पुणे :  शासनाच्या एकात्मिक उर्जा विकास योजने अंतर्गत पुणे जिल्ह्यातील 16 शहरांतील वीजयंत्रणेचे

सक्षमीकरण व आधुनिकीकरण करण्यात येणार आहे. यासाठी पहिल्या टप्प्यातील 233 कोटी 66 लाख रुपयांचा विविध

कामांचा आराखडा मंजूर झाला आहे.

केंद्ग शासनाच्या एकात्मिक उर्जा विकास योजने अंतर्गत (Integrated Power

Development Scheme) पुणे जिल्ह्यातील पुणे, पिंपरी चिंचवड, तळेगाव दाभाडे, लोणावळा, आळंदी,

जुन्नर, दौंड, सासवड, जेजुरी, भोर, बारामती, शिरुर, इंदापूर तसेच खडकी, देहू रोड व पुणे कन्टोंनमेंट बोर्ड या 16 शहरांची

निवड करण्यात आली आहे. या शहरांत वीज वितरण यंत्रणेचे आधुनिकीकरण व सक्षमीकरण व क्षमता विस्तार करणे,

वीजहानी कमी करणे, योग्य दाबाने व 24×7 वीजपुरवठा करण्यासाठी 233 कोटी 66 लाख रुपये खर्चाच्या विविध कामांचा

आराखडा मंजूर  झाला आहे.

एकात्मिक उर्जा विकास योजने अंतर्गत पुणे जिल्ह्यातील या 16 शहरांत 9 नवीन 22/11 केव्ही क्षमतेचे उपकेंद्ग,

22/11 केव्ही क्षमतेच्या 27 उपकेंद्गाचे आधुनिकीकरण, 156 किलोमीटर नवीन 22 केव्ही वाहिन्या व वाहिन्यांचे विभाजन,

35 किलोमीटर 22 केव्ही वाहिनीची क्षमतावाढ, 32 किलोमीटर एरियल बंच केबल, 68 किलोमीटर लघुदाब वाहिन्या, 85

किलोमीटर 11 केव्ही नवीन वाहिनी व वाहिनीचे विभाजन व क्षमतावाढ, 310 नवीन वितरण रोहित्रे, 259 किलोमीटरच्या

भूमिगत वाहिन्या, 7 किलोमीटर 22 केव्ही अतिउच्चदाब उपकेंद्ग वाहिनी बे वाढविणे, 1208 नवीन लघु व उच्चदाबाचे फिडर पिलर तसेच फिडर पिलरमधून वीजजोडण्या, नवीन वीजमीटर, रोहित्रांचे व वाहिन्यांचे वीजखांब बदलणे आदी कामे

करण्यात येणार आहेत

पुणे, ’राजहंस’ प्रकाशनच्या वतीने डॉ. आशुतोष जावडेकर यांच्या ‘लयपश्‍चिमा’ या पुस्तकाचे प्रकाशन सुप्रसिध्द अभिनेत्री सोनाली कुलकर्णी यांच्या हस्ते करण्यात येणार आहे. येत्या रविवारी (ता. २५) सकाळी साडेदहा वाजता मयूर कॉलनीतील बाल शिक्षण मंदिरात हा कार्यक‘म होणार आहे.

पाश्‍चात्य जनसंगीताचा पॉप, रॉक, कंट्री, हिप हॉप आदी संगीतप्रकारांचा वेध या पुस्तकात घेण्यात आला आहे. हे संगीतप्रकार म्हणजे केवळ कानंावर पडणार्‍या सुरावटी नसून, त्या पाश्‍चात्य संस्कृतीच्या प्रवासातील वेगवेगळ्या पाऊलखुणा आहेत. संगीताची समाजाशी असलेली सांगड दाखवणारे आणि बेदरकार जगणार्‍या आणि गाणार्‍या माणसांच्या प्रतिभेतून हे संगीतप्रकार साकारले आहेत. मायकेल जॅक्सन-रिकी मार्टिनपासून मडोना-शकिरापर्यंतच्या कलाकारांच्या रंगीबेरंगी स्वरचित्रांना शब्दांतून ‘लयपश्‍चिमा’मध्ये रेखाटण्यात आले आहे. या संगीतप्रकारांचा वेध घेणारा दृक-श्राव्य कार्यक‘म डॉ. जावडेकर यावेळी सादर करणार आहेत.

पुणे : हरिणीच्या शिकारीला निघालेला वाघ एकीकडे भय तर दुसरीकडे शिकारीची ओढ, बेधुंद होऊन

धावणारया घोडयाची चपळ चाल, रूसलेल्या राधेची समजूत काढणारा कृष्ण, सर्व वाद्य शांत असताना केवळ

प्रेक्षकांच्या टाळ्यांच्या ठेक्यावर ताल धरणारी पावले असे नृत्यातील नानाविध आविष्कारांचे सादरीकरण करून

पुण्यात प्रथमच आपली कला सादर करणारया प्रसिद्ध नृत्यांगना मनीषा मिश्रा यांनी उपस्थितांची मने जिंकली.

निमित्त होते आसावरी पाटणकर यांच्या उद्गार संस्थेतर्फे आयोजित करण्यात आलेल्या ‘आवर्तन’ या कथक

मैफलीचे. बाल शिक्षण मंदिर, कोथरुड येथील सभागृहात काल हा कार्यक्रम पार पडला.

नृत्य व हावभाव याची सुरेख गोफ विणून एक परिपूर्ण कलेचे दर्शन मिश्रा यांनी आपल्या नृत्यातून घडविले.

कला ही शिकून अथवा उपजत असली तरी दैवीदेणगी लाभलेल्या कलाकारांचे सादरीकरण त्या कलेस वेगळ्या

उंचीवर नेऊन ठेवते, असाच काहीसा प्रत्यय मिश्रा यांचे नृत्य पाहताना रसिकांना आला. ताल त्रिताल, थाट,

तिहाई, बंदिश अशा कथकमधील विविध प्रकारांचे त्यांनी सादरीकरण केले. प्रकार पारंपारिक असले तरी प्रत्येक

प्रस्तुतीस ख़ास ‘मनीषा मिश्रा टच’ होता. सादरीकरणाच्या शेवटच्या पर्वात वाद्याविना केवळ प्रेक्षकांच्या

टाळ्यांच्या ठेक्यावर ताल धरून त्यांनी अनोखी नृत्यप्रस्तुती सादर केली. त्यांच्या नृत्यास पं. रवीनाथ मिश्रा

(तबला), प्रवीण कश्यप (गायन), रोहित वनकर(बासरी), फारुक खान (सारंगी), अजय पराड(संवादिनी) यांनी

सुरेल साथ दिली.

या मैफलीत आसावरी पाटणकर यांची कन्या व शिष्या मुग्धानेही आपली कला सादर केली. दुर्गास्तुतीने तीने

आपल्या नृत्याची सुरुवात केली. ताल झप ताल, सिंहावलोकन, संगीत तुकडे, कालिया दमन यासारख्या प्रसिद्ध

नृत्य प्रकारांचे मुग्धाने सादरीकरण केले. पं. रोहिणीताई भाटे यांची नृत्यरचना असणारया ‘काहे रोकत डगर

प्यारे..’ ही ठुमरीही प्रस्तुत केली. यास रसिकांनी भरभरून दाद दिली. तिहाई या प्रकाराने तीने आपल्या

नृत्यप्रस्तुतीची सांगता केली. वयाने व अनुभवाने लहान असली तरी आपले नवखेपण नृत्यातून दर्शवू न देता

अत्यंत सुरेख नृत्यप्रस्तुती सादर करून मुग्धाने प्रेक्षकांची वाहवा मिळविली. तीच्या नृत्यास पं. अरविंदकुमार

आजाद (तबला), आसावरी पाटणकर, सुरश्री जोशी (गायन), रोहित वनकर(बासरी), फारुक खान (सारंगी), अजय

पराड(संवादिनी) यांनी सुरेल साथ दिली. नृत्य, वादन आणि गायन यांच्या अनोख्या मिलाफातून रंगलेली

‘आवर्तन’ मैफल रसिक पुणेकरांसाठी अविस्मरणीय संध्या ठरली. गुरु पं. रोहिणीताई भाटे यांच्या स्मरणार्थ या

कार्यक्रमाचे आयोजन करण्यात आले होते.

देशाच्या विविध भागांमध्ये गेली पांच वर्षे यशस्वीपणे आयोजन केल्यावर आता ‘अॅक्वा लाइफ अँड मरीन स्पेशल शो’चे पुन्हा एकदा पुणे येथे आयोजन केले जात आहे. लौकिक क्रीएशन्सने आयोजित केलेले हे २५वे अॅक्वा लाइफ एक्झीबिशन पुणे येथील नळस्टॉप येथील कर्वे रोडवर सेंट क्रीस्पीन्स होम्स येथे २१ ते २५ ऑक्टोबर २०१५ दरम्यान सकाळी १० ते रात्री ९ या वेळेत होत आहे. या अनोख्या अशा प्रदर्शनासाठी प्रवेशशुल्क मात्र ७० रुपये एवढे ठेवण्यात आले आहे.

या प्रदर्शनात १५० हूनही अधिक फिश टँक आणि माशांच्या ३०० हूनही अधिक प्रजाती ठेवण्यात आल्या आहेत. यावेळी अॅक्वा लाईफमध्ये मरीन स्पेशल शो आयोजित केला गेला आहे. यावेळी ज्या दुर्मिळ जाती प्रदर्शनात असतील त्यांत ट्रिगर फिश, जेली फिश, लायन फिश, पिवळ्या शेपटीचे डॅमसेल्स, निळे डॅमसेल्स, स्टिंग रे, माता टँक, ग्रीन विंग सार्जंट, मून रेक, चेकर बोर्ड रेस, सोनेरी डोक्याचा गोबी, मूरीश आयडॉल, विम्पल, ब्लूरिंग एंजल, कुराण एंजल, ब्राऊन इल, क्लाऊन फिश, स्टोन फिश, बॅट फिश, फायर क्लाऊन आणि यलो बटरफ्लाय यांचा त्यांत समावेश आहे.

मत्स्यप्रेमींना या प्रदर्शनात माश्यांच्या दुर्मिळ प्रजाती पाहायला मिळणार आहेत. त्यांत अॅलीगेटर गार, आरोप्रियाना, ग्रे जायंट गुरामी, शोवेल नोज कॅटफीश, २ रेड आरोवाना, ब्लॅक घोस्ट आणि इतरही दुर्मिळ आकाराच्या माशांचा समावेश आहे.

अशा प्रकारच्या प्रदर्शनांचे आयोजन करून त्या माध्यमातून दुर्मिळ अशा जातींबद्दल तसेच इतरही प्राण्यांबद्दल रसिकांमध्ये असलेली जिज्ञासा शमविणे हे उद्दिष्ट असते. त्याशिवाय युवकांमध्ये समुद्रजीवनाबद्दल प्रेम निर्माण करणे, हा हेतूही त्यातून साध्य होतो, असे उद्गार ‘अॅक्वा लाइफ अँड मरीन स्पेशल शो’ या प्रदर्शनाचे आयोजक असलेल्या लौकिक क्रीएशन्सचे लौकिक सोमण यांनी काढले.

गेली पाच वर्षे या प्रदर्शनाचे आयोजन देशाच्या विविध भागांमध्ये केले जात आहे. देशाच्या कोणत्याही भागातही हे आयोजन केले गेले तरी त्याला उत्तम असा प्रतिसाद मिळतो. यावेळी पुणेकर आणि आसपासच्या उपनगरांमधील मत्स्यप्रेमींसाठी हे आयोजन केले गेले आहे.

या अनोख्या अशा प्रदर्शनासाठी प्रवेशशुल्क मात्र ७० रुपये एवढे ठेवण्यात आले आहे.

स्थळ- सेंट क्रीस्पिन्स होम्स, कर्वे रोड, नळस्टोप, पुणे

तारीख – २१ ते २५ ऑक्टोबर २०१५  ,

वेळ – सकाळी १० ते रात्री ९ वाजेपर्यंत.  

प्रवेशशुल्क – ७० रुपये

अधिक माहितीसाठी कृपया संपर्क -9096003300 / 9404683407

पुणे-पत्नी सौ.जयश्री बागुल यांची आणि मुलांची साथ   मिळाल्याने आबा बागुल सारखा कार्यकर्ता भक्कम पणे कार्यरत राहिला आणि उल्लेखनीय कार्य करू शकला हे उद्गार भाजपचे राज्यातील  समाज कल्याण राज्यमंत्री दिलीप
कांबळे यांनी काढले आहे निमित्त होते … पुणे नवरात्रो  महोत्सवातील लावणी महोत्सवाचे …

लय, अदा, नृत्य यांचा त्रिवेणी संगम असलेल्या पारंपारिक तसेच ठसकेबाज लावण्या…रसिकांनी  टाळया

आणि शिट्या वाजवून दिलेली भरभरून दाद अशा जल्लोषपूर्ण वातावरणात लावणी महोत्सव श्री गणेश कलाक्रीडा

रंगमंच  येथे संपन्न झाला.

पुणे नवरात्रौ महोत्सवांतर्गत या ‘महालावणी महोत्सवा’चे आयोजन करण्यात आले होते. पुरुषांप्रमाणेच महिलांची

उपस्थिती आणि त्यांनी टाळ्या, शिट्या व वन्समोअरने कलावंतांना दिलेली दाद याने रंगमंच दणाणून सोडले.

या रावजी…बसा भावजी, कारभारी दमानं…, आबा जरा सरकून बसा…, शिटी वाजली.., लाडाची ग लाडाची, मी कैरी

पाडाची…, सोडा राया सोडा हा नाद्खुळा…., थेंबा थेंबानं…, तुमच्या पुढ्यात कुटते मी, ज्वानीचा मसाला…. यावं यावं

दिलाच्या दिलवरा… यांसारख्या जुन्या आणि नव्या लावण्याचे बतावणीसह सादरीकरण, शांताबाई या गाजलेल्या

लोकगीताचे लेखक संजय लोंढे यांनी स्वत: हे गीत गाऊन त्यावर नाच करणाऱ्या लावणी सम्राज्ञी तसेच

कलावंतांची थिरकलेली पाऊले आणि त्यांच्या लय, अदाकारीने प्रेक्षकांना घायाळ केले. टाळ्या, शिट्या आणि

वन्समोअरने प्रेक्षकांनी रंगमंच डोक्यावर घेतले.विविध लावणी ग्रुपच्या एकाच ठिकाणी सादर झालेल्या या

दिलखेचक अदाकारीच्या आविष्काराने रसिकांना घायाळ केले.

या लावणी महोत्सवात लावणी सम्राज्ञी सुरेखा पुणेकर यांच्या नटरंगी नार,राधिका पाटील व साधना पुणेकर यांचा

यांच्या मदमस्त अप्सरा, पूनम कुडाळकर व पूजा पाटील यांच्या तुमच्यासाठी कायपण,सिनेअभिनेत्री शिवानी यांचा

लावणी महासंग्राम, टीना शर्मा व प्रिया मुंबईकर यांचा लावणी ऑन फायर तर सीमा पोटे व वसुंधरा पुणेकर

यांच्या ज्वानीचं पाखरू, या ग्रुपने सहभाग घेतला. हा लावणी महोत्सव दुपारी १२ पासून सलग १२ तास चालू

राहिला. प्रारंभी पुणे नवरात्रौ महोत्सवाचे संयोजक अध्यक्ष उपमहापौर आबा बागुल यांनी मंचावर नारळ वाढवून

पूजा केली. त्यावेळी नगरसेविका लक्ष्मीताई घोडके, लताताई राजगुरू, नगरसेवक राहुल तुपेरे तसेच मनपा

अधिकारी सतीश मानकामे आदी उपस्थित होते.

सायंकाळी लावणी महोत्सवाला विरोधी पक्षनेते राधाकृष्ण विखे पाटील,  राज्याचे समाज कल्याण राज्यमंत्री दिलीप

कांबळे, विधानपरिषदेचे गटनेते आमदार शरद रणपिसे, माजी मंत्री चंद्रकांत छाजेड, मोहन जोशी, महिला

कॉंग्रेसच्या प्रदेश उपाध्यक्ष विद्याताई पाटील, पुणे नवरात्रौ महोत्सवाचे संयोजक अध्यक्ष उपमहापौर आबा बागुल

नगरसेवक राजेंद्र शिळीमकर आदीच्या उपस्थितीत हा लावणी महोत्सव रंगला. या सर्व मान्यवरांनी लावणी

महोत्सवाचा आनंद घेतला.

यावेळी बोलताना राधाकृष्ण विखे पाटील म्हणाले, पुणे नवरात्रौ महोत्सवाचे नाव देशात झाले आहे. या महोत्सवाला

लोकप्रियता व लोकमान्यता मिळाली आहे. केवळ सांस्कृतिक क्षेत्रात काम न करता आबा बागुल यांचे सामाजिक

ऐक्याचे काम, शिक्षण क्षेत्रातील विशेषत: मनपा शाळेच्या विद्यार्थ्यांसाठी त्यांनी सुरु केलेल्या ई-लर्निंग शाळेचे

कौतुक करावे तितके थोडे आहे. या शाळेतील २७ विद्यार्थी आयआयटी मध्ये गेले यापेक्षा त्यांच्या कामाची आणखी

कोणती पावती पाहिजे. त्यांच्या प्रभागात त्यांनी राबविलेले उपक्रम हे सुद्धा अद्वितीय आहेत. त्यांचे काम

बघता त्यांना आमदार करण्याची जबाबदारी आम्हा सर्वांना घ्यावी लागेल असे आश्वासन विखे पाटील यांनी यावेळी

दिलीप कांबळे म्हणाले, आबा बागुल यांचा वॉर्ड बदलला मात्र ते सातत्याने काम करीत राहिले. पर्वती

मतदारसंघात त्यांनी त्यांच्या कामातून वेगळा ठसा उमटविला आहे. आबा व माझी मैत्री राजकारणापलीकडची

मैत्री आहे असेही त्यांनी नमूद केले. पार्वती मतदार संघात आबा बागुल यांनी सांस्कृतिक, सामाजिक, शैक्षणिक

क्षेत्रात केलेल कार्य हे उल्लेखनीय आहे असे गौरोद्गार त्यांनी काढले. त्यांच्या पत्नी सौ.जयश्री बागुल यांची त्यांना

साथ मिळाल्याने ते हे कार्य करू शकले असेही ते म्हणाले.

विधान परिषदेचे कॉंग्रेस पक्षाचे गटनेते म्हणून आमदार शरद रणपिसे यांची निवड झाल्याबद्दल त्यांचा सत्कार

यावेळी करण्यात आला.

शरद रणपिसे म्हणाले, पुणे नवरात्रौ महोत्सवाच्या माध्यमातून आबा बागुल यांनी जनतेच्या मनात एक वेगळे

स्थान निर्माण केले आहे. दिलीप कांबळे यांच्या भाषणात त्यांनी आबा व मी दोघेही गजरे विकत होतो असा

उल्लेख केला त्याचा संदर्भ देत रणपिसे म्हाणाले, गजरेवाले मंत्री होतात. आबांना जनतेचा आशीर्वाद आहे त्यामुळे

तेही निश्चित मंत्री होतील.

पुणे नवरात्रौ महोत्सवाचे संयोजक अध्यक्ष उपमहापौर आबा बागुल यांनी सर्वांचे स्वागत केले. लावणी सारखी

लोककला ही महाराष्ट्राचे भूषण असून ही लोककला विविध माध्यमातून जगभर पोहचत आहे, ही प्रत्येक मराठी

माणसासाठी अभिमानाची बाब आहे असे सांगत त्यांनी ते राबवत असलेल्या उपक्रमांची माहिती दिली.देशात अच्छे

दिन येणार की नाही माहिती नाही परंतु १९८५ साली विना दप्तराच्या शाळेची कल्पना स्व. राजीव गांधी यांनी

आणलेल्या संगणक युगामुळे मांडली गेली. देशात पहिली ई-लर्निंग शाळा सुरु करून आपण ते सिद्ध करून

दाखविले असे त्यांनी सांगितले.

यावेळी शांताबाई या गाजलेल्या लोकगीताचा  गायक संजय लोंढे यांचा सत्कार राधाकृष्ण विखे पाटील यांनी

केला. शांताबाई हे गाणे व्हाटस् अपवर फिओरात असताना हे नेमके काय आहे हे माहिती नव्हते. मात्र, संजय लोंढे

यांचे कौतुक करायला पाहिजे. सामान्य माणसाने असामान्य कर्तुत्वाला आपण दाद दिली पाहिजे असे विखे पाटील

यावेळी सर्व लावणी कलाकारांचा सत्कार राध्कृष्ण विख विखे पाटील यांच्या हस्ते करण्यात आला.

हा महोत्सव यशस्वी होण्यासाठी नंदकुमार बानगुडे, अमित बागुल, राजेंद्र बागुल, घन:शाम सावंत, नंदकुमार

कोंढाळकर, रमेश भंडारी आदी प्रमुख कार्यकर्त्यांनी विशेष परिश्रम घेतले.

पुणे नवरात्रो महोत्सवामध्ये .. लावणी महोत्सवाचे उद्घाटन रंगभूमीची पूजा करून उपमहापौर आबा बागुल यांनी केले .

या लावणी महोत्सवाची झलक दाखविणारे हे काही फोटो …

पुण्यातील मानाचा मानला जाणारा ‘पुणे लोकमान्य फेस्टिवल’ तर्फे दांडिया विथ लाईव्ह ऑर्केस्ट्राचे आयोजन येत्या 20 ऑक्टोबर रोजी सायं. ७ वा. महालक्ष्मी लाँन्स, राजाराम पुलाजवळ, कर्वेनगर येथे करण्यात आले आहे. हा कार्यक्रम विनामुल्य असून पुणे व परिसरातील तरुणायीने यात मोठ्या प्रमाणात सहभागी व्हावे असे आवाहन ‘पुणे लोकमान्य फेस्टीवल’चे संस्थापक – अध्यक्ष अॅड. गणेश सातपुते यांनी केले आहे.

‘पुणे लोकमान्य फेस्टिवलचे हे गौरवशाली १८ वे वर्ष आहे. दांडिया विथ लाईव्ह ऑर्केस्ट्रा या कार्यक्रमात आकर्षक बक्षिसे ठेवण्यात आली असून यात बेस्ट ग्रुप, बेस्ट कपल, बेस्ट किड, बेस्ट ड्रेपरी, बेस्ट मेल, बेस्ट फिमेल अशा विविध स्पर्धांचे योजन करण्यात आले आहे. मोफत  प्रवेशिकेसाठी कृपया ८८८८७२६८८६, ९६३०३८०९०२, ९९७०७५६६०६, ९९२१५६४५९१  या क्रमांकावर संपर्क करावा.