पुणे ः
निरक्षर असलेल्या पण स्वकष्टाने भंगारमाल गोळा करण्याच्या व्यवसायातून पुढे आलेल्या सौ.बाळू मावशी सुदाम धुमाळ यांच्या पुढाकाराने वारकरी संप्रदाय (महाराष्ट्र), विठ्ठल रुक्मिणी मंदीर (माणगगवारेवाडी) सेवा समिती व रिहे पिंपळोली यांच्या वतीने जगन्नाथ पुरी यात्रेचे आयोजन करण्यात आले आहे. आज दिनांक 16 एप्रिल 2015 रोजी जगन्नाथ पुरी यात्रेस प्रस्थान केले. दिनांक 19 एप्रिल ते 23 एप्रिल 2015 रोजी होणार्‍या या जगन्नाथपुरी यात्रेत 200 वारकरी सहभागी झाले आहेत.

यात्रेचे संयोजन सौ. बाळू मावशी सुदाम धुमाळ (माण, मुळशी), ह.भ.प. सोमनाथ महाराज चौधरी (आळंदी) यांनी केले आहे.

या यात्रेच्या नियोजन समितीमध्ये नामदेव सोपान शिंदे, सीताराम विठ्ठल चव्हाण, विठ्ठल बाळकु शिंदे, पोपट तुकाराम वाघ, माणिकराव शिंदे, विलास रामचंद्र शिंदे, विठ्ठल गुजर, चंद्रकांत रोडे, बबन बलकवडे, विनायक गुजर आदींचा समावेश आहे.  जगन्नाथ पुरी यात्रेत अखंड हरिनाम सप्ताह होणार आहे.

बाळूमावशी या हिंजवडीजवळ माण (गवारेवाडी) च्या रहिवासी असून, गेली अनेक वर्षे त्यांचा भंगारमालाचा व्यवसाय आहे. या आधी भंगार गोळा करण्याच्या व्यवसायातून मजल मारून गवारेवाडी येथे त्यांनी विठ्ठल रखुमाईच्या भव्य मंदिराची उभारणी केली आहे. त्यांच्या पुढाकारातून 83 वारकर्‍यांनी पुण्याहून विमानाने दिल्ली येथे जाऊन पुढे हरिद्वार, बद्रीनाथ, गंगोत्री, यमुनोत्री येथे तीर्थयात्रेसाठी मुळशी तालुका सांप्रदायिक दिंडीचे आयोजन केले होते.

पुणे –

पुण्यातील जुन्नर जवळ खामुंडी गावाच्या परिसरात बिबट्याने एका पाच वर्षाच्या मुलावर हल्ला केला. बिबट्याच्या तावडून या मुलाला आपली सुटका करता आली नाही आणि बिबट्याने त्याला ठार मारून झुडूपात सोडून दिले. या नरभक्षक बिबट्याला पकडण्यासाठी वन विभागाने सापळे बसवले असून त्याला पकडण्यात वन विभागाला अद्याप यश आलेले नाही
प्रविण दुजवडे असे या पाच वर्षाच्या मुलाचे नाव. त्याच्यावर बिबट्याने हल्ला केला आणि त्याला गावापासून दूर नेऊन ठार मारले. त्यांच्या नातेवाईकांना त्याचा मृतदेह झुडुपांमध्ये आढळला.
दरम्यान, या आधी देखील जुन्नर परिसरात बिबट्याने दोन जणांवर हल्ला केला होता. रेणूका वाघमारे नावाची एक मुलगी बिबट्याच्या हल्ल्यात जखमी झाली होती. रेणुकाला बिबट्याच्या तावडीतून सोडवण्यात तिच्या कुटुंबियांना यश आले होते. रेणुका जखमी झाली होती, अद्यापही तिच्यावर उपचार सुरू आहे.

यावेळी बोलताना कारागृह महानिरीक्षक योगेश देसाई म्हणाले , ‘ खा वंदना चव्हाण यांच्या पुढाकाराने देण्यात आलेल्या या रुग्णवाहिकेसाठी आम्ही आभारी आहोत . तुरुंगामध्ये कैद्यांचे नातेवाईक भेटायला  आल्यावर त्यांना तासंतास ताटकळत रस्त्यावर बसावे लागते , यावेळी अपघाताची शक्यता असते . त्यांच्यासाठी अभ्यागत कक्ष (Wetting Room ) शेड  करावी अशी विनंती आम्ही वंदना चव्हाण यांना करीत आहोत . या विनंतीस खा वंदना चव्हाण यांनी मान्यता दिली आहे .

पुणे:

दि मुस्लिम को ऑपरेटिव्ह बँकेच्या अध्यक्षपदी पी.ए. इनामदार आणि उपाध्यक्षपदी कु. मुमताझ सय्यद यांची नियुक्ती झाली आहे. गुरूवारी झालेल्या नवनियुक्त संचालकांच्या बैठकीत ही निवड करण्यात आली. अध्यासी अधिकारी तथा उपनिबंधक सहकारी संस्था (पुणे शहर) विनायक कोकरे यांनी निवडीची प्रक्रिया पूर्ण केली. ही नियुक्ती 2015-2020 या काळासाठी आहे. मावळते अध्यक्ष शफी दिल्लीवाले यांच्याकडून पी.ए.इनामदार यांनी सूत्रे स्वीकारली. या संचालक मंडळाची बिनविरोध निवड झाली होती.

मुस्लिम सहकारी बँकेच्या 27 शाखा असून पुण्यात मुख्य कार्यालय आहे. 1931 साली स्थापन झालेल्या या बँकेच्या  500 कोटी ठेवी आहेत.

‘आर्थिक भक्कम पायावर ही बँक उभी आहे. नावात मुस्लिम असले तरी सर्व समाजातील लोकांच्या ठेवी आणि कर्जांचा समावेश बँकेत आहे. भारतात बँकिंग क्षेत्रात विशेषत: सहकारी स्थित्यंतरे होत असतानाच्या बदलांची जाणीव असणारी आणि तसे बदल घडविणारी ही बँक आहे. बँकेला आणखी प्रगती प्रथावर नेण्यासाठी प्रयत्न करू’, असे यावेळी नवनियुक्त अध्यक्ष पी. ए. इनामदार यांनी सांगितले. यावेळी नूतन अध्यक्ष-उपाध्यक्षांचा कर्मचारी वर्गाच्या वतीने पुष्पगुच्छ देऊन सत्कार करण्यात आला.

पुणे,  : जगात एकमेव भारत देशाची राज्यघटना ही सर्वसामान्य लोकांना अर्पण करण्यात आलेली

आहे. सर्वसामान्य नागरिकांना राज्यघटनेमुळे देशाचे मालक बनता आले आहे. या राज्यघटनेचे शिल्पकार डॉ.

बाबासाहेब आंबेडकर यांचे विचार जिवंत ठेवायचे असतील तर त्यांच्या विचारांचा उत्सव झाला पाहिजे, असे मत

ज्येष्ठ साहित्यिक व पत्रकार श्री उत्तम कांबळे यांनी आज (दि. 14) व्यक्त केले.

भारतरत्न डॉ. बाबासाहेब आंबेडकर यांच्या जयंतीनिमित्त महावितरण व महापारेषणच्या वतीने रास्तापेठ

येथे आयोजित कार्यक्रमात श्री. उत्तम कांबळे प्रमुख वक्ते म्हणून बोलत होते. कार्यक्रमाच्या अध्यक्षस्थानी

महापारेषणचे मुख्य अभियंता श्री. प्रभाकर देवरे तर प्रमुख पाहुणे म्हणून महापारेषणचे माजी संचालक श्री.

उत्तमराव झाल्टे, महावितरणचे मुख्य अभियंता श्री. निळकंठ वाडेकर व श्री. रामराम मुंडे यांची उपस्थिती होती.

श्री. उत्तम कांबळे म्हणाले, की भगवान गौतम बुद्धांनी दुःखाचे विश्लेषण केले तर डॉ. बाबासाहेब

आंबेडकर यांनी अनेक ग्रंथ लिहून त्याची उत्तरे शोधली आहेत. सोबतच राज्यघटनेतून सर्व भारतीयांना समान

मताचा अधिकार, समान मुलभूत हक्क प्रदान केले आहेत. डॉ. बाबासाहेबांचे विचार आणखी शेकडो वर्ष जीवंत

ठेवण्याची गरज आहे. हे विचार अंगिकारले नाही तर ते संपुष्टात येण्याचा धोका आहे. त्यामुळेच डॉ. बाबासाहेब

आंबेडकर यांच्या विचारांचा उत्सव होणे आवश्यक असल्याचे श्री. कांबळे म्हणाले.

यावेळी श्री. उत्तमराव झाल्टे यांच्यासह मुख्य अभियंता सर्वश्री निळकंठ वाडेकर, रामराव मुंडे, श्री. प्रभाकर देवरे

यांनी मनोगत व्यक्त केले. कार्यक्रमाचे प्रास्ताविक अधीक्षक अभियंता श्री. संजीव भोळे यांनी केले तर सूत्रसंचालन

श्री. उद्धव कानडे यांनी केले. उपमुख्य औद्योगिक संबंध अधिकारी श्री. रामगोपाल अहिर यांनी आभार मानले.

यावेळी महावितरणचे श्री. उद्धव कानडे यांचा श्री. उत्तम कांबळे यांच्याहस्ते सत्कार करण्यात आला. कार्यक्रमाला

महावितरण व महापारेषणमधील अभियंता, अधिकारी, कर्मचारी व सर्व संघटनांचे प्रतिनिधी मोठ्या संख्येने

उपस्थित होते. कार्यक्रमाच्या आयोजनासाठी सर्व संघटनांच्या संयुक्त समितीने पुढाकार घेतला.