पुणे :

“ईगल एज्युकेशन सोसायटी’ संचलित कात्रज-कोंढवा रस्त्यावरील “युनिक इंग्लिश मीडियम ऍण्ड ज्युनियर कॉलेज स्कूल’चा दहावी परीक्षेचा निकाल 100 टक्के लागला आहे.

सायली गायकवाड हिने 94.80 टक्के गुण मिळवून प्रथम क्रमांक मिळविला. अपूर्वा जाधव हिने 93 टक्क्यांसह दुसरा, तर अवंतिका टेकाळे हिने 90.40 टक्क्यांसह तिसरा क्रमांकाने उत्तीर्ण झाल्या.

संस्थेचे अध्यक्ष डॉ. आर. ए. मुलाणी, प्राचार्य जयश्री जाधव यांनी यशस्वी विद्यार्थ्यांचे अभिनंदन केले.

पुणे :
“पुणे ऑफ्थॉल्मॉलॉजिकल सोसायटी’, “दीनानाथ मंगेशकर हॉस्पिटल’ आणि “ऑक्युलोप्लास्टिक असोसिएशन ऑफ इंडिया’ यंाच्या संयुक्त विद्यमानेे नेत्रतज्ज्ञांसाठी नुकतेच “ऑक्युलोप्लास्टी फॉर एव्हरीवन’  या कार्यशाळेचे आयोजन करण्यात आले होते. अशा प्रकारची नेत्रतज्ज्ञांसाठी पहिलीच एकदिवसीय कार्यशाळा दीनानाथ मंगेशकर हॉस्पिटलमध्ये पार पडली.

या कार्यशाळेमध्ये डॉ. माधव भट (अध्यक्ष, “पुणे ऑफ्थॉल्मॉलॉजिकल सोसायटी), पद्‌मश्री डॉ.अशोक ग्रोवर, डॉ. अप्जीत कौर (अध्यक्ष, ऑक्युलोप्लास्टीक असोसिएशन ऑफ  इंडिया) आदी नेत्रतज्ज्ञ उपस्थित होते. या कार्यशाळेचे आयोजन पुण्यातील आंतरराष्ट्रीय ख्यातीचे नेत्र तज्ज्ञ डॉ. रमेश मूर्ती यांनी केले होते.

या कार्यशाळेमध्ये डोळ्यांचे कॅन्सर, केमोथेरपीच्या उपचार पद्धती,  नेव्हिगेशन शस्त्रक्रिया तंत्राचा उपयोग, कॉस्मॅटिकशस्त्रक्रिया, कृत्रिम डोळे, बोटॉक्स अशा नवीन दुर्मिळ शस्त्रक्रिया पद्धती अशा विविध विषयांवर नेत्रतज्ज्ञांनी सादरीकरण केले.

या कार्यशाळेमध्ये भारत, बांग्लादेश आणि नायजेरियामधून 180 नेत्रतज्ज्ञ सहभागी झाले होते.

अश्रुंसंबंधी ग्रंथींचे व्यवस्थापन या विषयी डॉ. रघूराज हेगडे, कृत्रिम डोळे या विषयी डॉ. रमेश मूर्ती,  सौंदर्यशास्त्र संयोजन उपचार पद्धती विषयी डॉ. मिलिंद नाईक, चेहऱ्याचे वृद्धत्व या विषयी डॉ.देबराज शोमे, पापण्यांची दुर्मिळ शस्त्रक्रिया या विषयी डॉ. पूनम जैन या सारख्या अनेक महत्वाच्या शस्त्रक्रियांविषयी विविध तज्ज्ञांद्वारे मार्गदर्शन करण्यात आले.

पुणे कॅम्पमधील रेसकोर्सजवळील गुरुनानक पब्लिक स्कूल व ज्युनिअर कॉलेजचा यंदाचा दहावी आणि बारावीचा निकाल १०० टक्के लागला . यंदा दहावीमध्ये अगमजोतकौर चौधरी या विद्यार्थीने ९५ टक्के प्राप्त करून शाळेत प्रथम क्रांमाकाने उत्तीर्ण झाली . तर दुसरा क्रमांक ओमकार ओमादीने ९४ टक्केने उत्तीर्ण झाला . तिसरा क्रंमांक गुरुप्रेम सिंहने ९० टक्के गुण प्राप्त केले . शाळेत अन्य विद्यार्थीदेखील प्रथम क्रमाकाने उत्तीर्ण झाले.

बारावीच्या निकालात वाणिज्य या शाखेमध्ये प्रथम क्रमांक हरनीतसिंह जौलीने ८६ टक्के गुण मिळविले तर दुसरा क्रमांक शास्त्र शाखेतील अभिषेक लिमकर याने ८५ टक्के गुण मिळवून प्रथम क्रमांकावर राहिला .

या सर्व यशस्वी विद्यार्थ्यांचे अभिनदन शाळा समितीचे अध्यक्ष सरदार प्रकाशसिंग घई , गुरुद्वारा गुरुनानक दरबारचे अध्यक्ष हरमिंदरसिंग घई , सरचिटणीस चरणजितसिंग सहानी , शाळेचे सचिव सरदार तरमिंदरसिंग व्होरा , खजिनदार सरदार कुलजितसिंग चौधरी ,  शाळेच्या मुख्याध्यापिका सुबीनकौर जग्गी , प्रशासक भूपिंदरकौर सहानी व शाळेतील शिक्षक आणि शिक्षकेतर कर्मचारी वर्गाचे अभिनदन करण्यात आले .

शाळेच्या मुख्याध्यापिका  सुबीनकौर जग्गी यांनी निकालाबाबत सांगितले कि , शाळेतील शिक्षकांनी जादा तास घेऊन विद्यार्थ्याकडून तयारी करून घेतली . त्यासाठी पालकांशी वेळोवेळी चर्चा करण्यात आली आणि विद्यार्थ्याची माहिती पालकांना देण्यात आली . अभ्यासात कमी असणाऱ्या विद्यार्थ्याकडून जादा अभ्यास करून घेण्यात आला . या सर्व प्रयत्नातून १०० टक्के निकाल लागला .

पुणे- : जगाला सावरण्याची ताकद भारतीय संस्कृतीतच असल्याचे मत खासदार अमर साबळे यांनी व्यक्त केले.
नर्‍हे येथील डॉ. सुधाकरराव जाधवर सोशल अँँड एज्युकेशनल ट्रस्टच्या पाचव्या वर्धापन दिनानिमित्त, विविध क्षेत्रांत उल्लेखनीय कार्य करणार्‍यांचा सत्कार करण्यात आला. यामध्ये सामाजिक क्षेत्रातील पुरस्कार संजय नहार, चाटे एज्युकेशनल ट्रस्टचे फुलचंद चाटे (शैक्षणिक), योगेश टिळेकर (राजकीय) यांचा सत्कार करण्यात आला. सुधाकर जाधवर यांचाही या वेळी वाढदिवसानिमित्त सत्कार करण्यात आला. या वेळी ‘उडान’ या पुस्तकाचे प्रकाशन करण्यात आले.
साबळे म्हणाले, ”जगात क्रांती या भुकेलेल्या माणसाने केल्या आहेत. शून्यातून विश्‍व निर्माण करण्याचा ध्यास त्यांनी घेतला आहे.”
सामाजिक कार्य व राष्ट्रसेवेचे व्रत स्वीकारून राष्ट्रभक्तीचे कार्य करणार्‍या अभिमत विद्यापीठ निर्माण करण्याची संकल्पा आहे, असे सुधाकर जाधवर यांनी सांगितले.
या वेळी आमदार भीमराव तापकीर, जिल्हा परिषदेचे उपाध्यक्ष शुक्राचार्य वांजळे, सभापती मंगलदास बांदल,प्रा . फुलचंद चाटे अँड. दिलीप जगताप, माजी नगरसेवक काकासाहेब चव्हाण, नगरसेविका युगंधरा चाकणकर, विकास दांगट, अँड. दिलीप जगताप, डॉ. एकनाथ खेडेकर, सुनील जाधव, बाबासाहेब सांगळे, बाळासाहेब पोकळे, हरिदास चरवड, शैलेश पगारिया, ए. आर. सानप, भरत टिळेकर उपस्थित होते. शादरूल जाधवर यांनी प्रास्तविकात ट्रस्टच्या कार्याचा आढावा घेतला. प्राचार्य दीपक भामरे यांनी आभार मानले.