पुणे,  : शेतात विहीर किंवा बोअरवेल तयार आहे परंतु

वीजजोडणी नाही अशा शेतकर्‍यांना कृषीपंपासाठी नवीन वीजजोडणी

देण्याच्या धडक कार्यक्रमास पुणे परिमंडलात येत्या दि. 27 एप्रिलपर्यंत

मुदतवाढ देण्यात आली आहे.

पुणे परिमंडलातील ज्यांच्या शेतात विहीर किंवा बोअरवेल उपलब्ध आहे

व कृषीपंपासाठी नवीन वीजजोडणीची मागणी आहे, अशा शेतकर्‍यांनी नवीन

वीजजोडणीचा ए-1 अर्ज व आवश्यक कागदपत्रांसह दि. 27 एप्रिल 2015

पर्यंत संबंधीत उपविभाग कार्यालयाशी संपर्क साधावा, असे आवाहन

महावितरणने केले आहे.

तसेच ज्या शेतकर्‍यांच्या कृषीपंपासाठी वीजजोडणी उपलब्ध आहे परंतु

विहीर किंवा बोअरवेल खचल्यामुळे, बुजल्यामुळे किंवा निकामी झाल्यामुळे

पाण्याचा उपसा होत नसतानाही वीजदेयक येत आहे, अशा शेतकर्‍यांनी

वीजपुरवठा कायमस्वरुपी खंडित करून घ्यायचा असल्यास त्यांनी दि. 27

एप्रिल 2015 पर्यंत संबंधीत उपविभाग कार्यालयाशी संपर्क साधावा.

कृषीपंपाच्या नवीन वीजजोडणीसाठी किंवा असलेली वीजजोडणी

कायमस्वरुपी खंडित करण्यासाठी कृषीपंपधारकांनी टोल फ्री असलेल्या

180020033435 आणि 18002333435 या क्रमांकावर संपर्क साधावा, असे

आवाहन महावितरणने केले आहे.

पुणे :

पावकी -निमकी पाढे “अंकनाद’ ऍपद्वारे पुन्हा भेटीस आले असून, “निर्मिती इपिक’ या संस्थेद्वारे त्याचे पुनरूज्जीवन करण्यात आले आहे. प्रा. प्र. चि.शेजवलकर, “कॉलेज ऑफ इंजिनियरींग’ चे प्राचार्य डॉ. अनिल सहस्त्रबुद्धे आणि ऍड. अजय वाघ (रोटरी क्लब डिस्ट्रीक्ट 3131 चे रोटेरियन युथ डायरेक्टर) यांच्या हस्ते मंगळवार, दिनांक 21 एप्रिल रोजी “लोकमान्य टिळक संग्रहालय’ (केसरी वाडा) येथे या ऍपचे उद्‌घाटन झाले.

कार्यक्रमाचे प्रास्ताविक मंदार नामजोशी यांनी केले.

यावेळी बोलताना शेजवलकर म्हणाले, “सध्या शालेय स्तरावर पाठांतर कमी होत आहे हे योग्य नाही. आता अंकनाद मोबाइल ऍप्लिकेशनद्वारे  मुलांना हसत खेळत पाढे पाठांतर करता येणार आहे. हा उपक्रम कौतुकास्पद आहे.

ऍड. अजय वाघ म्हणाले, “बदलत्या तंत्रज्ञानचा वापर करून “अंकनाद’ या ऍप्लिकेशनद्वारे पाढे पाठांतर विद्यार्थ्यांना उपयुक्त ठरणार आहे.’

या ऍप विषयी माहिती देताना सौ. निर्मिती नामजोशी म्हणाल्या, “गणित हा विषय कोष्टकांवर अवलंबून असतो. “बे एके बे’, “बे दुणे चार’, “बेत्रिक…..’पाढे !  याप्रमाणे मराठी भाषेने पावकी निमकी, सवाकी, दीडकी एकत्र अशी तयार केलेली ही अष्टके म्हणजे विश्वाला दिलेली देणगी होय. याच्या वापरातून उच्चार शास्त्रावर, स्मरणशक्तीवर आणि आत्मविश्वासावर निश्चित परिणाम होतो. हा ज्ञानठेवा आजकाल शाळांमधून तसेच घरांमधून नामशेष झाला आहे. गणकयंत्राच्या अथवा संगणकाच्या अधीन झाल्याने आपल्या मेंदूच्या क्षमतेचा वापर कमी झाला आहे. “अंकनाद’ हे मोबाइल ऍप आपल्यापर्यंत आम्ही संगीतबद्ध करून आणले आहे.
“अंकनाद’ या ऍप्लिकेशनद्वारे बालवाडीपासून ते पदवी पश्चात शिकणाऱ्यांसाठी हे ऍप्लिकेशन उपयुक्त आहे.’

सौ. निर्मिती नामजोशी यांनी या “अंकनाद ऍप’ला संगीतबद्ध केले आहे. श्रृती आवटे या लेखिकेने या पाढ्यांना स्वर साज चढविलेला आहे. अपूर्वा धराधर आणि प्रियंका डोळे यांनीसुद्धा स्वर दिला आहे.

पुणे :

“ऍलर्ट’ (असोसिएशन फॉर लिडरशीप एज्युकेशन रिसर्च ऍण्ड ट्रेनिंग) या पर्यावरण जागृतीसाठी कार्यरत संस्थेतर्फे “होम’ हा पर्यावरणविषयक माहितीपट दाखविण्यात आला. एरियल फोटोग्राफीद्वारे पृथ्वीची विलोभनीय रूपे, वैविध्य आणि मानवजातीकडून पर्यावरणाला असलेला धोका याचे चित्रण या माहितीपटात होते.

“इंद्रधनुष्य पर्यावरण आणि नागरिकत्व’ केंद्र येथे “वसुंधरा दिना’निमित्त हा माहितीपट दाखविण्यात आला. ऍलर्टच्या संस्थापक, खासदार ऍड. वंदना चव्हाण उपस्थित होत्या.

पृथ्वी आणि पर्यावरण वाचविण्याची शपथ यावेळी घेण्यात आली. नीला विद्वांस, रवी चौधरी, ऍड. नानासाहेब साळुंखे, अशोक राठी, मनाली भिलारे, शशिकला कुंभार, सौ. मृणालिनी वाणी हे उपस्थित होते.

पुणे :  कोणत्याही शहराच्या विकासाची नियोजनबद्ध आखणी ही दूरदृष्टीकोनातून व्हावी. किमान शंभर वर्षानंतर भेडसावणाऱ्या समस्यांचा त्यात विचार व्हायला हवा. परंतू आपल्याकडे मात्र याचा प्रकर्षाने अभाव जाणवतो. शहराचा विकास आराखडा तयार करताना केवळ काही वर्षापुरताच विचार केला जातो. या विकास आराखड्यास मंजुरी मिळण्यास होणारी दिरंगाई, लोकप्रतिनिधींची उदासीनता, शासकीय निष्क्रियता या कारणास्तव शहराच्या वाढीच्या तुलनेत तो आराखडा कधीच मागे पडलेला असतो. त्यामुळे औषधांप्रमाणेच विकास आराखड्यासही एक्सपायरी डेट हवी, असे मत प्रसिद्ध व्यावसायिक व डीएसके समूहाचे अध्यक्ष श्री डी. एस. कुलकर्णी यांनी येथे व्यक्त केले.

मैत्रेय चॅरिटेबल सोसायटी, न्यास यांच्या स्नेहसेवा संस्थेच्या वतीने निवारा आश्रमाच्या सभागृहात श्री. डी. एस. कुलकर्णी यांची विशेष मुलाखत घेण्यात आली. यावेळी ते बोलत होते. पुणे शहराला भेडसावणाऱ्या विविध समस्यांवर प्रामुख्याने या मुलाखतीच्या माध्यमातून चर्चा झाली. पायाभूत सुविधांच्या बाबतीत पाश्च्यात्य देशांच्या तुलनेत आपला देश कुठे मागे पडतोय हे अनेक उदाहरणांचे दाखले देत कुलकर्णी यांनी स्पष्ट केले. तसेच यातून मार्ग काढण्यासाठी आवश्यक असणाऱ्या अनेक नाविण्यपूर्ण उपाय योजनांचेही त्यांनी पर्याय सुचविले. श्री श्याम भुर्के यांनी ही मुलाखत घेतली.

कुलकर्णी म्हणाले की, रोजगाराच्या असंख्य संधी उपलब्ध असल्याने पुणे, मुंबई, बंगळूर आणि दिल्ली या शहरांत सर्वाधिक स्थलांतर होते. साहजिकच तेथील पायाभूत सुविधांवर ताण येतो तसेच शहराची अनियोजित वाढ झाल्याने बकालीकरणही वाढते. यामुळे त्या शहराचे संपूर्ण रूपच बदलून जाते. हे चित्र बदलण्यासाठी सखोल व दूरदृष्टीने नियोजन व्हायला हवे. रस्ते, वीज, पाणी, शिक्षण, उद्योग, वैद्यकीय सेवा अशा मूलभूत सुविधांसह किमान १०० किलोमीटरपर्यंत शहराचा विकास व्हावा. महत्वाची शहरे जलवाहतूकीने एकमेकांना जोडली जावीत. सार्वजनिक वाहतूकीत सुधारणा व्हावी. आधुनिक तंत्रज्ञानाच्या साहाय्याने पाण्याचे शुद्धीकरण व पुर्नवापर करण्यावर भर द्यावा. रहदारी, पार्किंग सारखे प्रश्र्न टाळण्यासाठी कार्यालयीन वेळा बदलाव्यात, असे अनेक पर्याय श्री. कुलकर्णी यांनी यावेळी सुचविले. तसेच शहराच्या मध्यवर्ती व गजबजलेल्या भागात ट्राम कशी सोयीस्कर व परवडणारी ठरेल, हे देखील त्यांनी पटवून दिले.

एका स्मार्ट शहराचे प्रारूप आम्ही ड्रीम सिटीच्या माध्यमातून सरकारपुढे ठेवत आहोत. संपूर्ण खासगी बळावर उभारण्यात येणार्या प्रकल्पाच्या नव्हे तर या ड्रीम सिटीचा आदर्श घेऊन सरकारने पुणे व इतर शहरांची नियोजनबद्ध पद्धतीने आखणी करावी, अशी माफक अपेक्षाही त्यांनी व्यक्त केली. श्री. सुरेश ताम्हणकर यांनी आभार मानले.

पुणे:

पुण्यातील चित्रकार कलावंत आणि रसिकांच्या चित्र-मित्र परिवाराच्या वतीने ‘अर्थात’ विशेष कलाप्रदर्शनाचे आयोजन करण्यात आले आहे. या प्रदर्शनातील कलाकृतींच्या विक्रीमधून संकलित होणार्‍या निधीतील लक्षणीय वाटा हा आत्महत्याग्रस्त शेतकरी कुटुंबातील मुला-मुलींच्या शिक्षण खर्चासाठी देण्यात येणार आहे.

‘अर्थात’ कलाप्रदर्शन पुण्यामध्ये आपटे रस्त्यावरील हॉटेल ‘रॅमी ग्रँड’ येथे आयोजित करण्यात येणार आहे. डॉ. अनिल अवचट यांच्या हस्ते या कलाप्रदर्शनाचे उद्घाटन शुक्रवार दिनांक 24 एप्रिल 2015 रोजी सकाळी 10.30 वाजता होणार आहे, अशी माहिती प्रा. चंद्रशेखर कुमावत, संजय कांबळे आणि राजेंद्र देशपांडे यांनी पत्रकार संघ येथे झालेल्या पत्रकार परिषदेत बोलताना दिली.

पुण्यात होणारे ‘अर्थात’ प्रदर्शन दिनांक 24, 25 आणि 26 एप्रिल 2015 रोजी सकाळी 10 ते सायंकाळी 8 वाजेपर्यंत सर्वांसाठी खुले राहणार आहे.

या उपक्रमाद्वारे प्रदर्शनातील कलाकृतींच्या विक्रीमधून संकलित झालेला निधी महाराष्ट्रातील आत्महत्याग्रस्त शेतकर्‍यांच्या सुमारे 350 मुला मुलींना प्रत्येकी 10,000/- याप्रमाणे धनादेशाचे वाटप करण्यात येणार आहे.

प्रा. डॉ.वि.दा.कराड, पी.ए.इनामदार, डॉ.शिवाजीराव कदम, भारत देसडला आणि डॉ. दत्ता कोहिनकर आदी मान्यवर यावेळी प्रमुख पाहूणे म्हणून उपस्थित राहणार आहेत. या प्रदर्शनाची संकल्पना ‘शार्प मास कम्युनिकेशन प्रा.लि.’ यांची असून, शार्प उद्योग समूहाचे या उपक्रमास सहकार्य लाभले आहे.

भारतभरातील नामवंत चित्रकारांच्या निवडक व निमंत्रित चित्रकृतींचा या प्रदर्शनामध्ये सहभाग असणार आहे. यामध्ये ‘अर्थात’ हे पहिले चित्रप्रदर्शन आहे. अर्थात ही प्रदर्शनशृंखला असून, महाराष्ट्रातील महत्वाच्या शहरांमध्ये पुढील काळात अशी कलाप्रदर्शने आयोजित करण्यात येणार आहेत

पुणे,: महापारेषण कंपनीची वाहिनी टाकण्याचे काम करणार्‍या कंत्राटदाराच्या जेसीबीने

महावितरणची भूमिगत वाहिनी तोडल्यानंतर विस्कळीत झालेला एमजी रोड, कौन्सील हॉल परिसरातील

वीजपुरवठा  (दि. 21) सायंकाळी 6 वाजता सुरळीत झाला.

याबाबत माहिती अशी, की महापारेषण कंपनीच्या मुंढवा ते जीआयएस रास्तापेठ या उपकेंद्गादरम्यान

132 केव्ही क्षमतेची भूमिगत वाहिनी टाकण्याचे काम सुरु आहे. आज सकाळी 11.45 वाजता भारत

फोर्जच्या गेटसमोर या भूमिगत वाहिनीसाठी खोदकाम सुरु असताना महावितरणच्या अलंकार 1 व 2 या

दोन्ही 22 केव्ही क्षमतेच्या भूमिगत वाहिन्या तुटल्या. परिणामी एमजी रोडमधील काही भाग, कौन्सील हॉल,

आगरकरनगर, क्विंन्स गॉर्डनमधील सरकारी निवासस्थाने, शांती कुंज सोसायटी, ऑयनॉक्स, राजेंद्गसिंग मिल्ट्री

इन्सिट्यूट, सर्कीट हाऊस, एल.के. कॉर्पोरेशन परिसर आदी भागातील वीजपुरवठा खंडित झाला होता.

वीजपुरवठ्याच्या दोन्ही वाहिन्या तुटल्यामुळे तसेच भारव्यवस्थापन शक्य न झाल्याने विजेची पर्यायी व्यवस्था

उपलब्ध होऊ शकली नाही. तथापि जहॉगिर हॉस्पीटलचा वीजपुरवठा तातडीने पर्यायी व्यवस्थेतून सुरु

खोदकामात तुटलेल्या दोन्ही 22 केव्ही भूमिगत वाहिन्यांच्या दुरुस्तीचे काम लगेचच सुरु करण्यातआले.

प्रभारी मुख्य अभियंता श्री. भालचंद्ग खंडाईत, अधीक्षक अभियंता श्री. अंकुश नाळे यांनी भेट देऊन दुरुस्ती

कामाची पाहणी केली. यानंतर सायंकाळी 6 वाजता अलंकार 1 ही भूमिगत वाहिनी पूर्ववत जोडण्यात आली

व त्याद्वारे सर्व परिसरातील वीजपुरवठा पूर्ववत करण्यात आला. दरम्यान महापारेषणच्या संबंधीत

कंत्राटदाराविरुद्ध कारवाई करण्याचे आदेश महावितरणने दिले आहेत.

पुणे :

राज्य शासनाच्या आरोग्य विभागाच्या वतीने आणि ‘बीव्हीजी इंडिया लिमिटेड’ या सेवा क्षेत्रातील कंपनीच्या माध्यमातून चालविण्यात येणार्‍या ‘महाराष्ट्र मेडिकल इमर्जन्सी सर्व्हिसेस’च्या ‘डायल 108’ रूग्णवाहिका सेवेतून आपत्कालीन परिस्थितीत रूग्ण सेवा सुरू असून, मार्च 2015 पर्यंतच्या तपशीलानुसार 2 लाख 68 हजार 497 जणांना अत्याधुनिक रुग्णवाहिका सेवेचा लाभ मिळाला आहे.

‘108’ हा दूरध्वनी डायल केल्यानंतर ‘महाराष्ट्र इमर्जन्सी मेडीकल सर्व्हिस’च्या सुसज्ज रुग्णवाहिका मदतीला येतात. या आपत्कालीन वैद्यकीय सेवेच्या संचालनाची जबाबदारी ‘बी.व्ही.जी. इंडिया लिमिटेड’ या सेवाक्षेत्रातील अग्रगण्य कंपनीकडे असून, पुण्यातील‘औंध उरो रुग्णालयात’ या सेवेचे प्रमुख केंद्र व ‘रिस्पॉन्स सेंटर’ आहे.

‘26 जानेवारी 2014 रोजी सुरू झालेल्या या सेवेत अत्याधुनिक उपकरणांनी सुसज्ज अशा 937 रुग्णवाहिका राज्यभर आहेत. यामध्ये 233 ‘अ‍ॅडव्हान्स लाईफ सपोर्ट’ रूग्णवाहिका असून, 704 ‘बेसिक लाईफ सपोर्ट’ रूग्णवाहिका समाविष्ट आहेत. या अत्याधुनिक वैद्यकीय सेवेसाठी ‘108’ या दूरध्वनी क्रमांकावर डायल केल्यास विनामूल्य सेवा देणारी सुसज्ज रुग्णवाहिका डॉक्टरांसह येते. अपघात, हृदयविकार, भोवळ येणे, अर्धांगवायू, विषबाधा, आगीत भाजणे अशा अनेक प्रकारच्या आपत्कालीन स्थितीमध्ये ही रुग्णवाहिका बोलावता येते’, अशी माहिती ‘महाराष्ट्र इमर्जन्सी मेडीकल सर्व्हिस’चे मुख्य संचालन अधिकारी डॉ. ज्ञानेश्‍वर शेळके यांनी दिली.

मार्च 2015 पर्यंतच्या तपशीलानुसार राज्यातील रूग्णांना दिलेल्या आपत्कालीन ‘108’ सेवेची जिल्हानिहाय आकडेवारी पुढीलप्रमाणे, अहमदनगर (11, 876), अकोला (4702), अमरावती (9336), औरंगाबाद (11, 929), बीड (7709), भंडारा (3324), बुलढाणा (6768), चंद्रपूर (5218), धुळे (5112), गडचिरोली (1190), गोंदीया (3982), हिंगोली (4317), जळगांव (9847), जालना (4957), कोल्हापूर (12,603), लातूर (8727), मुंबई (22, 314), नागपूर (10, 044), नांदेड (10, 711), नंदूरबार (3767), नाशिक (13, 119), उस्मानाबाद (5508), परभणी (4525), पुणे (18,998), रायगड (3840), रत्नागिरी (2927), सांगली (9017), सातारा (8983), सिंधुदूर्ग (2330), सोलापूर (11, 837), ठाणे (12,623), वर्धा (2173), वाशिम (3493), यवतमाळ (8633), पालघर (1258).

डायल 108 रूग्णवाहिकेमध्ये मार्च अखेर पर्यंतच्या तपशीलानुसार 2913 प्रसुती करण्यात आल्या. 78,503 महिलांना प्रसुति दरम्यान तातडीची वैद्यकिय सेवा देण्यात आली. 821 रूग्णांना रूग्णवाहिकेतील अत्याधुनिक व्हेंटीलेटर सुविधेच्या मदतीने रूग्णालयात दाखल करण्यात आले. ‘डिफिब्रिलेटर’च्या मदतीने 92 रूग्णांना सेवा देण्यात आली.

‘वेळेत उपचार न मिळाल्याने अपघातातील जखमींचा जीव जाण्याचे प्रमाण मोठे आहे ही गोष्ट लक्षात आल्यानंतर आरोग्य विभागाच्या आपत्कालीन वैद्यकिय सेवा प्रकल्पांतर्गत सुरू करण्यात आलेल्या ‘108 टोल फ्री’ रूग्णवाहिका सेवेमुळे मार्च 2015 पर्यंतच्या कालावधीत 2 लाख 68 हजार 497 लोकांचे जीव वाचले.’, अशी माहिती ‘बीव्हीजी इंडिया’चे अध्यक्ष एच. आर. गायकवाड यांनी दिली.

मुंबईकडे जाणारी एस.टी बस पांगोळी (खंडाळा) येथे महामार्गावरून दरीत कोसळल्याने झालेल्या अपघात स्थळी सेवेच्या 6 अद्ययावत रूग्णवाहिकांनी दहाव्या मिनिटाला घटनास्थळी पोहोचून मदतकार्य सुरू केले. सोलापूरजवळील टेंभूर्णी येथे नुकत्याच झालेल्या अपघातामध्ये रुग्णवाहिका सेवेच्या 3 अद्ययावत रूग्णवाहिकांनी विसाव्या मिनिटाला घटनास्थळी पोहोचून मदतकार्य सुरू केले.  गणपती विसर्जन मिरवणुकी दरम्यान आपत्कालीन वैद्यकीय सेवा रुग्णांपर्यंत अत्यंत कमी वेळेत पोहोचविण्यासाठी ‘डायल 108’ च्या रूग्णवाहिका डॉक्टर आणि सहाय्यकांसह उपलब्ध करण्यात आल्या होत्या. यावेळी ‘इमर्जन्सी गो -टीम’ ही सेवा प्रथमच आप्तकालीन सेवेमध्ये राबविण्यात आली.

याआधी पुणे, सातारा, पंढरपूर या तीन जिल्ह्यांतून जाणार्‍या वारी मार्गावर या वर्षी प्रथमच 108 सेवेच्या आपत्कालीन रूग्णवाहिका तैनात करण्यात आल्या होत्या. या सेवेमुळे वारीदरम्यान विविध कारणांनी दरवर्षी होणार्‍या साधारण 25 ते 30 वारकर्‍यांच्या मृत्यूचे प्रमाण कमी होऊन यावर्षी हे प्रमाण सहापर्यंत खाली आणण्यात यश आले. तसेच भीमाशंकरजवळ माळीण गावात दरड कोसळल्याने झालेल्या दुर्घटनेत ‘महाराष्ट्र मेडिकल इमर्जन्सी सर्व्हिसेस’च्या (‘डायल 108’) 28 अद्ययावत रुग्णवाहिकांनी पूर्णवेळ मदतकार्य केले. एकवीरा यात्रेत भाविकांच्या सेवेसाठी 10 अद्ययावत रूग्णवाहिकांची सेवा देण्यात आली.
—————————————————————————