मुंबई :-  राज्यातील सुमारे 1.75 कोटी घरगुती ग्राहकांना एलईडी बल्ब वाटप योजनेचा

शुभारंभ मुख्यमंत्री  देवेद्र फडणवीस यांच्या हस्ते आज दि. 23 जून रोजी विधानभवन मुंबई येथे

करण्यात आला. या योजनेमुळे वार्षिक सुमारे 1300 दशलक्ष युनिटसच्या विजेची बचत होणार असून कमाल

मागणीच्या काळात सुमारे 500 मे.वॅ. विजेची मागणी कमी होण्यास मदत होईल. तसेच ग्राहकांची एका वर्षात

प्रतिबल्ब सुमारे 180 रुपयांची वीज बिलात बचत होणार आहे.

केंद्र सरकारने वीज बचतीसाठी घरगुती ग्राहकांना एलईडी बल्ब वाटपाची योजना जाहीर केली असून

या योजनेचा शुभारंभ मुख्यमंत्र्यांच्या हस्ते करण्यात आला. यावेळी महावितरणच्या भांडुप परिमंडलातील

ग्राहकांना प्रातिनिधीक तत्वावर मा. मुख्यमंत्र्यांच्या हस्ते एलईडी बल्बचे वाटप करण्यात आले.

या योजनेमध्ये घरगुती ग्राहकांना प्रत्येकी 7 वॅट क्षमतेचे 2 ते 4 बल्ब देण्यात येतील. हे बल्ब रु. 100

रोखीने किंवा रु. 105 या दराने मासिक योजनेच्या हप्त्यानेही घेता येतील. या योजनेमुळे बिलातून शुन्य

व्याजाने रक्कम वसूल केल्यामुळे ग्राहकांचा आर्थिक भार कमी होईल. शिवाय या योजनेचा वीज दरावर किंवा

महावितरणवर कोणताही आर्थिक बोजा येणार नाही. तसेच तीन वर्षात मोफत बल्ब बदलण्याची गॅरंटी

राहणार आहे.  केंद्र शासनाच्या EESL कंपनीद्वारे पारदर्शक निवीदा प्रक्रियेने बल्ब खरेदी करण्यात येणार आहे.

या योजनेत सहभागी होण्यासाठी ग्राहकास द्वारे व प्रत्यक्ष

कक्षावर भेटून या बल्बसाठी नोंदणी करावी लागेल. योजनेच्या अंमलबजावणीसाठी महावितरणचे शाखा

कार्यालय, बील भरणा केंद्र व इतर ठिकाणी बल्ब वाटप कक्ष उघडण्यांत येतील.EESL

कंपनीमार्फत घरपोच सेवेची व्यवस्थाही करण्यात आली आहे. महाराष्ट्रामध्ये वेगवेगळया ठिकाणी स्थानिक

पातळीवरील लोक प्रतिनिधी यांच्या सहभागाने बल्ब वाटपाचे कार्यक्रम घेण्यांत येणार आहेत.

या कार्यक्रमास केंद्रीय विदयुत संसदीय स्थायी समितीचे अध्यक्ष खासदार श्री. किरीट सोमय्या,

आमदार श्री. राज पुरोहित, अप्पर मुख्य सचिव श्री. मिना, प्रधान सचिव (ऊर्जा) श्री. मुकेश खुल्लर,

महावितरणचे व्यवस्थापकीय संचालक श्री. ओम प्रकाश गुप्ता, संचालक (प्रकल्प) श्री. प्रभाकर शिंदे, संचालक

(संचालन) श्री. अभिजीत देशपांडे, EESL चे मानव संसाधन प्रमुख श्री. ए.के. अरोरा, प्रकल्प

व्यवस्थापक श्री. दिपक कोकाटे, व्यवस्थापक श्री. शरद चंद्र, रिलायन्स व टाटा कंपनीचे अधिकारी प्रामुख्याने

उपस्थित होते.

पुणे- पहिल्या  फटका ऱ्या नंतर अनेक ठीकांनी दरडी कोसळण्याचे प्रकार होत असून पर्यटकांना  याबाबत काळजी घ्यावी लागणार आहे पुण्यातील कात्रजवळील शिंदेवाडी येथे दरड कोसळली आहे. तेथून एकेरी वाहूतूक सुरु आहे.तर आज पहाटे माळशेज घाटात दरड कोसळली आहे. त्यामुळे कल्याणमार्गे नगरला जाणारी वाहतूक ठप्प झाली आहे. दरड हटविण्याचे काम युद्ध पातळीवर सुरु आहे. पुण्यातील कात्रजवळील शिंदेवाडी येथे दरड कोसळली आहे. तेथून एकेरी वाहूतूक सुरु आहे.

पुणे: मुंबई-पुणे एक्स्प्रेस वेवरील दोन्ही बाजूची वाहतूक ठप्प झालीय. खंडाळा बोगद्याजवळ दरड कोसळल्यानं वाहतुकीवर परिणाम झालाय. एक्स्प्रेसवेवरील वाहतूक जुन्या मार्गावर वळवण्यात आली आहे.सकाळी सव्वादहाच्या सुमारास हि दुर्घटना घडली खोपोलीहून पुण्याच्या दिशेने जाणा-या एका एक्सयुव्हीवर दगड पडल्यामुळे गाडीतील दोघे जखमी झाले आहेत.यापूर्वी सन 2005 आणि 2008 मध्ये अशा प्रकारच्या दरडी कोसळ्याच्या घटना घडल्या होत्या. त्याची गंभीर दखल घेत घाटातील आठ ते दहा किलोमीटरच्या दरडप्रवण क्षेत्रात 26 हजार चौरस मीटर लोखंडी जाळी बसविण्यात आली होती. या जाळीमुळे छोटे-मोठे दगड अडत होते.

नेरळ/रत्नागिरी

माथेरानच्या पायथ्याशी नेरळमध्ये मोहाची वाडी येथे आज पहाटे ५.३० वाजता एका घराची भिंत कोसळली. या दुर्घटनेत ५ जणांचा मृत्यू झाला.तर रत्नागिरी जिल्हयातील दापोली तालुक्यातील दाभोळमध्ये तीन घरांवर आज पहाटे दरड कोसळल्याने पाच गावकऱ्यांना प्राण गमवावे लागले आहेत
मोहाची वाडी मधील किसन दिघे, सुनंदा दिघे, स्वप्नेश दिघे, अर्चना दिघे आणि जाई बाई कदम यांचा भिंतीच्या ढिगा-याखाली दबून मृत्यू झाला. प्रांताधिकारी राजेंद्र बोरकर आणि तहसीलदार रविंद्र बाविस्कर यांच्या नेतृत्वाखाली ग्रामस्थांनी तातडीने भिंतीचा ढिगारा उपसला आणि सर्व मृतदेह पोस्टमॉर्टेमसाठी पाठवून दिले.
भिंत कोसळून झालेल्या दुर्घटनेमुळे नेरळमध्ये शोकाकूल वातावरण आहे. माथेरानच्या पायथ्याशी राहणा-यांमध्ये घबराट पसरली आहे. दरम्यान खासदार श्रीरंग बारणै,पालकमंत्री प्रकाश मेहता,आमदार सुरेश लाड ,उपजिल्हाधिकारी प्रवीण शिंदे यांनी घटनास्थळाला भेट दिली.
रत्नागिरी जिल्ह्यात पावसाचा जोर कायम असून दापोली तालुक्यातील दाभोळमध्ये तीन घरांवर आज पहाटे दरड कोसळल्याने पाच गावकऱ्यांना प्राण गमवावे लागले आहेत. दरम्यान, दरड उपसण्याचे काम सध्या युद्धपातळीवर सुरू आहे.
रत्नागिरीत मुसळधार पावसामुळे दरडी कोसळण्याच्या घटनांमध्ये वाढ झाली असून दाभोळमधील टेमकरवाडीवर आज दरडीचे संकट कोसळले. लोक गाढ झोपेत असतानाच दरड कोसळल्याने डोंगराच्या पायथ्याशी असलेली घरे ढिगाऱ्याखाली गाडली गेली. या दुर्घटनेत पाच जण जागीच ठार झाले. सर्व मृतदेह ढिगाऱ्याखालून बाहेर काढण्यात आले असून ५० जणांची टीम आणि तीन जेसीबींच्या सहाय्याने सध्या ढिगारा उपसण्याचे काम केले जात आहे.

मुंबई: मालवणीमधील विषारी दारुच्या बळींची संख्या 98 वर पोहोचली आहे. या घडीला 45 जण रुग्णालयात उपचार घेत आहेत. याप्रकरणी  ममता यादव, आणि ग्रेसी आन्टी  या दोन महिलांना अटक करण्यात आली आहे. आतापर्यंत सात जणांना जेरबंद करण्यात आलं आहे. तर याप्रकरणी आधीच एकूण 8 पोलीस आणि 4 उत्पादन शुल्क अधिकाऱ्यांचं  निलंबन करण्यात आलं आहे. तसंच या संपूर्ण प्रकाराची कसून चौकशीचे आदेशही देण्यात आले आहेत.

मालाडच्या मालवणी परिसरात विषारी दारू प्यायल्यानं अनेकांची प्रकृती बिघडली. त्यानंतर सुरु असलेलं हे मृत्यूचं तांडव कायम आहे.दरम्यान, याप्रकरणातील मृतांच्या नातेवाईकांना राज्य सरकारने प्रत्येक एक लाख रुपयांची मदत देण्यात येणार आहे. मुख्यमंत्री निधीतून ही रक्कम देण्यात येणार असल्याचं, मुंबई उपनगर पालकमंत्री विनोद तावडे यांनी केली. ही मदत तातडीने पीडित कुटुंबियांना देण्यात येईल, असं तावडे म्हणाले. सोमवारी याबाबतची कागदपत्र तपासून प्रत्यक्ष मदत देण्यात येईल.दरम्यान, तावडे यांनी अतिरिक्त पोलिस आयुक् फत्तेसिंह पाटील, जिल्हाधिकारी शेखर चेन्ने आणि उत्पादन शुल्क अधिकाऱ्यांची बैठक घेतली. यामध्ये त्यांनी  याप्रकरणातील दोषींवर कडक कारवाई करा, तसंच या भागातील सर्व दारू भट्ट्या उखडून काढा, असे आदेश दिले.

काबुल -अफगाणिस्तानच्या संसदेवर दहशतवाद्यांनी हल्ला केल्याचे वृत्त आहे.संसदेच्या परिसरात चार स्फोट झाल्याची आणि गोळीबार सुरू असल्याची प्राथमिक माहिती स्थानिक वृत्तवाहिन्यांवरून देण्यात येत आहे. दहशतवाद्यांनी केलेल्या हल्ल्यावेळी संसदेचे कामकाज सुरू असल्याचेही कळते. दरम्यान, अफगाणिस्तानमधील सारे खासदार सुरक्षित असल्याचे सरकारकडून सांगण्यात आले आहे.
तालिबानने या हल्ल्याची जबाबदारी घेतली आहे. एक हल्लेखोर संसदेच्या परिसरात घुसला असल्याचेही वृत्त आहे. आतापर्यंत मिळालेल्या माहितीनुसार संसदेच्या इमारतीच्या तळभागात मोठे नुकसान झाल्याची शक्यता आहे. संसदेत हजर असलेले खासदार, अधिकारी, पत्रकार यांचे संसदेबाहेर पडण्यासाठी प्रयत्न सुरू आहेत. संसदेचे कामकाज सुरू असताना परिसरात प्रचंड सुरक्षा ठेवण्यात येते, असे असून देखील हल्लेखोर आत शिरल्याने आश्चर्य व्यक्त करण्यात येत आहे. संसदेच्या परिसरात काही लोक जखमी झाल्याचे वृत्त आहे. मात्र त्याची अधिकृत माहिती अद्याप देण्यात आलेली नाही.