पुणे : महाराष्ट्रातील व्यापार्‍यांनी एलबीटी रद्द व्हावा, यासाठी राज्यव्यापी संप पुकारला होता. नुकत्याच झालेल्या विधानसभेच्या निवडणुकीत भाजपाने सत्ता आल्यानंतर एलबीटी तत्काळ रद्द केला जाईल, असे आश्‍वासन दिले होते. त्याची पुर्तता करावी अशी मागणी पूना र्मचंट्स चेंबरचे अध्यक्ष वालचंद संचेती यांनी मुख्यमंत्री देवेंद्र फडणवीस यांच्याकडे निवेदनाद्वारे केली आहे.
विक्रीकर कायदा जावून त्या जागी नव्याने मूल्यवर्धीत अर्थात व्हॅटचा कायदा १ एप्रिल २००६ रोजी राज्यात सुरू झाला. त्यावेळी जयंत पाटील अर्थमंत्री होते. पाटील यांनी यावेळी असे आश्‍वासन दिले होते की, व्हॅटचे उत्पन्न वाढल्यानंतर जकात रद्द करू. त्यावेळी व्हॅटचे उत्पन्न १८ हजार कोटी रुपये होते. ते आज ७५ हजार कोटी रुपयांवर पोहोचले आहे. अशावेळी दुसरा कर लावणे व्यापार्‍यांवर अन्यायकारक असल्याचे संचेती यांनी म्हटले आहे.
तसेच पंतप्रधान नरेंद्र मोदी यांनीही लुटो बाटो टॅक्स असे केले होते. भारतीतील कोणत्याही राज्यात एलबीटी टॅक्स अस्तित्वात नाही. फक्त महाराष्ट्रात असल्याचेही संचेती यांनी मुख्यमंत्र्यांना पाठविलेल्या पत्रात नमूद केले आहे.
चेंबरच्या आदर्श व्यापारी उत्तम पुरस्कार वितरण समारंभात मुख्यमंत्री फडणवीस यांनी भाजपा सत्तेवर आला तर राज्यातील एलबीटी या कराचे कोणताही कर न लावता तत्काळ उच्चाटन केले जाईल असे म्हटले होते.
त्यामुळे राज्यातील व्यापार्‍यांची एकमुखी मागणी आहे की, एलबीटी कर कोणत्याही कराशिवाय ताबडतोब रद्द करण्यात यावा.पूना र्मचंट्स चेंबरचे मुख्यमंत्र्यांना निवेदनजकाती ऐवजी स्थानिक संस्था करास २0१३ मध्ये सुरुवात झाली. त्यामध्ये अनेक अडचणी आल्या. स्थानिक संस्था कर कायद्यामध्ये अनेक जाचक तरतुदी असल्यामुळे तो रद्द करावा, अशी एकमुखाने मागणी केली होती. महाराष्ट्र राज्य विधानसभेची नुकतीच निवडणूक झाली असून, त्यामध्ये जो पक्ष एलबीटी रद्द करेल अशाच पक्षास आम्ही मते देवू अशी उघड भूमिका सर्व व्यापार्‍यांनी घेतली होती. त्यावेळी भारतीय जनता पक्षाच्या नेत्यांनी व्यापार्‍यांना एलबीटी रद्द करू असे लेखी आश्‍वासन दिले होते.

पुणे : वाघोली येथे स्टोन क्रशरने र्मयादेपेक्षा अधिक उत्खनन केल्याच्या प्रकरणात सुनावणीसाठी गैरहजर राहणार्‍या जिल्हाधिकार्‍यांना हरित न्यायाधिकरणाने एक लाख रुपये दंडाची रक्कम भरण्याचा आदेश दिला आहे. ही रक्कम राहुरीच्या कृषी विद्यापीठाकडे भरावी आणि त्यांनी तिचा उपयोग संशोधनासाठी करावा असे न्यायाधिकरणाचे अध्यक्ष न्यायमूर्ती विकास किनगावकर यांनी आदेशात म्हटले आहे.

याप्रकरणी वाघोली येथे राहणारे हरुभाई साबळे यांनी वाघोली येथे बेकायदा उत्खनन केल्यासंदर्भात हरित न्यायाधिकरणामध्ये एक याचिका दाखल केली आहे. वाघोली येथील o्रद्धा या स्टोन क्रशरच्या चालकाने तेथील परिसरात बेकायदा दगडाचे उत्खनन केल्याचे त्यांनी याचिकेत म्हटले आहे. महसूल विभागाने परवानगी दिलेल्या क्षेत्रापेक्षा अतिरिक्त उत्खनन करून, त्यांनी कायद्याचा भंग केल्याचे म्हटले आहे. हे उत्खनन तातडीने बंद करण्यात यावे, असे साबळे यांनी याचिकेत म्हटले आहे. या याचिकेची न्यायाधिकरणाने दखल घेत यातील माहिती सादर करण्याचा आदेश जिल्हाधिकार्‍यांना न्यायाधिकरणाने दिला होता. त्यावर सुनावणीसाठी जिल्हाधिकार्‍यांच्या वतीने एका तारखेला अँड़ मूलचंदानी हे हजर झाले होते, परंतु आदेश दिल्याप्रमाणे त्यांनी कोणतीही माहिती सादर केली नाही. यानंतर झालेल्या सुनावणीला जिल्हाधिकारी किंवा त्यांच्या वतीने कुणीच हजर झाले नाही. यामुळे न्यायाधिकरणाचे अध्यक्ष न्यायमूर्ती विकास किनगावकर यांनी जिल्हाधिकार्‍यांना एक लाख रुपयांचा दंड ठोठावला. दंडाची ही रक्कम राहुरी कृषी विद्यापीठाकडे भरावी आणि ती रक्कम विद्यापीठाने संशोधन करण्यासाठी तिचा विनियोग करावा असे आदेशात नमूद करण्यात आले आहे.

पुणे :

‘सेव्ह पुणे इनिशिएटिव्ह संस्थेने’ मेट्रो सुनावणी मध्ये ‘इलेव्हेटेड मेट्रो’ला विरोध केला. नियोजनातील त्रुटी उघड केल्या आणि नव्याने सुधारित प्रस्ताव तयार करण्याची मागणी केली.
‘सेव्ह पुणे इनिशिएटिव्ह संस्थे’चे संस्थापक दीपक बिडकर यांनी नगर अभियंता प्रशांत वाघमारे यांना या मुद्यांवरचे लेखी पत्र सादर केले. मेट्रोसाठी 4 एफएसआय देऊन प्रचंड अवाजवी बांधकाम होईल. त्याचा ताण पायाभूत सुविधांवर येईल. त्यालाही संस्थेने विरोध केला.

पुणे- पंडित जवाहरलाल नेहरू यांचे योगदान केवळ स्वातंत्र्य लढ्यात नाही तर देश घडविण्यातही मोठ्ठे आहे असे प्रतिपादन शहर काँग्रेस चे अध्यक्ष अभय छाजेड यांनी येथे केले .
सहकारनगर मधील बागुल उद्यानामधील भीमसेन जोशी कलादालनात पंडित नेहरू यांच्या छायाचित्रांचे प्रदर्शन भरविण्यात आले आहे यावेळी उप महापौर आबा बागुल , माजी राज्य मंत्री रमेश बागवे , चंद्रकांत छाजेड , अभिजित कदम मुक्तार शेख महेश वाबळे आदी मान्यवर उपस्थित होते
इतिहासाला उजाळा देणे , तो नव्या पिढीपुढे मांडणे हे प्रत्येक काँग्रेस कार्यकर्त्याचे कर्तव्य असून त्या दृष्टीने आता कार्यकर्त्यांनी सतर्कतेने काम करावे असे आवाहन हि यावेळी अभय छाजेड यांनी येथे केले पंडित नेहरुंचा स्वातंत्र्य लढ्यातील सहभाग आणि देश उभारणीत सहभाग दर्शविणारी मोलाची छायाचित्रे येथे १६ नोव्हेंबर पर्यंत नागरिकांना पाहता येतील

भारतीय जनता पार्टी पुणे कॅंटोन्मेंट बोर्डाच्या उपाध्यक्षपदी रणवीर अरगडे यांची नियुक्ती करण्यात आली , या नियुक्तीचे पत्र भारतीय जनता पार्टी पुणे कॅंटोन्मेंट बोर्डाचे अध्यक्ष संतोष इंदुरकर यांनी नियुक्ती करण्यात आली .

रणवीर अरगडे हे सोलापूर बाजार येथे राहत असून पतित पावन संघटनेपासून ते सामाजिक क्षेत्रात कार्यरत आहेत , त्यांनी भारतीय जनता पार्टी पुणे कॅंटोन्मेंट बोर्ड वार्ड क्रंमांक पाच , सोलापूर बाजार येथील अध्यक्षपदी काम केले पहिले आहे . तसेच जय भवानी मित्र मंडळच्या अध्यक्षपदी कार्यरत आहेत . त्यांच्या या सामाजिक कार्यामुळे त्यांची हि नियुक्ती करण्यात आली आहे . त्यांच्या या नियुक्तीबद्दल राज्याचे सामाजिक न्याय राज्यमंत्री दिलीप कांबळे यांचे अभिनंदन केले आहे .

पुणे:
शहरात डेंग्युला अटकाव घालण्यासाठी पालिका करीत असलेल्या उपाययोजनांतील सर्वेक्षणात राज्य शासनाच्या आरोग्य विभागाच्या आणि “बीव्हीजी इंडिया लिमिटेड’ या सेवा क्षेत्रातील कंपनीच्या माध्यमातून चालविण्यात येणाऱ्या “महाराष्ट्र मेडिकल इमर्जन्सी सर्व्हिसेस’ चे डॉक्टर्स मदत करीत आहेत, अशी माहिती “महाराष्ट्र इमर्जन्सी मेडिकल सर्व्हिस’चे चीफ ऑपरेटिंग ऑफिसर डॉ.ज्ञानेश्वर शेळके यांनी दिली.

पुण्यातील औंध, बिबवेवाडी, भवानी पेठ, वारजे, घोले रोड, हडपसर, कृष्णानगर (हडपसर), नगर रोड, धनकवडी, मार्केटयार्ड, कोंढवा, शिवाजीनगर, गुलटेकडी, ढोले-पाटील रोड या भागामध्ये पालिकेची डेंग्यु अटकाव मोहिम सुरू आहे . पालिकेच्या या मोहिमेतील सर्वेक्षण कार्यात “महाराष्ट्र मेडिकल इमर्जन्सी सर्व्हिसेस’ चे 42 डॉक्टर्स व कर्मचारी सहभागी आहेत. आत्तापर्यंत “डायल 108′ सेवेच्या रूग्णवाहिकेद्वारे डेंग्यू लक्षणाच्या सात गंभीर रूग्णांना हॉस्पिटलमध्ये हलविण्यात आले आहे.

“26 जानेवारी 2014 रोजी सुरू झालेल्या या अत्याधुनिक वैद्यकीय सेवेसाठी 108 या दूरध्वनी क्रमांकावर डायल केल्यास सुसज्ज रुग्णवाहिका डॉक्टरांसह येते. 108 डायल वातानुकुलित विनामूल्य सेवा रूग्णवाहिकांमध्ये प्राण वाचविण्यासाठी व्हेंटीलेटरसहित सर्व अत्याधुनिक वैद्यकीय साधने आहेत. या सेवेचे मुख्य संचालन केंद्र व “रिस्पॉन्स सेंटर’ औंध उरो रुग्णालय (पुणे) येथे आहे, असे “बी.व्ही.जी. इंडिया’चे अध्यक्ष एच.आर. गायकवाड यांनी सांगितले.

पुणे धर्म प्रांताच्यावतीने पर्यावरणाच्या रक्षणासाठी , निसर्ग संवर्धनासाठी पुणे शहरात ” भव्य पर्यावरण जनजागृती पदयात्रा ” उत्साहात संपन्न झाली .

या भव्य पर्यावरण पदयात्रेची सुरुवात सकाळी ९ वाजता , क्वार्टर गेट चौकातील ऑर्नेला हायस्कूलपासून सुरुवात झाली . लक्ष्मी रोड , सिटी चर्च , साचापीर स्ट्रीट , इस्ट स्ट्रीट , इंदिरा गांधी चौक , व्होल्गा चौक , मोहम्मद रफी चौक , महात्मा गांधी रोड , कोहिनूर चौक , भोपळे चौक , बाबाजान चौक , कॉन्व्हेन्ट स्ट्रीट या मार्गे काढण्यात येउन सेंट व्हीन्सेट शाळेच्या मैदानावर या पदयात्रेचा समारोप करण्यात आला . या पदयात्रेचे उद्घाटन जेष्ठ क्रिकेटपटू चंदू बोर्डे यांच्या हस्ते वृक्षास पाणी घालून करण्यात आले . यावेळी पुणे धर्म प्रांताचे बिशप राईट रेव्हरंड थॉमस डाबरे, शिलॉंग येथील आर्क बिशप डॉमनिक झाला , पुण्याचे चर्च ऑफ नॉर्थ इंडियाचे बिशप राईट रेव्हरंड अंडरयु राठोड ,फादर माल्कम सिक्वेरा , मुस्लिम समाजाचे अभ्यासक अनिस चिस्ती , मुस्लिम वेल्फेअर एजुकेशन सोसायटीचे अध्यक्ष वाहिद बियाबानी , नितीन डिसोझा , जेम्स पॉल, केविन मेनवेल , ख्रिस्ती साहित्यिक अशोक आंग्रे , फादर गोडविन सलढाना , फादर जेम्स लुईस , फादर आयरिस फर्नाडिस , डॉ. कॉलीन लुझाडो ,फादर अंडरयु फर्नाडीस,फादर डायगो आल्मेडा आदी मान्यवर आणि २८ शाळा सुमारे आणि२ महाविद्यालयामधील दोन हजार विद्यार्थी तसेच सर्वधर्मीय लोक सहभागी मोठ्या संख्येने सहभागी झाले होते . या पदयात्रेत निसर्गाचा ऱ्हास थांबवा , हवा पाणी दुषित करू नका , जिथे आहे स्वछता , तिथे वसे देवता असे निसर्गाचे जनजागृतीपर संदेशाचे फलक घेऊन विद्यार्थी आणि नागरिक सहभागी झाले होते .

समारोपाच्या वेळेस सेंट व्हिन्सेट शाळेच्या मैदानावर विविध सांस्कृतिक कार्यक्रमाद्वारे पर्यावरण जनजागृतीपर नृत्ये विद्यार्थ्यांनी सादर केली . यावेळी पुणे धर्म प्रांताचे बिशप राईट रेव्हरंड थॉमस डाबरे यांनी विद्यार्थ्यांना पर्यावरण रक्षणाचा संदेश पृथ्वीला वाचविण्याचा संदेश दिला , सर्व विद्यार्थी मनापासून पदयात्रेत सहभागी होऊन पदयात्रा यशस्वीरित्या पूर्ण केल्याबद्दल आभार मानले .

यावेळी सर्व उपस्थितांचे स्वागत फादर गोडविन सलढाना यांनी केले तर सूत्रसंचालन सिनी डेव्हिड यांनी केले तर आभार फादर माल्कम सिक्वेरा यांनी मानले . या कार्यक्रमाची सांगता राष्ट्रगीताने करण्यात आली .

पुणे शहरात कचरा व्यवस्थापन उत्तम पद्धतीने व्हावे व नागरिकांनी ओला व सुका कचरा विभाजन करून ठेवावा, जेणे करून महानगरपालिकेच्या कचरा गोळा करणाऱ्या वाहनामध्ये हि ओला सुका कचरा वेगळा वेगळा देता येईल या उद्देशाने पुणे महानगरपालिकेच्या वतीने प्रत्येक प्रभागामध्ये सोसायटी, बंगले व नागरिकांना पांढर्या व हिरव्या रंगाच्या बकेट कचरा साठवण्यासाठी दिल्या जातात. परंतु अनेक ठिकाणी या बकेट चा वापर कचरा सोडून इतर कारणांसाठी केला जातो.

शासनाच्या महानगरपालिका कचरा व्यवस्थापन नियमावली मध्ये या संदर्भात स्पष्ट सब्दात मार्गदर्शन करण्यात आल आहे. त्यामध्ये या बकेट कशा असाव्यात याचे ‘डिझाईन’ देखील देण्यात आले आहे. परंतु पालिकेच्या वतीने पुन्हा जुन्याच बकेट खरेदी करण्यासाठी प्रयत्न होताना दिसत आहेत. लाखो रुपये खर्च करून घेतल्या जाणार्या या बकेट नियमावली मध्ये नमूद केल्या प्रमाणेच असाव्यात.

तसेच रस्त्यावर ठेवण्यात येणारे कंटेनर हे बंद दरवाज्याचे असावेत असेही या नियमावली मध्ये स्पष्ट करण्यात आले आहे. त्याचे हि पालन पालिका प्रशासना कडून होताना दिसत नाही. या दोन्ही गोष्टी शासनाच्या महानगरपालिका कचरा व्यवस्थापन नियमावली प्रमाणेच झाल्या पाहिजेत अशी मागणी खासदार वंदना चव्हाण यांनी आयुक्त कुणाल कुमार यांच्येकडे केली आहे. नुकत्याच झालेल्या स्थायी समितीच्या बैठकी मध्ये नगरसेवक चेतन तुपे यांनीहि सदर बकेट नियमावली प्रमाणेच असाव्यात या साठी आग्रह केला.