहावाला पंतप्रधान झाला याचा आनंद आहे गुजरात दंगलीनंतर सारा देश मोदींच्या विरोधात गेला तेव्हा अडवाणी यांनी मुंबईत येवून बाळासाहेबांकडे विचारणा केली होती ‘ ये मोदी का क्या करे ?तेव्हा सेनेने त्यांची पाठराखण केली , नर्मदा सरोवर प्रकरणी एकट्या पडलेल्या मोदीला सेनेनेच साथ दिली होती . कोण होते मोदी ? असा सवाल करीत ठाकरे यांनी भाजपचा समाचार घेतला उद्धव म्हणाले, शिवाजी महाराजांना संपवायला कुतुबशाह, निजामशाह, आदिलशाह आले. परंतु त्यांचे काय झाले ते सगळ्यांना ठाऊक आहे. (गर्दीतून अमित शहा यांचे नाव पुकारण्यात आले) उगाचच घाई करू नका. माझ्या तोंडून नको ते नाव येईल असे म्हणत त्यांनी अमित शहा यांचे नाव टाळले. मोदी लाट होती तर उत्तर प्रदेश, बिहारमध्ये भाजप का हरली?असा सवाल हि त्यांनी केला .
जागा ,जागा , काय करता , काय मागता? विधानसभेच्या सर्व २८८ जागा देतो आणि त्याबरोबर लोकसभेच्या ४८ जागाही आम्ही तुम्हाला देऊन टाकतो, पण … मात्र त्याअगोदर पाकिस्तान आणि चीनच्या ताब्यातील जागा घेऊन या. कर्नाटकमध्ये असलेला महाराष्ट्राचा भूभाग परत आणा. जागेची काय किंमत असते हे काश्मिरी पंडितांना विचारून पाहा.आणि सीमाभागातील मराठी बांधवांना जाऊन विचारा आणि मग निवडणुकीतील जागा मागा असेही ते म्हणाले .
(उद्धव ठाकरे यांच्या भाषणात अमिताभ बच्चन यांच्या ‘दिवार ‘या सिनेमाच्या संवादाचा बराच प्रभाव असावा असे जाणवले , ‘ जाओ पहले उस आदमी का साईन लावो … फिर मेरे भाई , तुम जिस कागज पार कहते हो उस पे साईन करुंगा … यावर हा भाषणातला मुद्दा होता तर , मेरे पास बंगला है , मोटार ही … क्या है तुम्हारे पास ? …मेरे पास शिव छत्रपती जीन्का आशीर्वाद है … ही स्टाईल त्यांच्या भाषणात जाणवली )
विधानसभा निवडणुकीच्या रणधुमाळीत शिवसेना-भारतीय जनता पक्षाची युती तुटल्यानंतर झालेल्या पहिल्याच जाहीर सभेत शिवसेनेचे पक्षप्रमुख उद्धव ठाकरे यांनी शनिवारी त्यांचा पहिलाच वार अपेक्षेनुसार भाजपवर केला. ‘मोगलांच्या मस्तवाल हत्तीशी दोन हात करणारे मावळे जसे शिवरायांकडे होते, तसेच महाराष्ट्रावर चालून येणाऱ्या मस्तवाल हत्तींच्या सोंडा कापून त्यांना परत पाठविण्यास शिवसेना समर्थ आहे’ या शब्दांत भाजपला लक्ष्य करीत त्यांच्याविरोधात उद्धव यांनी रणशिंग फुंकले. ‘शिवसेना-भाजप युती तोडण्यास मी कारणीभूत नसलो तरीही मला महाराष्ट्राने माफ करावे. महाराष्ट्राला दिलेल्या वचनाला शिवसेना जागणार असून, लाट काय असते ते शिवसेना दाखवून देईल. मी शिवसेनेचा मुख्यमंत्री आणून दाखवेन’ असा विश्वासही त्यांनी व्यक्त केला.
शिवसेनेच्या राज्यातील विधानसभा निवडणुकांच्या प्रचाराचा नारळ महालक्ष्मी रेसकोर्स येथे शनिवारी वाढवण्यात आला. यावेळी शिवसेना पक्षप्रमुख उद्धव ठाकरे यांनी भाजपसोबतच्या वाटाघाटींचा लेखाजोखा सर्वांपुढे मांडला. ‘युती तोडण्याचे भाजपने बहुदा आधीच ठरवले होते. युती टिकविण्याचा मी शेवटपर्यंत प्रयत्न केला; मात्र अधिकच्या ३५ जागा मागितल्या जात असतील तर त्या देणे कुणालाही अशक्यच ठरले असते. मी माझ्या आणि त्यांच्या वाट्याच्या १९ जागा सोडल्या होत्या. मात्र त्याउपर जागा सोडणे शक्य नव्हते’, असे उद्धव म्हणाले. ‘शिवसेनेने घाम गाळून, प्रसंगी रक्त आटवून ज्या जागा आजवर मिळवल्या, टिकवल्या त्या सहजासहजी द्यायला आम्ही काय जागांचे गोडाऊन काढले आहे का? भूमिपुत्रांच्या आणि हिंदूंच्या रक्षणासाठी शिवसेनेचा जन्म झाला आहे. भाजपने हिंदुत्वाची युती तोडली आहे, त्यांना हिंदू कधीही माफ करणार नाही’, अशी तोफही त्यांनी डागली.
‘बाळासाहेब ठाकरे आणि बाबासाहेब आंबेडकर यांच्या स्वप्नातला महाराष्ट्र घडविण्यासाठी रामदास आठवले यांना माझे जाहीर आवाहन आहे. सगळेच मित्रपक्ष पळून गेले आहेत. माझ्याकडे आत्ता आहे तो विश्वास’, असे म्हणत रामदास आठवले यांना उपमुख्यमंत्रिपदाची जाहीर ऑफर उद्धव यांनी पुन्हा दिली.
मुंडे-महाजन यांच्याशी आमचे कौटुंबिक संबंध होते आणि ते पुढेही राहतील. पंकजाला मी बहीण मानले असून एक भाऊ म्हणून मी तिच्याविरोधात कसा लढणार? त्यामुळे पंकजा आणि प्रितम मुंडे यांच्याविरोधात शिवसेना उमेदवार देणार नाही, असे उद्धव यांनी यावेळी जाहीर केले.( मात्र या संपूर्ण भाषणात त्यांनी आपला भाऊ राज ठाकरे यांचा नामोल्लेख अगर साधा स्पर्श हि म न से ला केला नाही)
विरोधकांचा समाचार घेताना, मुख्यमंत्री पृथ्वीराज चव्हाण मला अनुभव नसल्याचे सांगताहेत. मग तुम्हाला अनुभव असताना फायली का नाहीत हलल्या, असा टोला उद्धव यांनी लगावला. भ्रष्टाचार करण्याचा वा कामच न करण्याचा अनुभव मला नसेल तर हे चांगलेच आहे. मंगळावर यान गेल्यानंतर तिथले फोटो प्रसिद्ध झाले आहेत. आपल्याकडच्या शरद पवारांनी तिथेही कदाचित आधीच जमिनी घेऊन ठेवल्या असतील, असा चिमटा त्यांनी काढला.
युती तुटल्याचे सांगण्याची जबाबदारी एकनाथ खडसे यांच्यावर देण्यात आली. त्यावर मांजराच्या गळ्यात घंटा बांधण्याचा खडसे यांनी प्रयत्न केला. मात्र आम्ही मांजर नसून वाघ आहोत. २५ वर्षे मैत्री केली असली तरी या वाघाचे मांजर झालेले नाही. तुम्ही जी घंटा गळ्यात बांधलीत, ती अख्ख्या महाराष्ट्रात नेऊन हिंदूंचा काय घंटानाद असतो, ते तुम्हाला दाखवून देऊ, असे उद्धव म्हणाले. शिवसेनाप्रमुख बाळासाहेब ठाकरे यांच्या आवाजातील एक ऑडिओ कॅसेट काढण्यात आली असून त्यात शिवसेनेला विजयी करण्याचा संदेश देण्यात आला आहे. ही कॅसेट भाषणाच्या शेवटी सर्वांना देत उद्धव ठाकरे यांनी उपस्थितांना वचनबद्ध केले.
मुख्यमंत्रीपदासाठी मी युती तोडली असे आता कोणी म्हणेल, पण मग तुम्ही ज्या जागा वाढवून मागत होतात, त्या मंत्रालयात सागरगोट्या की लगोऱ्या खेळण्यासाठी अशा शब्दांत त्यांनी भाजपचे नाव न घेता उद्धव यांनी तोफ डागली. मी उगाच खुर्चीची स्वप्ने पाहत नाही, मात्र मी जबादारीपासून पळतही नाही. शिवसैनिक आणि महाराष्ट्रातील मायबाप जनतेच्या मदतीने मी शिवसेनेचा मुख्यमंत्री आणून दाखवेनच. पूर्ण बहुमताने सत्ता आली, तर काँग्रेस-राष्ट्रवादी काँग्रेस म्हणेल त्या बालेकिल्ल्यात मी उभा राहीन आणि निवडून येईन, असे आव्हान उद्धव ठाकरे यांनी यावेळी दिले शिवसेनेने हिंदुत्वाची कास कधीही सोडली नाही. मुंबईत दंगली पेटल्यानंतर आम्ही गुजराती, मारवाडी, जैन वा मराठी-अमराठी असा वाद केला नाही, प्रत्येकाला आम्ही मदत केली. शिवसेना रस्त्यावर मदतीसाठी उतरली, तेव्हा बाकीचे कुठे गेले होते, असा सवाल त्यांनी केला.
महाराष्ट्र कधीच दिल्लीसमोर झुकणार नाही …
गेली २५ वर्षे राज्याच्या राजकारणात नैसर्गिक मित्रपक्ष असलेल्या व आता विधानसभेच्या तोंडावर वेगळा घरोबा करणाऱ्या भारतीय जनता पक्षावर शिवसेनेच्या दुसऱ्या फळीतील नेत्यांनीही शनिवारी चौफेर टीकेची झोड उठवली. ‘महाराष्ट्र कधीच दिल्लीसमोर झुकला नाही, त्यामुळे भाजपने आम्हाला दिल्लीची मिजास दाखवू नये,’ असा खणखणीत इशारा खासदार संजय राऊत यांनी दिला.
युतीतून स्वतंत्र झाल्यानंतर शिवसेनेची पहिली प्रचारसभा शनिवारी मुंबईतील महालक्ष्मी रेसकोर्स मैदानावर झाली. पक्षप्रमुख उद्धव ठाकरे यांनी यावेळी मार्गदर्शन केले. मात्र तत्पूर्वी शिवसेनेच्या इतर नेत्यांनी आपल्या भाषणात भाजपची ‘कमळाबाई’ अशी निर्भर्त्सना करत त्यांच्या फुटीच्या भूमिकेवर कठोर टीका केली. ‘आमचे आजपर्यंत मिशन १५० होते, आता २५० असेल. जिथे भगवा आहे तेथे छत्रपती आहेत. महाराजांचा महाराष्ट्र इकडे तिकडे जाणार नाही. आम्हाला दिल्लीची मिजास दाखवू नका, महाराष्ट्राने औरंगजेबासारख्या दिल्लीश्वराला पाणी पाजले आहे,’ असे खासदार संजय राऊत यांनी भाजपला ठणकावून सांगितले. ‘आजपर्यंत आम्ही हमाली केली, यापुढे महाराष्ट्राचा स्वाभिमान गहाण टाकरणार नाही,’ असा इशाराही राऊत यांनी दिला.
२५ वर्षांच्या संसारातून आता कमळाबाई निघून गेली आहे. पण सौभाग्य आमच्याकडे आहे. त्यामुळे १५ ऑक्टोबरच्या लढाईत विजय शिवसेनेचाच होईल, असे म्हणत राऊत यांनी कमळाबाईबरोबर शिवसेनेची अडीच दशकांची युती नव्हती, ते लफडं होतं, या शब्दात भाजपवर हल्ला चढवला. कर्माने मरणाऱ्यांना धर्माने मारण्याची गरज नाही. यापुढे महाराष्ट्राचे राज्य मातोश्रीवरून चालेल, असेही त्यांनी स्पष्ट केले.
दिल्लीश्वरास मुजरा करणाऱ्यांतला महाराष्ट्र नाही. दिल्लीने अनेकदा महाराष्ट्र वार केले. या वेळी आमच्याकडे बाळासाहेबांच्या पुण्याईचे बख्तर आहे. आगामी निवडणुकीत शिवसैनिक विरोधकांचा मतरुपी वाघनखाने कोथळा बाहेर काढतील, असा आशावाद शिवसेनेचे उपनेते व अभिनेते डॉ. अमोल कोल्हे यांनी व्यक्त केला. बृहन्मुंबई महापालिकेच्या महापौर स्नेहल आंबेकर यांचेही या वेळी भाषण झाले.

पुणे: आमच्याकडे सत्ता दिल्यास आम्ही शासकीय योजना अधिक प्रभावीपणे राबवून शहर विकासाला गती देण्याचे काम करू त्यातून मोठ्या प्रमाणात रहिवाशांचा त्रास कमी होईल. रस्ते रुंदीकरण व विकास आराखड्याच्या नावाखाली आघाडी सरकारने सामान्याच्या घरांची पाडापाड केली आहे. स्थानिकांना विश्वासात न घेता सरकारने विकास आराखडा लादला असल्याने रहिवाशांच्या समस्यात व प्रश्नात भर पडली आहे. यातून मार्ग काढण्यासाठी भारतीय जनता पक्षाला निवडून द्या, असे आवाहन आज कसबा विधानसभा मतदार संघाचे उमेदवार गिरीश बापट यांनी प्रचार पदयात्रे दरम्यान काढले.

कसबा विधानसभा मतदार संघातील भाजपचे उमेदवार गिरीश बापट यांनी आज आपल्या प्रचाराचा पदयात्रा काढून शुभारंभ केला. भारतीय जनता पक्षाच्या शेकडो कार्यकर्त्यासोबत सकाळी दहा वाजता कसबा पेठ भागातील सूर्या हॉस्पिटलपासून या पदयात्रेला सुरवात झाली. त्यानंतर पवळे चौकातून मुस्लिम बहुल भाग दर्गा रोड, कागदी पुर्‍यात जाऊन गिरीश बापट यांनी मुस्लिम समाजाच्या समस्या जाणून घेतल्या. त्यानंतर भोई आळी, सात तोटी चौक, तांबट आळी, शिंपी आळी, झांबरे चावडी, गावाकोस मारुती आळी भागात घराघरात जाऊन बापट यांनी रहिवाशांच्या समस्या जाणून घेतल्या. गल्ल्या-वस्त्याचा दौरा करून मतदारांशी गप्पा मारल्या, तसेच, या ‘रोड शो’ मध्ये प्रत्येकाला व्यक्तीगत भेटून व हस्तांदोलन करून स्थानिकांशी बापट यांनी संवाद साधला. रविवार पेठेतील शनि मारुती मंदीराजवळ पदयात्रेचे समापन करताना स्थानिकांचे प्रश्न समजून घेऊन आपल्या भागाच्या व पुण्याच्या विकासाठी भाजपाला निवडून देण्याचे आवाहन त्यांनी यावेळी केले. या पदयात्रेत मोठ्या संख्येने महिला व युवक सहभागी झाले होते.

यावेळी कसबा विधानसभा मतदारसंघाचे अध्यक्ष राजेश ऐनपुरे, संजयमामा देशमुख, छगन बुलाखे, आनंद मालेगांवकर, विजय मरळ, भारत निजामपूरकर, अरविंद कोठारी, सतीश निजामपूरकर, दादा खत्री, प्रमोद कोंढरे, दीपक पोटे, राजेश परदेशी, प्रभागाचे अध्यक्ष गणेश पाचेरकर, योगेश समेळ, सुहास कुलकर्णी, पुष्कर तुळजापूरकर, अभय जगताप, देवा जांभुळकर, नामदेव माळवदे, अमित कंक, प्रशांत मुंदडा, शेखर नायडू, निलेश वैराट, नितीन पंडीत, बापू नाईक, संजय तिकवणे, निलेश कदम, महिला आघाडीच्या अध्यक्षा शोभाताई गोखले, शाबाना देशपांडे, सीमा जांभुळकर, चारू शिंदे, क्रांती खंडारे, वर्षाताई धोंगडे, मृणाल घोळे, कल्पनाताई जाधव आदी उपस्थित होते

(पुणे जिल्हा)

शिरूर : बाबूराव पाचर्णे,
बारामती : बाळासाहेब गावडे,
पुरंदर : संगीता राजे निंबाळकर,
मावळ : आ. संजय भेगडे,
चिंचवड : लक्ष्मण जगताप,
पिंपरी : अमर साबळे,
वडगाव शेरी : जगदीश मुळीक ,
कोथरूड : प्रा. मेधा कुळकर्णी,
खडकवासला : आ. भीमराव तापकीर,
पर्वती : आ. माधुरी मिसळ,
हडपसर : योगेश टिळेकर,
पुणे (कॅन्ट.) : दिलीप कांबळे,
कसबापेठ : आ. गिरीश बापट,
खेड-आळंदी – शरद बुट्टे-पाटील
भोर- शरद ढमाले

(मुंबई व परिसर)

बोईसर : जगदीश धुडी,
नालासोपारा : राजन नाईक,
भिवंडी (ग्रामीण) : सीताराम पाटील,
शहापूर : अशोक एर्नक,
भिवंडी (पूर्व) : संतोष शेट्टी,
मुरबाड : किसन काथोरे,
उल्हासनगर : आ. कुमार इयलानी,
डोंविवली : आ. रवींद्र चव्हाण,
मीरा-भाईंदर : नरेंद्र मेहता,
मुंब्रा-कळवा : अशोक भोईर,
बेलापूर : मंदा म्हात्रे,
बोरीवली : आ. विनोद तावडे,
दहिसर : मनीषा चौधरी,
नागोठाणे : हेमेंद्र मेहता,
मुलुंड : आ. सरदार तारासिंग,
जोगेश्‍वरी (पूर्व) : उज्ज्वला मोडक,
दिंडोशी : मोहीत कांबोज,
कांदिवली (पूर्व) : अतुल भातखळकर,
चारकोप : आ. योगेश सागर,
मालाड (पश्‍चिम) : डॉ. राम बारोट,
गोरेगाव : विद्या ठाकूर,
अंधेरी (पश्‍चिम) : अमित साटम,
अंधेरी (पूर्व) : सुनील यादव,
विलेपार्ले : ऍड. पराग अळवणी,
चांदीवली : सीताराम तिवारी,
घाटकोपर (पश्‍चिम) : आ. राम कदम,
घाटकोपर (पूर्व) : आ. प्रकाश मेहता,
अणुशक्तीनगर : संदीप आसोलकर,
कुर्ला : विजय कांबळे,
कलिना : अमरजितसिंग,
वांद्रे (पूर्व) : महेश पारकर,
वांद्रे (पश्‍चिम) : ऍड. आशीष शेलार,
धारावी : दिव्या ढोळे,
सायन-कोळीवाडा : कॅप्टन तमिळ सेल्व्हन,
माहीम : विलास आंबेकर,
वरळी : सुनील राणे,
शिवडी : शलाका साळवी,
भायखळा : मधू चव्हाण,
मलबार हिल : आ. मंगलप्रभात लोढा,
मुंबादेवी : अतुल शाह,
कुलाबा : ऍड. राज पुरोहित,
पनवेल : प्रशांत ठाकूर,
उरण : महेश बैदी,
अलिबाग : राजू साळुंके,

(नाशिक जिल्हा)

नांदगाव : अद्वय हिरे,
मालेगाव (बाह्य) : पवन ठाकरे,
बागलाण : दिलीप बोरसे,
चांदवड : डॉ. राहुल अहेर,
सिन्नर : माणिकराव कोकाटे,
निफाड : भागवत बोरास्ते,
नाशिक (पूर्व), बाळासाहेब सानप,
नाशिक (मध्य) : देवयानी फरांदे,
नाशिक (पश्‍चिम) : सीमा हिरे,
देवळाली : कॅप्टन कुणाल गायकवाड,
इगतपुरी : परशुराम वाघेरे,
डहाणू : पास्कल धनागरे,
विक्रमगड : आ. विष्णू सावरा,
पालघर : दीपा संके,

(सोलापूर जिल्हा)

मोहोळ : संजय क्षीरसागर,
सोलापूर शहर उत्तर : आ. विजयराव देशमुख,
अक्कलकोट : आ. सिद्धरामप्पा पाटील,
सोलापूर दक्षिण : सुभाष देशमुख,
कराड दक्षिण : अतुल भोसले,
सातारा : दीपक पवार,

(कोकण)

रत्नागिरी : सुरेंद्र (बाळ) माने,
कणकवली : आ. प्रमोद जठार,
सावंतवाडी : अतुल काळसेकर,
गुहागर : डॉ. विनय नातू,

(कोल्हापूर जिल्हा)

कोल्हापूर दक्षिण : अमर महाडिक,
करवीर : केरबा चौगुले,
कोल्हापूर उत्तर : महेश जाधव,
इचलकरंजी : आ. सुरेश हळवणकर,

(सांगली जिल्हा)

मिरज : सुरेश खाडे,
शिराळा : शिवाजीराव नाईक,
पळूस-कडेगाव : पृथ्वीराज देशमुख,
खानापूर : गोपीचंद पडाळकर,
तासगाव-कवठे महांकाळ : अजित घोरपडे

(मराठवाडा व नगर)
अकोले : अशोक भांगरे,
नेवासा : बाळासाहेब मुरकुटे,
राहुरी : आ. शिवाजीराव कर्डिले,
श्रीगोंदा : आ. बबनराव पाचपुते,
कर्जत जामखेड : आ. प्रा. राम शिंदे,
गेवराई : ऍड. लक्ष्मण पवार,
माजलगाव : आर. टी. देशमुख,
परळी : पंकजा मुंडे- पालवे,
लातूर (ग्रामीण) : रमेश कराड,
लातूर (शहर) : शैलेश लाहोटी,
अहमदपूर : गणेश हाके,
निलंगा : संभाजी पाटील निलंगेकर,
औसा : पाशा पटेल,
तुळजापूर : संजय निंबाळकर,
भोकर : डॉ. माधव किन्हाळकर,
लोहा : मुक्तेश्‍वर धोंडगे,
नायगाव : राजेश पवार,
मुखेड : गोविंद राठोड,
वसमत : ऍड. शिवाजी जाधव,
हिंगोली : तानाजी मुटकुले,
परभणी : अजय गव्हाणे,
परतूर : बबनराव लोणीकर,
बदनापूर : नारायण कुचे,
सिल्लोड : सुरेश बनकर,
फुलंब्री : हरिभाऊ बागडे,
औरंगाबाद (पश्‍चिम) : मधुकर सावंत,
गंगापूर : प्रशांत बंब,
वैजापूर : एकनाथ जाधव,

शाहदा : उदयसिंह कचरू पडवी
नंदुरबार : डॉ. विजयकुमार गावित
नवापूर : अनिल मोहन वसावे,
साकरी : मंजुळा गावित,
धुळे शहर : अनिल गोटे,
सिंदखेडा : आ. जयकुमार रावल,
शिरपूर : डॉ. जितेंद्र ठाकूर,
चोपडा : जगन्नाथ बाविस्कर,
रावेर : हरिभाऊ जावळे,
भुसावळ : संजय सावकारे,
जळगाव शहर : राजुमामा भोळे,
जळगाव ग्रामीण : पी. सी. आबा पाटील,
अंमळनेर : अनिल भाईदास पाटील,
एरंडोल : मच्छिंद्र पाटील,
जामनेर : आ. गिरीश महाजन,
मुक्ताईनगर : आ. एकनाथराव खडसे,
मलकापूर : आ. चैनसुख संचेती,
चिखली : सुरेशअप्पा खाबुतारे,
सिंदखेडराजा : डॉ. गणेश मंते,
जळगाव जामोद : आ. डॉ. संजय कुटे,
आकोट : प्रकाश भारसाकळे,
अकोला पश्‍चिम : आ. गोवर्धन शर्मा,
मूर्तिजापूर : आ. हरीश पिंपळे,
वाशीम : आ. लखन मलिक,
कारंजा : डॉ. राजेंद्र पाटणी,
धामणगाव रेल्वे : अरुण अडसड,
बडनेरा : तुषार भारतीय,
अमरावती : डॉ. सुनील देशमुख,
तिवसा : निवेदिता चौधरी,
दर्यापूर : श्रीकृष्ण बुंदले,
मेळघाट : प्रभुदास भिलावेकर,
मोर्शी : डॉ. अनिल बोंडे,
आर्वी : आ. दादारावजी केचे,
देवळी : सुरेश वाघमारे,
हिंगणघाट : समीर कुणावार,
उमरेड : आ. सुधीर पारवे,
नागपूर (दक्षिण-पश्‍चिम) आ. देवेंद्र फडणवीस,
नागपूर (पूर्व) : आ. कृष्णा खोपडे,
नागपूर (मध्य) : आ. विकास कुंभारे,
नागपूर (पश्‍चिम) : आ. सुधाकर देशमुख,
नागपूर (उत्तर) : डॉ. मिलींद माने,
कामठी : आ. चंद्रशेखर बावनकुळे,
तुमसर : चरण वाघमारे,
साकोली : बाळा काशीवार,
अर्जुनी मोरगाव : आ. राजकुमार बडोले,
गोंदिया : विनोद अग्रवाल,
आमगाव : संजय पुरम,
अहेरी : राजे अंबरीश महाराज,
राजुरा : संजय धोटे,
बल्लारपूर : आ. सुधीर मुनगंटीवार,
ब्रह्मपुरी : आ. अतुल देशकर,
चिमूर : कीर्तिकुमार भांगडिया,
यवतमाळ : मदन येरावार,
उमरखेड : राजेंद्र नजरधने,

भाजपची दुसरी यादी –

अक्कलकुआ- विजय पराडके
धुळे ग्रामिण – मनोहर भदाणे

शिर्डी – राजेंद्र पिपाडा
कोपरगाव – स्नेहल कोल्हे
पारनेर – बाबासाहेब रामभाऊ तांबे
अहमदनगर – अभय आगरकर
उदगिर – सुधाकर भालेराव
उमरगा – कैलाश शिंदे
उस्मानाबाद – संजय पाटील-दुधगावकर
बार्शी – राजेंद्र मिरगणे
वाई – पुरुषोत्तम जाधव
दापोली – केदार साठे
सांगली – सुधीर गाडगीळ
नांदेड उत्तर- सुधाकर पांढरे
नांदेड दक्षिण- दिलीप कंदाकृती
नसावंगी- विलास खरात
जालना- अरविंद चव्हाण
औरंगाबाद मध्य- किशनचंद तनवानी
मालेगाव मध्य- हाजी मोहम्मद
कल्याण- यशवंत गवळी
येवला – शिवाजी मानकर
वसई- शेखर धुनी
भिवंडी पश्चिम- महेश चौगुले
कल्याण ग्रामीण- रमेश पाटील
ओवळा-माजिवडा- संजय पांडे
भांडूप पश्चिम- मनोज कोटक
वर्सोवा – भारती लव्हेकर
कर्जत – राजेंद्र येनुकर
महाड – सुधीर महाडिक
जुन्नर – नेताजी डोके
आंबेगाव – जयसिंग येरांडे
अकोला पूर्व – रणधीर सावरकर
अचलपूर – अशोक बनसोड
वर्धा- पंकज भोयार
कटोल- आशिष देशमुख
सावनेर – सोनबा मुसळे
हिंगना – समीर मेघे
नागपूर दक्षिण- सुधाकर कोल्हे
रामटेक – माल्लिकार्जुन रेड्डी
भंडारा – रामचंद्र अवसारे
अरमोरी- कृष्णा गजबे
वणी – संजीव रेड्डी
राळेगाव – प्रा. अशोक उके
डिग्रस – अजय दुबे
अरणी – राजू तोडसम
जिंतूर – माणिक मुंडे

पुणे – विद्यमान आमदार गिरीश बापट यांनी पुन्हा एकदा भाजपतर्फे, तर रोहित टिळक यांनी कॉंग्रेसतर्फे कसबा विधानसभा मतदारसंघातून शुक्रवारी उमेदवारी अर्ज दाखल केला. यावेळी बापट म्हणाले , मी धंदेवाईक नाही पूर्णवेळ स्वयंसेवक आहे तर टिळक म्हणाले , कोणाशी लढत देण्यासाठी मी उभा नाही , मी मतदारांचे हक्क मिळवून देणे नागरी समस्या सोडविणे यासाठी लढतो आहे
कसबा गणपती मंदिरापासून पदयात्रा काढून आज सकाळी बापट यांनी अर्ज दाखल केला. त्या वेळी त्यांच्या सोबत गिरिजा बापट, नगरसेवक अशोक येनपुरे, किरण सरदेशपांडे, राजेंद्र येनपुरे यांच्यासह मोठ्या संख्येने कार्यकर्ते उपस्थित होते. तर टिळक यांनी केसरीवाडा येथे श्रीगणेशाची आरती करून आणि मंडई येथील लोकमान्य टिळक यांच्या पुतळ्यास पुष्पहार अर्पण करून कार्यकर्त्यांसह जाऊन उमेदवारी अर्ज दाखल केला. त्या वेळी नगरसेवक मिलिंद काची, माजी नगरसेवक श्‍याम मानकर, वीरेंद्र किराड, नीता रजपूत, सुधीर काळे, उल्हास भट उपस्थित होते. उमेदवारी अर्ज भरण्याच्या वेळी बापट आणि टिळक एकाचवेळी आल्याने त्यांनी एकमेकांना भेटून शुभेच्छा दिल्या.
बापट म्हणाले, “”युतीच्या माध्यमातून गेली वीस वर्षे मी या मतदारसंघाचे प्रतिनिधित्व करीत आहे. महायुती तुटल्यामुळे मी दु:खी झालो आहे. मतदारसंघातील सर्वसामान्य माणूस केंद्रबिंदू ठेवून मी आजपर्यंत काम करीत आलो आहे. अद्यापही मतदारसंघातील काही प्रश्‍न प्रलंबित आहेत. मी धंदेवाईक नसून पूर्णवेळ स्वयंसेवक आहे. माझी लढत सर्वांबरोबरच आहे. जनता सुज्ञ आहे. मी कोणत्याही उमेदवारावर वैयक्तिक टीका करणार नाही. जनताच योग्य काय तो निर्णय घेईल.‘‘
तर टिळक म्हणाले, “”गेल्या वेळेस जनतेचा विश्‍वास संपादन करण्यात मी कमी पडलो. परंतु गेल्या पाच वर्षांत मी मतदारसंघात काम करीत आहे. राज्यात आघाडी सरकारच्या माध्यमातून मुख्यमंत्री पृथ्वीराज चव्हाण यांनी लोकोपयोगी कामे केली आहेत. त्यांच्या बळावर मी निवडणूक लढवीत आहे. माझी लढत ही कोणाशी नसून, मतदारसंघातील प्रलंबित प्रश्‍न सोडविण्यासाठी मी उभा आहे. मतदार योग्य तोच निर्णय घेतील, असा विश्‍वास मला आहे.‘‘

दिलीप वळसे पाटील यांनी प्रकाशित केलेल्या विकासपर्व या पुस्तिकेवर टीका करताना खासदार शिवाजीराव आढळराव पाटील म्हणाले होते, की राष्ट्रपतिपदाची निवडणूक लढवत असल्याप्रमाणे हा अहवाल छापला आहे. याला प्रत्युत्तर देताना वळसे पाटील म्हणाले, गेली पाच वर्षे विधानसभेचा अध्यक्ष असलो, तरी माझी पहिली जबाबदारी आपल्या मतदारसंघाची होती. त्याचा एकूण गोषवारा लोकांपुढे ठेवणे, हे माझे कर्तव्य आहे. त्यामागे माझी भावना अत्यंत विनम्रपणाची आहे. ज्यांनी मला विश्‍वासाने व प्रेमाने पाच वेळेस निवडून दिले, त्यांचा विश्‍वास खरा ठरला की नाही हे जाणण्याचा त्यांना हक्क आहे. त्यामुळे केवळ कर्तव्य भावनेमधून आणि आपल्या भागात काय झाले आहे, काय होणार आहे, हे लोकांना कळण्यासाठीच अहवाल दिला आहे, असे पाटील म्हणाले.
मी नेहमी कामाच्या आधारे जनतेचा कौल मागितला. या पाच वर्षांत अनेक योजना यशस्वी केल्या. शेती, शिक्षण, आरोग्य आणि उद्योग या क्षेत्रांमध्ये केलेल्या कामातून मतदारसंघाचे रूप कसे पालटले आहे, हे दाखविणे हा प्रयत्न विकासपर्व प्रसिद्ध करण्यामागील आहे. जनतेच्या प्रेमाचा उतराई होण्यासाठीच कामाचा अहवाल प्रसिद्ध केला असल्याचे दिलीप वळसे पाटील यांनी सांगितले.
त्यामागची भावना ज्यांना समजलेली नाही ते राष्ट्रपती निवडणुकीचा संदर्भ जोडून खिजवत आहेत. यातून ते मतदारांबद्दल अनादर व्यक्त करून राष्ट्रपती पदाचीही अप्रतिष्ठा करत आहेत. ते पुढे म्हणाले, की वास्तविक ही कामे आंबेगाव-शिरूर मतदारसंघातील लोकांच्या दैनंदिन जीवनाचा भाग आहेत. त्यांची केवळ आठवण व्हावी, म्हणून अहवाल सादर केला आहे

पुणे- आज भाजपनं 172 उमेदवारांची पहिली यादी जाहीर केली या मध्ये पर्वती – माधुरी मिसाळ , हडपसर -योगेश टिळेकर , पुणे लष्कर – दिलीप कांबळे , खडकवासला – भीमराव तापकीर , कोथरूड – मेधा कुलकर्णी , वडगावशेरी -जगदीश मुळीक , पिंपरी– अमर साबळे , चिंचवड -लक्ष्मण जगताप , मावळ- संजय भेगडे , पुरंदर- संगीताराजे निंबाळकर , बारामती- बाळासाहेब गावडे , शिरूर बाबुराव पाचारणे देण्यात आली आहे या यादीत बबनराव पाचपुते(श्रीगोंदा) , लक्ष्मण जगताप(चिंचवड ) , राम कदम(घाटकोपर -वेस्ट ) या नुकत्याच भाजपमध्ये प्रवेश केलेल्यांचाही समावेश आहे दरम्यान आज आ , गिरीश बापट यांनी आहे कि , आज दिनांक २६ सप्टेंबर रोजी पुण्याचे ग्रामदैवत असलेल्या श्री कसबा गणपती चे आशीर्वाद घेऊन मी विधानसभेसाठी उमेदवारी अर्ज दाखल केला आहे. पुण्यातील सर्व नागरिकांचे प्रेम आणि आशीर्वाद मला नेहमीच मिळत आला आहे. हे प्रेम असेच मिळत राहणार याबद्दल मला विश्वास आहे.कसबा मतदारसंघातील नागरिकांनी दाखवलेल्या विश्वासास याही वेळी मी पात्र ठरेन याबद्दल मला अजिबात शंका नाही.
पर्वती विधानसभा मतदारसंघातून भाजपच्या विद्यमान आमदार माधुरी मिसाळ, राष्ट्रवादीचे सुभाष जगताप, काँग्रेसचे अभय छाजेड, अपक्ष सचिन तावरे आणि बहुजन समाज पक्षाचे राम पालखे, शिवलाल भोसले यांनी शुक्रवारी उमेदवारी अर्ज दाखल केले.
त्यातील मिसाळ व पालखे यांनी अर्जासोबत पक्षाचा एबी फॉर्म जोडला असून, इतर उमेदवारांनी अजून एबी फॉर्म जोडलेले नाहीत. आजपर्यंत ८ उमेदवारांनी १७ उमेदवारी अर्ज दाखल केले आहेत. त्यातील बहुतेक सर्वांनी एक अपक्ष व एक पक्षाचा असे दोन अर्ज दाखल केले असल्याची माहिती निवडणूक निर्णय अधिकारी ज्योती कदम यांनी दिली.
अँड़ रमेश धर्मावत व आबा वाघमारे यांनी अपक्ष म्हणून अर्ज दाखल केले आहेत. शुक्रवारपर्यंत एकूण ७७ अर्ज नेण्यात आले आहेत.
,