पुणे महानगरपालिकेच्या विविध खात्यांतून ई -गव्हर्नन्स प्रणाली मोठ्या प्रमाणावर राबविण्यात येणार असल्याचे महापालिका आयुक्त कुणाल कुमार यांनी सांगितले.

ई-गव्हर्नन्स अंतर्गत विविध खात्यांमधून सध्या होत असलेले कामकाज व त्यात संगणकीय, ई गव्हर्नन्स अंतर्गत विविध प्रकारच्या मोबाईल अ‍ॅप्लिकेशनद्वारे कामकाजाचे नियोजन व प्रभावी कार्यपध्दती तसेच नागरी सेवांचे नागरिकांना लाभ, नागरिकांचा सहभाग याबाबत विचार करुन त्याबाबत नियोजन करण्यात येत आहे.

या नियोजना संदर्भात पीडब्लूसी या माहिती तंत्रज्ञान कंपनीच्या वतीने मनपाच्या विविध खात्यांमधील सध्याची कामकाज पध्दती, त्यात गतीशील व प्रभावी कसे बदल करता येतील, विविध प्रकारच्या मोबाईल अ‍ॅप्लिकेशनद्वारे त्याचे प्रभावी नियोजन कसे करता येईल, याबाबत पीडब्लूसी माहिती तंत्रज्ञान कंपनीने १५ मोड्युल्सद्वारे तयार केलेल्या विविध खातेनिहाय माहितीचे सादरीकरण व आढावा घेण्यात आला.

याप्रसंगी  अतिरिक्त महापालिका आयुक्त ओमप्रकाश बकोरिया तसेच  राजेद्र जगताप व सर्व खातेप्रमुख, नोडल ऑफिसर उपस्थित होते.

विविध विभागांच्या माहिती सादरीकरणावेळी मा. महापालिका आयुक्त कुणाल कुमार तसेच मा. अतिरिक्त महापालिका आयुक्त ओमप्रकाश बकोरिया तसेच  राजेद्र जगताप यांनी संबंधित खातेप्रमुख व पीडब्लूसी माहिती तंत्रज्ञान कंपनीच्या प्रतिनिधींशी चर्चा केली.

या संदर्भात मा. महापालिका आयुक्त कुणाल कुमार यांनी सांगितले की, सदरची प्रणाली प्रभावी व परिणामकारकपणे राबविणेकरिता संबंधित खातेप्रमुख, नोडल ऑफिसर व कर्मचारी यांना आवश्यक प्रशिक्षण दिले जाणार असून प्रशिक्षणानंतर किती प्रमाणात बदल, सुधारणा झालेल्या आहेत याबाबत आढावा घेतला जाईल. प्रशिक्षणार्थी, अधिकारी, कर्मचारी यांच्या प्रगतीबाबत गुणपध्दतीचा अवलंब करुन प्रगती साधली जाणार आहे. या प्रणालीचा वापर व अंमलबजावणी केल्यामुळे खात्यामधील विविध कामे जलदगतीने होणे, वेळेचा अपव्यय टाळणे, माहिती व संवादाची जलद रितीने उपयुक्तता साधणे या परिणामकारकतेमुळे नागरिकांना विविध प्रकारच्या सेवा सुविधा जलदगतीने देणे, माहिती प्रसार, विविध योजनांची व निर्णयांची माहिती, खात्यांचा नागरिकांशी प्रत्यक्ष अप्रत्यक्ष संपर्क, नागरी सहभाग व कामांचा जलदगतीने निपटारा करणेसाठी ई-गव्हर्नन्स प्रणाली उपयुक्त व प्रभावी ठरणार असल्याचे  महापालिका आयुक्त कुणाल कुमार यांनी सांगितले.

पुणे. जागतिक युवा कौशल्य दिनाच्या निमित्ताने कौशल शिबिराचे आयोजन कोहिनूर टेक्निकल इन्सटीटूटने यशवंतराव चव्हाण नाट्यगृह येथे केले होते. याप्रसंगी प्रमुख अथिती म्हणून आमदार मेधा कुलकर्णी,के. टी. आयच्या बिजनेस हेड सोनल साटेलकर,व्होकेशनल एजुकेशनल एण्ड ट्रेनिंग पुण्याचे चंद्रकांत नीताळं,दे आसरा फौंडेशनच्या प्रज्ञा गोडबोले,सल्लागार अल्का पांडे,संदीप कवडे ई. उपस्थित होते.

पुणे-जहांगीर हास्पिटल मधील रूग्णाचे ह्रदय मुंबईतील रूग्णाला प्रत्यारोपण करण्यासाठी ह्रदय घेऊन जाणार्‍या रूग्णवाहीकेला जहांगीर हास्पिटल ते पुणे विमानतळ हे अंतर अवघ्या 7 मिनिटात पार करून देऊन तत्परता दाखविल्या बद्दल पुणे शहर वाहतूक शाखेचे पोलीस उपायुक्त सारंग  आव्हाड यांचा मनजित विरदी फाऊंडेशन तर्फे पुष्पगुच्छ,  शाल व आभारपत्र देऊन सन्मान करण्यात आला.यावेळी फाऊंडेशनचे अध्यक्ष मनजितसिंग विरदी, मेजरसिंग कलेर , विकास भांबुरे, विजय भोसले, महेश जांभूळकर, सुरज अगरवाल  आदी उपस्थित होते.
“आव्हाड साहेब यांच्या मार्गदर्शनाखाली वाहतूक शाखेने दाखविलेली खाकी वर्दीतील माणूसकी कौतुकास्पद आहे” असे मनोगत मनजितसिंग विरदी यांनी यावेळी व्यक्त केले.

संगमवाडी-विश्रांतवाडी मार्गावर पीएमपीएमएलच्या नियोजना नुसार रेनबोबीआरटी च्या चाचणी फेरी सुरु झाल्या आहेत.

संगमवाडी–विश्रांतवाडी आणि सांगवी-किवळे मार्गावर १४० ट्राफिक वार्डनची टीम तैनात करण्यात आली आहे. हि टीम ट्राफिक/ रहदारीच्या नियोजना साठी, इतर वाहनांनी रेनबो बिआटी लेन मध्ये प्रवेश करण्यास मज्जाव करण्यासाठी आणि प्रवाश्यांना काही कळीच्या ठिकाणावरून रस्ता ओलांडण्यास मदत करण्यासाठी सज्ज आहे. पहिल्या काही दिवसांचा अनुभव चांगल असून, खाजगी वाहनचालकांची रेनबो बीआरटी लेन मध्ये वाहन नेण्याच्या संख्येत घट झाली आहे. वाहन चालक ट्राफिक वार्डनच्या सुचना पाळत आहेत. फक्त ज्या ठिकाणी वाहतूकीचा ताण ज्यास्त आहे तेथे काही अडचणींना तोंड द्यावे लागत असल्याची माहिती लेफ्टनंट कर्नल (निवृत्त) श्री.विनोद, वार्डन अधिकारी, पीएमपीएमएल यांनी दिली.

विश्रांतवाडी टर्मिनल येथे बस वळविताना संभाव्य वाहतूक कोंडीचा विचार करून तेथील ट्राफिक वार्डनची संख्या वाढवण्यात आली आहे. ट्राफिक वार्डन येथे ८ तासांची पाळी पूर्ण करतील, येथे बदली ट्राफिक वार्डनची व्यवस्था करण्यात आल्याने, ट्राफिक वार्डनच्या अवकाश काळात बदली ट्राफिक वार्डन बस वळविताना वाहतूक कोंडी होऊ नये याची काळजी घेतील. सांगवी-किवळे मार्गासाठीच्या ट्राफिक वार्डनची भारती प्रक्रिया पूर्ण झाली आहे. नवीन ट्राफिक वार्डनचे प्रशिक्षण ७ आणि ८ तारखेस केली जाईल, १० ऑगस्ट पासून हे आपल्या निर्धारीन मार्गावर रुजू होतील. निर्धारित रेनबो बीआरटी मार्गावर ट्राफिक वार्डनच्या कामकाजावर देखरेख करण्यासाठी भारतीय सैन्य पोलीस दलतील (निवृत्त) कार्यक्षम  पर्यावेक्षक नेमन्यात आले आहेत.रेनबो बीआरटीच्या चालकांचा कार्यप्रणालीवारही नियमित लक्ष ठेवले जात आहे. रेनबो बीआरटी चालकांना निर्देशित राखीव लेन मधून रेनबो बिआटी बस चालविणे, इतर ट्राफिकशी बसचा संबंध नसल्याने चालकांना अधिक सोयीचे आणि तणावमुक्त असल्याचे श्री सुनील बुरसे, उप कार्यकारी अधिकारी, रेनबो बीआरटी यांनी संगितले. या राखीव लेन मुळे बसला जलद गती मिळण्यात आणि इंधन बचत होण्यास मदत होत आहे. मिक्स ट्राफिक मध्ये बस चालकास वारंवार ब्रेक लावावा लागत असेल्यामूळे बस टायरची होणारी झीज कमी होण्यासही मदत होणार आहे.

रेनबो बीआरटी चालकांना बस बरोबर बस स्थानकाच्या स्वयंचालीत दरवाज्याच्याजवळ उभी करण्यासाठी (डॉकिंगी) मदत व्हावी म्हणून चालकांसाठी बस स्थानकावर निर्देशन पट्टी बसविण्यात आल्या आहेत. सध्या रेनबो बीआरटी चालक हे एक-मेकांच्या कामगिरीचे निरीक्षण करून आपले अभिप्राय एकमेकांना देत आहेत. आयटीएमएस मध्ये बसची जी. पी. एस. स्थिती प्रवाश्यांना माहिती फलकावर वेळेवर दिसण्यात येणाऱ्या तांत्रिक अडचणी दूर करण्याचे कार्य प्रगतीपथावर आहे. संगमवाडी–विश्रांतवाडी मार्गावर रोज किमान १० बस ह्या चाचणी फेऱ्या पूर्ण करत आहेत. एकूण ५८ बस आळीपाळीने चाचणी फेऱ्यामध्ये सहभागी होत आहेत.

अधिक माहिती साठी संपर्क

सौ मयुरा शिंदेकर, सी ई ओ, पी एम पी एम एल. मोबाईल – 7774003336 ई मेल ceopmpml@gmail.com

श्री मंगेश दिघे, प्रवक्ता, पुणे म न पा, बी आर टी सेल. मो: 9689931771  ई मेल brtcell@punecorporation.org

पुणे- महानगरपालिकेच्या घनकचरा व्यवस्थापन विभाग अंतर्गत राबविण्यात येत असलेल्या योजना, विविध प्रकल्प, यांची माहिती तसेच प्रकल्पांची पाहणी करणेकरिता ठाणे महापालिकेचे मा. महापालिका आयुक्त संजय जयस्वाल तसेच अतिरिक्त महापालिका आयुक्त सुनील चव्हाण, घनकचरा व्यवस्थापन विभागाचे उपायुक्त संजय हिरवाडे यांनी पाहणी केली.

महापालिका आयुक्त कार्यलयात झालेल्या बैठकीप्रसंगी महापालिका आयुक्त कुणाल कुमार यांनी पुणे महानगरपालिका घनकचरा विभागाच्या वतीने करण्यात येत असलेल्या घनकचरा प्रकल्पांविषयी, तसेच शहरातील विविध प्रकल्प, बायोगॅस प्रकल्प, खतनिर्मिती, गांडूळखत प्रकल्प अशा विविध महत्त्वपूर्ण उपाययोजना संदर्भात सविस्तर माहिती दिली.

शनिपार बसस्थानकाशेजारी विश्रामबागवाडा जुन्या कार्यलयाच्या मागील बाजूस विकसित करण्यात आलेल्या ५ टन ओला कचरा प्रक्रिया प्रकल्पाचे इकोमॅन एनव्हायरो सोलुशन प्रा.लि. या प्रकल्पास भेट दिली. याप्रसंगी विश्रामबागवाडा क्षेत्रीय कार्यालयाचे प्रभाग अध्क्षय मा. दिलीप काळोखे तसेच महापालिका सहय्यक आयुक्त संजय गावडे यांनी सविस्तर माहिती दिली.

पेशवे पार्कमधील ५ टन क्षमतेच्या ग्रीन इलेफन्त इंजिनिअरिंग प्रा.लि. बायोमेंघेशन ऑगेनिक फूड वेस्ट प्रक्रिया प्रकल्पाची, रामटेकडी औद्योगिक वसाहतीमधील १०० टन क्षमतेच्या दिशा – गांडूळखत प्रकल्पाची, तसेच नजीकच्या २ टन क्षमता असलेल्या मेकॅनिकल कॉम्पॉक्टिंग प्रकल्प – ओल्या कचऱ्यापासून खतनिर्मिती प्रकल्पाची पाहणी केली. रामटेकडी औद्योगिक वसाहतीमधील रोकेम प्रकल्पास भेट दिली असता येथील प्रकल्प व्यवस्थापक श्री.कळसकर यांनी प्रकल्पाविषयक सविस्तर माहिती दिली.

कोंढवा खुर्द येथील कुमार सबलाईम या निवासी गृहप्रकल्पातील गांडूळखत प्रकल्पाची पाहणी करणेत आली. याप्रसंगी येथील निवासी भागातील दैनदिन सुमारे ८० किलो ओला कचरा या प्रकल्पात जिरविला जातो. सुमारे ३ वर्षापासून सदरचा प्रकल्प अत्यंत यशस्वीरीत्या कार्यान्वित असल्याचे व निवासी भागातील नागरिकांचे उत्तम सहकार्य मिळत असल्याचे विवम एस.डब्लू.पप्रा.लि. च्या श्रीमती नेहा कांदळगांवकर यांनी सांगितले.