राष्ट्रवादी+काँग्रेस+मनसे = स्थायी समिती अध्यक्ष अश्विनी कदम पुणे महापालिकेचा नवा ‘पॅटर्न’

पुणे-राज्यातील वेगवेगळ्या निवडणुकांमध्ये तटस्थ राहण्याची भूमिका घेणाऱ्या महाराष्ट्र नवनिर्माण सेनेनं  पुणे महापालिकेच्या स्थायी समिती सभापतीपदाच्या निवडणुकीत काँग्रेस-राष्ट्रवादीला मदत करून राष्ट्रवादीच्या अश्विनी कदम यांच्या गळ्यात  स्थायी समिती अध्यक्षपदाची माळ  अगदी सन्मानाने घातली . पुण्याच्या दक्षिण भागात राष्ट्रवादीच्या नेत्यांचा वाढता प्रभाव पाहून त्याच नेत्यांमध्ये आपसात स्पर्धा लावून देण्याचे हे राजकारण आहे कि
परंतु, नाशिकच्या स्थायी समितीचा विचार करूनच त्यांनी ही बेगमी केली आहे याबाबत तर्क वितर्क लढविले जात आहेत . त्यांच्या तीन मतांनी अश्विनी कदम यांचा विजय सोपा केला. महापौर -सभागृहनेते आणि आता स्थायीसामिती अध्यक्ष असे ३ पदाधिकारी पुण्याच्या दक्षिण भागाचे प्रतिनिधित्व करणारे असून तिघेही राष्ट्रवादी चे आहेत .
पुणे महानगरपालिका ही वेगवेगळ्या ‘पॅटर्न’साठी ओळखली जाते. राज्याच्या राजकारणाला नवनवे ‘पॅटर्न’ देणाऱ्या पुणे महानगरपालिकेत आज आणखी एक पॅटर्न अस्तित्वात आला आहे. राष्ट्रवादीला काँग्रेससोबतच मनसेनंही पाठिंबा देऊन सगळ्यांनाच आश्चर्याचा धक्का दिला. पुणे महानगरपालिकेच्या स्थायी समिती सभापतीपदी अपेक्षेप्रमाणेच राष्ट्रवादीच्या नगरसेविका अश्विनी कदम यांची निवड झाली आहे. त्यांनी भाजपच्या नगरसेविका मुक्ता टिळक यांचा १२ विरुद्ध चार मतांनी पराभव केला. स्थायी समिती सभापतीपदी निवडल्या गेलेल्या कदम या तिसऱ्या महिला आहेत. त्यांना मिळालेल्या १२ मतांमध्ये तीन मतं मनसेची आहेत.
राष्ट्रवादी आणि काँग्रेसनं स्वतंत्र उमेदवार दिल्यानं पुण्यातील स्थायी समिती अध्यक्षपदाची निवडणूक चुरशीची ठरण्याची चिन्हं होती. परंतु, काँग्रेसचे चंद्रकांत ऊर्फ चंदूशेठ कदम यांनी ऐनवेळी माघार घेतली आणि अश्विनी कदम यांचा विजय निश्चित झाला. कारण, राष्ट्रवादीची सहा आणि काँग्रेसची तीन मतं त्यांच्या पारड्यात पडणार होती. असं असतानाही, कितीतरी महत्त्वाच्या निवडणुकांमध्ये तटस्थ राहणाऱ्या, मनसेच्या तीन सदस्यांनीही अश्विनी कदम यांनाच पाठिंबा दिला.

पुणे:

महिलांमधील हार्मोनविकार या विषयावर महिला डॉक्टरांमध्ये जागृती निर्माण करण्यासाठी ‘दीनानाथ मंगेशकर सुपरस्पेशालिटी हॉस्पिटल’च्या‘एन्डोक्रायनोलॉजी विभागा’तर्फे एकदिवसीय कार्यशाळेचे आयोजन रविवार, दि. 8 मार्च 2015 या महिलादिनी सकाळी 9 ते सायंकाळी 5 वाजेपर्यंत करण्यात आले आहे.

‘दीनानाथ मंगेशकर रूग्णालयातील सौद बहावान सभागृहामध्ये (आठवा मजला, मेन बिल्डींग) या एक दिवसीय कार्यशाळेचे आयोजन करण्यात आले आहे. महिला रूग्णांना व महिला डॉक्टरांना मधुमेह, थायरॉइड, स्थुलपणा, पॉलिसिस्टीक ओव्हरीज, ऑस्टिओपोरॅसिस यांसारख्या हार्मोनविकारांची माहिती मिळण्यासाठी तसचे या आजारांविषयी अनेक प्रश्‍न डॉक्टर व रूग्णांमध्ये असतात त्यावर मार्गदर्शन करण्यासाठी ही कार्यशाळा उपयुक्त ठरणार आहे.

महिलादिनाचे औचित्य साधून, डॉक्टर स्त्रियांचे प्रबोधन एक स्त्री व एक डॉक्टर म्हणून होणे गरजेचे आहे. त्याकरीता ही कार्यशाळा फक्त महिला डॉक्टरांसाठी आयोजित करण्यात आली आहे, अशी माहिती डॉ. वैशाली देशमुख (एन्डोकायनोलॉजी विभाग प्रमुख) यांनी दिली.

डॉ. वैशाली देशमुख, डॉ. धनंजय केळकर, डॉ. अरूंधती खरे, डॉ. रमा वैद्य, डॉ.वगीश अय्यर, डॉ. प्रेमा वर्तकवी, डॉ. अनीश बहल, डॉ. अमेय जोशी, डॉ. नितीन पाटणकर, डॉ. गीता धर्माती, डॉ.चेतन देशमुख, डॉ.धनश्री भिडे, डॉ. संजय फडके हे तज्ज्ञ महिला डॉक्टरांसाठी ‘स्त्रीयांमधील हार्मोनविकार’ यासंबंधी प्रशिक्षण व जागरूकता याविषयी मार्गदर्शन करणार आहेत.

पुणे :

2017 च्या पालिका निवडणुक तयारीसाठी विकासकामांचा आढावा आणि नियोजनासाठी पुणे शहर ‘राष्ट्रवादी काँग्रेस पार्टी’च्या वतीने मार्गदर्शनरपर बैठकीचे आयोजन करण्यात आले होते. ही बैठक शहरातील सर्व नगरसेवक, शहर पदाधिकारी, प्रदेश पदाधिकारी, निरीक्षक, विधानसभा अध्यक्ष, ब्लॉग अध्यक्ष, सेल अध्यक्ष अशा सर्वांसाठी एकत्रित रविवारी मराठा चेंबर ऑफ कॉमर्स टिळक रोड येथील सभागृहात आयोजित करण्यात आली होती.

या बैठकीला खासदार अ‍ॅड.वंदना चव्हाण, महापौर दत्ता धनकवडे, स्थायी समिती अध्यक्ष कर्णे गुरूजी यांनी उपस्थितांना मार्गदर्शन केले. महापौर धनकवडे यांनी पुणे महानगरपालिकेच्या अंदाजपत्रकातील तरतुदीविषयी पक्ष संघटनेला माहिती दिली.

यावेळी मार्गदर्शन करताना खासदार अ‍ॅड.वंदना चव्हाण म्हणाल्या,‘महानगरपालिकेच्या 2017 च्या निवडणूक डोळ्यासमोर ठेवून सभासद नोंदणीवर जास्तीत जास्त भर दिला गेला पाहिजे. नगरसेवक कार्यकर्त्यांनी कशा दृष्टीने पुढील काळात काम केेले पाहिजे याविषयी विस्तृत चर्चा यावेळी करण्यात आली. महानगरपालिकेच्या विकास कामांचा आढावा आणि नियोजन, नगरसेवकांनी केलेल्या कामांचा आढावा यावेळी घेण्यात आला. कार्यकर्त्यांनीही केलेल्या सूचनाही विचारात घेण्यात आल्या.

पुणे :

सदस्यता नोंदणी आणि संघटनात्मक बाबींची चर्चा करण्यासाठी ‘राष्ट्रीय समाज पक्षा’चा राज्यस्तरीय मेळावा पुणे येथे घेण्यात आला. नित्यानंद सभागृह, सिंहगड रस्ता येथे झालेल्या मेळाव्याच्या अध्यक्षस्थानी प्रदेशाध्यक्ष बाळासाहेब नाहटा हे होते. उपाध्यक्ष दशरथ राऊत, महासचिव बाळासाहेब दोडतले यांनी मार्गदर्शन केले.

पश्‍चिम महाराष्ट्र महिला आघाडी प्रमुख डॉ.उज्वला हाके यांनी महिलादिन कार्यक्रम आयोजनाची माहिती दिली. राष्ट्रीय समाज पक्षाचे अध्यक्ष, आमदार महादेव जानकर यांच्या एप्रिल महिन्यात येत असलेला वाढदिवस मोठ्या प्रमाणावर साजरा करण्याचा निर्णय घेण्यात आला. यावेळी पश्‍चिम महाराष्ट्र अध्यक्ष बजरंग खटके, पुणे शहराध्यक्ष देवेंद्र धायगुडे, पुणे शहर महिला आघाडी अध्यक्ष श्रद्धा भातांब्रेकर, सर्व जिल्हाध्यक्ष, संपर्कप्रमुख, तालुकाध्यक्ष उपस्थित होते.

पुणे – दि कॉन्फडरेशन ऑफ दि रियल इस्टेट डेव्हलपर्स क्रेडाई-महाराष्ट्र, या संघटनेच्या अध्यक्षपदी नागपूरचे बांधकाम व्यावसायिक प्रशांत सरोदे यांची बिनविरोध निवड करण्यात आली. हॉटेल वेस्टइन, पुणे येथे काल झालेल्या संघटनेच्या सर्वसाधारण सभेच्या बैठकीत ही निवड करण्यात आली. क्रेडाई महाराष्ट्रच्या सर्वसभासदांनी  एकमताने सरोदे यांच्या नावाला सहमती दिली.  क्रेडाई महाराष्ट्रचे मावळते अध्यक्ष अनंत राजेगांवकर आणि ‘क्रेडाई’चे राष्ट्रीय उपाध्यक्ष सतीश मगर यांनी सरोदे यांच्या नावाची घोषणा सभेत केली.

 २०१५ -१७ या कालावधीसाठी संघटनेच्या अन्य पदाधिकाऱ्यांची आणि ५ उपाध्यक्षांची नावेही जाहीर करण्यात आली. वरिष्ठ उपाध्यक्षपदी – शांतीलाल कटारिया (पुणे) आणि उपाध्यक्षपदी राजीव पारेख  (कोल्हापूर) , प्रमोद खैरनार (औरंगाबाद), सुनील भायभंग (नाशिक) आणि शैलेश वानखेडे (अमरावती)  निवड करण्यात आली. नागपूर येथील महेश साधवानी यांची संघटनेच्या मानद सचिवपदी तर पुण्याचे अनुज भंडारी यांची मानद खजिनदारपदी आणि राजेश गांधी(सोलापूर),रसिक चव्हाण(नवी मुंबई), महिंद्र जैन(रत्नागिरी) यांची संघटनेच्या सहसचिवपदी निवड करण्यात आली.

क्रेडाई महाराष्ट्र ही संपूर्ण महाराष्ट्रातील ३९ शहर शाखा असलेली शिखरसंस्था असून तिचे २६०० हून अधिक बांधकाम व्यावसायिक सभासद आहेत. या शिखरसंस्थेत दर दोन वर्षानी नवीन अध्यक्षाची  निवड केली जाते.  बांधकाम क्षेत्राला भेडसावणारे प्रश्न सरकारपर्यंत पोहोचवणाचे आणि त्यातून मार्ग काढण्याचे काम अनेक वर्ष ही संस्था करीत आहे.

पुणे :
‘भारती विद्यापीठाच्या इन्स्टिट्यूट ऑफ मॅनेजमेंट अ‍ॅण्ड आंत्रप्रुनरशीप डेव्हलपमेंट’ (आयएमईडी) च्या ‘कॉम्प्युटर अ‍ॅप्लिकेशन अ‍ॅण्ड सिस्टीम स्टडिज्’ विभागाच्या वतीने आयोजित ‘सी-गुगली-2015’ स्पर्धेची सांगता झाली. ही स्पर्धा आयएमईडी कॅम्पस, पौैड रोड येथे नुकतीच झाली. ही स्पर्धा आंतरमहाविद्यालयांसाठी आयोजित करण्यात आली होती. या स्पर्धेमध्ये पदवीचे शिक्षण घेणारे व पदव्युत्तर विद्यार्थि सहभागी झाले होते.
भारती विद्यापीठ विश्‍वविद्यालयाच्या व्यवस्थापन शाखेचे अधिष्ठाता डॉ. सचिन वेर्णेकर आणि धनंजय गोखले working as a CATALYST in the field of project management ) यांच्या हस्ते कार्यक्रमाचे उद्घाटन झाले.
प्रा. सत्यवान हेंबाडे, सुजाता मुळीक यांनी या कार्यक्रमाचे संयोजन केले होते.  डॉ. अजित मोरे, प्रा. आर.व्हि.महाडीक, प्रा.एस.जोगळेकर, प्रा. पी. पवार, डॉ. एन. एन. महाजन, डॉ. एच. पाडळीकर आदी उपस्थित होते.
‘सी-गुगली-2015’ मध्ये डिव्हाईस एकत्र करणे, एसक्युएल लोडस्टर, डीए वीन-सी-कोड, लॅन गेमिंग (एनएफएस), प्रकल्प सादरीकरण अशा विविध स्पर्धांचे आयोजन करण्यात आले होते.

पुणे :
राष्ट्रीय समाज पक्षाच्या वडगाव खुर्द शाखेचे आणि पुणे शहर महिला आघाडी अध्यक्ष श्रद्धा भातंब्रेकर यांच्या जनसंपर्क कार्यालयाचे उद्घाटन अलीकडेच प्रदेशाध्यक्ष बाळासाहेब नाहटा यांच्या हस्ते झाले. यावेळी उपाध्यक्ष दशरथ राऊत, बाळासाहेब कोकरे, महासचिव बाळासाहेब दोडतले, पश्‍चिम महाराष्ट्र महिला आघाडीप्रमुख डॉ. उज्ज्वला हाके, पुणे शहर महिला आघाडी अध्यक्ष श्रद्धा भातंब्रेकर, सयाजी पाटील, संतोश बिचुकले, सचिन शेंडगे उपस्थित होते.