मुंबई, दि. २९ – पंतप्रधान नरेंद्र मोदी व त्यांच्या मंत्र्यांची अफझल खानाच्या फौजे शी , निजामशाहीशी तुलना करणारी आणि अशी अनेक वक्तव्ये शिवसेना पक्षप्रमुख उद्धव ठाकरेंनी निवडणूक प्रचार काळात केलीउत त्यामुळे आता सत्तेत सोबत यायचे असल्यास आधी पंतप्रधान नरेंद्र मोदी तसेच भाजपाध्यक्ष अमित शाह यांची माफी मागा अशी अट भाजपातर्फे उद्धव ठाकरेंसमोर ठेवण्यात येणार असल्याचे वृत्त एका इंग्रजी वृत्तपत्राने दिले आहे.यामुळे खळबळ उडाली आहे
राज्यातील सर्वात मोठा पक्ष ठरलेल्या भाजपाने मंगळवारी भाजपा विधिमंडळ पक्षाच्या गटनेतेपदी देवेंद्र फडणवीस यांची निवड करत राज्यपालांकडे सत्ता स्थापनेचा दावाही केला. मात्र या सर्वात त्यांनी शिवसेनेला सोबत घेण्याबद्दल अवाक्षरही काढले नाही. निवडणूक प्रचारारादरम्यान भाजपाचे अनेक नेते, राष्ट्रीय अध्यक्ष अमित शहा तसेच पंतप्रधान नरेंद्र मोदी यांच्यावर टीका केली. तर ‘सामना’च्या अग्रलेखांतूनही भाजपावर तोफे डागत त्यांनी मोदींचा बापही काढला, या सर्व गोष्टींमुळे भाजपा नेतृत्व दुखावले गेले असून उद्धवनी जाहीररित्या किंवा वैयक्तिक पातळीवर असो पण माफी मागायलाच हवी असा पवित्रा असे भाजपा नेत्यांनी घेतला आहे.
एका केंद्रीय नेत्याच्या सांगण्यानुसार, भाजपा- शिवसेना यांची युती होईलच, पण त्यासाठी थोडा काळ लागू शकतो. पंतप्रधान आणि अमित शाह यांच्याविरोधात त्यांच्या वक्तव्यांमुळे आम्ही नाराज असून त्यांना याची जाणीव व्हायला हवी अशी आमची इच्छा आहे. या वक्तव्यांबद्दल त्यांना माफी मागावी लागेल, असे त्या नेत्याने सांगितले.
राज्यात स्वबळावर सत्ता आणण्याची भाषा करणा-या शिवसेनेचे स्वप्न पूर्ण झाले नाही, तर दुसरीकडे भाजपाने जास्त जागा जिंकत सत्तास्थापनेसाठी दावाही केला आहे. मात्र त्यात सेनेला कोठेही स्थान दिलेले दिसत नाही. त्यामुळे सत्तेत वाटा हवा असेल तर भाजपाची अट मान्य करत माफी मागण्याशिवाय सेनेकडे दुसरा पर्याय नाही. आता सेना भाजपाच्या या दबावतंत्रापुढे झुकून माफी मागेल की विरोधी पक्षात बसणे पसंत करेल याकडे सर्वांचे लक्ष लागले असून लवकरच हे स्पष्ट होईल.

नवी दिल्ली -दिल्लीचे राज्यपाल हे भाजपचे एजंट असून राष्ट्रपती राजवट म्हणजे मागच्या दाराने राज्यपालांमार्फत भाजपचेच सरकार असल्याची टीका अरविंद केजरीवाल यांनी केली आहे . भाजपचेच दिल्लीत सत्तास्थापनेच्या हालचालींना वेग आला असताना आम आदमी पक्षाचे नेते अरविंद केजरीवाल यांनी राज्याचे राज्यपाल नजीब जंग हे ‘भाजपचे एजंट’ असल्याचाआरोप केला आहे. दिल्लीचे राज्यपाल मागच्या दाराने भाजपचं सरकार चालवत आहेत. घटनेचं पालन न करता भाजपचे एजंट असल्यासारखेच ते वागत आहेत, असे विधान केजरीवाल यांनी केलं आहे.
दिल्लीत गेले पाच महिने राष्ट्रपती राजवट असल्याने सुप्रीम कोर्टाने दिल्लीचे राज्यपाल आणि केंद्र सरकारला मंगळवारी खरमरीत शब्दांत फटकारले होते. त्यानंतर राज्यपाल नजीब जंग यांनी दिल्लीत सरकार स्थापन होण्याच्या दृष्टीने आपण भाजपसह सर्व पक्षांशी चर्चा करणार असल्याचे आज स्पष्ट केले आहे. येत्या काही दिवसात सर्वपक्षीय बैठक बोलावणार असल्याचेही त्यांनी नमूद केलंय. पण . ‘येत्या काही दिवसांत बैठक कशासाठी?, ‘राज्यपालांनी आजच सर्वपक्षीय बैठक बोलवावी आणि संध्याकाळपर्यंत अंतिम निर्णय घेऊन गुरुवारी सुप्रीम कोर्टात त्याबाबत माहिती द्यावी’, अशी मागणीही केजरीवाल यांनी केली आहे.

मुंबई- स्वतंत्र विदर्भाचे कट्टर समर्थक असलेले भाजप नेते देवेंद्र फडणवीस हे महाराष्ट्राचे नवे मुख्यमंत्री होणार आहे. आज, मंगळवारी विधानभवनात पार पडलेल्या भाजपच्या विधीमंडळ पक्षाच्या बैठकीत फडणवीस यांची नेतेपदी निवड करण्यात आली. केंद्रीय निरीक्षक म्हणून मुंबईत आलेले गृहमंत्री राजनाथ सिंह आणि राज्याचे प्रभारी जे. पी. नड्डा यांच्या उपस्थितीत बैठक पार पडली. मुख्यमंत्रिपदाच्या शर्यतीत असलेले ज्येष्ठ भाजप नेते एकनाथ खडसे यांनी देवेंद्र फडणवीस यांच्या नावाची सूचना केली. तर माजी प्रदेशाध्यक्ष सुधीर मुनगंटीवार, विधानपरिषदेतील विरोधी पक्षनेते विनोद तावडे आणि आमदार पंकजा मुंडे यांनी फडणवीस यांच्या नावाला अनुमोदन दिले अशी माहिती नड्डा यांनी पत्रकारांनी दिली. उपस्थित सर्व आमदारांनी या निवडीवर होकार दर्शवला . या प्रक्रियेनंतर बैठकीत राजनाथ सिंह यांनी फडणवीस यांच्या नावाची घोषणा केली. आज, संध्याकाळी सव्वा सहा वाजता राज्यपाल विद्यासागर राव यांना भेटून सरकार स्थापन करण्यासाठी दावा करणार असल्याचं तावडे यांनी सांगितले.’केंद्रात नरेंद्र आणि राज्यात देवेंद्र’ ही घोषणा अखेर खरी ठरली आहे. देवेंद्र फडणवीस हे कमी वयात महाराष्ट्राचे मुख्यमंत्री होणारे दुसरे नेते असणार आहे. राष्ट्रवादी काँग्रेसचे नेते शरद पवार हे वयाच्या 37व्या वर्षी राज्याचे मुख्यमंत्री झाले होते.
देवेंद्र फडणवीस 31 ऑक्टोबर रोजी सायंकाळी मुंबईतील वानखेडे स्टेडियमवर मुख्यमंत्रीपदाची शपथ घेणार आहेत.फडणवीस यांचा जन्म २२ जुलै १९७० रोजी नागपूर जिल्ह्यात झाला. देवेंद्र फडणवीस यांनी एल.एल.बी., बिझनेस मॅनेजमेंट व डी.एस.ई तसंच बर्लिनमधून मेथड्स अँड टेक्निक्स ऑफ प्रोजेक्ट मॅनेजमेंट इत्यादी विषयात पदविका प्राप्त केल्या आहेत.
फडणवीस यांनी नव्वदच्या दशकात राजकीय कारकि‍र्दीला प्रारंभ केला. राजकीय पक्ष आणि लोकप्रतिनिधी अशा दोन्ही आघाड्यांवर त्यांनी काम केले आहे. १९९२ आणि १९९७ साली ते दोन वेळा नागपूर महापालिकेत नगरसेवक म्हणून निवडून आले होते. लहान वयात नागपूरचे महापौर पद भूषविले, सर्वात कमी वयाचे ते देशातील दुसरे महापौर होते.
विधानसभेसाठी १९९९ मध्ये नागपुरातून त्यांना पक्षाने उमेदवारी दिली व ते आमदार झाले. सलग १३ वर्षे विधानसभेत असताना त्यांनी अंदाज समिती, गृह व नगरविकास खात्यांची स्थायी समिती, कायदा समिती ,सार्वजनिक उपक्रम समिती, महाराष्ट्र जीवन प्राधिकरण आदी क्षेत्रात काम केले आहे. विषयाची अभ्यासपूर्ण मांडणी यामुळे कॉमनवेल्थ पार्लमेंटरी असोसिएशनचा सर्वोत्कृष्ट संसदपटूचा पुरस्कार त्यांना मिळाला आहे.
आली दिवाळी …
फडणविसांनी दिली ५ जॅकेट ची ऑर्डर
आता खरी फडणवीसांची दिवाळी सुरु होत असून या आनंदाप्रित्यर्थ त्यांनी तडकाफडकी पाच जॅकेट्स आणि शर्ट व ट्राऊझर्सची ऑर्डर दिली आहेनागपूरच्या सीताबर्डीमधील गोविंदा कलेक्शन येथे फडणवीस यांचे कपडे नेहमी शिवले जातात. मात्र आता त्यांनी तडकाफडकी पाच जॅकेट्स आणि शर्ट व ट्राऊझर्सची ऑर्डर दिली आहे. गोविंदा कलेक्शनचे बिट्टू मेहाडिया यांनी सांगितले, की गेली 20 वर्षे फडणवीस त्यांच्याकडूनच कपडे तयार करुन घेत आहेत. आता त्यांनी पाच जॅकेट्स आणि शर्ट व ट्राऊझर्सची ऑर्डर दिली आहे. त्यांचे हे सर्व कपडे मेहाडिया यांनी तयार करुन ठेवले आहेत. हे ड्रेस फडणवीसांचे मित्र मुंबईला घेऊन जाणार आहेत. यातीलच एखादा ड्रेस परिधान करुन फडणवीस मुख्यमंत्रीपदाची शपथ घेण्याची शक्यता आहे. देवेंद्र फडणवीस भाजपचे प्रदेशाध्यक्ष झाल्यापासून त्यांनी जॅकेट परिधान करण्यास सुरुवात केली आहे. त्याआधी शर्ट आणि ट्राऊझर्स असाच त्यांचा पेहेराव होता. देवेंद्र यांनी पत्नी अमृता फडणवीस यांच्या सल्ल्याने जॅकेट वापरण्यास सुरुवात केल्याचे त्यांच्या निकटवर्तीयांनी सांगितले आहे. त्यांना रिंकल फ्री कपडे जास्त आवडतात, असे मेहाडिया यांचे म्हणणे आहे.

मुंबई -भाजप आणि शिवसेना यांच्यातील बिघडलेले संबध पाहता पुढच्या सहा महिन्यांतही महाराष्ट्रावर पुन्हा निवडणुका लादल्या जाऊ शकतात. म्हणूनच महाराष्ट्राच्या स्थैर्यासाठी राष्ट्रवादीने भाजप सरकारच्या विश्वासदर्शक ठरावावेळी तटस्थ राहण्याचा निर्णय घेतल्याचे राष्ट्रवादीचे अध्यक्ष शरद पवार यांनी स्पष्ट केले.
शिवसेना-काँग्रेस-राष्ट्रवादी आघाडीचा प्रस्ताव समोर आल्यास त्याचा विचार करू, असे विधानही त्यांनी केले.
महाराष्ट्रात विधानसभा निवडणुकांनतर सत्तास्थापनेचा खेळ रंगला असताना त्यात अगदी पहिल्या दिवसापासूनच पवारांची राष्ट्रवादी चर्चेत आहे. राष्ट्रवादीने न मागता भाजपला बिनशर्त पाठिंबा जाहीर करून टाकला. त्यामुळे शिवसेनेची तर कोंडी झालीच शिवाय भाजपलाही शिवसेनेला आणखी बॅकफुटवर ढकलण्यासाठी बळ मिळाले. या सगळ्या पार्श्वभूमीवर ‘इकॉनॉमिक टाइम्स’ला दिलेल्या मुलाखतीत शरद पवार यांनी अधिक स्पष्टपणे आपली भूमिका मांडली आहे.
भाजपला राष्ट्रवादीने एकतर्फी पाठिंबा दिल्याबाबत विचारले असता पवारांनी आधीचा सूर बदलला. ‘आम्ही भाजपला पाठिंबा दिलेला नाही आणि विरोधही केलेला नाही. सभागृहात भाजपवर बहुमत सिद्ध करण्याची वेळ आली तर राष्ट्रवादीचे आमदार मतदानात भाग घेणार नाहीत’, असे पवार यांनी सांगितले. महाराष्ट्राला स्थिर सरकार मिळाले नाही तर पुढच्या सहा महिन्यांतही राज्यावर निवडणुका लादल्या जाऊ शकतात, ही बाब लक्षात घेऊनच आम्ही हे पाऊल उचलले आहे, असे पवारांनी पुढे स्पष्ट केले.
घोटाळ्यांचे आरोप असलेल्या राष्ट्रवादीच्या नेत्यांच्या बचावासाठी राष्ट्रवादी भाजपपुढे शरण गेल्याच्या बातम्या पवारांनी नाकारल्या. भाजप-राष्ट्रवादी ‘गुफ्तगू’चा पृथ्वाराज चव्हाणांचा आरोपही त्यांनी फेटाळल्या. ‘पृथ्वीराज तीन वर्षे महाराष्ट्राचे मुख्यमंत्री होते. तेव्हा ते काय करत होते. ते झोपले होते का?, असा हल्लाच पवार यांनी चढवला.
भाजपला सत्तेपासून दूर ठेवण्यासाठी राष्ट्रवादी आणि काँग्रेस शिवसेनेला पाठिंबा देणार आहे का?, अशी काही जुळवाजुळव होतेय का?, असे विचारले असता पवार यांनी मुरब्बी राजकारण्याप्रमाणे उत्तर दिले. अशा जरतरच्या प्रश्नांवर मी उत्तरे देत नाही. काही काँग्रेस नेत्यांना असं वाटत असेल पण पक्षाची ती भूमिका असेल, असे मला वाटत नाही. काँग्रेस पक्ष खरंच याबाबत गंभीर असेल तर जाहीरपणे तसं त्यांनी बोलायला हवं. त्यानंतरच त्यावर चर्चा होऊ शकते, असे पवार म्हणाले. शिवसेनेला आम्ही पाठिंबा दिल्याने पुरेसा आकडा तयार होईल, असे मला वाटत नाही, असेही त्यांनी पुढे नमूद केल